TA KƏLA 13:10 - Bibəl ta Sar̄

¹⁰ Lot un kumən kə́ dɔɔ́ anī a̰a̰ ndágə loo kə́ Jurdḛ tə́ ń man̄ aw̄ tū tə́ majə ní. Kété tá kadə̄ Kɔ́ɔ̄ɓē nujə Sodom ō, Gomor ō ní, ndágə loo kə́ Jurdḛ tə́ ní to i tītə̄ loo kə́ kem ndɔr̄ yā Kɔ́ɔ̄ɓē tə́ ō, to i tītə̄ dɔ nang kə́ Ejiptə tə́ ō, bátə́ ugə̄ń Soar.

Bible sar

¹⁰ Lot un kumən kə́ dɔɔ́ anī a̰a̰ ndágə loo kə́ Jurdḛ tə́ ń man̄ aw̄ tū tə́ majə ní. Kété tá kadə̄ Kɔ́ɔ̄ɓē nujə Sodom ō, Gomor ō ní, ndágə loo kə́ Jurdḛ tə́ ní to i tītə̄ loo kə́ kem ndɔr̄ yā Kɔ́ɔ̄ɓē tə́ ō, to i tītə̄ dɔ nang kə́ Ejiptə tə́ ō, bátə́ ugə̄ń Soar.

TA KƏLA 13:10 Referans Kwoze

NDŪ NAJƏ̄ 34:3

Ɔjən gō nang kə́ Negeb ō, gō nang kə́ Jeriko ō ń i ɓē kə́ kāgə̄ túmbur gə̄ i ngá̰ý tū tə́ ní, kum wól bā Jurdḛ tə́ bátə́ teēń Soar.

IJAI 51:3

Kum Kɔ́ɔ̄ɓē o̰o̰n tām̄ yā Siyo̰ tə́, kumən o̰o̰n tām̄ yā gájə́ kújə yān gə̄ tə́. Ɓē ń toō ń de kə́ kemeé gə̄ gətóon̄ ní, ni a tūrə̄n kadə̄ tél loo kə́ majə ngá̰ý. Ni a rāā dɔ nang kə́ tutə ń toō kadə̄ tél ndɔr̄ kə́ Eden. Rɔ̄nel̄ kə́ ngá̰ý ō, pā tɔ̄ȳ ō, yá̰á̰ kə́ ɓār̄ gōsə̄ ō, a to loo ń noō tə́.

TA KƏLA 14:8

Anī mban̄g kə́ Sodom ō, mban̄g kə́ Gomor ō, mban̄g kə́ Adəma ō, mban̄g kə́ Seboim ō, mban̄g kə́ Bela ń i ɓē kə́ Soar ní ō, aw̄ ran̄ nodə́ tə́ wól loo kə́ Sidim tə́,

JOEL 2:3

Hor o̰o̰ loo kété nodə́ tə́ ō, ɓáa, ta ndo̰ hor kə́ o̰o̰ bəlim bəlim i gōgə̄ gōdə́ tə́ ō. Ɓē to kété nodə́ tə́ i tītə̄ ndɔr̄ kə́ Eden beē. Ba ré mānə̄n̄ i dəla loo kə́ nujə sák sák kɔ̄ɔ́ beē. Yá̰á̰ kógə̄ḿ kə́ teē ta jīdə́ tə́ gətóo.

TA KƏLA 14:2

rɔ̄ɔ̄n̄ Bera mban̄g kə́ Sodom ō, Birsa mban̄g kə́ Gomor ō, Sineab mban̄g kə́ Adəma ō, Semeber mban̄g kə́ Seboim ō, mban̄g kə́ Bela ń i ɓē kə́ Soar ní ō.

EJEKIEL 28:13

Ī-ndi i Eden, kem ndɔr̄ yā Nə́ɓā tə́, mbal̄ gə̄ kə́ gātə̄də́ i ngá̰ý gə̄ utə̄n̄ gidií, adə̄ i mbal̄ sarduan ō, topajə ō, diyamā̰a̰ ō, kərijolitə ō, kɔrnalin ō, jaspə ō, sapir ō, gərenatə ō, emerodə ō. Ḭ̄ ō̰ō̰ nə̄ngá kə́ tayā tayā gə̄ kə́ rāān̄də́ kə lɔ́r, rāān̄ nə̄ngá gə̄ ní i ndɔ̄ ń rāānəń ḭ̄ tə́ ní.

1 MBAN̄G GƏ̄ 7:46

Mban̄g adə̄ nōn̄ yá̰a̰ gə̄ ń noō malang i kem wól loo kə́ Jurdḛ tə́, dɔ dán ɓē kə́ Sukot kə Sartan tə́, nang kə́ to bɔr tə́.

EJEKIEL 31:8

Kāgə̄ sedər kə́ to tītə̄n gətóo kem ndɔr̄ yā Nə́ɓā tə́, kāgə̄ sipəres kə́ ta jīn kə́ tɔ̄ɔ̄ gə̄ majən̄ tītə̄ yān gətóo, kāgə̄ kə́ ndílən i ngá̰ý tītə̄ yān gətóo.

JEREMI 48:34

De gə̄ kə́ Hesəbon tə́ gə̄ ń ɓārə̄n̄ ɓār̄ kadə̄ dḭḭ̄n̄də́ ní, oōn̄ kōōdə́ bátə́ gān̄g kə̄ Elale tə́. Tá ndūdə́ ɓār̄ bátə́ ugə̄ Yahas kə́ Soar tə́ ō, téē Horonaim ō, Egəlat Selisiya ō. Tɔdɔ̄ man̄ gə̄ kə́ Nimrim tə́ gə̄gē a télən̄ i yá̰á̰ kə́ deē əda rī to̰ alé.

