TA KƏLA 12:6 - Bibəl ta Sar̄

⁶ njə̄rān̄ bátə́ ugə̄n̄ kāgə̄ sén kə́ More tə́, loo ń a ɓārə́n̄ na i Sisem ní tə́. Dan ń noō tə́ ní, Kanaan gə̄ ndin̄ dɔ nang ní tə́.

Bible sar

⁶ njə̄rān̄ bátə́ ugə̄n̄ kāgə̄ sén kə́ More tə́, loo ń a ɓārə́n̄ na i Sisem ní tə́. Dan ń noō tə́ ní, Kanaan gə̄ ndin̄ dɔ nang ní tə́.

TA KƏLA 12:6 Referans Kwoze

HEBƏRO 11:9

I kə ta kūl̄ taā kem n ni-aw̄ ndi tītə̄ tə̄rā beé, dɔ nang ń Nə́ɓā ənī míndən dɔ tə́ adə̄n ní. Ni-ndi i kem kújə tandā tə́ tītə̄ yā Isaak ō, Jakob ō ń. Nə́ɓā ənī míndən yā kadə̄də́ dɔ nang ń toō tītə̄ yān ō ní.

NDŪ NAJƏ̄ 11:30

Mbal̄ gə̄ ní ran̄ i gidə bā Jurdḛ kə́ dām̄ kə́ nú tə́ gidə róbə́ kə́ no ɓē tə́ tə́, dɔ nang yā Kanaan gə̄ ń ndin̄ wól loo kə́ Jurdḛ tə́ ní tə́, ngɔr kə̄ kadə kāgə̄ sén gə̄ kə́ More tə́, loo ń ra sɔɔ̄n̄ ta naā kə Gilgal tə́ ní.

TA KƏLA 35:4

Nin̄ adə̄n̄ Jakob ɓesə̄ yādə́ gə̄ ní malang ō, nə̄ngá kə́ mbīdə́ gə̄ tə́ ō, adə̄ Jakob ndēr̄ bəlo ɓɔ̄ɔń gír kāgə̄ kə́ bo ń ra kadə ɓē kə́ Sisem tə́ ní,

NGÉ SARYA 7:1

Jedeo̰ ń a ɓāŕnən̄ na i Yerubaal ní ḭḭ dɔɔ́ kə gír looí ɓatə ba əsō róbó kə de gə̄ ń seneé ní. Aw̄ ndin̄ ta kəɓa man̄ Harod tə́. Gérger yā Madian gə̄ i dām̄ mbɔ́r ɓē kə́ ko̰ó̰ tə́ ndágə looó, dām̄ loo ń ngōn̄ mbal̄ kə́ More i tū tə́ ní tə́.

TA KƏLA 13:7

Ngé kul̄ yá̰a̰ yā Abəram gə̄ ō, ngé kul̄ yá̰a̰ yā Lot gə̄ ō, kɔ̄lə̄n̄ naā.

KƏLA RĀĀ 7:16

Ətōn̄də́ aw̄n̄ sedə́ Sisem, aw̄ ɓōkə́n̄də́ kem bāá ɓádə́ ń Abəraham mang kə naraá jī ngán Hamor kə́ bɔbə̄ Sisem tə́ ní.

JA̰A̰ 4:5

adə̄ ni-ugə̄ gidə ɓē kógə̄ḿ kə́ Samari tə́ kə́ rīn na i Sikar. I ngɔr kə̄ kadə loo ń Jakob adə̄ ngōnən Jəjep tə́ ní.

1 MBAN̄G GƏ̄ 12:1

Roboam aw̄ Sisem, tɔdɔ̄ Israel gə̄ malang reēn̄ kəndā mban̄g tə́ Sisem.

