TA KƏLA 15:1 - Bibəl ta Sar̄

¹ Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

Bible sar

¹ Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

TA KƏLA 15:1 Referans Kwoze

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

PĀ GƏ̄ 119:114

I ḭ̄ n i loo ɓɔ̄ɔ̄ rɔ̄ yāḿ ō, der yāḿ ō ní. M-ə̄ndā kemḿ dɔ najə̄ yāí tə́.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

TA KƏLA 26:24

Kɔ́ɔ̄ɓē ndɔ̄bə̄n ndɔ̄ɔ́ ədan na: Mā i Nə́ɓā yā bɔbí Abəraham. Ī-lōō ɓōĺ yá̰á̰ kógə̄ḿ, tɔdɔ̄ mā i naā tə́ seí, adə̄ m-ā m̄-rāā majə seí. M-ā m̄-rāā kadə̄ ngání gə̄gē, ngán kaaí gə̄gē, a bəlan̄ tām̄ táŕ ń m̄-tár nge kəla yāḿ Abəraham tə́ ní.

IJAI 41:14

Sḭḭ̄ gír deē yā Jakob gə̄, ī-lōōī ɓōĺ. Ngōn̄ kele kə́ dūú, ḭ̄, gotə de gə̄ yā Israel kə́ tɔ́gə́də́ gətóo gə̄. Najə̄ ń Kɔ́ɔ̄ɓē əda ní n toó: m̄-reē i yā dḭḭ̄. Nge taā kəya̰ī dɔɔ́ i mā, Nə́ɓā kə́ táĺ yā Israel.

NŌŌ RƆ̄ 3:24

M-ə́da kə̄ kemḿ tə́ na yá̰a̰ yāḿ kə sɔɔ̄ dɔḿ i Kɔ́ɔ̄ɓē. I tāmə̄n̄ ń toō tə́ n m-ā m-ə̄ndā kemḿ dɔn tə́ ní.

Najə̄ kə́ Majə yā Jeju ń Luk ndang ní 12:32

Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí Ɓē ko̰o̰ yān.

PĀ GƏ̄ 5:12

Loo ń noō tə́ de gə̄ malang ń ḭ̄ i loo ɓɔ̄ɔ̄ rɔ̄ yādə́ ní a rāān̄ rɔ̄nel̄. Nin̄ a rāān̄ walya ngándáńg. Ngé gə̄ ń rīí nel̄də́ ní ā ī-rāādə́ kadə̄ əgan̄ kɔŕ rɔ̄nel̄ ō, ā ī-ngɔ̄m̄də́ ō.

PĀ GƏ̄ 18:2

Kɔ́ɔ̄ɓē, ḭ̄ i tɔ́gə yāḿ, o̰o̰m̄ tɔdɔ̄í ngá̰ý!

RUTƏ 2:12

Ndə̄ngā yāḿ i kadə̄ Kɔ́ɔ̄ɓē əndā njaí tām̄ yā yá̰a̰ gə̄ ń noō tə́ malang. Kadə̄ Kɔ́ɔ̄ɓē Nə́ɓā yā Israel əndā njaí ngá̰ý kadə̄ tɔȳ dɔ. Tɔdɔ̄ ī-reē ī-ɓɔ̄ɔ̄ rɔ̄í i gír bɔ̄gə̄n tə́.

Najə̄ kə́ Majə yā Jeju ń Luk ndang ní 1:13

Banī de kə́ dɔ rā̰ tə́ ní ədan na: Jakari, ī-ɓōĺ alé, tɔdɔ̄ Nə́ɓā oō ndɔ̄ȳ yāí. Nə̄yá̰í Elijabet a ojə ngōn̄ kə́ dəngam yā kadī, ba ā ə̄ndā rīn na i Ja̰a̰.

IJAI 43:5

Ī-lōō ɓōĺ, mā i naā tə́ seí. M-ā m̄-rāā ngání kə́ dūn̄ tə́ gə̄ kadə̄ tél reēn̄ gogə́, m-ā m-ɔ́ýdə́ no ɓē tə́ yā kɔsə dɔdə́ naā tə́.

PĀ GƏ̄ 142:5

Á̰a̰ loo kə̄ dām̄ kadəḿ kə́ ko̰ó̰ tə́ ba ə̄ndā ma̰ȳ á̰a̰ā̰: De kógə̄ḿ kə́ gerə̄m̄ gətóo! Loo kə́ rang kə́ kadə̄ m̄-ɓɔ̄ɔ̄ rɔ̄ḿ tū tə́ to̰ ní gətóo. De kə́ usən̄ dɔḿ tə́ gətóo!

