TA KƏLA 19:9 - Bibəl ta Sar̄

⁹ Nin̄ tél ədanən̄ na: Ī-tél kə̄ gogə́. Ḭ̄ ń i tə̄rā ní, ī-sāā gān̄g sarya ɓēé loojí a? Beé ɓáa j-a jə-rāāī īkɔ́ majaĺ kadə̄ tɔȳ yādə́ nin̄. Nin̄ mbəren̄ Lot kə gogə́ ba mān̄ aw̄n̄ yā tetə ta kújə.

Bible sar

⁹ Nin̄ tél ədanən̄ na: Ī-tél kə̄ gogə́. Ḭ̄ ń i tə̄rā ní, ī-sāā gān̄g sarya ɓēé loojí a? Beé ɓáa j-a jə-rāāī īkɔ́ majaĺ kadə̄ tɔȳ yādə́ nin̄. Nin̄ mbəren̄ Lot kə gogə́ ba mān̄ aw̄n̄ yā tetə ta kújə.

TA KƏLA 19:9 Referans Kwoze

Teē Ngán Israel gə̄ 2:14

Anī deē ní tél ədan na ké i náā n əndān ngār dɔdə́ nin̄ tə́ yā gān̄g sarya yādə́ ní wa, ké gír̄ i tɔ̄lən tītə̄ ń tɔ̄ləń de kə́ Ejiptə ní wa. Dan ń Moijə a̰a̰ kadə̄ gír najə̄ ní teē dɔɔ́ kɔ̄ɔ́ anī ɓōĺ rāān.

TA KƏLA 13:12

Abəram ndi i nang kə́ Kanaan tə́, ba Lot ndi i gidə ɓē gə̄ kə́ gō nang kə́ Jurdḛ tə́. Ni-aw̄ bátə́ udə kújə tandā yān Sodom.

MATIYE 7:6

Ī-lōōī tə́nī yá̰á̰ kə́ yā ɓōĺ gidə kadə̄ bísə gə̄ ō, ī-lōōī tə́nī məde yāsí gə̄ nang tə́ no kosong tə́ ō, na sōgə́ a tə́ɓān̄ njadə́ tə́ ō, télən̄ kə̄ rɔ̄sí tə́ tə́gā rə́yā̰n̄sí ō.

JEREMI 8:12

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄ sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

JEREMI 6:15

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ n a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

JEREMI 3:3

Man̄ kə́ bo ngá̰ý edə alé najə̄ yāí tə́ ō, man̄ kaw̄ ɓēé edə aĺ ō. Ba ḭ̄ ī-to gír rāā ájə́ba tə́ kə̄ noí tə́ kanjə̄ kadə̄ rɔ̄í sɔlí.

IJAI 65:5

Nin̄ ədan̄ de gə̄ na: Ī-lōō reē rɔ̄ḿ tə́ ngɔr, ī-lōō kɔdə rɔ̄ḿ. Nge ń noō a rāā majə seí alé, tām̄ m-ā m̄-rāāī kadə̄ ā ī-tél de kə́ táĺ. Dan ń m-á̰á̰ yá̰a̰ rāāsí anī, wōn̄g yāḿ butə̄ hor ō, hor wōn̄g yāḿ ní o̰o̰ kanjə̄ dəba ō.

KOHELET 10:13

A əla gír kɔr̄ najə̄ yān i kə mbóo najə̄ gēé ō, a tɔ̄l̄ ta i kə najə̄ kə́ to kɔ̄r̄ kə́ majaĺ gēé ō.

KOHELET 9:3

Kadə̄ yá̰á̰ kə́ kógə̄ḿ beē rāā de gə̄ malang tū yá̰a̰ malang ń de gə̄ a rāān̄ tə́ dɔ nang tə́ ní i yá̰á̰ kógə̄ḿ kə́ majaĺ. I yá̰á̰ ń noō n rāā adə̄ ngam i ngá̰ý kem ngán kaa Adam gə̄ tə́ ō, mbóo i kemdə́ tə́ dan ndidə́ kə kumdə́ tə́ ō ní. Ba gō tə́ anī a oyn̄ i mbéé ngóy.

Gōsə̄ najə̄ gə̄ 27:3

Mbal̄ i yá̰á̰ kə́ ɔȳ ō, nán̄g ngárə̄ḿnjēý i yá̰á̰ kə́ ɔȳ ō, banī wōn̄g yā nge kɔ̄r̄ ɔȳ tɔȳdə́ jōó mbak.

Gōsə̄ najə̄ gə̄ 17:12

Kəsō ta kó̰o̰ dā̰ úrsə kə́ ɔyn̄ ngánən gə̄ kɔ̄ɔ́ tə́ i só tə́ tɔȳ kəsō ta de kə́ mbóó kə́ kɔ̄r̄ yān gə̄ ḭḭn seneé tə́.

Gōsə̄ najə̄ gə̄ 14:16

Nge kum kedə̄ ɓōĺ yá̰á̰ kə́ majaĺ ō, tūr̄ gidən kɔ̄ɔ́ ta tə́ ō, banī de kə́ mbóo ḭḭ retə gēé kə̄ rɔ̄ yá̰á̰ tə́ rāā tɔdɔ̄ ni sōl̄ yá̰á̰ kógə̄ḿ alé.

1 SAMUEL 25:17

Adə̄ ngɔlaā ní ə̄ndā ma̰ȳ yá̰á̰ ń kadə̄ ī-rāā ní majə. Tɔdɔ̄ yá̰á̰ kə́ tōr̄ a əsō dɔ kɔ́ɔ̄jí tə́ ō dɔ de kə́ ta kújə yān tə́ gə̄ ō. Hálən nəkɔ́ majaĺ ngá̰ý, adə̄ deē asə kədan yá̰a̰ alé.

1 SAMUEL 17:44

ba ədan na: Ī-reē kə̄ rɔ̄ḿ tə́ laā ādə̄ m-ādə̄ yel̄ kə́ dɔɔ́ gə̄ ō, dā̰ kə́ bembeé gə̄ ō əsan̄ dā̰í.

TA KƏLA 11:6

Anī ni-əda na: Nin̄ malang i gír de kə́ kógə̄ḿ beē gə̄ ō, a ɔrə̄n̄ i ta kə́ kógə̄ḿ beē ō, tá yá̰á̰ ń əlan̄ gír rāā ní n toó ní, yá̰á̰ kə́ yā kɔgə̄də́ rāā yá̰a̰ malang ń a númə̄n̄ yā rāā ní a gətóo.

1 SAMUEL 2:16

Ba ré deē ní tél ədan na: Ādə̄ róōn̄ yibə̄ dā̰ ní horoó pá tá ún dā̰ ń kemií ndigə ní anī ngōn̄ ní a tél a ədan na: M-ɔ́də alé. m̄-gḛy kadə̄ ādə̄m̄ ngɔr ń toō tə́. Ba ré ī-gḛy aĺ a m-ā m̄-taā kə gúú.

EJEKIEL 16:49

Yá̰á̰ kə́ gōtə́ aĺ gə̄ ń Sodom nin̄ kə ɓē kə́ kadən tə́ gə̄ rāān̄ ní n toó: Nin̄ ɔjən̄ rɔ̄də́ ō, əsan̄ yá̰a̰ adə̄ al̄ kemdə́ ō, usədə́ yá̰a̰ aĺ ō, rāān̄ kə ngé ndoō gēé aĺ ō, kə ngé rɔ̄ tō ndoō gēé aĺ ō.