TA KƏLA 12:8 - Bibəl ta Sar̄

⁸ Ni-ḭḭ loo ń noō tə́, ənda dām̄ loo kə́ mbalá kə́ Betel gān̄g, ba aw̄ udə kújə tandā yān dɔ dán Betel nin̄ kə Ai tə́. Betel i kə̄ no ɓē tə́ ō, Ai i kə̄ dūn̄ ɓē tə́ ō. Ni-rāā loo tun̄ yá̰á̰ kə́ rang ō, ɓāŕ Nə́ɓā na i Kɔ́ɔ̄ɓē kem ndɔ̄ȳ yān tə́ ō.

Bible sar

⁸ Ni-ḭḭ loo ń noō tə́, ənda dām̄ loo kə́ mbalá kə́ Betel gān̄g, ba aw̄ udə kújə tandā yān dɔ dán Betel nin̄ kə Ai tə́. Betel i kə̄ no ɓē tə́ ō, Ai i kə̄ dūn̄ ɓē tə́ ō. Ni-rāā *loo tun̄ yá̰á̰ kə́ rang ō, ɓāŕ Nə́ɓā na i Kɔ́ɔ̄ɓē kem ndɔ̄ȳ yān tə́ ō.

TA KƏLA 12:8 Referans Kwoze

NEHEMI 11:31

Ɓē gə̄ ń de kə́ gír ɓē yā Benjamḛ tə́ gə̄ ndin̄ kemeé ní i Geba ō, Mikəmas ō Aya ō Betel ō, ngán ɓē kə́ gidə tə́ gə̄ ō,

TA KƏLA 4:26

Set ojə ngōn̄ kə́ dəngam ō. Ni-əndā rīn na i Enos. I loo ń noō tə́ n de gə̄ əlanə̄ń gír ɓāŕ Nə́ɓā na i Kɔ́ɔ̄ɓē dan ń a ndɔ̄ȳnən̄ tə́ ní.

TA KƏLA 21:33

Abəraham əhɔ kāgə̄ tamaris kógə̄ḿ Beer Seba, ba ndɔ̄ȳ kə rī Kɔ́ɔ̄ɓē Nə́ɓā kə́ ndi ngándáńg.

1 KORḚNTƏ 1:2

əlan̄ kə makətūbə̄ ń toō adə̄n̄ Egəlijə yā Nə́ɓā ń ndin̄ kem ɓē kə́ Korḛntə tə́ ní. Nin̄-adə̄n̄ ngé gə̄ ń ɓārə́n̄də́ kadə̄ ndin̄ tām̄ yā Nə́ɓā tə́ á nin̄ i de gə̄ yā Nə́ɓā kə ta kūl̄ ɓoo naā yādə́ kə Jeju Kərist ní ō, adə̄n̄ de gə̄ malang ń ndin̄ kə̄ loo gə̄ tə́ malang ba a ɓārə́n̄ rī Kɔ́ɔ̄ɓē yājí Jeju Kərist ní ō, tām̄ ni i Kɔ́ɔ̄ɓē yādə́ ō, Kɔ́ɔ̄ɓē yājí ō mbak.

TA KƏLA 28:19

Ni-əndā rī loo ní na i Betel, kumən na i kújə yā Nə́ɓā. Kété rī ɓē ní na i Lujə.

TA KƏLA 13:4

I loo ń ni-rāā loo tun̄ yá̰a̰ ba ɓāŕ Nə́ɓā na i Kɔ́ɔ̄ɓē kem ndɔ̄ȳ yān tə́ tū tə́ kété ní.

KƏLA RĀĀ 2:21

Ndɔ̄ ngeé ń noō tə́ ní, náā nəkɔ́ ń a ɓāŕ rī Kɔ́ɔ̄ɓē anī a ajə.

IJAI 10:28

Nin̄ ugə̄n̄ ngɔr kə̄ Ayat. Nin̄-mān̄ aw̄n̄ Migəron, ba əya̰n̄ yá̰a̰ kəto yādə́ gə̄ Mikəmas.

