TA KƏLA 13:2 - Bibəl ta Sar̄

² Abəram ənge yá̰á̰ ngá̰ý. Yá̰a̰ kul̄ yān gə̄ ō, gində̄ arjā̰a̰ yān ō, lɔ́r yān ō, i ngá̰ý.

Bible sar

² Abəram ənge yá̰á̰ ngá̰ý. Yá̰a̰ kul̄ yān gə̄ ō, gində̄ arjā̰a̰ yān ō, lɔ́r yān ō, i ngá̰ý.

TA KƏLA 13:2 Referans Kwoze

TA KƏLA 24:35

Kɔ́ɔ̄ɓē rāā majə kə kɔ́ɔ̄ḿ adə̄ ni-ənge yá̰á̰ ngá̰ý. Ənge batə̄ gə̄ kə bə̄yā̰ gə̄ kə man̄g gə̄. Ni-ənge gində̄ arjā̰a̰ ō, lɔ́r ō, ngé kəla kə́ dəngam gə̄ ō, kə́ dəyá̰ gə̄ ō, jámbal gə̄ ō, kərō gə̄ ō.

Gōsə̄ najə̄ gə̄ 10:22

I tɔ́r̄ ta yā Kɔ́ɔ̄ɓē ngóy n a adə̄ deē yá̰a̰ kənge ní, kəhɔ rɔ̄ tɔgə yā deē ənī yá̰á̰ kógə̄ḿ dɔ tə́ alé.

Makətūbə̄ yā Job 1:3

Batə̄ yān gə̄ i dūbú sīrí ō, jámbal gə̄ i dūbú mətá ō, man̄g gə̄ kə́ kadə naā tə́ jōó jōó i ɓú mí ō, kó̰o̰ kərō gə̄ i ɓú mí ō, ngé kəla yān gə̄ i ngá̰ý ō. Deē ngeé ń toō i de kə́ bo tɔȳ gotə de gə̄ malang kə́ dām̄ kə́ gír ɓē tə́.

NDŪ NAJƏ̄ 8:18

Ādə̄ əga kemsí na i Kɔ́ɔ̄ɓē Nə́ɓā yāsí n i nge kadə̄sí tɔ́gə kadə̄ ə́ngeīneé yá̰a̰ gə̄ ń noō ní. Rāā beé i yā kɔjəń na ɓōólaā gə̄gē ní ni-əhɔ ta madə̄ naā ń ni-əhɔ kə kaasí gēé ní ɓáý.

1 TIMOTE 4:8

Tɔdɔ̄ ndóō kənī gambəla i yá̰á̰ kə́ majə, ba i tām̄ yā yá̰á̰ kə́ ngá̰ý aĺ tə́. Banī ndóō rāā yá̰a̰ kə gō ń Nə́ɓā ndigə ní, i yá̰á̰ kə́ majə tām̄ yā yá̰a̰ gə̄ tə́ malang. Tɔdɔ̄ Nə́ɓā ənī míndən tāmən tə́. Ba míndən ń ənī ní, i tām̄ yā ndi kə kumuú kə́ ngɔr ń toō tə́ ō, kə́ ndɔ̄ń tə́ ō.

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

Makətūbə̄ yā Job 1:10

Ḭ̄ ə̄nī ndogə̄ kógə̄ḿ dɔn tə́ ī-ngɔ̄mnəń ō, ī-ngɔ̄məń de kə́ ta kújə yān tə́ gə̄ ō, yá̰a̰ kənge yān gə̄ ō aĺ a? Ḭ̄ ī-rāā adə̄ kəla yān teē yá̰a̰, adə̄ yá̰a̰ kul̄ yān gə̄ taān̄ loo kem ɓēé malang.

1 SAMUEL 2:7

I Kɔ́ɔ̄ɓē n i nge rāā kadə̄ deē tél nge rɔ̄ tō ndoō ō, nge kənge yá̰a̰ ō ní. Ni i nge tél kə deé kə̄ nang tə́ ō, nge kɔsən kə̄ dɔɔ́ ō.

TA KƏLA 12:16

Parao̰ rāā majə kə Abəram najə̄ yā dəyá̰ ní tə́. Ni-adə̄ Abəram batə̄ gə̄ ō, man̄g gə̄ ō, ngé rāā kəla kə́ dəngam gə̄ ō, kə́ dəyá̰ gə̄ ō, kərō kə́ dəngam gə̄ ō, kó̰o̰ kərō gə̄ ō, jámbal gə̄ ō.

TA KƏLA 13:6

Yá̰a̰ kənge yādə́ i ngá̰ý, adə̄ loo asə kadə̄ ndinə̄ń mbak alé, tɔdɔ̄ Kanaan gə̄ kə Periji gə̄ ndin̄ dɔ nang ní tə́ ō.

TA KƏLA 24:1

Abəraham tɔgə ɓə́gá ngá̰ý kɔ̄ɔ́. Kɔ́ɔ̄ɓē rāā majə seneé tū yá̰a̰ gə̄ tə́ malang.

TA KƏLA 30:43

Jakob tél de kə́ nge kənge yá̰á̰ ngá̰ý. Ənge batə̄ ngá̰ý ō, bə̄yā̰ ngá̰ý ō, ngé rāā kəla kə́ dəyá̰ gə̄ ō, kə́ dəngam gə̄ ō, jámbal gə̄ ō, kərō gə̄ ō.

TA KƏLA 26:14

Ni-ənge batə̄ gə̄ ō, bə̄yā̰ gə̄ ō, man̄g gə̄ ō, ngé rāā kəla gə̄ ngá̰ý ō, adə̄ Pilistin gə̄ əndānən̄ ni ngá̰ý.