TA KƏLA 12:7 - Bibəl ta Sar̄

⁷ Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

Bible sar

⁷ Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań *loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

TA KƏLA 12:7 Referans Kwoze

GALATƏ 3:16

Banī i Abəraham ō, ngōn̄ kaan ō n Nə́ɓā ənī míndən adə̄də́ ní. I kə́ kəda na i ngán kaan gə̄ tītə̄ kə́ nin̄ i ngá̰ý beē alé, ba na i ngōn̄ kaaí, adə̄ i de kə́ kal kógə̄ḿ beē, deē ní i Kərist.

TA KƏLA 17:8

Dɔ nang kə́ Kanaan ń ḭ̄ i mbā tū tə́ toō, m-ā m-ādī ḭ̄ ō, ngán kaaí gə̄ ń a utə̄n̄ gōí ní ō. Dɔ nang ní a tél i dɔ nang yādə́ kə́ njɔ́ḿ gə̄ tə́ ō, mā i Nə́ɓā yādə́ ō.

TA KƏLA 17:1

Abəram rāā ɓāl̄ kutə ndōhó gidə i ndōhó anī, Kɔ́ɔ̄ɓē ndɔ̄bə̄n ədan na: Mā i Nə́ɓā kə́ bo kə́ tɔ́gə́ḿ i ngá̰ý. Ī-njə̄rā ta kumḿ tə́ ō, ādə̄ najə̄ gətóo dɔí tə́ ō.

TA KƏLA 18:1

Kɔ́ɔ̄ɓē ndɔ̄bə̄ Abəraham mbo̰ō̰ kāgə̄ sén gə̄ kə́ Mamre tə́. Abəraham ndi i ta kújə yān tə́. Loo i dan kadə ndaa.

TA KƏLA 13:15

Dɔ nang malang ń á̰a̰ā̰ noó, m-ā m-ādə̄sí sḭḭ̄ kə ngán kaaí gēé, kadə̄ i yá̰a̰ yāsí njɔ́ḿ.

TA KƏLA 13:4

I loo ń ni-rāā loo tun̄ yá̰a̰ ba ɓāŕ Nə́ɓā na i Kɔ́ɔ̄ɓē kem ndɔ̄ȳ yān tə́ tū tə́ kété ní.

TA KƏLA 13:18

Abəram ndɔ́tə̄ kə kújə tandā yān gēé, aw̄ ndi ɓē mbo̰ō̰ kāgə̄ sén gə̄ kə́ Mamre tə́ kadə Hebron tə́ ngɔr. Ni-ɔy kūbə̄rū mbal̄ gə̄ tə́ndā dɔ naā tə́ loo ń noō tə́, rāań loo tun̄ yá̰a̰ tām̄ yā Kɔ́ɔ̄ɓē tə́.

Teē Ngán Israel gə̄ 33:1

Kɔ́ɔ̄ɓē əda Moijə na kə ḭḭn̄ loo ń noō tə́ kɔ̄ɔ́, nəkɔ́ gə̄gē ngán Israel gə̄ ń teē sedə́ kem ɓē kə́ Ejiptə tə́ kɔ̄ɔ́ ní gə̄gē, kə aw̄n̄ dɔ nang ń na n-ənī ndūn n-adə̄ Abəraham ō, Isaak ō, Jakob ō, yā kadə̄ ngán kaadə́ gə̄ ní tə́.

TA KƏLA 32:30

Jakob əda na: m̄-rāāī ɓɔ́, ə́dam̄ rīí! Anī deē ni-tél ədan na: Ī-dəjem̄ rīḿ i yā rāań rí? Ba ni tɔ́r̄ tan dɔ Jakob tə́ loo nəkɔ́ ń noō tə́.

