TA KƏLA 19:5 - Bibəl ta Sar̄

⁵ Nin̄ ɓārə́n̄ Lot ədanən̄ na: De gə̄ ń reēn̄ looí ndɔ̄ɔ́ laā ní, nin̄ i rá? Ī-teē sedə́ kə̄ rɔ̄jí tə́ ādə̄ jə-ɓīī sedə́ kə́ dəyá̰ tə́.

Bible sar

⁵ Nin̄ ɓārə́n̄ Lot ədanən̄ na: De gə̄ ń reēn̄ looí ndɔ̄ɔ́ laā ní, nin̄ i rá? Ī-teē sedə́ kə̄ rɔ̄jí tə́ ādə̄ jə-ɓīī sedə́ kə́ dəyá̰ tə́.

TA KƏLA 19:5 Referans Kwoze

NGÉ SARYA 19:22

Dan ń ndin̄ a əsan̄ yá̰a̰ kə rɔ̄nelēé anī, de kə́ kem ɓēé kə́ ngé rāā hál gə̄ reē gīrə̄n̄ gidə kújə əlan̄ ta naā tə́, ba əndan̄ ta róbə kə ngangá ngá̰ý. Nin̄ ədan̄ de kə́ tɔgə ɓə́gá ń i kɔ̄ɔ́ kújə́ ní na: Deē ń udə looí laā ní ī-teē seneé kə̄ rɔ̄jí tə́ laā ādə̄ jə-ɓīī seneé.

Makətūbə̄ ń Jud ndang ní 1:7

Ādə̄ əga kemsí dɔ ɓē kə́ Sodom tə́ ō, kə́ Gomor tə́ ō, ɓē gə̄ kə́ kadədə́ gə̄ tə́ ō. De kə́ kemeé gə̄ rāān̄ yá̰á̰ kə́ majaĺ tītə̄ yā de kə́ dɔ rā̰ tə́ gə̄ ń noō. Nin̄-ɓōkə́n̄ rɔ̄də́ tū sāā naā kə́ kə gō róbəneé aĺ tə́, adə̄ dəngam gə̄ a sāān̄ dəngam madə̄də́ gə̄ tām̄ yā rɔ̄nel̄ yādə́ tə́. Nin̄-əngen̄ ndéý kə́ tām̄ yā yá̰a̰ rāādə́ kə́ gō tə́ aĺ tə́. Ndéy yādə́ ní i hor kə́ to ngándáńg kə́ o̰o̰də́ ō, yá̰á̰ ń rāādə́ ní téĺ i tāā kə́ kumən unjə̄ ngá̰ý tām̄ yā de gə̄ malang tə́ ō.

IJAI 3:9

Nin̄ a sāān̄ i ger̄ ta kum deē tá yā rāań majə seneé aĺ. Yá̰á̰ ń noō ń nin̄ rāān̄ ní, reē kə nājāá dɔdə́ tə́. Nin̄ mundə̄n̄ majaĺ yādə́ alé, tītə̄ ń de kə́ Sodom gə̄ rāanəń ní ō, ədan̄ najə̄ majaĺ yādə́ ta kum de gə̄ tə́ malang ō. Yá̰á̰ ń to gō jī aĺ ní, nin̄ əndān̄ i dɔ yá̰á̰ kə́ to kum kaȳ aĺ danaá tām̄ yādə́ nin̄ kɔ́ gə̄ tə́!

LEBI GƏ̄ 18:22

Ā ī-ɓīī kə dəngam tītə̄ ń ɓīīnəń kə dəyá̰ ní alé, tɔdɔ̄ nge ń noō i yá̰á̰ kə́ gōtə́ aĺ ngá̰ý.

1 TIMOTE 1:10

ngé sāā naā loo kaya tə́ gə̄ ō, ngé sāā dəngam madə̄də́ gə̄ ō, ngé kigə de gə̄ ō, ngé sor̄ gə̄ ō, ngé túbə̄ dɔ sor̄ tə́ gə̄ ō, aláa ngé rāā yá̰á̰ kə́ rang gə̄ malang kə́ mbātə́ yá̰á̰ ndóō kə́ rɔ̄kum ō.

1 KORḚNTƏ 6:9

De kə́ súmūú aĺ gə̄ a əngen̄ loo kem Ɓē ko̰o̰ yā Nə́ɓā tə́ aĺ ní ī-gerī aĺ a? Ī-lōōī kadə̄ síndə̄sí! Ngé sāā naā loo kaya tə́ gə̄ ō, ngé rāā ɓesə̄ gə̄ ō, ngé rāā rāȳ gə̄ ō, dəngam gə̄ kə́ ngé ɓīī kə dəngam madə̄də́ gēé ō,

EJEKIEL 16:51

Yā Samari tā anī, majaĺ ń ḭ̄ ī-rāā ní, núsən gə̄gē ni-rāā alé. Ḭ̄ Jerusalem ī-rāā yá̰á̰ kə́ majaĺ ngá̰ý gə̄ tɔȳn. Sodom ō Samari ō ń nin̄ i ngákó̰ó̰í kə́ dəyá̰ gə̄ ní, ré deē əndādə́ kadií tə́ anī, ton̄ tītə̄ kə́ nin̄ rāān̄ yá̰á̰ kógə̄ḿ kə́ majaĺ aĺ beē.

