TA KƏLA 19:16 - Bibəl ta Sar̄

¹⁶ Lot a ɔr̄ bā̰ā̰ ɓáý anī, ngé kəla kə́ dɔ rā̰ tə́ kə́ jōó gə̄ ní əhɔn̄ ta jīn ō, ta jī nə̄yá̰n ō, ta jī ngánən kə́ dəyá̰ kə́ jōó gə̄ ní ō, teēn̄ sedə́ ndágá gidə ɓēé, tɔdɔ̄ Kɔ́ɔ̄ɓē ndigə kajən.

Bible sar

¹⁶ Lot a ɔr̄ bā̰ā̰ ɓáý anī, ngé kəla kə́ dɔ rā̰ tə́ kə́ jōó gə̄ ní əhɔn̄ ta jīn ō, ta jī nə̄yá̰n ō, ta jī ngánən kə́ dəyá̰ kə́ jōó gə̄ ní ō, teēn̄ sedə́ ndágá gidə ɓēé, tɔdɔ̄ Kɔ́ɔ̄ɓē ndigə kajən.

TA KƏLA 19:16 Referans Kwoze

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

TITƏ 3:5

ni-ajəjí i tām̄ yá̰á̰ kə́ gōtə́ kə́ jḭḭ̄ kɔ́ gə̄ jə-rāāī tə́ alé, banī i tām̄ kumən kə o̰o̰n tām̄ yājí tə́ tə́. Ni-ajəjí ō, rāā adə̄ j-udiī tū ndi kə kumuú kə́ kijə tə́ ō, i kə ta kūl̄ tə́go rɔ̄ yā kojə kijə ō, i kə ta kūl̄ Ndíĺ kə́ Táĺ ō.

2 KORḚNTƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist, ni ń i Bɔbə̄jí kə́ kumən o̰o̰n ngá̰ý ō, i Nə́ɓā kə́ nge sɔl̄ kem deē dan yá̰a̰ gə̄ tə́ malang ō ní.

JA̰A̰ 6:44

Deē kógə̄ḿ kə́ asə reē rɔ̄ḿ tə́ kanjə̄ kadə̄ i Bɔbə́ḿ ń əlam̄ ní n ndɔ́rə̄n kə̄ rɔ̄ḿ tə́ ní gətóo. Ba deē ń reē rɔ̄ḿ tə́ ní, oy a m-ā m̄-ndólə̄n ta ngóy ndɔ̄ gə̄ tə́.

Najə̄ kə́ Majə yā Jeju ń Luk ndang ní 18:13

Nge taā lambóó ní ra dan gə̄lā sa̰y. Ni gḛy kun kumən kə̄ dɔɔ́ dɔ rā̰ tə́ sḛ́ý aĺ bátə́, ba a ənda nganjən ō, a əda tītə̄ ń toō beé ō na: Nə́ɓā, ī-mā̰ȳ rɔ̄í dɔḿ mā nge rāā majaĺ ń toō tə́!

NŌŌ RƆ̄ 3:22

I kem majə yā Kɔ́ɔ̄ɓē kə́ ta ngóyn gətóo. Ni-a̰a̰ kum tō ndoō yā de gə̄ ngándáńg.

IJAI 63:9

Tū tápə̄ yādə́ gə̄ tə́ malang ní, i nge kəla kógə̄ḿ, aláa i de kə́ dɔ rā̰ tə́ kógə̄ḿ n ajədə́ ní alé, banī i Kɔ́ɔ̄ɓē nəkɔ́. Ni-gān̄g dɔdə́ sɔɔ̄ń tár yān ō, ka̰a̰ kum tō ndoō yān ō. Ni ətōdə́ ō, ɔsə kíĺdə́ ō, dan najə̄ yādə́ kə́ jóo gə̄ tə́.

PĀ GƏ̄ 136:1

Ī-tɔ̄yī Kɔ́ɔ̄ɓē tɔdɔ̄ ni i de kə́ majə, kem majə yān to ngándáńg.

PĀ GƏ̄ 119:60

m̄-nāgə́ m̄-rāā yá̰a̰ kə gō míndí gə̄ kanjə̄ kɔr bā̰ā̰.

PĀ GƏ̄ 118:1

Ɔ́siī gɔn Kɔ́ɔ̄ɓē tɔdɔ̄ ni i de kə́ majə ō, kem majə yān a to ngándáńg ō.

PĀ GƏ̄ 111:4

Ni ndigə kadə̄ de gə̄ terə̄n̄ kem naā dɔ yá̰á̰ kə́ yáā yān gə̄ tə́. Kɔ́ɔ̄ɓē i nge rāā kem majə ō, i nge ka̰a̰ kum tō ndoō ō.