PĀ GƏ̄ 116:4

Loo ń noō tə́ m̄-ɓāŕ Kɔ́ɔ̄ɓē kə rīneé: Ɓɔ́ Kɔ́ɔ̄ɓē, ī-gān̄g dɔḿ!

JOJUE 18:22

Bet Araba ō, Semaraim ō, Betel ō,

JOJUE 8:17

Deē kógə̄ḿ kə́ dəngam na̰y kem ɓēé alé. nin̄ teēn̄ gō ngán Israel gə̄ tə́ malang, ba əya̰n̄ ta róbə́ kə́ yā kudəń kə̄ kem ɓēé adə̄ ra wōyōó.

JOJUE 8:3

Adə̄ Jojue ḭḭ ɔy ngé rɔ̄ɔ̄ yān gə̄ malang yā kaw̄ rɔ̄ɔń ɓē kə́ Ai. Ni-gə̄rā go̰ rɔ̄ɔ̄ gə̄ dūbú kutə mətá, əladə́ ndɔ̄ɔ́,

JOJUE 7:2

Jojue ndi Jeriko ba əla de gə̄ ɓē ń a ɓārə́n̄ na i Ai tə́, ɓē ní ra i kadə̄ ɓē madə̄ ń a ɓārə́n̄ na i Bet Aben ní tə́ Ré deē ra Betel anī, Ai i kə̄ dām̄ kə́ gír ɓē tə́. Ni-mēr̄də́ kaw̄ kəndā ma̰ȳ loo ní. Dan ń de gə̄ ní aw̄ əndān̄ ma̰ȳ loo ní oy anī,

TA KƏLA 35:3

J-a j-awī Betel yā kadə̄ m-ā m̄-rāā loo tun̄ yá̰a̰ noó tām̄ yā Nə́ɓā ń ndɔ̄bə̄m̄ ɔr̄ najə̄ seḿ ndɔ̄ wur kɔl yāḿ tə́ ní ō, i naā tə́ seḿ dan ń mā m̄-njə̄rań mbā tə́ ní ō.

HEBƏRO 11:9

I kə ta kūl̄ taā kem n ni-aw̄ ndi tītə̄ tə̄rā beé, dɔ nang ń Nə́ɓā ənī míndən dɔ tə́ adə̄n ní. Ni-ndi i kem kújə tandā tə́ tītə̄ yā Isaak ō, Jakob ō ń. Nə́ɓā ənī míndən yā kadə̄də́ dɔ nang ń toō tītə̄ yān ō ní.

TA KƏLA 8:20

Noe ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́, ba əhɔ dā̰ kógə̄ḿ kógə̄ḿ dan dā̰ kə́ unjə̄ njáý njáý gə̄ tə́ ō, yel̄ kógə̄ḿ kógə̄ḿ dan yel̄ kə́ unjə̄ njáý njáý gə̄ tə́ ō, róō horoó dɔ loo tun̄ yá̰á̰ ní tə́ adə̄ Kɔ́ɔ̄ɓē.

TA KƏLA 13:3

Ni-ḭḭ gō nang kə́ Negeb tə́ njə̄rā bátə́ ugə̄ Betel, loo ń udə kújə tandā yān tū tə́ kété tə́ ní, i dɔ dán Betel nin̄ kə Ai tə́.

TA KƏLA 13:18

Abəram ndɔ́tə̄ kə kújə tandā yān gēé, aw̄ ndi ɓē mbo̰ō̰ kāgə̄ sén gə̄ kə́ Mamre tə́ kadə Hebron tə́ ngɔr. Ni-ɔy kūbə̄rū mbal̄ gə̄ tə́ndā dɔ naā tə́ loo ń noō tə́, rāań loo tun̄ yá̰a̰ tām̄ yā Kɔ́ɔ̄ɓē tə́.

TA KƏLA 22:9

Dan ń ugə̄n̄ loo ń Nə́ɓā ɔjə Abəraham tə́ ní anī, Abəraham ɔy kūbə̄rū mbal̄ gə̄ tə́ndā dɔ naā tə́ rāań loo tun̄ yá̰a̰, ba ɔsə̄ kīr̄ dɔ tə́. Ni-do̰ō̰ ngōnə̄n Isaak ənīn dɔ kīr̄ ní tə́.

