TA KƏLA 17:5 - Bibəl ta Sar̄

⁵ A ɓāríīn̄ Abəram to̰ alé, ba a ɓāríīn̄ na i Abəraham, tɔdɔ̄ m-ā m̄-rāāī kadə̄ ā ī-tél kaa nápar de gə̄ kə́ ngá̰ý gə̄.

Bible sar

⁵ A ɓāríīn̄ Abəram to̰ alé, ba a ɓāríīn̄ na i Abəraham, tɔdɔ̄ m-ā m̄-rāāī kadə̄ ā ī-tél kaa nápar de gə̄ kə́ ngá̰ý gə̄.

TA KƏLA 17:5 Referans Kwoze

NEHEMI 9:7

I ḭ̄ Kɔ́ɔ̄ɓē Nə́ɓā n ī-gə̄rā Abəram ní. I ḭ̄ n ī-rāā ādə̄ ni teē kɔ̄ɔ́ kem ɓē kə́ Ur tə́, dɔ nang kə́ Kalde tə́, ba ə̄ndā rīn na i Abəraham dɔn tə́ ní.

TA KƏLA 17:15

Gō tə́ anī Nə́ɓā əda Abəraham na: Ā ī-ɓāŕ nə̄yá̰í Sarai to̰ alé, ā ī-ɓārə́n na i Sara.

TA KƏLA 32:28

Deē ní dəjen na ké rīn na i rí wa. Anī Jakob tél ədan na rīn na i Jakob.

JEJU TEĒ KUM JA̰A̰ 2:17

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.

Makətūbə̄ ń Pol ndang adə̄ Rom gə̄ ní 4:17

tītə̄ ń makətūbə̄ yā Nə́ɓā ədań ní. Ndangən̄ na: I ḭ̄ n m-ā m̄-rāā kadə̄ ā ī-tél kaa gír de kə́ ngá̰ý gə̄ ní. Ni i kaají ta kum nge ń ni-taā kemən tə́ ní, i Nə́ɓā kə́ nge ndól̄ de kə́ koy gə̄ ō, kə́ nge kəndā yá̰a̰ gə̄ ń gətóon̄ ní ō.

JEREMI 20:3

Dan ń teē kə ndɔ̄ kə́ nge ko̰ jōó anī, Pasəhur reē tútən tə́ tū kāgə̄ tə́. Jeremi ədan na: Kɔ́ɔ̄ɓē ɓāríī na i Pasur to̰ alé, ba na i Ɓōĺ kə́ al̄ naā kə̄ loo gə̄ tə́ malang.

JA̰A̰ 1:42

Ni-aw̄ kə Simo̰ rɔ̄ Jeju tə́. Jeju a̰a̰ Simo̰ anī əda na: Ḭ̄ i Simo̰ ngōn̄ Ja̰a̰, ba a ɓāríīn̄ na i Kepas, kumən na i Mbal̄.

JEREMI 23:6

Ɓāl̄ yān tə́ ní, ngán Juda gə̄ a ajən̄ ō, ngán Israel gə̄ a ndin̄ kanjə̄ sōl̄ yá̰á̰ kógə̄ḿ ō. Ōōī rī ń a ɓār̄nən̄neé ní: Kɔ́ɔ̄ɓē i gōtə́ yājí.

IJAI 65:15

Ngé gə̄ ń m̄-gə̄rādə́ ní a unən̄ rīsí i yā ndɔ̄lə́nń deē ngóy, nin̄ a ədan̄ na: Ādə̄ Kɔ́ɔ̄ɓē Nə́ɓā rāā adə̄ óy tītə̄ yā deē ń toō, aláa tītə̄ yā de kə́ rang ń toō! Banī ngé gə̄ ń rāān̄ kəla adə̄mə̄n̄ ní, tām̄ yādə́ tə́ ɓáa a unən̄ i rī kə́ rang.

2 SAMUEL 12:25

adə̄ əla əda Dabid najə̄n. Deē ń Kɔ́ɔ̄ɓē əlan ní i nge koō ta yān Natan. Ni-əndā rī ngōn̄ ní na i Yedidia tām̄ tár yā Kɔ́ɔ̄ɓē ní tə́. Kum Yedidia ní na i Kɔ́ɔ̄ɓē tárən.

TƏ́DA 13:16

De gə̄ ń Moijə əladə́ kəndā ma̰ȳ nang kə́ Kanaan tə́ ní, rīdə́ n noó. Moijə ənda rī Hose ngōn̄ Nun na i Jojue.

TA KƏLA 35:10

Nə́ɓā ədan: Rīí na i Jakob, ba a ɓāríīn̄ na i Jakob to̰ alé, a ɓāríīn̄ na i Israel. Adə̄ Nə́ɓā əndā rīn na i Israel,

TA KƏLA 32:29

Deē ní ədan: Rīí na i Jakob to̰ alé. A ɓāríīn̄ na i Israel, tɔdɔ̄ ḭ̄ ī-rɔ̄ɔ̄ kə Nə́ɓāá ō, kə de gēé ō, ba tɔ́gí tɔȳ yādə́.

1 YÁ̰A̰ GƏ̄ 1:27

Tera i bɔbə̄ Abəram ń gō tə́ anī əndān̄ rīn na i Abəraham ní.