PĀ GƏ̄ 107:1

Ɔ́siī gɔn Kɔ́ɔ̄ɓē tām̄ ni i nge kem ndaa, tɔdɔ̄ ni-rāā kem majə ngándáńg.

PĀ GƏ̄ 106:8

Ba ni ajədə́ tām̄ yā rīn tə́, ajədə́ i yā kɔjəń tɔ́gən.

PĀ GƏ̄ 106:1

Aleluya! Ɔ́siī gɔn Kɔ́ɔ̄ɓē, tɔdɔ̄ ni i nge kem ndaa ō, kem majə yān a to ngándáńg ō.

PĀ GƏ̄ 103:13

Tītə̄ ń bɔbə̄ ngán gə̄ a rāań tɔdɔ̄ ngánən gə̄ ní, tītə̄ ń toō Kɔ́ɔ̄ɓē rāā tɔdɔ̄ ngé ɓōĺ ndílən gə̄ ō.

PĀ GƏ̄ 86:15

Banī Kɔ́ɔ̄ɓē, ḭ̄ i Nə́ɓā kə́ kumií a o̰o̰ī kə de gēé ō, kə́ nge ka̰a̰ kum tō ndoō yā de gə̄ ō, kə́ nge rāā wōn̄g láẃ aĺ ō, Kem majə yāí i ngá̰ý ō, ī-ra dɔ ndūí tə́ ngá̰ý ō.

PĀ GƏ̄ 86:5

Kɔ́ɔ̄ɓē, ḭ̄ ń i de kə́ nge kem majə ō, ā ī-mā̰ȳ rɔ̄í dɔ de gə̄ tə́ ō ní, ḭ̄ ī-rāā kem majə ngá̰ý kə de gə̄ malang ń a ɓār̄nī ní.

PĀ GƏ̄ 34:12

Ngánə́ḿ gə̄, ī-reē ōōī najə̄ kɔrə̄ḿ! M-ā m-ɔ́jə́sí loo ɓōĺ ndíĺ Kɔ́ɔ̄ɓē.

1 YÁ̰A̰ GƏ̄ 16:34

Ī-tɔ̄yī Kɔ́ɔ̄ɓē tɔdɔ̄ ni i nge kem majə ō, kem majə yān a to ngándáńg ō.

NDŪ NAJƏ̄ 4:31

Tɔdɔ̄ Kɔ́ɔ̄ɓē Nə́ɓā yāsí i Nə́ɓā kə́ kumən a o̰o̰n, adə̄ ni a əya̰sí kɔ̄ɔ́ aĺ ō, a nujə sesí kɔ̄ɔ́ malang aĺ ō. Madə̄ naā ń ənī míndən rāań kə kaasí gēé ní dɔn a ndígə̄nal aĺ ō.

TƏ́DA 14:18

Kɔ́ɔ̄ɓē i de kə́ nge rāā wōn̄g láẃ aĺ ō, nge rāā kem majə ngá̰ý ō, nge kəndā njan dɔ yá̰á̰ kə́ gōtə́ aĺ kə́ deē rāā tə́ ō, dɔ dum̄ naā yā deē tə́ ō. Banī deē ń najə̄ əhɔn̄ ní, a mbəre najə̄ dɔn tə́ kɔ̄ɔ́ aĺ ō, yá̰á̰ kə́ majaĺ gə̄ ń bəra ngán gə̄ rāān̄ ní, a ənda ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō najə̄n tə́.

Teē Ngán Israel gə̄ 34:6

Kɔ́ɔ̄ɓē mān̄ no Moijə tə́, anī əda kə ndū boó na: Mā i Kɔ́ɔ̄ɓē, mā i Kɔ́ɔ̄ɓē. Mā i Nə́ɓā kə́ kumḿ a o̰o̰m̄ kə deé ō, kə́ m-á̰a̰ kum tō ndoō yā deē ō, kə́ m-ā m̄-rāā wōn̄g láẃ aĺ ō, mā m̄-rāā kem majə ngá̰ý ō, mā i de kə́ m̄-ra dɔ ndūḿ tə́ ō.

Makətūbə̄ ń Pol ndang adə̄ Rom gə̄ ní 9:18

Adə̄ deē ń Nə́ɓā gḛy ka̰a̰ kum tō ndoō yān ní a, Nə́ɓā a a̰a̰ kum tō ndoō yān ō, deē ń Nə́ɓā gḛy rāā kadə̄ kemən ngan̄g ngóróró ní a, a rāā kadə̄ kemən a ngan̄g ngóróró ō.

JOJUE 6:22

Jojue əda ngé kum̄ loo kə́ jōó gə̄ ń əndān̄ ma̰ȳ dɔ nang kə́ Jeriko ní na: Údiī kújə yā Rahab ń i dəyá̰ ájə́ba ní tə́, ba ī-teēī seneé ndágá, ī-teēī kə ngéén gēé malang ndágá ō, tītə̄ ń ə̄nīiń ndūsí ādīiń ní.

