TA KƏLA 17:8 - Bibəl ta Sar̄

⁸ Dɔ nang kə́ Kanaan ń ḭ̄ i mbā tū tə́ toō, m-ā m-ādī ḭ̄ ō, ngán kaaí gə̄ ń a utə̄n̄ gōí ní ō. Dɔ nang ní a tél i dɔ nang yādə́ kə́ njɔ́ḿ gə̄ tə́ ō, mā i Nə́ɓā yādə́ ō.

Bible sar

⁸ Dɔ nang kə́ Kanaan ń ḭ̄ i mbā tū tə́ toō, m-ā m-ādī ḭ̄ ō, ngán kaaí gə̄ ń a utə̄n̄ gōí ní ō. Dɔ nang ní a tél i dɔ nang yādə́ kə́ njɔ́ḿ gə̄ tə́ ō, mā i Nə́ɓā yādə́ ō.

TA KƏLA 17:8 Referans Kwoze

LEBI GƏ̄ 26:12

M-ā m̄-njə̄rā dɔ dáńsí tə́, mā i Nə́ɓā yāsí ō, sḭḭ̄ i gír deē yāḿ gə̄ ō.

PĀ GƏ̄ 105:11

dan ń ni-əda na: M-ādī dɔ nang kə́ Kanaan ń i núsə dɔ nang kə́ gān̄g kadə̄sí kə ngánsí gə̄ ō, ngán kaasí gə̄ ō, kadə̄ i yá̰a̰ kənge yāsí ní!

Teē Ngán Israel gə̄ 6:7

M-ā m̄-rāāsí gír deē yāḿ gə̄ tə́ ō, mā i Nə́ɓā yāsí ō. Ā ī-gerī kadə̄ i mā n i Kɔ́ɔ̄ɓē Nə́ɓā yāsí, nge kɔr̄sí ta kəla ngámbá tə́ dɔ nang kə́ Ejiptə tə́ kɔ̄ɔ́ ní.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

NDŪ NAJƏ̄ 29:13

Madə̄ naā kə́ rāā kə kənī ndūú danaá ń toō m̄-rāā i sesí sḭḭ̄ ngóy alé,

NDŪ NAJƏ̄ 26:18

Ni-rāā adə̄ ə̄nī ndūí ādə̄n ō, ə́da na ḭ̄ i gír deē yān, nge ń ni ɓārə́n na i yá̰a̰ kənge yān kə́ gātə̄n i ngá̰ý ní ō, ə̄nī ndūí yā ngɔ̄məń gō míndən gə̄ malang ō.

NDŪ NAJƏ̄ 14:2

Tɔdɔ̄ sḭḭ̄ i gír de kə́ ɔrə̄n̄ kam̄sí tayā gə̄ tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ ní.

TA KƏLA 13:15

Dɔ nang malang ń á̰a̰ā̰ noó, m-ā m-ādə̄sí sḭḭ̄ kə ngán kaaí gēé, kadə̄ i yá̰a̰ yāsí njɔ́ḿ.

PĀ GƏ̄ 105:9

Əga kemən dɔ madə̄ naā ń ni-əhɔ kə Abəraham, á ni túbə̄ njan adə̄ Isaak ɔjənneé kadə̄ i madə̄ naā kə́ rɔ̄kum ní.

NDŪ NAJƏ̄ 4:37

Nəkɔ́ teē sesí kɔ̄ɔ́ dɔ nang kə́ Ejiptə tə́ kə ta kūl̄ tɔ́gən kə́ ngá̰ý tɔdɔ̄ ni tár kaasí gə̄ ō, gə̄rasí sḭḭ̄ ngán kaadə́ gə̄ ní.

TA KƏLA 28:4

Kadə̄ majə ń ni-rāā kə Abəraham ní ni-rāā seí ō, kə ngání gə̄ ō, kə ngán kaaí gə̄ ō, tá kadə̄ dɔ nang ń Nə́ɓā adə̄ Abəraham á ḭ̄ i mbā tū tə́ toō téləń dɔ nang yāí.

TA KƏLA 13:17

Ḭ́ḭ dɔɔ́, ī-njə̄rā á̰a̰ loo, á̰a̰ ngālən ō, laan ō, tɔdɔ̄ m-ā m-ādī loo ní.

2 SAMUEL 23:5

Yá̰á̰ ń Nə́ɓā rāā kə kojə yāḿ ní n toó. Ni-əhɔ madə̄ naā kə́ a to ngándáńg seḿ. tə́ndā ndū najə̄ gə̄ dɔ tə́ ō, ɔjə loo ngɔ̄mən majə ō. I ni n rāā adə̄ m̄-tetə rɔ̄ɔ̄ ō, rāā yá̰a̰ malang kə́ nel̄ de gə̄ ō ní.

