TA KƏLA 13:16 - Bibəl ta Sar̄

¹⁶ M-ā m̄-rāā kadə̄ ngán kaaí gə̄ i ngá̰ý tītə̄ nán̄g ngárə̄ḿnjēý, kadə̄ ré deē asə tə́dá nán̄g ngárə̄ḿnjēý təgā anī, kɔ́ɔ̄ a asə tə́dá ngán kaaí gə̄ təgā ō.

Bible sar

¹⁶ M-ā m̄-rāā kadə̄ ngán kaaí gə̄ i ngá̰ý tītə̄ nán̄g ngárə̄ḿnjēý, kadə̄ ré deē asə tə́dá nán̄g ngárə̄ḿnjēý təgā anī, kɔ́ɔ̄ a asə tə́dá ngán kaaí gə̄ təgā ō.

TA KƏLA 13:16 Referans Kwoze

TƏ́DA 23:10

I náā n asə tə́da dūbə̄ de kə́ gír kaa yā Jakob tə́ ní? I náā n asə tə́da kutə de kə́ gír kaa yā Israel tə́ ní? Ādə̄ mə̄kɔ́ kə dɔḿ m-óy yo yā de kə́ súmūú gə̄ n noō ō, ādə̄ yá̰á̰ ń a rāā kósə Israel gə̄ ní rāām̄ ō.

TA KƏLA 28:14

Kutə ngání gə̄ ō, ngán kaaí gə̄ ō, a to tītə̄ bumbə́rú kə́ dɔ nang tə́. Ā ɔ̄rī kem loo yāsí kə̄ gogə́ kum kə̄ no ɓē tə́ ō, dūn̄ ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō. M-ā m̄-rāā majə kə gír kojə kə́ dɔ nang tə́ gə̄ malang sɔɔ̄iń ḭ̄ ō, ngání gə̄ ō, ngán kaaí gə̄ ō.

TA KƏLA 32:12

m̄-rāāī ɓɔ́, ī-taām̄ jī ngōkó̰ó̰ḿ Esau tə́. Tɔdɔ̄ m̄-ɓōĺ kadə̄ reē tɔ̄lə̄m̄ mā ō, dəyá̰ gə̄ ō, ngán gə̄ ō.

1 MBAN̄G GƏ̄ 3:8

Tá m̄-ndi i dan gír deē yāí gə̄ ń ī-gə̄rādə́ ní tə́. Nin̄ i ngá̰ý, adə̄ deē asə tə́da kutədə́ kə gōó alé.

Teē Ngán Israel gə̄ 32:13

Kadə̄ kə əga kemən dɔ ngé kəla yān gə̄ tə́: Abəraham ō, Isaak ō, Jakob ō, ń nəkɔ́ túbə̄ kə rɔ̄neé ənīń ndūn adə̄də́ əda na ngán kaadə́ gə̄ na a rosən̄ loo tītə̄ tə́yō̰ gə̄ kə́ dɔ rā̰ tə́ ō, ədadə́ na dɔ nang ń na ɔr̄ najə̄n sedə́ ní na a adə̄ ngán kaadə́ gə̄ kadə̄ tél yá̰a̰ yādə́ kə́ kə́ njɔ́ḿ gə̄ tə́ gə̄ tə́ ní ō.

TA KƏLA 15:5

Kɔ́ɔ̄ɓē teē kə Abəram ndágá ba ədan na: Á̰a̰ loo kə̄ dɔɔ́. Ré ásə́ tə́da tə́yō̰ gə̄ ń noō anī, ī-tə́dádə́. Kɔ́ɔ̄ɓē əda Abəram ɓáý to̰ na: Deē a asə tə́dá ngán kaaí gə̄ alé, tītə̄ ń deē asəń tə́da tə́yō̰ gə̄ alé ní ō.

JEJU TEĒ KUM JA̰A̰ 7:9

Gō yá̰á̰ ń noō tə́ anī, m-á̰á̰ kósə de kə́ ngá̰ý gə̄, kə́ deē asə tə́dádə́ alé. Nin̄-ḭḭn̄ i kə̄ dan nápar de gə̄ tə́ malang ō, dan gír ɓē gə̄ tə́ malang ō, dan gír de gə̄ tə́ malang ō. Nin̄-ndan̄ kə njadə́ dɔɔ́ ta kōr̄ kāgə̄ mbang tə́ ō, kə̄ no Ngōn̄ batə̄ tə́ ō. O̰ō̰n̄ kūbə̄ ngāl̄ kə́ ndaa gə̄ ō, əhɔn̄ ta jī kāgə̄ túmbur gə̄ jīdə́ tə́ ō.

