TA KƏLA 12:4 - Bibəl ta Sar̄

⁴ Abəram aw̄ tītə̄ ń Kɔ́ɔ̄ɓē ədanəń ní, ba Lot aw̄ seneé. Dan ń Abəram ḭḭ Haran ní, ɓālə̄n i kutə sīrí gidə i mí.

Bible sar

⁴ Abəram aw̄ tītə̄ ń Kɔ́ɔ̄ɓē ədanəń ní, ba Lot aw̄ seneé. Dan ń Abəram ḭḭ Haran ní, ɓālə̄n i kutə sīrí gidə i mí.

TA KƏLA 12:4 Referans Kwoze

HEBƏRO 11:8

I kə ta kūl̄ taā kem n Abəraham oō ta Nə́ɓā dan ń ɓārə́n ní. Adə̄ ni-aw̄ dɔ nang ń Nə́ɓā a rāā yā kadə̄n kə́ yān tə́ ní tə́. Ni-ḭḭ aw̄ kanjə̄ ger̄ loo ń a aw̄ kə̄ tū tə́ ní tə́.

TA KƏLA 11:31

Tera un ngōnən Abəram ō, kaan Lot ń i ngōn̄ Haran ní ō, umən Sarai nə̄yá̰ Abəram ō, teē sedə́ kɔ̄ɔ́ Ur, dɔ nang kə́ Kalde tə́, ba aw̄ sedə́ kə̄ gō nang kə́ Kanaan tə́. Nin̄ aw̄n̄ bátə́ ugə̄n̄ Haran, ba ndin̄ tū tə́.

TA KƏLA 11:27

Gír kojə yā Tera n toó: Tera ojə Abəram ō, Nahor ō, Haran ō.

KƏLA RĀĀ 7:4

Loo ń noō tə́ Abəraham əya̰ dɔ nang yā Kalde gə̄ ba aw̄ ndi Haran. Dan ń bɔbə̄n oy kɔ̄ɔ́ anī, Nə́ɓā ɔrə̄n Haran ba reē seneé dɔ nang ń ī-ndiī tū tə́ ɓōólaā toó.

HEBƏRO 6:15

Dan ń Abəraham tə́gā tan ndi ngóoń ta ní, ni-ənge yá̰á̰ ń Nə́ɓā ənī míndən yā kadə̄n ní.

TA KƏLA 16:3

Sarai un Agar ń i ɓəlo yān ní, adə̄ ngaan Abəram kə́ dəyá̰ tə́, gō ɓāl̄ kə́ kutə ń Abəram ndiń dɔ nang kə́ Kanaan tə́ ní.

TA KƏLA 16:16

Dan ń Agar ojə Ismael kə Abəramaá ní, ɓāl̄ Abəram i kutə sɔ́sɔ́ gidə i mehḛ́.

TA KƏLA 25:7

Abəraham rāā ɓāl̄ ɓú kə kutə sīrí kə kalən kə́ mí anī oy.

TA KