TA KƏLA 14:3 - Bibəl ta Sar̄

³ Mban̄g gə̄ ngeé ń toō əngen̄ naā i wól loo kə́ Sidim tə́ ń bā katə̄ i tū tə́ ngɔlaā ní.

Bible sar

³ Mban̄g gə̄ ngeé ń toō əngen̄ naā i wól loo kə́ Sidim tə́ ń bā katə̄ i tū tə́ ngɔlaā ní.

TA KƏLA 14:3 Referans Kwoze

JOJUE 3:16

bā lōō gír nūgə́ tə́ ba dəba tītə̄ kə́ deē gān̄g gírən i kə babəraá. Man̄ dəba i sa̰y, ɓē ń rīn na i Dam ní tə́, kadə Sartan tə́, ba dāmə̄n ń a nūgə́ kum kə̄ bā katə̄ kə́ Araba tə́ ní gətóo kɔ̄ɔ́ malang, loo ń noō tə́ gír de gə̄ teēn̄ bā Jurdḛ kə̄ gidə kə́rēý tə́, teēn̄ i loo ń ra sɔɔ̄n̄ ta naā kə ɓē kə́ Jeriko ní tə́.

NDŪ NAJƏ̄ 3:17

Dɔ nin̄ dɔ nang ní kə́ dām̄ kə́ no ɓē tə́ un i gō wól man̄ Jurdḛ, dɔ dán bā bo Kineret tə́ kə bā katə̄ kə́ Araba tə́ bátə́ ugə̄ń nja mbal̄ Pisga ń ra dām̄ kə́ gír ɓē tə́ ní.

TƏ́DA 34:12

A ra noó yā kaw̄ bátə́ kugə̄ bā Jurdḛ tə́ ba kun gō bā Jurdḛ yā gāngəń kum bā katə̄ tə́. Dɔ nang yāsí n noó ō, dɔ ninə́n̄ gə̄ n noó ō.

TA KƏLA 19:24

Loo ń noō tə́ Kɔ́ɔ̄ɓē rāā adə̄ hor bursu ḭḭ dɔ rā̰ tə́ edə tītə̄ man̄ dɔ ɓē kə́ Sodom tə́ ō, Gomor tə́ ō.

PĀ GƏ̄ 107:34

I ni n i nge rāā kadə̄ dɔ nang kə́ teē yá̰a̰ tél dɔ nang kə́ teē yá̰a̰ aĺ, sɔɔ̄ń kem ndul yā de gə̄ kə́ ndin̄ tū tə́ ní.

TA KƏLA 10:19

Dɔ nin̄ loo yādə́ əla gír i Sidon, teēń Gerar bátə́ ugə̄ń Gaja ō, Sodom ō, Gomor ō, Adəma ō, Seboim ō, Lesa ō.

TA KƏLA 14:4

Kedor Laomer ndi dɔdə́ tə́ ɓāl̄ kutə gidə i jōó. Ba kem ɓāl̄ kə́ nge ko̰ kutə gidə i mətá tə́ anī nin̄ mbātə́nən̄ kɔ̄ɔ́.

TA KƏLA 14:8

Anī mban̄g kə́ Sodom ō, mban̄g kə́ Gomor ō, mban̄g kə́ Adəma ō, mban̄g kə́ Seboim ō, mban̄g kə́ Bela ń i ɓē kə́ Soar ní ō, aw̄ ran̄ nodə́ tə́ wól loo kə́ Sidim tə́,

TA KƏLA 14:10

Bəlo bitum i ngá̰ý wól loo kə́ Sidim tə́. Mban̄g kə́ Sodom ō, mban̄g kə́ Gomor ō, a̰ȳn̄ naā adə̄ teē tə́sōn̄ tū tə́. Gotə gə̄ a̰ȳn̄ naā ɓɔ̄ɔ̄n̄ rɔ̄də́ dɔ mbalá.