TA KƏLA 26:25

Isaak ɔy kūbə̄rū mbal̄ gə̄ tə́ndā dɔ naā tə́ rāań loo tun̄ yá̰a̰ tām̄ yā Kɔ́ɔ̄ɓē tə́ loo ní tə́. Ni-ɓāŕ Nə́ɓā na i Kɔ́ɔ̄ɓē kem ndɔ̄ȳ yān tə́. Ni-udə kújə tandā yān loo ní tə́ ō, ngé kəla yān gə̄ ndērə̄n̄ bəlo man̄ kə́ rang ō.

TƏ́DA 32:11

Bátə́ gə̄gē de kə́ ɓāl̄ kutə jōó gə̄ ō, kə́ ɓāl̄də́ tɔȳ kutə jōó gə̄ ō ń teēn̄ kɔ̄ɔ́ kem ɓē kə́ Ejiptə tə́ ní, kógə̄ḿ dandə́ tə́ kə́ yā ka̰a̰ dɔ nang ń m-ə̄nī ndūḿ dɔ tə́ m-ādə̄ Abəraham ō, Isaak ō, Jakob ō ní a gətóo, tām̄ kemdə́ tɔ́sə̄də́ loo kun gōḿ tə́.

TA KƏLA 12:8

Ni-ḭḭ loo ń noō tə́, ənda dām̄ loo kə́ mbalá kə́ Betel gān̄g, ba aw̄ udə kújə tandā yān dɔ dán Betel nin̄ kə Ai tə́. Betel i kə̄ no ɓē tə́ ō, Ai i kə̄ dūn̄ ɓē tə́ ō. Ni-rāā loo tun̄ yá̰á̰ kə́ rang ō, ɓāŕ Nə́ɓā na i Kɔ́ɔ̄ɓē kem ndɔ̄ȳ yān tə́ ō.

HEBƏRO 11:13

De gə̄ ń noō malang oyn̄ i kə taā kemeé kemdə́ tə́, kanjə̄ kadə̄ əngen̄ yá̰á̰ ń Nə́ɓā ənī míndən yā kadə̄də́ ní. Ba nin̄-ndan̄ sa̰y a̰a̰n̄ dɔ ō, rāānən̄ lápə́ya ō. Adə̄ nin̄-ədan̄ na nin̄ na tə̄rā gə̄ ō, ngé njə̄rā mbā gə̄ ō, dɔ nang tə́ laā.

Makətūbə̄ ń Pol ndang adə̄ Rom gə̄ ní 9:8

Kumən na ngán gə̄ ń ojən̄də́ kə gō yā dā̰ rɔ̄ɔ́ ní, i nin̄ n i ngáń Nə́ɓā gə̄ ní alé. I ngán gə̄ ń ojən̄də́ kə gō kənī míndə yā Nə́ɓāá ní ngóy n a rāān̄də́ ngáń kaa gə̄ kə́ rɔ̄kum gə̄ tə́ ní.

TA KƏLA 22:9

Dan ń ugə̄n̄ loo ń Nə́ɓā ɔjə Abəraham tə́ ní anī, Abəraham ɔy kūbə̄rū mbal̄ gə̄ tə́ndā dɔ naā tə́ rāań loo tun̄ yá̰a̰, ba ɔsə̄ kīr̄ dɔ tə́. Ni-do̰ō̰ ngōnə̄n Isaak ənīn dɔ kīr̄ ní tə́.

TA KƏLA 17:3

Abəram ɔsə non nang tə́, anī Nə́ɓā ɔr̄ najə̄ seneé ɓáý to̰, əda na:

TA KƏLA 15:18

Ndɔ̄ ń noō tə́ Kɔ́ɔ̄ɓē əhɔ madə̄ naā kə Abəram. Ni-ədan na: M-ādə̄ ngán kaaí gə̄ dɔ nang ń toō ń əla gír bā kə́ Ejiptə tə́ bátə́ ugə̄ń Opəratə ń i bā kə́ bo ní tə́ ní.

