TA KƏLA 18:5 - Bibəl ta Sar̄

⁵ Tītə̄ ń ī-mānī i ta loo yāḿ tə́ ɓá ní, m-ā m-ādə̄sí yá̰á̰ sḛ́ý kadə̄ ə́saī, kadə̄ ə́ngeīń tɔ́gə́ tá úniīń ta njə̄rā yāsí. Nin̄ tél ədanən̄ na: Ī-rāā tītə̄ ń ə́dań noō.

Bible sar

⁵ Tītə̄ ń ī-mānī i ta loo yāḿ tə́ ɓá ní, m-ā m-ādə̄sí yá̰á̰ sḛ́ý kadə̄ ə́saī, kadə̄ ə́ngeīń tɔ́gə́ tá úniīń ta njə̄rā yāsí. Nin̄ tél ədanən̄ na: Ī-rāā tītə̄ ń ə́dań noō.

TA KƏLA 18:5 Referans Kwoze

NGÉ SARYA 13:15

Manoa əda nge kaw̄ kəla yā Kɔ́ɔ̄ɓē na kə ngóōdə́ sḛ́ý kadə̄ kə n-tɔ̄lə̄n̄ ngōn̄ bə̄yā̰ kə n-rāā n-adə̄nən̄.

PĀ GƏ̄ 104:15

Kasə nduú rāā adə̄ rɔ̄ de gə̄ nel̄də́ ō, rāā adə̄ ta kumdə́ ndə́lē tɔȳ yibə̄ kə́ ndum ō, yá̰a̰ kəsa tél adə̄də́ tɔ́gə ō.

NGÉ SARYA 19:5

Teē kə ndɔ̄ kə́ nge ko̰ sɔ́ anī ḭḭn̄ dɔɔ́ kə gír looí ɓatə. Ba dan ń ngōn̄ Lebi ní a rāā yā kɔr̄ dɔɔ́ anī, bɔbə̄ dəyá̰ ní ədan na kə əsa yá̰á̰ sḛ́ý kadə̄ tɔ́gə̄n kə to pá tá kə aw̄n̄ ɓáý.

NGÉ SARYA 6:18

m̄-rāāī ɓɔ́ ī-ra laā ī-ngóōm̄ ādə̄ m̄-reē kə yá̰a̰ ndējə̄ yāḿ m-ādī pá tá āw̄. Kɔ́ɔ̄ɓē tél kədan na: M-ā m̄-rā laā yā ngóōī.

TA KƏLA 33:10

Ba Jakob tél ədan na: I beé alé, m̄-rāāī ɓɔ́! Ré ə́hɔm̄ kemií tə́ to̰ aĺ anī, ī-taā yá̰á̰ ń m-ādī karī ní. Kənge ń m-ə́ngeī ní to i tītə̄ loo kənge naā kə Nə́ɓāá, tɔdɔ̄ ī-rāā kem majə seḿ ngá̰ý.

TA KƏLA 19:8

Ngánə́ḿ kə́ dəyá̰ gə̄ kə́ gerə̄n̄ dəngam aĺ ɓáý gə̄ i jōó. M-ā m̄-reē sedə́ yā kadə̄sí kadə̄ ī-rāāī yá̰á̰ ń kemsí ndigə ní sedə́. Banī ī-rāāī yá̰á̰ kógə̄ḿ kə de gə̄ ń toō alé, tɔdɔ̄ nin̄ i mbā yāḿ gə̄.

IJAI 3:1

Yá̰a̰ kəsa kə́ kəndā dɔ jī ō, man̄ ō, kə́ kem ɓē kə́ Jerusalem tə́ ō, kə́ kem ɓē ko̰o̰ kə́ Juda tə́ ō ní, Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, a ɔy malang kɔ̄ɔ́. Yá̰a̰ malang ń nin̄ əndān̄ tɔ́gə́də́ dɔ tə́ ní, ni a taā jīdə́ tə́ kɔ̄ɔ́:

MATIYE 6:11

Ādə̄jí yá̰a̰ kəsa yājí kə́ ɓōólaā.

TA KƏLA 18:6

Loo ń noō tə́ Abəraham téĺ láẃ, aw̄ gō Sara tə́ kújú, ədan na: Ī-ndégə̄ ndujə̄ kə́ lándə̄ láẃ ādə̄ asə kem kār̄ tɔ̄jə̄ yá̰á̰ kə́ bo nja mətá. Ī-ló̰ȳ ba ī-tə́nā bəran.

NGÉ SARYA 6:19

Anī Jedeo̰ aw̄ tɔ̄l̄ ngōn̄ bə̄yā̰ ō, un ndujə̄ kem səmbē boó rāań mápá kə́ kanjə̄ kaa mápa ō. Ənī dā̰ kem keé ba ɓōkə́ manə̄n kem jóó ō, ba ɔydə́ malang reēń adə̄n gír kāgə̄ sén tə́.

NGÉ SARYA 13:16

Anī nge kaw̄ kəla yā Kɔ́ɔ̄ɓē əda Manoa na: Ré ə́hɔm̄ mbā gə̄gē anī m-ā m-ə́sá yá̰a̰ yāí alé. Ba ré ī-ndigə anī ī-róō dā̰ horoó ī-ndējə̄ Kɔ́ɔ̄ɓē. Manoa ger̄ kadə̄ i nge kaw̄ kəla yā Kɔ́ɔ̄ɓē alé.

1 MBAN̄G GƏ̄ 17:11

Dəyá̰ ní a aw̄ kə̄ sāā man̄ ní tə́ anī, Eli ɓāŕ gōn ba ədan na kə reē kə gūrū mápá dɔ tə́ kə adə̄n.