NGÉ SARYA 9:1

Abimelek ngōn̄ Yerubaal aw̄ ənge nanən gə̄ ō, ngéé bɔbə̄ kó̰o̰n gə̄ malang ō, kem ɓē kə́ Sisem tə́ ba ədadə́ na:

JOJUE 24:32

Ngán Israel gə̄ dubə̄n̄ kə̄ngā Jəjep ń ḭḭnə̄ń Ejiptə ní kem ɓē ké Sisem tə́. Dubə̄n̄ i kem ndɔr̄ ń Jakob mang jī ngán Hamor kə́ bɔbə̄ Sisem tə́ kə kesita ɓú kógə̄ḿ. Ndɔr̄ ń dubə̄n̄ kə̄ngā Jəjep tū tə́ ní tél i ndɔr̄ yā ngán kaa Jəjep gə̄.

JOJUE 20:7

Ngán Israel gə̄ ɔrə̄n̄ kam̄ Kedes kə́ Galile ń i ɓē kə́ gō nang ké mbalá yā Nepətali ní ō, Sisem ń i ɓē kə́ gō nang kə́ mbalá yā Epəraim ō, Kiryat Arba ń a ɓārə́n̄ na i Hebron ń i ɓē kə́ gō nang kə́ mbalá yā Juda ní ō tayā.

TA KƏLA 34:2

Anī Sisem, ngōn̄ ngār kə́ kem ɓēé ń rīn na i Hamor ní, a̰a̰n. Ni əhɔn aw̄ sāān dɔ gúú tə́ əlań rɔ̄sɔl̄ dɔn tə́,

TA KƏLA 33:18

Jakob tél Mesopotami ugə̄ Sisem dɔ nang kə́ Kanaan tə́ kə lápə́yaá. Ni ndi i kadə ɓē tə́.

TA KƏLA 10:15

Kanaan ojə Sidon ń i ngōn̄ hágən ní ō, Het ō,

1 MBAN̄G GƏ̄ 12:25

Jeroboam ənī ndogə̄ mbal̄ kə́ ngan̄g gīrəń gidə ɓē kə́ Sisem, gō nang kə́ mbalá yā Epəraim tə́, ba ndi kem ɓē kə́ Sisem tə́. Gō tə́ anī ni teē kɔ̄ɔ́ kem ɓē kə́ Sisem tə́ ba aw̄ ənī ndogə̄ mbal̄ kə́ ngan̄g gīrəń gidə ɓē kə́ Penuel.

PĀ GƏ̄ 60:6

Ngé gə̄ ń ɓōlə́n̄ ndílí ní, ḭ̄ ī-rāā ādə̄ a̰ȳn̄ naā kɔ̄ɔ́ no nge kur gə̄rā tə́.

TA KƏLA 34:30

Anī Jakob əda Simeo̰ nin̄ kə Lebií na: Ə̄nīī i najə̄ dɔḿ tə́, tɔdɔ̄ ī-rāāī ādə̄ m̄-tél de kə́ majaĺ ta kum de kə́ kem ɓēé gə̄ tə́, ta kum Kanaan gə̄ tə́ ō, Periji gə̄ tə́ ō. Kutə de gə̄ yāḿ gə̄ i ngá̰ý alé, de gə̄ ń noō a ɔsən̄ dɔdə́ naā tə́ yā reē rɔ̄ɔ̄m̄. Nin̄ a tetəmə̄n̄ rɔ̄ɔ̄, adə̄ a tɔ̄l̄mə̄n̄ kə de gə̄ yāḿ gēé kadə̄ gír yāḿ a gān̄g kɔ̄ɔ́.

OJEE 6:9

Ɓūtə̄ ngé tun̄ yá̰a̰ gə̄ kógə̄ḿ a tɔ̄l̄ i de gə̄ dɔ róbə́ kə́ Sisem tə́, tītə̄ ngé gān̄g róbə gə̄ kə́ ndin̄ dɔ rɔ̄də́ tə́ yā kənī rɔ̄ɔ̄ beé. A̰á̰ā̰, nin̄ rāān̄ yá̰á̰ kə́ to rɔ̄sɔl̄ gə̄!