IJAI 15:5

m̄-ɓāŕ yá̰a̰ kadə̄ dḭḭ̄mə̄n̄ yā rāań kə ɓē kə́ Moab. De kə́ Moab gə̄ a̰ȳn̄ naā bátə́ ugə̄n̄ Soar, aw̄n̄ bátə́ ugə̄n̄ Egəlat Selisiya. Nin̄ alə̄n̄ kadə Luhit tə́ ta kaw̄ dɔɔ́ kə nōó. Nin̄ əgan̄ kɔŕ dɔ róbə́ kə́ Horonaim tə́ ədan̄ na: Yá̰a̰ malang i kə́ nujə kɔ̄ɔ́. I yá̰á̰ kə́ to kum kaȳ aĺ kə́ to ɓōĺ ngá̰ý kə́ ba̰ý beē!

PĀ GƏ̄ 107:34

I ni n i nge rāā kadə̄ dɔ nang kə́ teē yá̰a̰ tél dɔ nang kə́ teē yá̰a̰ aĺ, sɔɔ̄ń kem ndul yā de gə̄ kə́ ndin̄ tū tə́ ní.

TA KƏLA 6:2

ngáń Nə́ɓā gə̄ a̰a̰n̄ ngáń kə́ dəyá̰ yā de gə̄ ní mandən̄ ngá̰ý ta kumdə́ tə́, adə̄ táān̄ ngé gə̄ ń nin̄ gə̄rān̄də́ ní kə́ dəyá̰ gə̄ tə́.

TA KƏLA 3:6

Dəyá̰ a̰a̰ kadə̄ kan̄ kāgə̄ ní majə kəsa ngá̰ý ō, majə ka̰a̰ ngá̰ý ō, ngur kəsan kadə̄ gerə̄ń yá̰á̰ ngá̰ý rāān ō. Anī ni-əja kan̄ kāgə̄ ní kógə̄ḿ əsa ō, adə̄ ngaan ń ra kadən tə́ ní adə̄ əsa ō.

TA KƏLA 11:27

Gír kojə yā Tera n toó: Tera ojə Abəram ō, Nahor ō, Haran ō.

TA KƏLA 13:9

Dɔ nang n to kə̄ noí tə́ malang noó aĺ a? Ī-ndi seḿ to̰ alé. Ré āw̄ dām̄ kə́ ko̰ó̰ tə́ anī, m-ā m-āw̄ dām̄ kə́ geleé tə́. Ré āw̄ dām̄ kə́ geleé tə́ anī, m-ā m-āw̄ dām̄ kə́ ko̰ó̰ tə́.

TA KƏLA 13:11

I nang kə́ Jurdḛ tə́ n Lot gə̄rā tām̄ yān nəkɔ́ tə́ malang ní, adə̄ ni-aw̄ kumən kə́ gír ɓē tə́. Nin̄ əya̰n̄ naā i beé.

TA KƏLA 47:6

na dɔ nang kə́ Ejiptə tə́ na i tām̄ yān tə́ kə taá malang. Ní, kə sāā loo kə́ majə kə əndādə́ tū tə́. Kadə̄ ndin̄ dɔ nang kə́ Gosen tə́. Ba ré kə ənge de kə́ ger̄ kəla majə gə̄ dɔ dáńdə́ tə́ anī, kə əndādə́ dɔ yá̰a̰ kul̄ yān ni Parao̰ gə̄ tə́.

Makətūbə̄ yā Job 40:23

Katə man̄ kə́ ngá̰ý a̰ȳ ndílən alé. Ká ré man̄ kə̄rā bátə́ ugə̄ń nga̰ā̰n tə́ gə̄gē a, ni to beé.

EJEKIEL 16:46

Rī ngōkó̰ó̰í kə́ dəyá̰ kə́ nga tɔ́gə na i Samari. Ni-ndi i dām̄ mbɔ́r ɓē kə́ ko̰ó̰ naā tə́ kə ngán ɓē kə́ dūú gēé kadən tə́. Ngōkó̰ó̰í kə́ dəyá̰ ń teē gidií tə́ ní rīn na i Sodom. Ni-ndi i dām̄ mbɔ́r ɓē kə́ geleé tə́, naā tə́ kə ngán ɓē kə́ dūú gēé kadən tə́.

EJEKIEL 16:49

Yá̰á̰ kə́ gōtə́ aĺ gə̄ ń Sodom nin̄ kə ɓē kə́ kadən tə́ gə̄ rāān̄ ní n toó: Nin̄ ɔjən̄ rɔ̄də́ ō, əsan̄ yá̰a̰ adə̄ al̄ kemdə́ ō, usədə́ yá̰a̰ aĺ ō, rāān̄ kə ngé ndoō gēé aĺ ō, kə ngé rɔ̄ tō ndoō gēé aĺ ō.

EJEKIEL 31:9

M-ādə̄n ta jī kə́ tɔ̄ɔ̄ majə ngá̰ý gə̄ ō, adə̄ kāgə̄ gə̄ malang kə́ Eden tə́ ń i ndɔr̄ yā Nə́ɓā ní, əndānən̄ ni.

EJEKIEL 47:18

Dɔ nin̄ ɓē kə́ dām̄ kə́ gír ɓē tə́ a əla gír i loo ń ra dɔ dán Damas kə Hauran tə́ ní ō, dɔ nin̄ ɓē ní a un gō wól bā Jurdḛ dɔ dán gō nang kə́ Galaad kə ɓē kə́ Israel tə́ ō. Dɔ nin̄ ɓē ní aw̄ bátə́ ugə̄ Tamar kadə bā katə̄ tə́. Dām̄ dɔ nin̄ ɓē kə́ dām̄ kə́ gír ɓē tə́ n noó.