TA KƏLA 16:2 - Bibəl ta Sar̄

² Anī Sarai əda ngaan Abəram na Kɔ́ɔ̄ɓē na ɔgə̄n kənge ngōn̄ kɔ̄ɔ́ ɓá ní, n-rāān ɓɔ́ ba kə aw̄ kə ɓīī kə ɓəlo yānneé, na majanī n-a n-ənge ngōn̄ kə kūl̄neé. Abəram ndigə najə̄ ń Sarai ədan ní.

Bible sar

² Anī Sarai əda ngaan Abəram na Kɔ́ɔ̄ɓē na ɔgə̄n kənge ngōn̄ kɔ̄ɔ́ ɓá ní, n-rāān ɓɔ́ ba kə aw̄ kə ɓīī kə ɓəlo yānneé, na majanī n-a n-ənge ngōn̄ kə kūl̄neé. Abəram ndigə najə̄ ń Sarai ədan ní.

TA KƏLA 16:2 Referans Kwoze

Teē Ngán Israel gə̄ 21:4

Ré i kɔ́ɔ̄n n taā dəyá̰ adə̄n, adə̄ dəyá̰ ní ojə ngáń kə́ dəngam gə̄ aláa kə́ dəyá̰ gə̄ seneé anī, dəyá̰ gə̄gē ngán gə̄ gə̄gē a ndin̄ gotoó tām̄ yā kɔ́ɔ̄ ɓəlo ní tə́, i ɓəlo kə kérneé ngóy n a teē yā kaw̄ ní.

TA KƏLA 18:10

Kɔ́ɔ̄ɓē əda na: Kem ɓāl̄ kə́ gogə́ tə́ kum beé anī, m-ā m̄-tél yā reē ɓēé looí, ɓáa nə̄yá̰í Sara a ojə ngōn̄ kə́ dəngam kɔ̄ɔ́. Sara ndi ta róbə kújə́ tə́ gidə Abəraham tə́ a oōń najə̄ ní.

TA KƏLA 3:17

Ta tɔ̄l̄ ta anī ni-əda dəngam na: Ḭ̄ ōō ta nə̄yá̰í adə̄ ə́sa kan̄ kāgə̄ ń m-ɔ̄gī kəsa ní ɓá ní, dɔ nang i kə́ ndɔ̄ĺ najə̄ yāí tə́. Ā á̰á̰ tápə̄ kə dɔ ndɔ̄ gə̄ ń ā ī-ndiń kə kumuú ní tá ā ə́ngeń yá̰a̰ kəsa yāí tū tə́.

PĀ GƏ̄ 127:3

Yá̰a̰ kənge kə́ rɔ̄kum kə́ gír kojə tə́ i ngōn̄ kə́ kojə, ngōn̄ i yá̰á̰ ń Kɔ́ɔ̄ɓē a əndāń nja deē ní!

RUTƏ 4:11

Anī gír de gə̄ malang ń ndin̄ loo sarya tə́ ní ō, kum kɔɔ̄ gə̄ ō, ədan na: A̰á̰ā̰ jḭḭ i de kə́ kum tə́ yāí gə̄! Ādə̄ Kɔ́ɔ̄ɓē rāā kə dəyá̰ ń a aw̄ kújú jīí tə́ ní tītə̄ ń rāań kə Rasel nin̄ kə Lea adə̄ ojən̄ gír de gə̄ yā Israel ní! Ī-rāā yá̰á̰ kə́ de kə́ ngáā tə́ kem ɓē kə́ Epərata tə́ ō, ə̄ndā rī kem ɓē kə́ Betlehem tə́ ō!

TA KƏLA 30:22

Əga kem Nə́ɓā dɔ Rasel tə́ adə̄ adə̄n yá̰á̰ ń gəden ní. Ni rāān adə̄ tél dəyá̰ kə́ nge kojə ngōn̄.

TA KƏLA 25:21

Isaak rāā Kɔ́ɔ̄ɓē ɓɔ́ tām̄ yā nə̄yá̰n tə́, tɔdɔ̄ nə̄yá̰n i dəyá̰ kə́ kujə. Anī Kɔ́ɔ̄ɓē a̰a̰ kum tō ndoō yān, adə̄ nə̄yá̰n Rebeka un mósə ngōn̄, ndān̄ i ndəngā gə̄.

TA KƏLA 17:16

M-ā m̄-rāā majə seneé ō, m-ā m-ādī ngōn̄ kə́ dəngam kə kūl̄neé ō. M-ā m̄-rāā majə seneé kadə̄ a tél kaa nápar de kə́ ngá̰ý gə̄. Mban̄g kə́ bo gə̄ yā gír de kə́ tayā tayā gə̄ a teēn̄ gír kaa yān tə́.

TA KƏLA 3:12

Dəngam tél ədan na: I dəyá̰ ń ādə̄m̄ seneé ní n adə̄m̄ kan̄ kāgə̄ ní adə̄ m-ə́sá ní.

TA KƏLA 30:6

Rasel əda na Nə́ɓā na gān̄g sarya yān kə gōó, na oō ndūn, adə̄ na adə̄n ngōn̄ kə́ dəngam. I tām̄ ń noō tə́ n əndā rīn na i Dan ní.

TA KƏLA 19:31

Ndɔ̄ kógə̄ḿ tə́ anī, nge kə́ nga tɔ́gə əda gidən na: Bɔbə̄jí ɓə́ga kɔ̄ɔ́, tá de kə́ dəngam kə́ loo ń toō tə́ kə́ yā taājí tītə̄ ń de gə̄ a rāānəń kə̄ kem ɓē gə̄ tə́ malang ní gətóo.

TA KƏLA 11:30

Sarai i dəyá̰ kə́ kujə, ngōnən gətóo.