TA KƏLA 13:8 - Bibəl ta Sar̄

⁸ Anī Abəram əda Lot na: Majə kadə̄ kɔ̄l̄ naā to dɔ dáńjí tə́ aĺ ō, to dɔ dáń ngé kul̄ yá̰a̰ yājí gə̄ tə́ aĺ ō, tɔdɔ̄ jḭḭ seí i ngákó̰o̰ naā gə̄.

Bible sar

⁸ Anī Abəram əda Lot na: Majə kadə̄ kɔ̄l̄ naā to dɔ dáńjí tə́ aĺ ō, to dɔ dáń ngé kul̄ yá̰a̰ yājí gə̄ tə́ aĺ ō, tɔdɔ̄ jḭḭ seí i ngákó̰o̰ naā gə̄.

TA KƏLA 13:8 Referans Kwoze

KƏLA RĀĀ 7:26

Teē kə ndɔ̄ kə́ noō anī Moijə ənge ngán Israel gə̄ jōó ra a rɔ̄ɔ̄n̄ naā. Ni-reē rɔ̄də́ tə́ yā kəndādə́ naā tə́ ədadə́ na: Madə́ḿ gə̄ sḭḭ̄ i ngákó̰o̰ naā gə̄ ba tām̄ rí tə́ á ā ī-rāāī naā majaĺ beē?

PĀ GƏ̄ 133:1

Pā kə́ yā kaw̄ń kə̄ loo kə́ táĺ tə́. I pā yā Dabid. Á̰a̰ī, ndi naā tə́ loo kógə̄ḿ yā ngákó̰o̰ naā gə̄ i yá̰á̰ kə́ majə ō, to rɔ̄nel̄ ō.

2 PIYER 1:7

ə̄ndāī rāā tɔdɔ̄ naā yā ngákó̰o̰ naā gə̄ dɔ rāā yá̰a̰ kə gō ń Nə́ɓā ndigə ní tə́ ō, ə̄ndāī tár dɔ rāā tɔdɔ̄ naā yā ngákó̰o̰ naā gə̄ tə́ ō.

1 PIYER 4:8

Yá̰á̰ ń kadə̄ ī-rāāī kété no yá̰á̰ gə̄ tə́ malang ní, i kadə̄ ī-táriī naā ngá̰ý dɔ dáńsí tə́, tām̄ tár i yá̰á̰ kə́ a rāā kadə̄ deē əndā njan dɔ majaĺ kə́ ngá̰ý gə̄ tə́.

1 PIYER 3:8

Yā tɔ̄ləń ta ɓáa, sḭḭ̄ malang ní, ādī kemsí i gō naā tə́ ō, kumsí o̰o̰sí kə naá ō, ī-táriī naā tītə̄ ń ngákó̰o̰ naā gə̄ a tárən̄neé naā ní ō, á̰a̰ī kum tō ndoō yā madə̄sí gə̄ ō, ī-téliī kə rɔ̄sí kə̄ nang tə́ ō.

Makətūbə̄ ń Pol ndang adə̄ Rom gə̄ ní 12:10

Kadə̄ tár naā yāsí i tītə̄ tár naā yā ngákó̰o̰ naā gə̄ beé. Ādə̄ deē kógə̄ḿ kógə̄ḿ ɔsə gɔn madə̄n gə̄ ō, rāādə́ i de kə́ bo tɔȳn gə̄ tə́ ō.

Gōsə̄ najə̄ gə̄ 20:3

Mbātə́ kɔ̄l̄ i yá̰á̰ kə́ to rɔȳ tām̄ yā deē tə́, banī de gə̄ malang ń kur̄ dɔdə́ gətóó ní nel̄də́ kɔ̄l̄ ngá̰ý.

Gōsə̄ najə̄ gə̄ 15:1

Najə̄ kə́ tūr̄ kəda deē kə míndə́ kə́ sɔl̄ lɔmɔɔ́ rāā adə̄ wōn̄g tetə, banī najə̄ kə́ tōr̄ kə́ kəda deē i yá̰á̰ kə́ a adə̄ deē wōn̄g.

TA KƏLA 45:24

Gō tə́ anī əya̰ ngákó̰o̰n gə̄ adə̄ aw̄n̄ ba tāādə́ na kə lōōn̄ tṵ́ṵ̄ naā róbó.

