TA KƏLA 19:3 - Bibəl ta Sar̄

³ Banī Lot ra sedə́ gagar adə̄ aw̄n̄ ɓēé looneé. Ni-rāā yá̰a̰ kəsa ō, rāā mápá kə́ kanjə̄ kaan ō, adə̄ əsan̄.

Bible sar

³ Banī Lot ra sedə́ gagar adə̄ aw̄n̄ ɓēé looneé. Ni-rāā yá̰a̰ kəsa ō, rāā mápá kə́ kanjə̄ *kaan ō, adə̄ əsan̄.

TA KƏLA 19:3 Referans Kwoze

1 SAMUEL 28:24

Dəyá̰ ní aw̄ kə ngōn̄ man̄g kógə̄ḿ kə́ a ulə̄n kadə̄ əndā yibə̄n. Ni-əhɔ ngōn̄ man̄g ní tɔ̄l̄ láẃ kanjə̄ kɔr bā̰ā̰. Gō tə́ anī ndégə̄ ndujə̄ ló̰ȳ ba ɔr̄ makəla tə́.

NGÉ SARYA 6:19

Anī Jedeo̰ aw̄ tɔ̄l̄ ngōn̄ bə̄yā̰ ō, un ndujə̄ kem səmbē boó rāań mápá kə́ kanjə̄ kaa mápa ō. Ənī dā̰ kem keé ba ɓōkə́ manə̄n kem jóó ō, ba ɔydə́ malang reēń adə̄n gír kāgə̄ sén tə́.

HEBƏRO 13:2

Ādī dɔsí ndígə̄nal dɔ rāā mbā tə́ alé. Tɔdɔ̄ loo rāā mbā tə́ ní, de kə́rēý gə̄ rāān̄ de kə́ dɔ rā̰ tə́ gə̄ mbā kanjə̄ kadə̄ ger̄ gō.

1 KORḚNTƏ 5:8

I beé ní ādə̄ jə-rāāī nāā Pákə kə kaa mápá kə́ lōō kōkōó alé. Tɔdɔ̄ kaa kə́ lōō kōkə̄ ní i kem ndul ō, ndāńg ō. Banī ādə̄ jə-rāāī nāā Pákə kə mápá kə́ rāā kanjə̄ kənī kaa mápa kum tə́ ń i kem kə́ ndaa táĺ ō, i yá̰á̰ kə́ rɔ̄kum ō ní.

Teē Ngán Israel gə̄ 12:39

Ngán Israel gə̄ ɔrə̄n̄ ndujə̄ kə́ ló̰ȳ gə̄ ń ḭḭn̄neé Ejiptə ní makəla tə́, tɔdɔ̄ dan ń tə̄ɓān̄də́ kadə̄ teēn̄ kem ɓēé kɔ̄ɔ́ ní, nin̄-gerə̄n̄ loo ngóō kadə̄ ndujə̄ ní agə̄ aĺ ō, gerə̄n̄ loo sāā sádə̄ aĺ ō.

2 KORḚNTƏ 5:14

Tɔdɔ̄ tár yā Kərist o̰o̰ ɓē dɔjí tə́, jḭḭ ń jə-ger̄ majə ngá̰ý kadə̄ de kə́ kal kógə̄ḿ beē oy tām̄ yā de kə́ ngá̰ý gə̄ tə́ ní. Kumən na nin̄ malang oyn̄ seneé.

JA̰A̰ 12:2

Nin̄-rāān̄ yá̰a̰ kəsa tām̄ yān tə́ kem ɓē ngeé ń noō tə́. Martə a rāā i kəla nə̄ɓō yá̰a̰ kəsa, banī Lajar i dan ngé gə̄ ń ndin̄ kə Jeju ta kār̄ kəsa tə́ ní.

Najə̄ kə́ Majə yā Jeju ń Luk ndang ní 14:23

Anī kɔ́ɔ̄n ní tél ədan na kə ɔr̄ gō loo róbə gə̄ kə́ gidə ɓē tə́ ō, mbo̰ō̰ ndɔr̄ gə̄ tə́ ō, ba kə ɔsə kə de gēé ta kudə ndogó looneé, kadə̄ kem kújə yān i kə́ rosə.

Najə̄ kə́ Majə yā Jeju ń Luk ndang ní 11:8

Anī ādə̄ m-ə́dásí, ká ré ni-ḭḭ dɔɔ́ adə̄n mápá ní loo madə̄ naā yādə́ tə́ aĺ gə̄gē anī, a ḭḭ dɔɔ́ tām̄ njə́ɓā ń deē ń toō njə́ɓān ngá̰ý tə́ ní yā kadə̄n yá̰á̰ ń gḛy ní.

Najə̄ kə́ Majə yā Jeju ń Luk ndang ní 5:29

Gō tə́ anī Lebi mēr̄ rāā yá̰a̰ kəsa kə́ ngá̰ý adə̄ Jeju əsa ɓēé looneé. Ngé taā lambóo gə̄ ngá̰ý ō, de kə́ rang gə̄ ō, əsan̄ yá̰a̰ sedə́.

2 MBAN̄G 4:8

Ndɔ̄ kógə̄ḿ tə́ Elije mān̄ Sunem. Anī dəyá̰ kóməlō kógə̄ḿ kə́ ndi kem ɓē ní tə́ ɔsə seneé gar gar ta kaw̄ kəsa yá̰a̰ ɓē looneé. Əla gír ndɔ̄ ń noō tə́ ní, ré Elije mān̄ Sunem anī, a aw̄ i ɓē yā dəyá̰ ní tə́ kəsa yá̰á̰.

Teē Ngán Israel gə̄ 12:15

Ā ə́saī i mápá kə́ rāā kanjə̄ kaa mápa ndɔ̄sí sīrí. Kaa kasə a gətóo kem kújə yāsí tə́ i kə ndɔ̄ kə́ ta kəga dɔɔ́. Əla gír dɔ ndɔ̄ ń noō tə́ bátə́ kadə̄ ugə̄ń dɔ ndɔ̄ kə́ nge ko̰ sīrí tə́ ní, ré de kə́rēý əsa mápá kə́ rāā kə kaa mápá anī, a ɔrə̄n̄ kɔ́ɔ̄ kɔ̄ɔ́ dan ngán Israel gə̄ tə́.

TA KƏLA 21:8

Ngōn̄ ní tɔgə adə̄ ɔr̄nən̄ ta mba tə́. Ba ndɔ̄ ń ɔr̄nəń Isaak ta mba tə́ ní, Abəraham rāā yá̰a̰ kəsa kə́ ngá̰ý ɓāŕəń de gə̄.

TA KƏLA 19:2

ədadə́ na: Kɔ́ɔ̄ḿ gə̄, m̄-rāāsí ɓɔ́, ī-reēī ɓēé looḿ ī-tə́goī njasí ō, ī-to ī-ɓīī ō. Bírí dəloí tá úniī ta njə̄rā yāsí. Nin̄ tél ədanən̄ na: ḿm, j-a jə-ɓīī i ndágə̄ loó.

TA KƏLA 24:31

anī ədan na: Ī-reē ɓēé loojí, ḭ̄ ń Kɔ́ɔ̄ɓē rāā majə seí ní. Ī-ndi ndágá i tām̄ yā rí tə́? Mə̄kɔ́ m̄-rāā kem kújə ō, m̄-rāā loo yā jámbal yāí gə̄ ō kɔ̄ɔ́ ɓá.

TA KƏLA 26:30

Isaak rāā yá̰a̰ kəsa kə́ ngá̰ý adə̄də́, adə̄ əsan̄ ō, a̰ȳn̄ ō.