NDŪ NAJƏ̄ 32:8

Dan ń Nə́ɓā kə́ dɔɔ́ sa̰y ngá̰ý gán̄g dɔ nang adə̄ nápar de gə̄ ō, ɔr̄ kam̄ de gə̄ naā tə́ ō ní, əndā dɔ nin̄ loo yā gír de gə̄ i kə gō kutə ngán Israel gēé.

TƏ́DA 25:13

I madə̄ naā kə́ əndān kem kəla tun̄ yá̰á̰ tə́ kə ngánən gēé ō, ngán kaan gēé ō, kə́ njɔ́ḿ gə̄ tə́. Tɔdɔ̄ ni-rāā jang kum gotə Nə́ɓā yān ō, rāā yá̰a̰ kutə dɔ majaĺ yā ngán Israel gə̄ ō.

Teē Ngán Israel gə̄ 40:15

Ā úr yibə̄ ní dɔdə́ tə́ tītə̄ ń úrəń dɔ bɔbə̄də́ tə́ ní yā kəndāńdə́ kem kəla tun̄ yá̰a̰ yāḿ tə́. Yibə̄ ń ā úr dɔdə́ tə́ noō a rāā kadə̄ nin̄ gə̄gē, ngáńdə́ gə̄gē, a ndin̄ i kem kəla tun̄ yá̰a̰ yāḿ tə́ ngándáńg.

TA KƏLA 48:4

Ədan na n-a n-adə̄n ngán gə̄ ngá̰ý kadə̄ na a téĺ gír de kə́ ngá̰ý gə̄ ō, dɔ nang ń noō na n-adə̄ ngán kaan gə̄ gotən tə́ kadə̄ na i yādə́ tə́ ngándáńg ō.

TA KƏLA 23:4

Mā i nge nam̄ dɔ dáńsí tə́, adə̄ ādə̄mī bāá yāsí kógə̄ḿ tə́ ādə̄ m̄-dubə̄ń nīń nə̄yá̰ḿ.

HEBƏRO 9:15

I tām̄ najə̄ ń toō tə́ n Kərist i nge ra mbənā tə́ tām̄ yā madə̄ naā kə́ kíjə tə́ ní. Adə̄ i tām̄ yā madə̄ naā kə́ kijə tə́. Ni-oy i yā gāngə̄ń dɔ ngé gə̄ ń mānə̄n̄ dɔ ndū najə̄ gə̄ yā madə̄ naā kə́ kété tə́ ní, adə̄ ngé gə̄ ń ɓārə́n̄də́ ní a əngen̄ yá̰á̰ kə́ to ngándáńg ń Nə́ɓā ənī míndən dɔ tə́ yā kadə̄ ngánən gə̄ ní.

PĀ GƏ̄ 103:17

Banī kem majə yā Kɔ́ɔ̄ɓē kə́ tām̄ yā ngé ɓōĺ ndílən gə̄ tə́ əla gír i jóo ō, a to ngándáńg ō. Háĺ kə́ gōtə́ yān to tām̄ yā ngán kaadə́ gə̄ tə́ ō,

LEBI GƏ̄ 16:34

Nge ń noō i ndū najə̄ kə́ a to ngándáńg tām̄ yāsí tə́. Ā ī-rāāī yá̰á̰ ń ndū najə̄ ń toō əda ní nja kógə̄ḿ kə dɔ ɓāl̄ gə̄, yā kutə̄ń dɔ majaĺ gə̄ malang ń ngán Israel gə̄ rāān̄ ní. Aaro̰ rāā yá̰a̰ malang ń Kɔ́ɔ̄ɓē əda Moijə ní.

Teē Ngán Israel gə̄ 21:6

kɔ́ɔ̄n a aw̄ seneé ta róbə́ kújə́ tə́ ta kum Nə́ɓā tə́, yā kəndā mbīn tū kāgə̄ ta róbə́ kújə́ tə́ yā mbutə kə nēmé. Loo ń noō tə́ ni a tél ɓəlo yā kɔ́ɔ̄n i kə́ kə́ njɔ́ḿ gə̄ tə́ gə̄ tə́.