GALATƏ 4:28

Ba sḭḭ̄ ngákó̰ó̰ḿ gə̄, sḭḭ̄ i ngán kənī míndə gə̄ tītə̄ yā Isaak.

NDŪ NAJƏ̄ 30:20

Ā ī-táŕ Kɔ́ɔ̄ɓē Nə́ɓā yāí ō, ōō tan ō, ī-tə́ya̰ gon tə́ ō. I beé n ā ī-ndiń kə kumií ɓāl̄ ngá̰ý dɔ nang ń Kɔ́ɔ̄ɓē ənī ndūn yā kadə̄ kaaí Abəraham ō, Isaak ō, Jakob ō tə́ ní.

NDŪ NAJƏ̄ 6:10

Ré Kɔ́ɔ̄ɓē Nə́ɓā yāsí aw̄ sesí dɔ nang ń ənī míndən adə̄ kaasí Abəraham ō, Isaak ō, Jakob ō, yā kadə̄sí tə́ ní anī, ā ə́ngeī ɓē bo kə́ majə gə̄ kə́ sḭḭ̄ ī-rāāī aĺ gə̄ ō,

NDŪ NAJƏ̄ 1:8

Á̰a̰ī m-ādə̄sí do nang ń noō. Āw̄ ī-taāī tām̄ i dɔ nang kə́ mā Kɔ́ɔ̄ɓē m-ə̄nī ndūḿ kadə̄ m-ādə̄ kaasí gə̄ Abəraham ō, Isaak ō, Jakob ō, kadə̄ m-ādə̄ ngán kaadə́ gə̄ gotədə́ tə́ ō.

Teē Ngán Israel gə̄ 6:3

Dan ń m̄-ndɔ̄bə̄ Abəraham ō, Isaak ō, Jakob ō ní, nin̄-ger̄mə̄n̄ i kə rīḿ ń na i Nə́ɓā kə́ bo kə́ tɔ́gən i ngá̰ý ní, ba rīḿ ń na i Kɔ́ɔ̄ɓē ní tá nin̄-gerə̄n̄ alé.

TA KƏLA 33:20

Jakob rāā loo tun̄ yá̰a̰ loo ngeé ń noō tə́ ba əndā rīn na i Nə́ɓā i Nə́ɓā yā Israel.

TA KƏLA 28:13

Kɔ́ɔ̄ɓē ra non tə́ ədan na: Mā i Kɔ́ɔ̄ɓē Nə́ɓā yā kaaí Abəraham ō, Nə́ɓā yā Isaak ō. Dɔ nang ń ī-to tū tə́ toō m-ā m-ādə̄sí sḭḭ̄ kə ngání gə̄ ō, ngán kaaí gə̄ ō.

TA KƏLA 26:3

Ī-ndi kem ɓē ń toō tə́. M-ā m̄-ndi seí ō, m-ā m̄-rāā majə seí ō, tɔdɔ̄ m-ā m-ādī ḭ̄ ō, ngání gə̄ ō, ngán kaaí gə̄ ō, dɔ nang ń toō malang, yā kadə̄ ndūḿ ń m-ə̄nī m-ādə̄ bɔbí Abəraham ní reē udəń gíŕ kə́ rɔ̄ tə́.

TA KƏLA 8:20

Noe ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́, ba əhɔ dā̰ kógə̄ḿ kógə̄ḿ dan dā̰ kə́ unjə̄ njáý njáý gə̄ tə́ ō, yel̄ kógə̄ḿ kógə̄ḿ dan yel̄ kə́ unjə̄ njáý njáý gə̄ tə́ ō, róō horoó dɔ loo tun̄ yá̰á̰ ní tə́ adə̄ Kɔ́ɔ̄ɓē.

