TA KƏLA 18:1 - Bibəl ta Sar̄

¹ Kɔ́ɔ̄ɓē ndɔ̄bə̄ Abəraham mbo̰ō̰ kāgə̄ sén gə̄ kə́ Mamre tə́. Abəraham ndi i ta kújə yān tə́. Loo i dan kadə ndaa.

Bible sar

¹ Kɔ́ɔ̄ɓē ndɔ̄bə̄ Abəraham mbo̰ō̰ kāgə̄ sén gə̄ kə́ Mamre tə́. Abəraham ndi i ta kújə yān tə́. Loo i dan kadə ndaa.

TA KƏLA 18:1 Referans Kwoze

TA KƏLA 14:13

Deē kógə̄ḿ dan ngé gə̄ ń a̰ȳn̄ naā tə́ ní aw̄ əda Abəram ń i Hebəro ní najə̄ ní. Abəram ndi i kem kāgə̄ sén gə̄ yā Mamre tə́. Mamre tá i Amor. Ni i ngōkó̰o̰ Esəkol ō, Aner ō. Nin̄ mətá mbak əhɔn̄ madə̄ naā kə Abəram.

TA KƏLA 13:18

Abəram ndɔ́tə̄ kə kújə tandā yān gēé, aw̄ ndi ɓē mbo̰ō̰ kāgə̄ sén gə̄ kə́ Mamre tə́ kadə Hebron tə́ ngɔr. Ni-ɔy kūbə̄rū mbal̄ gə̄ tə́ndā dɔ naā tə́ loo ń noō tə́, rāań loo tun̄ yá̰a̰ tām̄ yā Kɔ́ɔ̄ɓē tə́.

TA KƏLA 48:3

Əda Jəjep na Nə́ɓā kə́ bo kə́ tɔ́gən i ngá̰ý na ndɔ̄bə̄n Lujə, dɔ nang kə́ Kanaan tə́, na əda najə̄ kə́ majə dɔn tə́.

TA KƏLA 26:2

Anī Kɔ́ɔ̄ɓē ndɔ̄bə̄n ədan na: Ī-lōō kaw̄ Ejiptə tə́, ba ī-ndi dɔ nang ń m-ā m-ɔ́jiī tə́ ní.

KƏLA RĀĀ 7:2

Anī Etiyen əda na: Ngákó̰ó̰ḿ gə̄ ō, bɔbə́ḿ gə̄ ō, ōōī. Dan ń kaají Abəraham i dɔ nang kə́ Mesopotami tə́ ɓáý tá kadə̄ aw̄ ndi Haran ní, Nə́ɓā kə́ to kɔsə gɔn ndɔ̄bən noó ba ədan na:

2 YÁ̰A̰ GƏ̄ 1:7

Nə́ɓā ndɔ̄bə̄ Salomo̰ ndɔ̄ ń noō tə́ ndɔ̄ɔ́ ba ədan na: Yá̰á̰ ń kemií gḛy ní i rí anī ī-dəjem̄ ādə̄ m-ādī!

TA KƏLA 17:22

Dan ń Nə́ɓā ɔr̄ najə̄ kə Abərahamaá gír gān̄g anī, əya̰n ba aw̄.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

Teē Ngán Israel gə̄ 4:1

Moijə tél əda Kɔ́ɔ̄ɓē na ngán Israel gə̄ na a taān̄ kemən aĺ ō, a oōn̄ najə̄ yān aĺ ō, a ədanən̄ na Kɔ́ɔ̄ɓē na ndɔ̄bən aĺ ō.

HEBƏRO 11:9

I kə ta kūl̄ taā kem n ni-aw̄ ndi tītə̄ tə̄rā beé, dɔ nang ń Nə́ɓā ənī míndən dɔ tə́ adə̄n ní. Ni-ndi i kem kújə tandā tə́ tītə̄ yā Isaak ō, Jakob ō ń. Nə́ɓā ənī míndən yā kadə̄də́ dɔ nang ń toō tītə̄ yān ō ní.

HEBƏRO 13:2

Ādī dɔsí ndígə̄nal dɔ rāā mbā tə́ alé. Tɔdɔ̄ loo rāā mbā tə́ ní, de kə́rēý gə̄ rāān̄ de kə́ dɔ rā̰ tə́ gə̄ mbā kanjə̄ kadə̄ ger̄ gō.

TA KƏLA 18:22

Mbā gə̄ ní, kə́ jōó gə̄ aw̄n̄ kum kə̄ Sodom, banī Kɔ́ɔ̄ɓē tá na̰y gogə́ kə Abərahamaá.

TA KƏLA 20:1

Abəraham aw̄ dɔ nang kə́ Negeb tə́ aw̄ ndi dɔ dán Kades nin̄ kə Sur tə́. Gō tə́ anī, aw̄ ndi Gerar sḛ́ý to̰.

TA KƏLA 35:27

Jakob ugə̄ rɔ̄ bɔbə̄n Isaak tə́ Mamre, kadə Kiryat Arba ń a ɓārə́n̄ na i Hebron ní tə́. I loo ń Abəraham ō, Isaak ō, ndin̄ tū tə́ kété ní.

JOJUE 5:13

Ndɔ̄ kə́rēý tə́ Jojue i kadə ɓē kə́ Jeriko tə́ ngɔr ni-ɔr̄ dɔn dɔɔ́ anī, a̰a̰ deē kógə̄ḿ ra non tə́ kə kaskar kə́ kɔr̄ kɔ̄ɔ́ kem kɔ̄pən tə́ jīn tə́. Jojue aw̄ rɔ̄n tə́ ba dəjen najə̄ əda na: Ḭ̄ i de kə́ dām̄ yājí tə́ aké ḭ̄ i de kə́ dām̄ yā madə̄ ba̰ā̰jí gə̄ tə́?