2 TIMOTE 3:13

Banī de kə́ majaĺ gə̄ ō, ngé gól̄ loo gə̄ ō, a rāān̄ yá̰á̰ kə́ majaĺ i kum kə̄ kété kété ō, nin̄ a gólə̄n madə̄də́ gə̄ ō, a gólə̄n̄də́ nin̄ ō.

EJEKIEL 16:49

Yá̰á̰ kə́ gōtə́ aĺ gə̄ ń Sodom nin̄ kə ɓē kə́ kadən tə́ gə̄ rāān̄ ní n toó: Nin̄ ɔjən̄ rɔ̄də́ ō, əsan̄ yá̰a̰ adə̄ al̄ kemdə́ ō, usədə́ yá̰a̰ aĺ ō, rāān̄ kə ngé ndoō gēé aĺ ō, kə ngé rɔ̄ tō ndoō gēé aĺ ō.

JEREMI 6:15

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ n a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

JEREMI 3:3

Man̄ kə́ bo ngá̰ý edə alé najə̄ yāí tə́ ō, man̄ kaw̄ ɓēé edə aĺ ō. Ba ḭ̄ ī-to gír rāā ájə́ba tə́ kə̄ noí tə́ kanjə̄ kadə̄ rɔ̄í sɔlí.

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

LEBI GƏ̄ 20:13

Ré dəngam ɓīī kə dəngam madə̄n tītə̄ loo ɓīī kə dəyá̰ anī, nin̄ jōó mbak rāān̄ i yá̰á̰ kə́ gōtə́ aĺ ngá̰ý, adə̄ a tɔ̄lə̄n̄də́ kɔ̄ɔ́. Mósə́də́ a na̰y i dɔdə́ nin̄ kɔ́ gə̄ tə́.

2 PIYER 2:2

Ba de gə̄ ngá̰ý a unən̄ gōdə́ loo rāā háĺ kə́ majaĺ gə̄ tə́ ō, de gə̄ tə́dan̄ najə̄ dɔ gō róbə yā najə̄ kə́ rɔ̄kum tə́ sɔɔ̄ń yá̰a̰ rāādə́ ō.

2 PIYER 2:7

Lot ń i de kə́ nge rāā yá̰á̰ kə́ gō tə́ ní, ni-ɔrə̄n kum tə́ kɔ̄ɔ́. Háĺ kə́ majaĺ yā de kə́ usədə́ yá̰a̰ aĺ gə̄ kə́ ɓāl̄ yā Lot tə́ ɔr̄ wur Lot.

TA KƏLA 19:6

Lot teē kə̄ rɔ̄də́ tə́ ndágá, utə̄ ta kújə gāngəń gírən,

NDŪ NAJƏ̄ 23:17

Ni a ndi mbo̰ō̰í tə́ kem ɓē ń nelə̄n tə́ ní, loo ń ni ndigə tə́ ní. Ā ī-kə́ran alé.

1 MBAN̄G GƏ̄ 14:24

Dəngam gə̄ kə dəyá̰ gə̄ kə́ ngé rāā ájə́ba kə́ tām̄ yā ɓesə̄ gə̄ tə́ ton̄ kem ɓēé. Juda gə̄ ndájə̄n̄ háĺ kə́ majaĺ ngá̰ý gə̄ yā napar de gə̄ ń Kɔ́ɔ̄ɓē tə̄ɓādə́ kɔ̄ɔ́ yā kəya̰ń loo kadə̄ ngán Israel gə̄ ní.

1 MBAN̄G GƏ̄ 22:46

Gotə yá̰á̰ kə́ rang gə̄ ń Josapat rāā ní ndangən̄ kem makətūbə̄ kəla rāā mban̄g gə̄ kə́ Juda tə́. Ənīn̄ gotə yá̰á̰ kə́ to kɔsə gɔn gə̄ ń ni-rāā ní ō, rɔ̄ɔ̄ yān gə̄ ō,

EJEKIEL 16:50

Nin̄ télən̄ de kə́ ngé kídə̄ loo gə̄ ō, rāān̄ yá̰á̰ kə́ majaĺ gə̄ kə́ m-ásə́ tə́gā taḿ dɔ tə́ aĺ ō. Loo ń noō tə́ m̄-rāā adə̄ nin̄ gətóon̄ kɔ̄ɔ́ dɔ nang tə́, tītə̄ ń ī-gerə̄ń ní.