KƏLA RĀĀ 7:5

Nə́ɓā adə̄n loo dɔ nang ní tə́ alé, loo kə́ laan asə kə da nja deé gə̄gē adə̄n alé. Dan ngeé ń noō tə́ ní Abəraham ənge ngōn̄ aĺ ɓáý ɓá tā ba, Nə́ɓā ənī míndən yā kadən ni ō, ngán kaan gə̄ ń a reēn̄ gōn tə́ ní ō, dɔ nang ń toō yá̰a̰ haladə́ tə́.

JEJU TEĒ KUM JA̰A̰ 21:7

Deē ń tetə rɔ̄ɔ̄ anī, a ənge man̄ ní. Mā i Nə́ɓā yān ō, ni i ngōnə̄ḿ ō.

TA KƏLA 26:24

Kɔ́ɔ̄ɓē ndɔ̄bə̄n ndɔ̄ɔ́ ədan na: Mā i Nə́ɓā yā bɔbí Abəraham. Ī-lōō ɓōĺ yá̰á̰ kógə̄ḿ, tɔdɔ̄ mā i naā tə́ seí, adə̄ m-ā m̄-rāā majə seí. M-ā m̄-rāā kadə̄ ngání gə̄gē, ngán kaaí gə̄gē, a bəlan̄ tām̄ táŕ ń m̄-tár nge kəla yāḿ Abəraham tə́ ní.

TA KƏLA 36:7

Tɔdɔ̄ yá̰a̰ kənge yādə́ i ngá̰ý al̄ naā, adə̄ asə kadə̄ ndinə̄ń naā tə́ aĺ ō, loo ń nin̄ i mbā tū tə́ ní asə tām̄ yādə́ tə́ to̰ aĺ ō, najə̄ yá̰a̰ kul̄ yādə́ gə̄ tə́.

TA KƏLA 37:1

Jakob ndi i dɔ nang kə́ Kanaan tə́, loo ń bɔbə̄n i mbā tū tə́ kété tə́ ní.

Teē Ngán Israel gə̄ 13:11

Kɔ́ɔ̄ɓē a aw̄ sesí kadə̄ ūgī dɔ nang yā Kanaan gə̄ tə́ ō, a adə̄sí dɔ nang ní tītə̄ ń ənīń ndūn adə̄ kaasí gə̄ ō, adə̄sí sḭḭ̄ kɔ́ gə̄ ō ní. Loo ń noō tə́

Teē Ngán Israel gə̄ 29:45

M-ā m̄-ndi dan ngán Israel gə̄ tə́ ō, mā i Nə́ɓā yādə́ ō.

Teē Ngán Israel gə̄ 32:13

Kadə̄ kə əga kemən dɔ ngé kəla yān gə̄ tə́: Abəraham ō, Isaak ō, Jakob ō, ń nəkɔ́ túbə̄ kə rɔ̄neé ənīń ndūn adə̄də́ əda na ngán kaadə́ gə̄ na a rosən̄ loo tītə̄ tə́yō̰ gə̄ kə́ dɔ rā̰ tə́ ō, ədadə́ na dɔ nang ń na ɔr̄ najə̄n sedə́ ní na a adə̄ ngán kaadə́ gə̄ kadə̄ tél yá̰a̰ yādə́ kə́ kə́ njɔ́ḿ gə̄ tə́ gə̄ tə́ ní ō.

NDŪ NAJƏ̄ 9:5

I tām̄ kəla rāāsí kə́ gōtə́ tə́, aké ngarā̰ kemsí kə́ súmūú tə́ n ā ī-taāīneé dɔ nang yādə́ ní alé. Kɔ́ɔ̄ɓē a tə̄ɓā nápar de gə̄ ń noō kɔ̄ɔ́ nosí tə́ i tām̄ háĺdə́ kə́ majaĺ tə́ ō, i tām̄ míndən ń ənī adə̄ kaasí gə̄ Abəraham ō, Isaak ō, Jakob ō ní tə́.

JEREMI 25:5

Ni ədasí na: Ī-tūrī háĺsí kə́ majaĺ gə̄ ō, ə́ya̰ī gō kəla rāāsí kə́ gōtə́ aĺ gə̄ ō kɔ̄ɔ́, anī ā ī-ndiī dɔ nang ń Kɔ́ɔ̄ɓē adə̄sí sḭḭ̄ ō, kaasí gə̄ ō, kété jóo, i kə́ njɔ́ḿ gə̄ tə́ ní.

JEREMI 31:1

Kem ndɔ̄ gə̄ ń noō tə́ ní, m-ā m̄ tél Nə́ɓā yā gír kojə gə̄ malang kə́ Israel tə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

TA KƏLA 35:27

Jakob ugə̄ rɔ̄ bɔbə̄n Isaak tə́ Mamre, kadə Kiryat Arba ń a ɓārə́n̄ na i Hebron ní tə́. I loo ń Abəraham ō, Isaak ō, ndin̄ tū tə́ kété ní.