KƏLA RĀĀ 7:5

Nə́ɓā adə̄n loo dɔ nang ní tə́ alé, loo kə́ laan asə kə da nja deé gə̄gē adə̄n alé. Dan ngeé ń noō tə́ ní Abəraham ənge ngōn̄ aĺ ɓáý ɓá tā ba, Nə́ɓā ənī míndən yā kadən ni ō, ngán kaan gə̄ ń a reēn̄ gōn tə́ ní ō, dɔ nang ń toō yá̰a̰ haladə́ tə́.

HEBƏRO 11:8

I kə ta kūl̄ taā kem n Abəraham oō ta Nə́ɓā dan ń ɓārə́n ní. Adə̄ ni-aw̄ dɔ nang ń Nə́ɓā a rāā yā kadə̄n kə́ yān tə́ ní tə́. Ni-ḭḭ aw̄ kanjə̄ ger̄ loo ń a aw̄ kə̄ tū tə́ ní tə́.

TA KƏLA 24:7

Kɔ́ɔ̄ɓē Nə́ɓā kə́ dɔ rā̰ tə́ ń teē seḿ kɔ̄ɔ́ ɓē bɔbə́ḿ ō, ɓē ngééḿ gēé ō ní, ɔr̄ najə̄ seḿ ō, ənī míndən adə̄m̄ ō, əda na dɔ nang ń toō n-a n-adə̄ ngán kaaḿ gə̄. Ní, nəkɔ́ a əla deē yān kə́ dɔ rā̰ tə́ kété noí tə́, adə̄ ā ī-taā dəyá̰ i nú tām̄ yā ngōnə̄ḿ tə́.

Teē Ngán Israel gə̄ 6:4

Gō tə́ m-ə́hɔ madə̄ naā sedə́ yā kadə̄də́ dɔ nang kə́ Kanaan ń ndin̄ tū tə́ tītə̄ tə̄rā kə́ ngé nam̄ gə̄ ní ō.

Teē Ngán Israel gə̄ 32:13

Kadə̄ kə əga kemən dɔ ngé kəla yān gə̄ tə́: Abəraham ō, Isaak ō, Jakob ō, ń nəkɔ́ túbə̄ kə rɔ̄neé ənīń ndūn adə̄də́ əda na ngán kaadə́ gə̄ na a rosən̄ loo tītə̄ tə́yō̰ gə̄ kə́ dɔ rā̰ tə́ ō, ədadə́ na dɔ nang ń na ɔr̄ najə̄n sedə́ ní na a adə̄ ngán kaadə́ gə̄ kadə̄ tél yá̰a̰ yādə́ kə́ kə́ njɔ́ḿ gə̄ tə́ gə̄ tə́ ní ō.

NDŪ NAJƏ̄ 9:5

I tām̄ kəla rāāsí kə́ gōtə́ tə́, aké ngarā̰ kemsí kə́ súmūú tə́ n ā ī-taāīneé dɔ nang yādə́ ní alé. Kɔ́ɔ̄ɓē a tə̄ɓā nápar de gə̄ ń noō kɔ̄ɔ́ nosí tə́ i tām̄ háĺdə́ kə́ majaĺ tə́ ō, i tām̄ míndən ń ənī adə̄ kaasí gə̄ Abəraham ō, Isaak ō, Jakob ō ní tə́.

NDŪ NAJƏ̄ 34:4

Tā anī Kɔ́ɔ̄ɓē ədan na: Dɔ nang ń m-ə̄nī ndūḿ dɔ tə́ m-ādə̄ Abəraham ō, Isaak ō, Jakob ō, m-ə́dádə́ na, m-ā m-ādə̄ ngán kaadə́ gə̄ ní n toó. M-ɔ́jiī ḭ̄ kadə̄ á̰a̰ā̰ kə kumií, ba ā ə̄ndā njaí tū tə́ alé.

1 YÁ̰A̰ GƏ̄ 16:16

Madə̄ naā ní i madə̄ naā ń ni-əhɔ kə Abəraham ō, túbə adə̄ Isaak najə̄n tə́ ɔjəń kə̄ ndágá kadə̄ i rɔ̄kum ō,

TA KƏLA 13:17

Ḭ́ḭ dɔɔ́, ī-njə̄rā á̰a̰ loo, á̰a̰ ngālən ō, laan ō, tɔdɔ̄ m-ā m-ādī loo ní.