JEREMI 33:22

M-ā m̄-rāā kadə̄ ngán kaa nge kəla yāḿ Dabid ō, ngán kaa Lebi gə̄ ō ń i de kə́ bo yāḿ gə̄ ní, a bəlan̄ ngá̰ý tītə̄ tə́yō̰ gə̄ kə́ dɔ rā̰ tə́ gə̄ ō, nán̄g ngárə̄ḿnjēý kə́ ta bā bo tə́ ō ń deē asə tə́da aĺ ní.

1 YÁ̰A̰ GƏ̄ 27:23

De gə̄ ń ɓāl̄də́ ḭḭ dɔ kutə jōó tə́ ba tél kum kə̄ nang tə́ ní Dabid tə́da kutədə́ alé, tɔdɔ̄ Kɔ́ɔ̄ɓē əda kété na n-a n-rāā kadə̄ kutə Israel gə̄ a reē ngá̰ý tītə̄ yā kutə tə́yō̰ kə́ dɔ rā̰ tə́ gə̄.

1 YÁ̰A̰ GƏ̄ 21:5

Ni-əda Dabid kutə de gə̄ ń ni tə́dá ní. Israel gə̄ malang i deē 1 100 000. De gə̄ malang ń noō i de kasə rɔ̄ɔ̄ kə kaskaraá gə̄. De kə́ Juda gə̄ i deē 470 000.

1 MBAN̄G GƏ̄ 4:20

De kə́ Juda tə́ gə̄ ō, kə́ Israel tə́ gə̄ ō, i ngá̰ý tītə̄ nán̄g ngárə̄ḿnjēý kə́ ta bā tə́ beē. Nin̄-əsan̄ ō, a̰ȳn̄ ō, rāān̄ rɔ̄nel̄ ō.

NGÉ SARYA 6:5

Tɔdɔ̄ a reēn̄ i kə yá̰a̰ kul̄ yādə́ gēé ō, kújə tandā yādə́ gēé ō. A reēn̄ i ngá̰ý tītə̄ yim̄ gə̄ beé. Nin̄ gə̄gē, jámbal yādə́ gə̄ gə̄gē. Kutədə́ i ngá̰ý al̄ naā adə̄ loo tə́dádə́ gətóo. Nin̄ reē a taān̄ kem ɓē ō, a nujən̄ kem ɓē sák sák kɔ̄ɔ́ ō.

NGÉ SARYA 6:3

Ré ngán Israel gə̄ dubə̄n̄ kōō oy anī Madian gə̄ kə Amalek gə̄, kə ngáń kə́ gír ɓē tə́ gə̄ reē a rɔ̄ɔ̄n̄də́ i mbée dejə.

NDŪ NAJƏ̄ 1:10

Kɔ́ɔ̄ɓē Nə́ɓā yāsí rāā adə̄ ójiī naā ngá̰ý, adə̄ ɓōólaā kutəsí i ngá̰ý tītə̄ yā tə́yō̰ gə̄ kə́ dɔ rā̰ tə́.

Teē Ngán Israel gə̄ 1:7

Ngán Israel gə̄ ojən̄ naā ngá̰ý adə̄ kutədə́ ō, tɔ́gə́də́ ō i ngá̰ý. Nin̄-taān̄ kem ɓē malang.

TA KƏLA 46:3

Anī Nə́ɓā əda na ni na i Nə́ɓā yā bɔbə̄n, kə lōō ɓōĺ kaw̄ Ejiptə tə́, tɔdɔ̄ n-a n-rāā kadə̄ a tél nápar de kə́ ngá̰ý gə̄ kem ɓē ń noō tə́.

TA KƏLA 35:11

ba əda na: Mā i Nə́ɓā kə́ bo kə́ tɔ́gə́ḿ i ngá̰ý. M-ā m-ādī ngán gə̄ ngá̰ý adə̄ ā ī-tél kaa nápar de kə́ ngá̰ý gə̄ ō, kaa de kə́ gíŕ nápar de kə́ ngá̰ý gə̄ ō. Ā ī-tél kaa mban̄g gə̄.

TA KƏLA 28:3

Ādə̄ Nə́ɓā kə́ bo kə́ tɔ́gən i ngá̰ý rāā majə seí ō, adī ngán gə̄ ngá̰ý kadə̄ ī-tél kaa gír de kə́ ngá̰ý gə̄ ō!

TA KƏLA 26:4

M-ā m̄-rāā kadə̄ ngání gə̄ ō, ngán kaaí gə̄ ō, a bəlan̄ tītə̄ tə́yō̰ gə̄ kə́ dɔ rā̰ tə́ ō, m-ā m-ādə̄də́ dɔ nang ń toō malang ō. M-ā m̄-rāā majə kə nápar de kə́ dɔ nang tə́ gə̄ malang sɔɔ̄ńdə́ nin̄,

TA KƏLA 21:13

Kə́ tām̄ yā ngōn̄ ɓəlo yāí kə́ dəyá̰ tə́ tā anī, m-ā m̄-rāā kadə̄ a ojə nápar de kə́ ngá̰ý gə̄ ō, tɔdɔ̄ ni i ngōnīí ō.

TA KƏLA 18:18

Ni a tél kaa gíŕ nápar de kə́ ngá̰ý gə̄ kə́ tɔ́gə́də́ i ngá̰ý. M-ā m̄-rāā majə kə nápar de gə̄ malang kə́ dɔ nang tə́ gə̄ sɔɔ̄nəń ni.

TA KƏLA 17:20

Ba yá̰á̰ ń ī-dəje tām̄ yā Ismael tə́ ní m-ā m-ādī. M-ā m̄-rāā majə seneé. M-ā m̄-rāā kadə̄ ni a ojə ngán gə̄ ō, kadə̄ gír kojə yān a bəla ngá̰ý ō. Ni a ojə ngār gə̄ kutə gidə i jōó ō, a tél kaa nápar de kə́ ngá̰ý gə̄ ō.

TA KƏLA 17:16

M-ā m̄-rāā majə seneé ō, m-ā m-ādī ngōn̄ kə́ dəngam kə kūl̄neé ō. M-ā m̄-rāā majə seneé kadə̄ a tél kaa nápar de kə́ ngá̰ý gə̄. Mban̄g kə́ bo gə̄ yā gír de kə́ tayā tayā gə̄ a teēn̄ gír kaa yān tə́.

TA KƏLA 17:6

M-ā m-ādī ngán kaaí gə̄ ngá̰ý kadə̄ a télən̄ gíŕ nápar de gə̄ ō, mban̄g gə̄ a teēn̄ gír kaa yāí tə́ ō.

HEBƏRO 11:12

I beé n de kə́ kal kógə̄ḿ beē kə́ njan i kə̄ ta bāá yo tə́ ngɔr, ojəń gír kaa kə́ kutədə́ i ngá̰ý tītə̄ tə́yō̰ kə́ dɔ rā̰ tə́ gə̄, kə nán̄g ngárə̄ḿnjēý kə́ ta bā bo tə́ gə̄ kə́ deē asə tə́dá kutən alé ní.

TA KƏLA 16:10

Kɔ́ɔ̄ɓē a adī ngán kaaí gə̄ ngá̰ý. Deē a asə tə́da kutədə́ alé.

TA KƏLA 17:2

M-ā m-ə́hɔ madə̄ naā seí ō, m-ā m-ə́hɔ kadə̄ gír kaaí a ojə naā ngá̰ý ō.

2 MBAN̄G 13:23

Banī ta tɔ̄l̄ ta anī Kɔ́ɔ̄ɓē a̰a̰ kum tō ndoō yādə́. Ni mā̰ȳ rɔ̄n dɔdə́ tə́ sɔɔ̄ń madə̄ naā ń ni-əhɔ kə Abəraham ō, Isaak ō, Jakob ō ní tə́. Adə̄ ni-lōō gír tɔ̄l̄də́ malang kɔ̄ɔ́ tə́. Jóo nəkɔ́ ń toō ní, ni-ɔr̄də́ sa̰y kɔ̄ɔ́ rɔ̄n tə́ alé.

2 YÁ̰A̰ GƏ̄ 1:9

Ngɔlaā ní Kɔ́ɔ̄ɓē Nə́ɓā, ī-rāā yá̰á̰ ń ə̄nī ndūí yā rāā kadə̄ bɔbə́ḿ ní. Tɔdɔ̄ i ḭ̄ n ə̄ndām̄ kadə̄ m-ó̰o̰ ɓē dɔ gír de gə̄ kə́ kutədə́ i ngá̰ý tītə̄ nán̄g ngárə̄ḿnjēý kə́ dɔ nang tə́ ní.

TA KƏLA 32:13

Ḭ̄ ə́dam̄ na ā ī-rāā seḿ ō, na ā ī-rāā kadə̄ ngánə́ḿ gə̄ ō, ngán kaaḿ gə̄ ō, na a ton̄ tītə̄ nán̄g ngárə̄ḿnjēý kə́ ta bā bo tə́ kə́ deē asə tə́da alé.

Makətūbə̄ yā Job 5:25

Ā á̰a̰ā̰ kadə̄ ngání gə̄ i ngá̰ý ō, ngán kaaí gə̄ a ton̄ tītə̄ mu kə́ dɔ nang tə́ ō.