TA KƏLA 17:1 - Bibəl ta Sar̄

¹ Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

Bible sar

¹ Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

TA KƏLA 17:1 Referans Kwoze

PILIPƏ 4:13

Yá̰a̰ gə̄ ń noō malang ní, m-ásə kundə́ dɔḿ tə́ kɔ̄ɔ́, kə ta kūl̄ Kərist nge kadə̄m̄ tɔ́gə.

EPEJƏ 3:20

Nə́ɓā asə rāā yá̰á̰ malang ń jə-dəjein̄ aláa jə-gírī ní. Ni-asə rāā kadə̄ tɔȳ dɔ. Ba a rāā yá̰a̰ gə̄ ní i kə ta kūl̄ tɔ́gə́ ń a rāā kəla kemjí tə́ ní.

TA KƏLA 6:9

Gotə najə̄ yā Noe n toó: Noe i de kə́ súmūú ō, najə̄ gətóo dɔn tə́ dan de kə́ ɓāl̄ yān tə́ gə̄ tə́ ō. Ni njə̄rā kə Nə́ɓāá.

Najə̄ kə́ Majə yā Jeju ń Luk ndang ní 1:6

Nin̄ jōó mbak i de kə́ súmūú gə̄ ta kum Nə́ɓā tə́. Gō míndə gə̄ malang yā Kɔ́ɔ̄ɓē ō, yá̰a̰ malang ń Kɔ́ɔ̄ɓē əda kadə̄ yā rāā ō ní, nin̄-tetən̄ rɔ̄də́ gō tə́ rāān̄ kə gōó majə, adə̄ najə̄ gətóo dɔdə́ tə́.

PĀ GƏ̄ 116:9

Kadə̄ m̄-njə̄rań ta kum Kɔ́ɔ̄ɓē tə́ dɔ nang yā ngé ndi kə kumuú gə̄ tə́.

MATIYE 5:48

I beé ní majə kadə̄ sḭḭ̄ i de kə́ ī-majə ɔ̄tī kə taá gə̄, tītə̄ ń Bɔbə̄sí kə́ dɔ rā̰ tə́ i de kə́ majə ɔtə̄ kə taá ní.

IJAI 38:3

Kɔ́ɔ̄ɓē, m̄-rāāī ɓɔ́, ādə̄ əga kemií dɔ tə́ na m̄-rā dɔ ndūḿ tə́ ta kumií tə́ kə kem kə́ kanjə̄ kēgə̄. Yá̰á̰ ń ta kumií tə́ i yá̰á̰ kə́ majə ní m̄-rāā. Tá Ejekias nōō ngá̰ý ɓáý to̰.

Makətūbə̄ yā Job 1:1

Kété ní dəngam kógə̄ḿ ndi dɔ nang kə́ Us tə́, a ɓāŕnən̄ na i Job. Ni i de kə́ najə̄ gətóo dɔn tə́. I de kə́ súmūú ō, i de kə́ ɓōĺ ndíĺ Nə́ɓā ō, i de kə́ nge mbātə́ rāā yá̰á̰ kə́ majaĺ ō.

TA KƏLA 18:14

Yá̰á̰ kə́rēý kə́ dum̄ Nə́ɓā i noó a? Ɓāl̄ kə́ gogə́ tə́ m-ā m̄-tél yā reē ɓēé looí, ɓáa Sara a aw̄ kə ngōn̄ kə́ dəngam kógə̄ḿ jīn tə́.

NDŪ NAJƏ̄ 18:13

Banī ḭ̄ ní ādə̄ hálí kə́ kə Kɔ́ɔ̄ɓē Nə́ɓā yāí i kə́ kanjə̄ najə̄ dɔ tə́.

MATIYE 19:26

Jeju əndā kumən dɔdə́ tə́ a̰a̰də́ ba ədadə́ na: A dum̄ de gə̄, banī yá̰á̰ kə́ dum̄ Nə́ɓā gətóo.