TA KƏLA 26:25

Isaak ɔy kūbə̄rū mbal̄ gə̄ tə́ndā dɔ naā tə́ rāań loo tun̄ yá̰a̰ tām̄ yā Kɔ́ɔ̄ɓē tə́ loo ní tə́. Ni-ɓāŕ Nə́ɓā na i Kɔ́ɔ̄ɓē kem ndɔ̄ȳ yān tə́. Ni-udə kújə tandā yān loo ní tə́ ō, ngé kəla yān gə̄ ndērə̄n̄ bəlo man̄ kə́ rang ō.

JOJUE 8:9

Jojue əya̰ ngé rɔ̄ɔ̄ gə̄ ń ni gə̄rādə́ ní adə̄ aw̄n̄. Ba nəkɔ́ to ndɔ̄ɔ́ ndɔ̄ ń nuū tə́ kə gotə ngé rɔ̄ɔ̄ kə́ ngá̰ý gēé. Ngé rɔ̄ɔ̄ gə̄ ń Jojue əladə́ ní aw̄n̄ ba aw̄ ɓɔ̄ɔ̄n̄ rɔ̄də́ dɔ dán ɓē kə́ Betel kə Ai tə́. Ré deē ra Ai anī, loo ń ɓɔ̄ɔ̄n̄ rɔ̄də́ tū tə́ ní i kə̄ dām̄ kə́ no ɓē tə́.

JOJUE 8:12

Jojue ɔr̄ de gə̄ adə̄ asən̄ dūbūú mí ń nuū, əndādə́ dām̄ kə́ no ɓē tə́, dɔ dán Betel kə Ai tə́ kadə̄ ɓɔ̄ɔ̄n̄ rɔ̄də́.

1 SAMUEL 30:27

Ni-əlań adə̄ ngé kə́ Betel ō kə́ Ramot ń ndin̄ gō nang kə́ Negeb tə́ ní ō kə́ Yatir ō

TA KƏLA 31:25

Laban aw̄ ənge Jakob dan mbal̄ kə́ Galaad gə̄ tə́ ń udə kújə tandā yān tū tə́ ní. Laban nin̄ kə ngákó̰o̰n gēé reē udən̄ yādə́ loo ní tə́ ō.

TA KƏLA 33:20

Jakob rāā loo tun̄ yá̰a̰ loo ngeé ń noō tə́ ba əndā rīn na i Nə́ɓā i Nə́ɓā yā Israel.

TA KƏLA 35:7

Ni rāā loo tun̄ yá̰a̰ ba əndā rī dɔ tə́ na i Nə́ɓā kə́ Betel, tām̄ dan ń a a̰ȳń ngōkó̰o̰n kété ní, Nə́ɓā ndɔ̄bə̄n i loo ń noō tə́.

Teē Ngán Israel gə̄ 17:15

Moijə rāā loo tun̄ yá̰a̰, əndā rī dɔ tə́ na Kɔ́ɔ̄ɓē i dərapóo rɔ̄ɔ̄ yāḿ,

JOJUE 8:30

Jojue rāā loo tun̄ yá̰a̰ dɔ mbal̄ Ebal tə́ tām̄ yā Kɔ́ɔ̄ɓē Nə́ɓā yā Israel tə́.

JOJUE 22:10

Dan ń ugə̄n̄ Gelilot kə́ kadə bā Jurdḛ tə́ ń loo kə́ dɔ nang kə́ Kanaan tə́ ɓáý ní anī, rāān̄ loo tun̄ yá̰á̰ kógə̄ḿ kə́ bo ngá̰ý tū tə́.

NGÉ SARYA 6:24

Jedeo̰ rāā loo tun̄ yá̰a̰ loo ní tə́ adə̄ Kɔ́ɔ̄ɓē, ba ənī rīn na i Kɔ́ɔ̄ɓē i nge sɔl̄ kem deē. Ɓōólaā gə̄gē ní loo tun̄ yá̰á̰ ní ra kem ɓē kə́ Opəra yā Abiejer tə́ noō.