PĀ GƏ̄ 3:3

Ngé tə́da najə̄ dɔḿ tə́ gə̄ i ngá̰ý, nin̄ ədan̄ na: Nə́ɓā a ajən alé!

TA KƏLA 21:17

Nə́ɓā oō ndū ngōn̄ ní loo sɔ̄ḿ tə́, adə̄ nge kəla yā Nə́ɓā ndi dɔ rā̰ tə́ ɓāŕ Agar, ədan na: Agar, i rí n rāāī? Ī-lōō sōl̄, tɔdɔ̄ Nə́ɓā oō ndū ngōn̄ loo sɔ̄ḿ tə́ loo ń to tū tə́ tə́ ní.

Najə̄ kə́ Majə yā Jeju ń Luk ndang ní 1:30

Anī de kə́ dɔ rā̰ tə́ ní ədan na: Mari, ī-ɓōĺ alé, tɔdɔ̄ Nə́ɓā rajiī.

PĀ GƏ̄ 58:11

De kə́ súmūú a rāā rɔ̄nel̄ dan ń ni-a̰a̰ Nə́ɓā loo rāā ba̰ā̰ tə́ ní ō, a tə́go njan kum mósə́ ngé kem ndul gə̄ tə́ ō.

MATIYE 8:26

Jeju ədadə́ na: Sḭḭ̄ ngé taā kem mámák aĺ gə̄, ī-ɓōlíī i tām̄ rí tə́? Tā anī ḭḭ dɔɔ́ ndán̄g nél ō, bā bo ō, anī loo tél to kúkúkú.

IJAI 51:12

Kɔ́ɔ̄ɓē əda na: I mā n i ngé tél kadə̄sí kəndā kem dɔ tə́ gogə́ ní. A̰á̰ā̰, i mā. Ḭ̄ gír deē yāḿ, ī-ɓōĺ deē ndul gə̄ i tām̄ rí tə́? Nin̄ malang i ngé koy gə̄, ta tɔ̄l̄ tadə́ i tītə̄ ta tɔ̄l̄ ta mu beé.

PĀ GƏ̄ 27:1

Pā yā Dabid. Kɔ́ɔ̄ɓē i loo kə́ unjə̄ kow yāḿ ō i nge kajəḿ ō, ní m-ā m̄-ɓōĺ i náā? Kɔ́ɔ̄ɓē i loo ndiḿ kə́ ngan̄g ngá̰ý, ní m-ā m̄-ndebə i ta kum náā tə́?

Gōsə̄ najə̄ gə̄ 11:18

Nge kem ndul ənge yá̰a̰ kənda nja kə́ gólə̄n banī yá̰a̰ kəndā nja kə́ rɔ̄kum to tām̄ yā nge dubə̄ kum háĺ kə́ gōtə́ tə́.

PĀ GƏ̄ 91:4

Ni a ngɔ̄mī. Ā ə́nge loo ɓēé looneé kadə̄ ī-ɓɔ̄ɔń rɔ̄í, tītə̄ ngōn̄ kə̄njá kə́ ɓɔ̄ɔ̄ rɔ̄n gír bɔ̄gə̄ kó̰o̰n tə́ beē. Kem majə yān rāā rɔ̄n i der tə́ ō, kūbə̄ gində̄ tə́ ō.

NDŪ NAJƏ̄ 31:6

Ə́hɔ rɔ̄í tɔgə ō, ī-ra dəngam ō, ī-lōō kadə̄ ɓōĺ rāāī ō, ī-lōō ndebə ta kumdə́ tə́ ō, tɔdɔ̄ Kɔ́ɔ̄ɓē Nə́ɓā yāí a njə̄rā seí naā tə́. Ni a mbātíī aĺ ō, a əya̰ī kɔ̄ɔ́ aĺ ō.

EJEKIEL 3:4

Deē ń a ɔr̄ najə̄ ní ədam̄ na: Ḭ̄ ngōn̄ deē, āw̄ rɔ̄ ngán Israel gə̄ tə́, ba ə́dádə́ najə̄ ń m-ā m-ə́daī ní.