JEREMI 32:17

Á Kɔ́ɔ̄ɓē Nə́ɓā, i ḭ̄ n ī-rāā dɔ rā̰ ō, dɔ nang ō, kə ta kūl̄ tɔ́gí kə́ ngá̰ý ɔ́jəń tɔ́gí kə̄ ndágá ní. Yá̰á̰ kə́ dum̄ tɔ́gí gətóo.

TA KƏLA 28:3

Ādə̄ Nə́ɓā kə́ bo kə́ tɔ́gən i ngá̰ý rāā majə seí ō, adī ngán gə̄ ngá̰ý kadə̄ ī-tél kaa gír de kə́ ngá̰ý gə̄ ō!

2 MBAN̄G 20:3

Kɔ́ɔ̄ɓē ādə̄ əga kemií na m̄-njə̄rā kə̄ ta kumií tə́ i kə háĺ kə́ gōtə́ ō, kə kem kə́ súmūú ō, m̄-rāā yá̰á̰ kə́ nelī ō. Gō tə́ anī Ejekias nōō ngá̰ý kə man̄ kumneé.

1 MBAN̄G GƏ̄ 3:6

anī Salomo̰ tél əda Kɔ́ɔ̄ɓē na: Kɔ́ɔ̄ɓē, ī-rāā kem ndaa ngá̰ý kə bɔbə́ḿ Dabid nge kəla yāí. Tɔdɔ̄ ni-ra dɔ ndūn tə́ ō, kə́ gōtə́ ō, kə́ súmūú ō seí. Kem ndaa yāí kə́ ngá̰ý ní to gotoó tām̄ yān tə́, adə̄ ɓōólaā ādə̄n ngōn̄ kógə̄ḿ adə̄ ndi dɔ kōr̄ kāgə̄ mbang yān tə́ gotən tə́.

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

TA KƏLA 35:11

ba əda na: Mā i Nə́ɓā kə́ bo kə́ tɔ́gə́ḿ i ngá̰ý. M-ā m-ādī ngán gə̄ ngá̰ý adə̄ ā ī-tél kaa nápar de kə́ ngá̰ý gə̄ ō, kaa de kə́ gíŕ nápar de kə́ ngá̰ý gə̄ ō. Ā ī-tél kaa mban̄g gə̄.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

HEBƏRO 12:28

Tām̄ najə̄ ń toō tə́, jḭḭ̄ ń j-əngeī i ɓē ko̰o̰ kə́ a yéȳ aĺ ní, ādə̄ jə-ndadə̄ j-adī Nə́ɓā ō, jə-rāāī kəla j-adə̄niī kə gō nelə̄n ō. J-ənī kemjí j-adə̄niī ō, jə-ɓōlíī ndílən ō.

KƏLA RĀĀ 24:16

I tām̄ najə̄ ń noō tə́ n m-ā m-ə́hɔń rɔ̄ḿ tɔgə ngándáńg kadə̄ najə̄ gətóoń dɔḿ tə́ ta kum Nə́ɓā tə́ ō, ta kum de gə̄ tə́ ō ní.

TA KƏLA 48:15

Israel tɔ́r̄ tan dɔ Jəjep tə́, əda na: Kadə̄ Nə́ɓā ń kaan Abəraham nin̄ kə bɔbə̄n Isaaká njə̄rān̄ kə̄ non tə́ ní, kadə̄ Nə́ɓā ń ngɔ̄mən bátə́ ɓōólaā ní,

TA KƏLA 12:1

Kɔ́ɔ̄ɓē əda Abəram na: Ə́ya̰ nang yāí ō, ngééí gə̄ ō, ɓē yā bɔbí ō, ba āw̄ dɔ nang ń m-ā m-ɔ́jiī tə́ ní.

TA KƏLA 5:24

Henok njə̄rā kə Nə́ɓāá ba ta tɔ̄l̄ ta anī ni gətóo, tɔdɔ̄ Nə́ɓā unən kɔ̄ɔ́.