TA KƏLA 28:4

Kadə̄ majə ń ni-rāā kə Abəraham ní ni-rāā seí ō, kə ngání gə̄ ō, kə ngán kaaí gə̄ ō, tá kadə̄ dɔ nang ń Nə́ɓā adə̄ Abəraham á ḭ̄ i mbā tū tə́ toō téləń dɔ nang yāí.

TA KƏLA 35:7

Ni rāā loo tun̄ yá̰a̰ ba əndā rī dɔ tə́ na i Nə́ɓā kə́ Betel, tām̄ dan ń a a̰ȳń ngōkó̰o̰n kété ní, Nə́ɓā ndɔ̄bə̄n i loo ń noō tə́.

TA KƏLA 35:12

Dɔ nang ń m-ādə̄ Abəraham ō, Isaak ō, kété ní, m-ādī ō, m-ā m-ādə̄ ngán kaaí gə̄ gotií tə́ ō.

TA KƏLA 50:24

Jəjep əda ngákó̰o̰n gə̄ na n-a n-oy ba Nə́ɓā na a dḭḭ̄də́, na a teē sedə́ kɔ̄ɔ́ kem ɓē ń toō tə́ yā kaw̄ sedə́ dɔ nang ń na ənī ndūn yā kadə̄ Abəraham ō, Isaak ō, Jakob ō ní tə́.

Teē Ngán Israel gə̄ 17:15

Moijə rāā loo tun̄ yá̰a̰, əndā rī dɔ tə́ na Kɔ́ɔ̄ɓē i dərapóo rɔ̄ɔ̄ yāḿ,

Teē Ngán Israel gə̄ 24:4

Moijə ndang najə̄ gə̄ ń Kɔ́ɔ̄ɓē ədan ní malang. Teē kə ndɔ̄ kə́ noō anī Moijə ḭḭ dɔɔ́ kə gír looí ɓatə, rāā loo tun̄ yá̰a̰ nja mbal̄ tə́ ō, túdə̄ ngán mbal̄ gə̄ kutə gidə i jōó kə nja kə́ dɔɔ́ tām̄ yā gír ɓē kə́ kutə gidə i jōó yā ngán Israel gə̄ tə́ ō.

TƏ́DA 26:53

I gír kaa gə̄ ń noó n ā ī-gán̄g dɔ nang kə́ Kanaan naā tə́ yā kadə̄də́ ní. Ā ādə̄də́ i kə gó kutədə́ gēé.

JOJUE 1:6

ə́hɔ rɔ̄í tɔgə ō, ī-ra dəngam ō. Tɔdɔ̄ i ḭ̄-n ā ādə̄ gír de gə̄ ń toō dɔ nang ń m-ə̄nī ndūḿ m-ādə̄ kaadə́ gə̄ yā kadə̄də́ ní.

JOJUE 8:30

Jojue rāā loo tun̄ yá̰a̰ dɔ mbal̄ Ebal tə́ tām̄ yā Kɔ́ɔ̄ɓē Nə́ɓā yā Israel tə́.

JOJUE 22:10

Dan ń ugə̄n̄ Gelilot kə́ kadə bā Jurdḛ tə́ ń loo kə́ dɔ nang kə́ Kanaan tə́ ɓáý ní anī, rāān̄ loo tun̄ yá̰á̰ kógə̄ḿ kə́ bo ngá̰ý tū tə́.

NGÉ SARYA 6:24

Jedeo̰ rāā loo tun̄ yá̰a̰ loo ní tə́ adə̄ Kɔ́ɔ̄ɓē, ba ənī rīn na i Kɔ́ɔ̄ɓē i nge sɔl̄ kem deē. Ɓōólaā gə̄gē ní loo tun̄ yá̰á̰ ní ra kem ɓē kə́ Opəra yā Abiejer tə́ noō.