Teē Ngán Israel gə̄ 6:4

Gō tə́ m-ə́hɔ madə̄ naā sedə́ yā kadə̄də́ dɔ nang kə́ Kanaan ń ndin̄ tū tə́ tītə̄ tə̄rā kə́ ngé nam̄ gə̄ ní ō.

LEBI GƏ̄ 14:34

Dan ń ā ūgī dɔ nang kə́ Kanaan n m-ādə̄sí tə́ ní, ba m̄-rāā adə̄ kújə́ kógə̄ḿ kə́ dɔ nang yāsí tə́ əɓa mə̄rō anī,

TƏ́DA 10:29

Moijə əda Hobab ngōn̄ umən kə́ dəngam kə́ Madian ń rīn na i Rewel ní na: J-a j-aw̄ i kə̄ ɓē ń Kɔ́ɔ̄ɓē ənī míndən dɔ tə́ yā kadə̄jí ní tə́. Ī-reē āw̄ sejí na j-a jə-rāā majə seí, tɔdɔ̄ Kɔ́ɔ̄ɓē ənī míndən yā rāā majə kə Israel.

TƏ́DA 27:12

Kɔ́ɔ̄ɓē əda Moijə na: Āl̄ dɔ mbal̄ Abarim ń noō tə́, ba á̰a̰ dɔ nang ń m-ā m-ādə̄ ngán Israel gə̄ ní.

NDŪ NAJƏ̄ 32:49

Āw̄ dɔ mbal̄ Abarim gə̄ ń ran̄ kə ta naá tə́ ní, ba āl̄ ta tél mbal̄ Nebo ń ra sɔɔ̄n̄ ta naā kə ɓē kə́ Jeriko dɔ nang kə́ Moab tə́ ní, ba á̰a̰ dɔ nang kə́ Kanaan ń m-ādə̄ ngán Israel gə̄ kadə̄ i yá̰a̰ kənge yādə́ ní.

NDŪ NAJƏ̄ 34:4

Tā anī Kɔ́ɔ̄ɓē ədan na: Dɔ nang ń m-ə̄nī ndūḿ dɔ tə́ m-ādə̄ Abəraham ō, Isaak ō, Jakob ō, m-ə́dádə́ na, m-ā m-ādə̄ ngán kaadə́ gə̄ ní n toó. M-ɔ́jiī ḭ̄ kadə̄ á̰a̰ā̰ kə kumií, ba ā ə̄ndā njaí tū tə́ alé.

JOJUE 1:2

Nge kəla yāḿ Moijə oy kɔ̄ɔ́, adə̄ ngɔlaā ní i ḭ̄ n ə̄ndā dɔ rɔ̄í danaá yā teē bā Jurdḛ kə ngán Israel gēé yā kaw̄ sedə́ dɔ nang ń m-ādə̄də́ tə́ ní.

1 YÁ̰A̰ GƏ̄ 16:18

Dan ń ni-əda na: M-ādī dɔ nang kə́ Kanaan ń i núsə dɔ nang kə́ gān̄g kadə̄sí kə ngánsí gə̄ ō, ngán kaasí gə̄ ō, kadə̄ i yá̰a̰ kənge yāsí ní

EJEKIEL 11:20

I beé n ā úniīń gō ndū najə̄ ń m-ādə̄sí ní ō, ā ə̄ndāiń kumsí gír jī bēl̄ loo rāā yá̰a̰ yāḿ gə̄ tə́ ba ā úniīń gō ní ō. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.

EJEKIEL 33:24

Ḭ̄ ngōn̄ deē, ōō! Gotə de gə̄ ń na̰yn̄ á ndin̄ Israel tə́ kə̄ kem ɓē bo gə̄ kə́ nujə kɔ̄ɔ́ gə̄ tə́ ní, ə́dan na: Kété ní Abəraham i kə kérneé banī ɓē malang i yān. Ba jḭḭ̄ ń i ngá̰ý ní, majə kadə̄ i jḭḭ̄ n ɓē i yājí ngɔlaā ní.

JAKARI 8:8

M-ā m̄-tél yā reē sedə́ gogə́, kadə̄ a ndin̄ kem ɓē kə́ Jerusalem tə́. Nin̄ a télən̄ gír deē yāḿ gə̄ ō, mā i Nə́ɓā yādə́ kə́ nge ra dɔ ndūn tə́ ō, kə́ nge rāā yá̰á̰ kə́ gōtə́ ō.