KƏLA RĀĀ 23:1

Pol əndā kumən dɔ ngé sarya kə́ bo gə̄ tə́ ba əda na: Ngákó̰ó̰ḿ gə̄, hálə́ḿ ń m̄-mgɔ̄m̄ ta kum Nə́ɓā tə́ bátə́ ɓōólaā ní, kemḿ ɔjəm̄ ngōn̄ yá̰á̰ kógə̄ḿ sḛ́ý kə́ majaĺ dɔ tə́ alé.

PĀ GƏ̄ 115:3

Nə́ɓā yājí i dɔ rā̰ tə́. Yá̰a̰ malang ń ni ndigə rāā ní ni-rāā.

Makətūbə̄ yā Job 11:7

Ásə ger̄ rúú Nə́ɓā a? Ásə ger̄ bo Nə́ɓā kə́ tɔ́gən i ngá̰ý a?

1 MBAN̄G GƏ̄ 2:4

Loo ń noō tə́ Kɔ́ɔ̄ɓē a rāā yá̰á̰ ń ni-ənī míndən yā rāā kadə̄m̄ ní. Ni ədam̄ na ré ngánə́ḿ gə̄ ngɔ̄mə̄n̄ háĺdə́ majə ba njə̄rān̄ kə́ de kə́ sew gə̄ tə́ kə̄ non tə́ kə ngarā̰ kemdə́ mámák ō, kə dā̰ rɔ̄də́ malang ō anī, na m-ā m̄-nal deē kógə̄ḿ kə́ gír yāḿ tə́ dɔ kōr̄ kāgə̄ mbang kə́ Israel tə́ alé.

NDŪ NAJƏ̄ 10:17

Tɔdɔ̄ i Kɔ́ɔ̄ɓē Nə́ɓā yāsí n i Nə́ɓā yā nə́ɓā gə̄ ō, Kɔ́ɔ̄ɓē yā kɔ́ɔ̄ ɓē gə̄ ō ní. Ni i Nə́ɓā kə́ bo ō, tɔ́gən i ngá̰ý ō, to ɓōĺ ngá̰ý ō, a sāā ger̄ ta kum deē tá yā rāań majə seneé aĺ ō, ni i nge mbātə́ yá̰á̰ kə́ kəla nang tə́ kadə̄ deē kadə̄ rāań yá̰a̰ ō.

TƏ́DA 11:23

Kɔ́ɔ̄ɓē tél əda Moijə na: Tɔ́gə́ Kɔ́ɔ̄ɓē asə aĺ a? Ń toō ní ā á̰a̰ā̰ ké najə̄ ń m-ə́daī ní a rāā yá̰a̰ aké a rāā yá̰a̰ aĺ wa.

Teē Ngán Israel gə̄ 6:3

Dan ń m̄-ndɔ̄bə̄ Abəraham ō, Isaak ō, Jakob ō ní, nin̄-ger̄mə̄n̄ i kə rīḿ ń na i Nə́ɓā kə́ bo kə́ tɔ́gən i ngá̰ý ní, ba rīḿ ń na i Kɔ́ɔ̄ɓē ní tá nin̄-gerə̄n̄ alé.

TA KƏLA 18:1

Kɔ́ɔ̄ɓē ndɔ̄bə̄ Abəraham mbo̰ō̰ kāgə̄ sén gə̄ kə́ Mamre tə́. Abəraham ndi i ta kújə yān tə́. Loo i dan kadə ndaa.

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

1 MBAN̄G GƏ̄ 8:25

Ngɔlaā ní, Kɔ́ɔ̄ɓē Nə́ɓā yā Israel, ī-rāā yá̰á̰ ń ə̄nī ndūí yā rāā kadə̄ bɔbə́ḿ Dabid nge kəla yāí ní. Ə̄nī ndūí ə́da na ré ngánən gə̄gē ngán kaan gə̄gē na rāān̄ háĺ kə́ súmūú seí tītə̄ ń nəkɔ́ Dabid na rāań seí ní anī, deē kógə̄ḿ dandə́ tə́ na a ndi ta kumií tə́ dɔ kōr̄ kāgə̄ mbang yā ngán Israel gə̄ tə́ ngándáńg.

