TA KƏLA 15:5 - Bibəl ta Sar̄

⁵ Kɔ́ɔ̄ɓē teē kə Abəram ndágá ba ədan na: Á̰a̰ loo kə̄ dɔɔ́. Ré ásə́ tə́da tə́yō̰ gə̄ ń noō anī, ī-tə́dádə́. Kɔ́ɔ̄ɓē əda Abəram ɓáý to̰ na: Deē a asə tə́dá ngán kaaí gə̄ alé, tītə̄ ń deē asəń tə́da tə́yō̰ gə̄ alé ní ō.

Bible sar

⁵ Kɔ́ɔ̄ɓē teē kə Abəram ndágá ba ədan na: Á̰a̰ loo kə̄ dɔɔ́. Ré ásə́ tə́da tə́yō̰ gə̄ ń noō anī, ī-tə́dádə́. Kɔ́ɔ̄ɓē əda Abəram ɓáý to̰ na: Deē a asə tə́dá ngán kaaí gə̄ alé, tītə̄ ń deē asəń tə́da tə́yō̰ gə̄ alé ní ō.

TA KƏLA 15:5 Referans Kwoze

HEBƏRO 11:12

I beé n de kə́ kal kógə̄ḿ beē kə́ njan i kə̄ ta bāá yo tə́ ngɔr, ojəń gír kaa kə́ kutədə́ i ngá̰ý tītə̄ tə́yō̰ kə́ dɔ rā̰ tə́ gə̄, kə nán̄g ngárə̄ḿnjēý kə́ ta bā bo tə́ gə̄ kə́ deē asə tə́dá kutən alé ní.

Makətūbə̄ ń Pol ndang adə̄ Rom gə̄ ní 4:18

Abəraham taā kem Nə́ɓā ō, əndā kemən dɔ yá̰á̰ ń Nə́ɓā əda tə́ ní ō, tá i yá̰á̰ kə́ to kadə̄ deē a əndā kemən dɔ tə́ aĺ bátə́, ba ni-əndā kemən dɔ tə́ ō, taā kem ō, adə̄ i tām̄ ń noō tə́ n ni-téləń kaa nápar de kə́ ngá̰ý gə̄ tītə̄ ń Nə́ɓā ədanəń na: Ngán kaan gə̄ a télən̄ gíŕ nápar de kə́ ngá̰ý gə̄ ní.

NDŪ NAJƏ̄ 1:10

Kɔ́ɔ̄ɓē Nə́ɓā yāsí rāā adə̄ ójiī naā ngá̰ý, adə̄ ɓōólaā kutəsí i ngá̰ý tītə̄ yā tə́yō̰ gə̄ kə́ dɔ rā̰ tə́.

Teē Ngán Israel gə̄ 32:13

Kadə̄ kə əga kemən dɔ ngé kəla yān gə̄ tə́: Abəraham ō, Isaak ō, Jakob ō, ń nəkɔ́ túbə̄ kə rɔ̄neé ənīń ndūn adə̄də́ əda na ngán kaadə́ gə̄ na a rosən̄ loo tītə̄ tə́yō̰ gə̄ kə́ dɔ rā̰ tə́ ō, ədadə́ na dɔ nang ń na ɔr̄ najə̄n sedə́ ní na a adə̄ ngán kaadə́ gə̄ kadə̄ tél yá̰a̰ yādə́ kə́ kə́ njɔ́ḿ gə̄ tə́ gə̄ tə́ ní ō.

NDŪ NAJƏ̄ 10:22

Dan ń kaasí gə̄ ugə̄n̄ dɔ nang kə́ Ejiptə tə́ ní, nin̄ i deē kutə sīrí beē ngóy, banī ngɔlaā ní Kɔ́ɔ̄ɓē yāsí rāā adə̄ kutəsí asə naā kə kutə tə́yō̰ gə̄ kə́ dɔ rā̰ tə́.

JEREMI 33:22

M-ā m̄-rāā kadə̄ ngán kaa nge kəla yāḿ Dabid ō, ngán kaa Lebi gə̄ ō ń i de kə́ bo yāḿ gə̄ ní, a bəlan̄ ngá̰ý tītə̄ tə́yō̰ gə̄ kə́ dɔ rā̰ tə́ gə̄ ō, nán̄g ngárə̄ḿnjēý kə́ ta bā bo tə́ ō ń deē asə tə́da aĺ ní.

PĀ GƏ̄ 147:4

Ni tə́da kutə tə́yō̰ gə̄, əndā rī dɔdə́ gə̄ tə́ kógə̄ḿ kógə̄ḿ.