IJAI 44:2

Mā, Kɔ́ɔ̄ɓē ń m̄-rāāī ní, m-ə̄ɓāī pá tá kadə̄ ojiīn̄ ɓáý ní, m̄-reē dḭḭ̄ī tə́. Yá̰á̰ ń m-ə́dá ní n toó: Gír de gə̄ yā Jakob, ḭ̄ Yesurun, nge kəla yāḿ ń m̄-gə̄rāī ní, ī-lōō ɓōĺ.

IJAI 43:1

Israel ní, ngɔlaā ní Kɔ́ɔ̄ɓē ədaī yá̰á̰ ń toō, ni ń əndāī ō, rāāī ō ní: Ī-lōō ɓōĺ, m̄-gān̄g dɔí. m̄-ɓāríī kə rīí, ḭ̄ i yāḿ mā.

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

Teē Ngán Israel gə̄ 14:13

Moijə tél ədadə́ na kə lōōn̄ ɓōĺ, ba kə əhɔn̄ kemdə́ ngan̄g na a a̰a̰n̄ loo kajə ń Kɔ́ɔ̄ɓē na a ajədə́ ní ɓōólaā. De kə́ Ejiptə gə̄ ń na a̰a̰n̄də́ ɓōólaā toó na a a̰a̰n̄də́ gogə́ to̰ alé i kə́ bátə́ gə̄ tə́.

JEJU TEĒ KUM JA̰A̰ 1:17

Dan ń m-á̰a̰n anī, m-ə̄sō kə̄ njan tə́ tītə̄ de kə́ koy kɔ̄ɔ́ beē. Anī ni-əndā jī ko̰n dɔḿ tə́, ba əda na: Ī-lōō ɓōĺ. Mā i ta kəla gíŕ yá̰a̰ ō, ta tɔ̄l̄ tan ō,

HEBƏRO 1:1

Kété ní Nə́ɓā ɔr̄ najə̄ kə kaají gēé kə̄ nja naā tə́ ō, kə ta róbə́ kə́ tayā gēé ō, i kə ta kūl̄ ngé koō ta gēé.

1 KORḚNTƏ 3:22

Ká i Pol, aké i Apolos, aké i Kepas, aké i yá̰á̰ kə́ dɔ nang tə́, aké i ndi kə kumuú, aké i koy, aké i yá̰á̰ kə́ ngɔlaā ń toō, aké i yá̰á̰ ń a reē ɓáý ní, yá̰a̰ malang i yāsí,

KƏLA RĀĀ 10:22

Nin̄-tél ədanən̄ na: I Kɔrney kə́ ngol áskar gə̄ n əlají ní. Ni i de kə́ súmūú ō, i de kə́ nge ɓōĺ ndíĺ Nə́ɓā ō, i de kə́ rīn ɓār̄ majə dan Jipə gə̄ tə́ malang ō. De kə́ dɔ rā̰ tə́ kógə̄ḿ kə́ táĺ ədan na kə ɓāríī kadə̄ kə ī-reē ɓēé looneé kə ɔ́jən gotə yá̰a̰ gə̄ ń rāān̄ yá̰á̰ ní kadə̄ oō.

Gōsə̄ najə̄ gə̄ 30:5

Nāān̄ najə̄ malang ń Nə́ɓā əda ní. Ni i der yā ngé gə̄ ń ɓɔ̄ɔ̄n̄ rɔ̄də́ kemən tə́ ní.

PĀ GƏ̄ 84:9

Kɔ́ɔ̄ɓē, Nə́ɓā kə́ bo kə́ tɔ́gí i ngá̰ý, ōō ndɔ̄ȳ yāḿ, Nə́ɓā yā Jakob, ī-nēl̄ mbīí ōoń ndūḿ.

1 SAMUEL 9:9

Jóo dɔ nang kə́ Israel tə́ ní ré de gə̄ aw̄n̄ kə̄ koō ta Nə́ɓā tə́ anī a ədan̄ na: Ī-reē j-awī rɔ̄ nge ka̰a̰ yá̰á̰ tə́. Tɔdɔ̄ kété ní a ɓārə́n̄ nge koō ta na i nge ka̰a̰ yá̰a̰.

EJEKIEL 11:24

Kum mbang ń m-ā m-á̰a̰ń yá̰a̰ ngeé ń noō tə́ ní, Ndíĺ Nə́ɓā unəm̄ nang tə́ kum kə̄ dɔɔ́. Ni-tél reē seḿ gogə́ rɔ̄ de gə̄ ń ɔyn̄də́ aw̄n̄ sedə́ Babilon dɔ gúú tə́ ní. Yá̰á̰ ń Nə́ɓā əlań adə̄ m-á̰a̰ā̰ ní dəba.