2 PIYER 2:7

Lot ń i de kə́ nge rāā yá̰á̰ kə́ gō tə́ ní, ni-ɔrə̄n kum tə́ kɔ̄ɔ́. Háĺ kə́ majaĺ yā de kə́ usədə́ yá̰a̰ aĺ gə̄ kə́ ɓāl̄ yā Lot tə́ ɔr̄ wur Lot.

TA KƏLA 19:15

Ta gír loo tə́ anī, de kə́ dɔ rā̰ tə́ gə̄ ní ran̄ kə Lotó ta teē kɔ̄ɔ́ kem ɓēé, ədanən̄ na kə un nə̄yá̰n ō, kə ɔy ngánən kə́ dəyá̰ kə́ jōó gə̄ ō, ba kə aw̄n̄ na sōgə́ oyn̄ kem ɓē ń a nujə tə́ ní.

Teē Ngán Israel gə̄ 34:7

M-ā m̄-rāā majə kə de gēé ō, kə ngáńdə́ gēé ō, bátə́ ugə̄ń dɔ gír kojə yādə́ kə́ nge ko̰ dūbú tə́ ō, tɔdɔ̄ m-ā m̄-tə́gā taḿ dɔ yá̰á̰ kə́ gōtə́ aĺ gə̄ ń a rāān̄ tə́ ní ō, dɔ mbātə́ najə̄ yādə́ gə̄ tə́ ō, majaĺ yādə́ gə̄ tə́ ō. Banī deē ń najə̄ i dɔn tə́ ní, m-ā m̄-rāān de kə́ najə̄ gətóo dɔn tə́ tə́ alé. Deē ń rāā majaĺ ní, m-ā m-ə́ndá ngánən gə̄ ō, ngán kaan gə̄ ō, kaa gugūn gə̄ ō, kaa dɔgən gə̄ ō, tām̄ majaĺ ní tə́.

NDŪ NAJƏ̄ 5:15

Ɓəlo ń ī-rāā dɔ nang kə́ Ejiptə tə́ á Kɔ́ɔ̄ɓē Nə́ɓā yāí ɔrī kum tə́ kɔ̄ɔ́ kə tɔ́gə jīneé ō, kə jīn kə́ kəla kə̄ dɔɔ́ ō ní, ādə̄ dɔí ndígə̄nal alé. I tām̄ najə̄ ń noō tə́ n ni ədaīneé na kə ɔ̄r̄ koō ndɔ̄ sabat tə́ ní.

NDŪ NAJƏ̄ 6:21

Anī ī-téĺ ə́daīdə́ na: Kété ní jḭḭ i ɓəlo gə̄ yā mban̄g Parao̰ dɔ nang kə́ Ejiptə tə́, banī Kɔ́ɔ̄ɓē teē sejí kɔ̄ɔ́ Ejiptə kə tɔ́gə jīneé.

NDŪ NAJƏ̄ 7:8

Ba ré Kɔ́ɔ̄ɓē teē sesí kɔ̄ɔ́ kem ɓē ń ī-rāāī ɓəlo tū tə́ ní tə́ kə tɔ́gə jīneé ō, ré ni-taāsí kɔ̄ɔ́ jī Parao̰ ń i mban̄g kə́ Ejiptə tə́ ní əya̰sí dɔɔ́ ō anī, kumən na Kɔ́ɔ̄ɓē táŕsí ō, ra dɔ ndūn ń ənī adə̄ kaasí gə̄ ní tə́ ō.

PĀ GƏ̄ 32:10

Yá̰á̰ kə́ tōr̄ ngá̰ý gə̄ a rāān̄ deē ń ɓōĺ ndíĺ Nə́ɓā aĺ ní. Ba Kɔ́ɔ̄ɓē a rāā kem majə kə deē ń əndā kemən dɔn tə́ ní ngándáńg.

PĀ GƏ̄ 33:18

Banī Kɔ́ɔ̄ɓē əndā kumən̄ gō ngé gə̄ ń ɓōlə́n̄ ndílən ō, əndān̄ kemdə́ dɔ kem majə yān tə́ ō ní.

PĀ GƏ̄ 33:19

Adə̄ a ɔr̄də́ kɔ̄ɔ́ ta yo tə́ ō, a ajədə́ ɓāl̄ ɓō tə́ ō.

TA KƏLA 43:10

Ń toō nə́ngē tə́ n-ɔrən̄ na i bā̰ā̰ aĺ anī, n-aw̄n̄ ō n-télən̄ ō nja na i jōó kɔ̄ɔ́ ɓá.