1 YÁ̰A̰ GƏ̄ 27:23

De gə̄ ń ɓāl̄də́ ḭḭ dɔ kutə jōó tə́ ba tél kum kə̄ nang tə́ ní Dabid tə́da kutədə́ alé, tɔdɔ̄ Kɔ́ɔ̄ɓē əda kété na n-a n-rāā kadə̄ kutə Israel gə̄ a reē ngá̰ý tītə̄ yā kutə tə́yō̰ kə́ dɔ rā̰ tə́ gə̄.

TA KƏLA 12:2

M-ā m̄-rāā kadə̄ ā ī-tél kaa nápar de kə́ ngá̰ý gə̄. M-ā m̄-rāā majə seí ō, m-ā m̄-rāā kadə̄ rīí ɓār̄ ngá̰ý ō. De gə̄ a tɔ́rə̄n̄ tadə́ dɔ naā tə́ i kə rīí ō.

TA KƏLA 28:14

Kutə ngání gə̄ ō, ngán kaaí gə̄ ō, a to tītə̄ bumbə́rú kə́ dɔ nang tə́. Ā ɔ̄rī kem loo yāsí kə̄ gogə́ kum kə̄ no ɓē tə́ ō, dūn̄ ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō. M-ā m̄-rāā majə kə gír kojə kə́ dɔ nang tə́ gə̄ malang sɔɔ̄iń ḭ̄ ō, ngání gə̄ ō, ngán kaaí gə̄ ō.

TA KƏLA 26:4

M-ā m̄-rāā kadə̄ ngání gə̄ ō, ngán kaaí gə̄ ō, a bəlan̄ tītə̄ tə́yō̰ gə̄ kə́ dɔ rā̰ tə́ ō, m-ā m-ādə̄də́ dɔ nang ń toō malang ō. M-ā m̄-rāā majə kə nápar de kə́ dɔ nang tə́ gə̄ malang sɔɔ̄ńdə́ nin̄,

TA KƏLA 16:10

Kɔ́ɔ̄ɓē a adī ngán kaaí gə̄ ngá̰ý. Deē a asə tə́da kutədə́ alé.

TA KƏLA 13:16

M-ā m̄-rāā kadə̄ ngán kaaí gə̄ i ngá̰ý tītə̄ nán̄g ngárə̄ḿnjēý, kadə̄ ré deē asə tə́dá nán̄g ngárə̄ḿnjēý təgā anī, kɔ́ɔ̄ a asə tə́dá ngán kaaí gə̄ təgā ō.

TA KƏLA 17:2

M-ā m-ə́hɔ madə̄ naā seí ō, m-ā m-ə́hɔ kadə̄ gír kaaí a ojə naā ngá̰ý ō.

JOJUE 24:3

m̄-teē kə kaasí Abəraham kɔ̄ɔ́ dɔ nang kə́ gidə bā Opəratə tə́, ba m-āw̄ seneé dɔ nang kə́ Kanaan tə́. m̄-rāā m-adə̄ ngán kaan gə̄ bəlan̄ ngá̰ý. M-ādə̄n Isaak.

1 MBAN̄G GƏ̄ 3:8

Tá m̄-ndi i dan gír deē yāí gə̄ ń ī-gə̄rādə́ ní tə́. Nin̄ i ngá̰ý, adə̄ deē asə tə́da kutədə́ kə gōó alé.

NEHEMI 9:23

Ādə̄də́ ngán gə̄ ō, ngán kaadə́ gə̄ ō, kutədə́ i ngá̰ý tītə̄ tə́yō̰ gə̄ kə́ dɔ rā̰ tə́ ō. Ɔ́r nodə́ āw̄ sedə́ dɔ nang ń ə́da kaadə́ gə̄ kadə̄ aw̄ taān̄ ní tə́ ō.

Makətūbə̄ yā Job 35:5

Á̰a̰ dɔ rā̰ majə ō, ə̄ndā ma̰ȳ kil̄ man̄ gə̄ ō. Nin̄ i dɔɔ́ dɔí tə́!

IJAI 51:2

Á̰a̰ī bɔbə̄sí Abəraham ō, kó̰ó̰sí Sara ń ojəsí ní ō. Dan ń m̄-ɓāŕ Abəraham ní, Abəraham ojə ngōn̄ alé. Banī m̄-tɔ́r̄ taḿ dɔn tə́ ō, m̄-rāā adə̄ ni-tél bɔbə̄ gír de gə̄ kə́ nin̄ i ngá̰ý ō.

TA KƏLA 32:13

Ḭ̄ ə́dam̄ na ā ī-rāā seḿ ō, na ā ī-rāā kadə̄ ngánə́ḿ gə̄ ō, ngán kaaḿ gə̄ ō, na a ton̄ tītə̄ nán̄g ngárə̄ḿnjēý kə́ ta bā bo tə́ kə́ deē asə tə́da alé.