TA KƏLA 16:3 - Bibəl ta Sar̄

³ Sarai un Agar ń i ɓəlo yān ní, adə̄ ngaan Abəram kə́ dəyá̰ tə́, gō ɓāl̄ kə́ kutə ń Abəram ndiń dɔ nang kə́ Kanaan tə́ ní.

Bible sar

³ Sarai un Agar ń i ɓəlo yān ní, adə̄ ngaan Abəram kə́ dəyá̰ tə́, gō ɓāl̄ kə́ kutə ń Abəram ndiń dɔ nang kə́ Kanaan tə́ ní.

TA KƏLA 16:3 Referans Kwoze

TA KƏLA 16:5

Ba Sarai əda Abəram na: Ndū ń tájə̄mə̄n̄ toó tél əsō i dɔí īkɔ́ tə́. I mə̄kɔ́ n m-ādī kə ɓəlo yāḿ, ba loo ń a̰a̰ kadə̄ ndān̄ ngōn̄ anī, idə tan gírə́ḿ tə́. Ní, ādə̄ Kɔ́ɔ̄ɓē gān̄g sarya kə́ dɔ dáńjí tə́ seí.

GALATƏ 4:25

Tɔdɔ̄ Agar i kum gotə mbal̄ kə́ Sinai gō nang kə́ Arabə tə́. Ni i Jerusalem kə́ ngɔlaā ń toō, tɔdɔ̄ ni i ɓəlo naā tə́ kə ngánən gēé.

1 MBAN̄G GƏ̄ 11:3

Nə̄yá̰n gə̄ ní kə́ kó ɓē gə̄ i ɓú sīrí ō, də̄yá̰ gidə ndogə̄ yān gə̄ i ɓú mətá ō. Dəyá̰ gə̄ ń noō malang tūrə̄n̄ dɔn kɔ̄ɔ́.

2 SAMUEL 5:13

Dan ń Dabid əya̰ ɓē kə́ Hebron kɔ̄ɔ́ ba aw̄ ndi Jerusalem ní, ni-taā dəyá̰ kə́ rang gə̄ ɓáý to̰ ō, ɔy də̄yá̰ gidə ndogə̄ gə̄ ō. Dəyá̰ gə̄ ní ojən̄ ngán kə́ dəngam kə́ rang gə̄ ō, ngán kə́ dəyá̰ kə́ rang gə̄ ō adə̄nən̄.

TA KƏLA 35:22

Ndin̄ kə̄ noó anī Ruben aw̄ ɓīī kə Bila də̄yá̰ gidə ndogə̄ yā bɔbə̄neé, adə̄ bɔbə̄n Israel oō najə̄ ní. Ngán Jakob gə̄ i kutə gidə i jōó.

TA KƏLA 32:22

Kadə̄ karī ní aw̄ kété non tə́, ba nəkɔ́ tá na̰y gogə́ ndɔ̄ɔ́ ndɔ̄ ń noō tə́, loo ń ndin̄ tū tə́ ní.

TA KƏLA 30:9

Dan ń Lea a̰a̰ kadə̄ ni ojə ngōn̄ to̰ aĺ anī, un nge kəla yān kə́ dəyá̰ ń rīn na i Silpa ní, adə̄ Jakob.

TA KƏLA 30:4

Adə̄ ni adə̄ Jakob nge kəla yān kə́ dəyá̰ adə̄ ɓīī seneé.

TA KƏLA 28:9

Adə̄ ni gḛy taā dəyá̰ kə́ rang. Ḭḭ aw̄ rɔ̄ Ismael ngōn̄ Abəraham tə́, aw̄ taā ngōnə̄n ń rīn na i Mahalat ní. Mahalat i ngōkó̰o̰ Nebayot kə́ dəyá̰.

TA KƏLA 25:6

Dan ń ni-ndi kə kumneé ɓáý ní, adə̄ ngán də̄yá̰ gidə ndogə̄ yān gə̄ kadə̄ karī gə̄ pá tá kadə̄ əla sedə́ sa̰y kɔ̄ɔ́ rɔ̄ ngōnə̄n Isaak tə́ dɔ nang kə́ gír ɓē tə́ tə́.

TA KƏLA 16:4

Abəram ɓīī kə Agar adə̄ ndān̄ ngōn̄. Dan ń Agar ger̄ gō ndānə̄n ngōn̄ anī, idə tan gíŕ kɔ́ɔ̄n Sarai tə́.

TA KƏLA 16:16

Dan ń Agar ojə Ismael kə Abəramaá ní, ɓāl̄ Abəram i kutə sɔ́sɔ́ gidə i mehḛ́.