TA KƏLA 15:2 - Bibəl ta Sar̄

^2-3 Abəram tél ədan na: Kɔ́ɔ̄ɓē Nə́ɓā yāḿ, ā ādə̄m̄ yá̰a̰ i yā rāań rí? Ngōnə̄ḿ gətóo, adə̄ nge kənge yá̰a̰ ndəbāḿ i nge kəla yāḿ Eliejer kə́ Damas.

Bible sar

^2-3 Abəram tél ədan na: Kɔ́ɔ̄ɓē Nə́ɓā yāḿ, ā ādə̄m̄ yá̰a̰ i yā rāań rí? Ngōnə̄ḿ gətóo, adə̄ nge kənge yá̰a̰ ndəbāḿ i nge kəla yāḿ Eliejer kə́ Damas.

TA KƏLA 15:2 Referans Kwoze

KƏLA RĀĀ 7:5

Nə́ɓā adə̄n loo dɔ nang ní tə́ alé, loo kə́ laan asə kə da nja deé gə̄gē adə̄n alé. Dan ngeé ń noō tə́ ní Abəraham ənge ngōn̄ aĺ ɓáý ɓá tā ba, Nə́ɓā ənī míndən yā kadən ni ō, ngán kaan gə̄ ń a reēn̄ gōn tə́ ní ō, dɔ nang ń toō yá̰a̰ haladə́ tə́.

TA KƏLA 25:21

Isaak rāā Kɔ́ɔ̄ɓē ɓɔ́ tām̄ yā nə̄yá̰n tə́, tɔdɔ̄ nə̄yá̰n i dəyá̰ kə́ kujə. Anī Kɔ́ɔ̄ɓē a̰a̰ kum tō ndoō yān, adə̄ nə̄yá̰n Rebeka un mósə ngōn̄, ndān̄ i ndəngā gə̄.

IJAI 56:5

I beé ní, m-ā m-údə mbal̄ kógə̄ḿ tām̄ yādə́ tə́ kem kújə yāḿ tə́, kem ndogə̄ mbal̄ yāḿ gə̄ tə́, yā ndang rīdə́ dɔ tə́. Nge ń noō i yá̰á̰ kə́ majə tɔȳ ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō. Rī ń m-ā m-ə̄ndā dɔdə́ tə́ ní a to ngándáńg, deē a tɔ̄l̄ rī ní kɔ̄ɔ́ alé.

Gōsə̄ najə̄ gə̄ 17:2

Nge kəla kə́ kumən edə̄ a un gotə ngōn̄ kə́ nge kəla rɔ̄sɔl̄ dɔ ngé kojən gə̄ tə́ ō, dan ń ngákó̰o̰ naā gə̄ a kēgən̄ naā yá̰a̰ ndəbā anī ni a ənge núsən yān ō.

PĀ GƏ̄ 127:3

Yá̰a̰ kənge kə́ rɔ̄kum kə́ gír kojə tə́ i ngōn̄ kə́ kojə, ngōn̄ i yá̰á̰ ń Kɔ́ɔ̄ɓē a əndāń nja deē ní!

1 SAMUEL 1:11

Ni-ənī ndūn əda na: Kɔ́ɔ̄ɓē kə́ bo kə́ tɔ́gən i ngá̰ý, ré á̰a̰ kum tō ndoō yāḿ mā nge kəla yāí ō, əga kemií dɔḿ tə́ ō, dɔí ndígə̄naləḿ aĺ ō, adə̄ ādə̄m̄ ngōn̄ kə́ dəngam anī, m-ā m-ɔ̄r̄ kamə̄n tayā tām̄ yāí tə́ kə dɔ ndɔ̄ gə̄ malang ń a ndiń kə kumneé ní ō, deē a əndā nə́nga dɔn tə́ yā dəsāń dɔn aĺ ō.

TA KƏLA 44:1

Jəjep ɔr̄ najə̄ kə pajā kə́ kem kújə yān tə́, ədan na kə tūr̄ kōō kadə̄ rosə ngɔng yā de gə̄ ń noō, kə adə̄də́ kadə̄ ré asən̄ kətō anī kə aw̄nəń, ba kə tél kə tə́la nar yādə́ ta ngɔng yādə́ gə̄ tə́ gogə́,

TA KƏLA 43:19

Dan ń a rāān̄ yā kudə kə̄ kem ndogó anī, sə́ran̄ kə̄ gō pajā yā Jəjep tə́ ədanən̄ na

TA KƏLA 24:10

Nge kəla ní əhɔ jámbal kutə kógə̄ḿ dan jámbal yā kɔ́ɔ̄n Abəraham gə̄ tə́ ō, gə̄rā yá̰á̰ kə́ majə majə gə̄ dan yá̰a̰ kənge yā kɔ́ɔ̄n gə̄ tə́ malang ō, ba əsō róbó aw̄ kə̄ dɔ nang kə́ Mesopotami tə́, ɓē Nahor.

Gōsə̄ najə̄ gə̄ 13:12

Yá̰á̰ kə́ deē əndā kemən dɔ tə́ tá nal̄ a tōr̄ wurən, ba yá̰á̰ kə́ kem deē gḛy tá reē ənge ní to i tītə̄ kāgə̄ kə́ a rāā kadə̄ deē ndi kə kumuú beé.

TA KƏLA 39:9

Ni na i de kə́ bo tɔȳn kem kújə́ ń toō tə́ aĺ ō, na ɔgə̄n rāā yá̰á̰ kógə̄ḿ aĺ ō, ngá̰ý a na i ni kə́ nə̄yá̰n nəkɔ́ n na adə̄n aĺ noō ngóý tá. Ní, kə n-rāā yá̰á̰ kə́ to yḛr beé yā rāań majaĺ ta kum Nə́ɓā yān tə́ ké i ba̰ý wa.

TA KƏLA 24:2

Ndɔ̄ kógə̄ḿ tə́ anī, Abəraham əda nge ngɔ̄m̄ yá̰a̰ kənge yān gə̄ malang na: Əla jīí gír bingə̄ḿ tə́,

TA KƏLA 14:15

Ni-kēgə̄ ɓūtə̄ de gə̄ yān gə̄ naā tə́ yā rɔ̄ɔńdə́ ndɔ̄ɔ́. Ni-tetədə́ rɔ̄ɔ̄ ba ngɔ̄də̄də́ bátə́ ugə̄ sedə́ Hoba ń ra i dām̄ Damas kə́ ko̰ó̰ tə́ ní.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

IJAI 17:1

Najə̄ yā ɓē kə́ Damas. Sḛ́ý to̰ anī Damas i ɓē bo to̰ alé, ni i kɔkərɔ kə́ kán̄ dɔ naā tə́ ngóy.

JEREMI 49:23

Najə̄ kə́ tām̄ yā Damas tə́. Hamat ō, Arpad ō nin̄ i kə rɔ̄sɔlɔ̄ɔ́. I tɔdɔ̄ oōn̄ najə̄ kə́ majaĺ kógə̄ḿ. Kemdə́ ḭḭ huyuyu tītə̄ man̄ bā bo beé. Nin̄ ɓōlə́n̄ i ɓōĺ kə́ dum̄ ger̄ kum ō.

RUTƏ 2:6

Anī ngāgəra dɔ ngé sāā kōō gə̄ tél əda na: I dəyá̰ kə́ Moab ń ḭḭ dɔ nang kə́ Moab tə́ reē kə Noemi ní.