TA KƏLA 16:16

Dan ń Agar ojə Ismael kə Abəramaá ní, ɓāl̄ Abəram i kutə sɔ́sɔ́ gidə i mehḛ́.

TA KƏLA 5:22

Gō kojə Metusela tə́ anī Henok njə̄rā kə Nə́ɓāá ɓāl̄ ɓú mətá. Ni ojə ngáń kə́ dəngam kə́ rang gə̄ ō, kə́ dəyá̰ gə̄ ō.

TA KƏLA 24:40

Anī ni-tél ədam̄ na Kɔ́ɔ̄ɓē ń na n-ndi ta kumən tə́ kə ndɔ̄ gə̄ ní na a əla deē yān kə́ dɔ rā̰ tə́ kadə̄ aw̄ seḿ ō, ni a rāā kadə̄ mbā yāḿ a majə ō, kadə̄ m-ā m̄-taā dəyá̰ kə́ dan ngéén gə̄ tə́ ɓē bɔbə̄neé yā reēń kadə̄ ngōnə̄n.

TA KƏLA 26:2

Anī Kɔ́ɔ̄ɓē ndɔ̄bə̄n ədan na: Ī-lōō kaw̄ Ejiptə tə́, ba ī-ndi dɔ nang ń m-ā m-ɔ́jiī tə́ ní.

TA KƏLA 43:14

Kadə̄ Nə́ɓā kə́ bo kə́ tɔ́gən i ngá̰ý kə rāā kadə̄ kum dəngam ní kə o̰o̰n tām̄ yādə́ tə́, kadə̄ kə əya̰ ngōkó̰ó̰də́ Simeo̰ ō, Benjamḛ ō, kadə̄ kə tél reēn̄ sedə́. Ni tā anī ré i yā kadə̄ n-ndi kanjə̄ ngánən gə̄ anī, kadə̄ kə n-ndi tītə̄ kə́ na n-ojə ngōn̄ aĺ beé.

TA KƏLA 46:3

Anī Nə́ɓā əda na ni na i Nə́ɓā yā bɔbə̄n, kə lōō ɓōĺ kaw̄ Ejiptə tə́, tɔdɔ̄ n-a n-rāā kadə̄ a tél nápar de kə́ ngá̰ý gə̄ kem ɓē ń noō tə́.

NDŪ NAJƏ̄ 30:20

Ā ī-táŕ Kɔ́ɔ̄ɓē Nə́ɓā yāí ō, ōō tan ō, ī-tə́ya̰ gon tə́ ō. I beé n ā ī-ndiń kə kumií ɓāl̄ ngá̰ý dɔ nang ń Kɔ́ɔ̄ɓē ənī ndūn yā kadə̄ kaaí Abəraham ō, Isaak ō, Jakob ō tə́ ní.

PĀ GƏ̄ 25:14

Kɔ́ɔ̄ɓē ənī kemən adə̄ ngé gə̄ ń ɓōlə́n̄ ndílən ní. Ni-rāā adə̄ gerə̄n̄ madə̄ naā yān.

TA KƏLA 48:3

Əda Jəjep na Nə́ɓā kə́ bo kə́ tɔ́gən i ngá̰ý na ndɔ̄bə̄n Lujə, dɔ nang kə́ Kanaan tə́, na əda najə̄ kə́ majə dɔn tə́.

Gōsə̄ najə̄ gə̄ 10:9

De kə́ nge rāā yá̰á̰ kə gōó i de kə́ sōl̄ yá̰á̰ kógə̄ḿ alé, banī gír de kə́ nge rāā yá̰a̰ kə gōó alé a teē dɔɔ́.