1 YÁ̰A̰ GƏ̄ 28:20

Gō tə́ anī əda ngōnən Salomo̰ na: Ī-lōō kəya̰ rɔ̄í yɔkəlɔ ba ə́hɔ rɔ̄í tɔgə ī-rāań yá̰a̰! Ī-lōō sōl̄ ō, ī-lōō ɓōĺ ō, tɔdɔ̄ Kɔ́ɔ̄ɓē Nə́ɓā yāḿ i seí naā tə́. Ni a əya̰ī kɔ̄ɔ́ aĺ ō, a tél gōí tə́ aĺ ō, bátə́ kadə̄ ī-rāań kəla kújə yān kadə̄ təgā.

EJEKIEL 1:1

Kem ɓāl̄ ń ɓālə̄ḿ i kutə mətá ní, kə ndɔ̄ kə́ nge ko̰ mí yā nāā kə́ nge ko̰ sɔ́ anī, mā Ejekiel ngōn̄ Buji kə́ nge tun̄ yá̰a̰, m̄-ra i dan Jipə gə̄ ń ɔyən̄də́ dɔ gúú tə́ aw̄n̄ sedə́ kadə man̄ Kebar tə́ ní. Anī m-á̰a̰ ta dɔ rā̰ teē ra wōyōó ō, Nə́ɓā rāā adə̄ m-á̰á̰ yá̰a̰ gə̄ ō. I kem ɓāl̄ ɓəlo yā mban̄g Joakin kə́ nge ko̰ mí tə́. m̄-ra i kem ɓē yā Babilon gə̄ tə́ kadə man̄ Kebar tə́. Kɔ́ɔ̄ɓē ɔr̄ najə̄ seḿ i loo ń noō tə́ ō, tɔ́gən əhɔm̄ i loo ń noō tə́ ō.

MATIYE 28:5

De kə́ dɔ rā̰ tə́ ní əda dəyá̰ gə̄ na: Sḭḭ̄ ī-lōōī ɓōĺ, m̄-ger̄ kadə̄ ā ī-sāāī i Jeju ń əndanən̄ kə máyá̰ tū kāgə̄ kə́ dēsə́ tə́ ní.

IJAI 44:8

Sḭḭ̄ gír deē yāḿ gə̄, ī-lōōī ɓōĺ, ī-lōōī ndew. M-ə́dásí najə̄ yá̰á̰ ń noō kété, m̄-rāā ādə̄ sḭḭ̄ ī-gerī yá̰á̰ ní. Sḭḭ̄ i de kə́ kum tə́ yāḿ gə̄. Nə́ɓā rang i noó kanjə̄ kadə̄ i mā a? A̰ á̰, mā i mbal̄ yāsí kə́ ngan̄g, m̄-ger̄ nge kə́ rang alé.

TƏ́DA 12:6

Kɔ́ɔ̄ɓē ədadə́ na: Najə̄ ń m-ā m-ə́dásí toō ōōī majə. Ré de kə́ nge koō ta yā Nə́ɓā i dansí tə́ anī, mā Kɔ́ɔ̄ɓē m-ā m-ɔ́jən rɔ̄ḿ kadə̄ gerə̄m̄ i kə ta kūl̄ ndɔ̄bə̄ kə́ m-ā m̄-ndɔ̄bə̄n ō, kə najə̄ kə́ m-ā m-ɔ̄r̄ seneé kem nī tə́ ō.

TA KƏLA 15:2

Abəram tél ədan na: Kɔ́ɔ̄ɓē Nə́ɓā yāḿ, ā ādə̄m̄ yá̰a̰ i yā rāań rí? Ngōnə̄ḿ gətóo, adə̄ nge kənge yá̰a̰ ndəbāḿ i nge kəla yāḿ Eliejer kə́ Damas.

TA KƏLA 15:4

Anī Kɔ́ɔ̄ɓē ədan na: I ni n a tél nge kənge yá̰á̰ kə́ ndəbāí tə́ ní alé, ba i ngōn̄ ń ā ójən ní.

TA KƏLA 31:7

Ba bɔbə̄sí lurəm̄, tūr̄ gír kəgā yāḿ nja kutə, tā ba Nə́ɓā adə̄n ta róbə rāā yá̰á̰ kə́ gōtə́ aĺ seḿ alé.