1 SAMUEL 7:17

Pá tá a tél a aw̄ gogə́ ɓēé Rama ɓáý. Tɔdɔ̄ kújə yān i noó ō, a gān̄g sarya yā Israel gə̄ i noó ō, rāā loo tun̄ yá̰a̰ yā Kɔ́ɔ̄ɓē i noó ō.

2 SAMUEL 24:25

Ni-rāā loo tun̄ yá̰a̰ loo ní tə́ ba ndējə̄ Kɔ́ɔ̄ɓē yá̰a̰ tun̄ kə́ róō horoó gə̄ ō, yá̰a̰ tun̄ kə́ tām̄ yā kem kógə̄ḿ tə́ gə̄ ō. Loo ń noō tə́ Kɔ́ɔ̄ɓē ɔjə kem majə yān kə́ tām̄ yā ɓē tə́ kə̄ ndágá, adə̄ gíŕ yá̰á̰ kə́ tōr̄ ń reē dɔ de gə̄ tə́ kem ɓē kə́ Israel tə́ ní gān̄g.

1 MBAN̄G GƏ̄ 18:32

Mbal̄ kə́ kutə gidə i jōó gə̄ ní Eli tél rāań loo tun̄ yá̰á̰ kə́ kə rī Kɔ́ɔ̄ɓēé gogə́ rang. Gō tə́ anī əja bəlo gīrəń gidə loo tun̄ yá̰á̰ ní. Bəlo ń ni-əja ní man̄ kem səmbē bo kógə̄ḿ a aw̄ kemeé malang karī.

1 YÁ̰A̰ GƏ̄ 16:18

Dan ń ni-əda na: M-ādī dɔ nang kə́ Kanaan ń i núsə dɔ nang kə́ gān̄g kadə̄sí kə ngánsí gə̄ ō, ngán kaasí gə̄ ō, kadə̄ i yá̰a̰ kənge yāsí ní

2 YÁ̰A̰ GƏ̄ 20:7

Nə́ɓā yājí, i ḭ̄ n ī-tə̄ɓā de kə́ dɔ nang ń toō tə́ gə̄ kɔ̄ɔ́ no Israel ń i gír deē yāí gə̄ ní tə́, ba ādə̄ ngán kaa madí Abəraham dɔ nang ń toō kə́ yādə́ tə́ ní aĺ a?

2 YÁ̰A̰ GƏ̄ 20:11

Banī yá̰á̰ ń nin̄ əndān̄neé njají ɓōólaā ní i reē tə̄ɓājí dɔ nang ń ḭ̄ ādə̄jí tə́ ní.

ESDRAS 3:2

Yesua nge tun̄ yá̰á̰ kə́ ngōn̄ Yosadak nin̄ kə ngákó̰o̰n kə́ ngé tun̄ yá̰a̰ gə̄ ō, Jorobabel ngōn̄ Sealtiel nin̄ kə ngéén gēé ō, ḭḭn̄ dɔɔ́ rāān̄ loo tun̄ yá̰a̰ yā Nə́ɓā yā Israel, yā ndējəń yá̰a̰ tun̄ gə̄ kə́ yā róō horoó gə̄ tītə̄ ń ndū najə̄ yā Moijə deē yā Nə́ɓā ədań ní.

JEREMI 3:18

Kem ndɔ̄ gə̄ ń noō tə́ ní, ngé kə́ Juda tə́ gə̄ ō, ngé kə́ Israel tə́ gə̄ ō, a télən̄ yā reē naā tə́ mbak. Nin̄ a ḭḭn̄ dām̄ mbɔ́r ɓē kə́ ko̰ó̰ tə́ yā reē kugə̄ kem ɓēé ń m-ādə̄ kaadə́ gə̄ ní tə́.