TA KƏLA 19:12 - Bibəl ta Sar̄

¹² Ngé kəla kə́ dɔ rā̰ tə́ kə́ jōó gə̄ ní ədan̄ Lot na: I náā yāí n i laā ɓáý ní? I umií aké i ngání kə́ dəngam gə̄, aké i ngání kə́ dəyá̰ gə̄? Ngééí gə̄ malang ń kem ɓē ń toō tə́ ní, ī-teē sedə́ kɔ̄ɔ́.

Bible sar

¹² Ngé kəla kə́ dɔ rā̰ tə́ kə́ jōó gə̄ ní ədan̄ Lot na: I náā yāí n i laā ɓáý ní? I umií aké i ngání kə́ dəngam gə̄, aké i ngání kə́ dəyá̰ gə̄? Ngééí gə̄ malang ń kem ɓē ń toō tə́ ní, ī-teē sedə́ kɔ̄ɔ́.

TA KƏLA 19:12 Referans Kwoze

TA KƏLA 7:1

Kɔ́ɔ̄ɓē əda Noe na: Údiī kem to boó, ḭ̄ ō, deē yāí gə̄ malang ō, tɔdɔ̄ i ḭ̄ ngóy n i de kə́ súmūú ta kumḿ tə́ dan de kə́ dɔ nang tə́ gə̄ tə́.

JEJU TEĒ KUM JA̰A̰ 18:4

Anī m-ōō ndū de kə́ rang dɔ rā̰ tə́ əda na: Sḭḭ̄ gír deē yāḿ gə̄, ī-teēī kɔ̄ɔ́ kem ɓē ń toō tə́ na sōgə́ ī-rāāī majaĺ ń ni-rāā ní ō, yá̰á̰ kə́ tōr̄ ń əndān̄ dɔ danaá tām̄ yān tə́ ní rāāsí ō.

2 PIYER 2:7

Lot ń i de kə́ nge rāā yá̰á̰ kə́ gō tə́ ní, ni-ɔrə̄n kum tə́ kɔ̄ɔ́. Háĺ kə́ majaĺ yā de kə́ usədə́ yá̰a̰ aĺ gə̄ kə́ ɓāl̄ yā Lot tə́ ɔr̄ wur Lot.

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

TƏ́DA 16:26

Moijə əda de gə̄ na: Ī-ndɔ́tiī kɔ̄ɔ́ kadə kújə yā ngé kem ndul gə̄ ń noō tə́. Ī-lōōī kɔdə rɔ̄ yá̰a̰ yādə́ kógə̄ḿ, na sōgə́ óyiī sedə́ loo ń Nə́ɓā a əndadə́ tām̄ yá̰á̰ kə́ majaĺ gə̄ malang ń nin̄ rāān̄ tə́ ní.

TA KƏLA 19:17

Dan ń teēn̄ sedə́ ndágá oy anī, de kə́ dɔ rā̰ tə́ kógə̄ḿ əda Lot na: Ā̰ȳ ájəń rɔ̄í. Ī-lōō mbel ka̰a̰ loo kə̄ gogə́ ō, ī-lōō dəba kum ndágə mdō tə́ ō, ba ā̰ȳ kum kə̄ mbalá na sōgə́ óy.

JEREMI 32:39

M-ā m-ādə̄də́ ngarā̰ kem ō, háĺ kə́ kógə̄ḿ beē ō, yā kadə̄ ɓōlə́n̄neé ndílə́ḿ ngándáńg tām̄ yā majə yādə́ tə́ ō, tām̄ majə yā ngáńdə́ gə̄ kə́ gotədə́ tə́ ō.

TA KƏLA 19:22

Āw̄ láẃ ī-ɓɔ̄ɔ̄ rɔ̄í kemeé. M-ā m̄-rāā yá̰á̰ kógə̄ḿ alé bátə́ kadə̄ ré údə kemeé pá tá. I tām̄ najə̄ ń noō tə́ n əndānəń rī ɓē ní na i Soar ní.

TA KƏLA 19:14

Lot aw̄ ənge umən gə̄ ń nongən̄ ngánən kə́ dəyá̰ gə̄ ní, ədadə́ na kə ḭḭn̄ dɔɔ́ kə teēn̄ kɔ̄ɔ́ kem ɓē ń toō tə́, na Kɔ́ɔ̄ɓē na a nujəń kɔ̄ɔ́. Ba umən gə̄ ndin̄ tītə̄ kə́ ni a ɔr̄ i najə̄ kɔsə kum beé.

TA KƏLA 19:11

Ba rāān̄ adə̄ kum de gə̄ ń ran̄ ta kújə́ tə́ ní a̰a̰ loo alé, əla gír dɔ ngé kə́ dūú gə̄ tə́ bátə́ ugə̄ń dɔ ngé kə́ tɔgə gə̄ tə́, adə̄ nin̄ sāān̄ ta kújə́ sétə́, əngen̄ alé.

TA KƏLA 19:13

Sekə́n̄ de kə́ kemeé gə̄ ngá̰ý rɔ̄ Kɔ́ɔ̄ɓē tə́, adə̄ ni əlají kadə̄ jə-nujəń kɔ̄ɔ́.

JEREMI 51:45

Sḭḭ̄ ń i gír deē yāḿ gə̄ ní, ī-teēī kɔ̄ɔ́ kem ɓēé, ādə̄ náā nəkɔ́ ɓáa njan adə̄n. Tɔdɔ̄ wōn̄g yā Kɔ́ɔ̄ɓē ḭḭ seneé kə ngangá ngá̰ý.