TƏ́DA 18:20

Kɔ́ɔ̄ɓē əda Aaro̰ ɓáý to̰ na: Dɔ nang ń m-ā m-ādə̄ ngán Israel gə̄ kadə̄ kēgə̄n̄ naā tə́ ní, ḭ̄ ā ə́nge yāí tū tə́ alé. I mā n i núsən yāí ń kadə̄ ə́nge ní ō, i mā n i yá̰a̰ kənge yāí kə́ dan ngán Israel gə̄ tə́ ō ní.

TƏ́DA 24:4

mā ń i de kə́ nge koō najə̄ kɔr̄ Nə́ɓā ō, nge ka̰a̰ yá̰a̰ gə̄ ń Nə́ɓā kə́ tɔ́gən i ngá̰ý ɔjəm̄ ō ní, dan ń m̄-rɔȳ Nə́ɓā anī, ni tḛḛ̄ kumḿ adə̄ m-á̰á̰ yá̰á̰ kə́ to lo mundə̄ tə́. Ōōī najə̄ kɔrə̄ḿ:

1 SAMUEL 15:10

Tā anī Kɔ́ɔ̄ɓē əda Samuel na:

2 SAMUEL 22:3

Nə́ɓā i mbal̄ ɓɔ̄ɔ̄ rɔ̄ yāḿ. Ni i der yāḿ ō, gində̄ ń m-ā m̄-tetəń rɔ̄ɔ̄ ní ō. Ni i kújə́ kə́ ngan̄g yāḿ ō, kə́ m̄-ndi kemeé anī m-ájə, loo ɓɔ̄ɔ̄ rɔ̄ yāḿ ō, nge kajəḿ ō. Ni i nge kɔrə̄m̄ kɔ̄ɔ́ jī ngé dɔ́nɔ gə̄ tə́.

TA KƏLA 22:1

Gō yá̰a̰ gə̄ ń noō tə́, Nə́ɓā nāā Abəraham. Ni-ɓārə́n anī Abəraham ndigə na: Mā n toó.

TA KƏLA 22:20

Gō yá̰a̰ gə̄ ń noō tə́ anī, Abəraham oō kadə̄ Milka na ojə ngáń kə́ dəngam gə̄ kə ngōkó̰o̰n Nahor ō.

NDŪ NAJƏ̄ 18:2

Nin̄ a əngen̄ núsə dɔ nang kə́ tām̄ yādə́ tə́ dan ngán Israel gə̄ tə́ alé, tɔdɔ̄ yá̰á̰ ń əngen̄ ní i rāā kəla yā Kɔ́ɔ̄ɓē, tītə̄ ń Kɔ́ɔ̄ɓē ədańdə́ ní.

2 MBAN̄G 1:15

Loo ń noō tə́ de kə́ dɔ rā̰ tə́ yā Kɔ́ɔ̄ɓē əda Eli na kə risə kə aw̄ seneé ba kə ɓōlə́n alé. Anī Eli ḭḭ dɔɔ́ b a risə aw̄ kə ngol áskar gə̄ ní rɔ̄ mban̄g tə́.

PĀ GƏ̄ 3:4

Banī Kɔ́ɔ̄ɓē, ḭ̄ i der yāḿ. Ḭ̄ i kɔsə gɔn yāḿ, nge kun dɔḿ dɔɔ́.

PĀ GƏ̄ 115:10

Sḭḭ̄ de kə́ gír kojə yā Aaro̰ tə́ gə̄, ə̄ndāī kemsí dɔ Kɔ́ɔ̄ɓē tə́! I ni n i nge rāā sedə́ ō, der yādə́ ō ní!

IJAI 40:10

Kɔ́ɔ̄ɓē Nə́ɓā n toó. Ni-reē i kə tɔ́gɔ́. Ngan̄g yān asə kadə̄ o̰o̰ń ɓē. Ni-reē kə yá̰á̰ ń ni-ənge ní, yá̰á̰ ń əndānəń njan tām̄ kəla ń ni-rāā tə́ ní, ni reēń.

JEREMI 39:17

Ndɔ̄ ń noō tə́ ní, m-ā m̄-gān̄g dɔí adə̄ əlanī jī de gə̄ ń ī-ɓōĺdə́ ngá̰ý ní tə́ alé.