1 JA̰A̰ 4:7

Kó tár yāḿ gə̄, ādə̄ jə-táriī naā, tɔdɔ̄ tár ḭḭ i rɔ̄ Nə́ɓā tə́. Adə̄ deē ń tár i kemən tə́ ní, i Nə́ɓā n ojən ō, i de kə́ ger̄ Nə́ɓā ō.

1 PIYER 2:17

Ī-rɔyī de gə̄ malang ō, ī-táriī ngákó̰ó̰sí gə̄ ō, ī-ɓōlíī Nə́ɓā ō, ī-ɓōlíī ndíl mban̄g ō.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

HEBƏRO 13:1

Ī-táriī naā kə́ loo ngákó̰o̰ naā gə̄ tə́.

HEBƏRO 12:14

Ī-sāāī loo ndi lɔm kə de gēé malang ō, ī-sāāī loo tél de kə́ táĺ gə̄ ādə̄ i de kə́ kɔr̄ kam̄ tayā gə̄. Kanjə̄ nge ń noō anī, de kə́ yā ka̰a̰ Kɔ́ɔ̄ɓē a gətóo.

1 TESALONIK 4:9

Najə̄ kə́ dɔ tár kə́ dɔ dáń ngákó̰o̰ naā gə̄ tə́ ní, majə kadə̄ deē ndang makətūbə̄ adə̄sí najə̄n tə́ alé, tɔdɔ̄ i Nə́ɓā n ɔjəsí sḭḭ̄ kɔ́ gə̄ loo tár naā ní.

PILIPƏ 2:14

Ī-rāāī yá̰a̰ malang kanjə̄ yṵ́r̄ najə̄ ō, kanjə̄ kəhɔ naā najə̄ tə́ ō.

MATIYE 5:9

Rɔ̄nel̄ i kə ngé gə̄ ń əndān̄ madə̄də́ gə̄ naā tə́ ní, tɔdɔ̄ Nə́ɓā a ɓāŕdə́ na i ngánən gə̄.

Gōsə̄ najə̄ gə̄ 15:18

De kə́ nge wōn̄g i nge kənī kɔ̄l̄ loo tə́, banī de kə́ nge kəre rɔ̄n i nge tɔ̄l̄ horən.

Teē Ngán Israel gə̄ 2:13

Teē kə ndɔ̄ kə́ rangaá reē gogə́ ɓáý anī, ənge Hebəro gə̄ jōó ra a rɔ̄ɔ̄n̄ naā. Ni-dəje nge ń najə̄ əhɔn ní na ké ənda madə̄n ké i tām̄ rí tə́ wa.

TA KƏLA 13:9

Dɔ nang n to kə̄ noí tə́ malang noó aĺ a? Ī-ndi seḿ to̰ alé. Ré āw̄ dām̄ kə́ ko̰ó̰ tə́ anī, m-ā m-āw̄ dām̄ kə́ geleé tə́. Ré āw̄ dām̄ kə́ geleé tə́ anī, m-ā m-āw̄ dām̄ kə́ ko̰ó̰ tə́.

TA KƏLA 46:34

kə ədanən̄ na nin̄ na i ngé kul̄ dā̰ gə̄, n-əlan̄ gír na i kə dūúdə́ n na n-aw̄nəń jīdə́ tə́ toō tītə̄ yā kaadə́ gə̄. Ɓáa na a ndin̄ dɔ nang kə́ Gosen tə́, tɔdɔ̄ ngé kul̄ yá̰a̰ gə̄ na i de kə́ yḛr gə̄ malang ta kum de kə́ Ejiptə tə́ gə̄ tə́.

TA KƏLA 14:14

Loo ń Abəram oō kadə̄ əhɔn̄ ngōn̄ ngōkó̰o̰n ɓəlo tə́ anī, ɔy de kə́ ɓēé looneé gə̄ ɓú mətá kə kutə kógə̄ḿ kə kalən kə́ sɔ́sɔ́, adə̄də́ yá̰a̰ rɔ̄ɔ̄, ba sōn̄g gō mban̄g gə̄ ní bátə́ ugə̄ Dan.

NGÉ SARYA 9:26

Ndɔ̄ kə́rēý tə́ Gaal kə́ ngōn̄ Ebed reē kem ɓē kə́ Sisem tə́, anī de kə́ kem ɓēé gə̄ əndān̄ kemdə́ dɔn tə́.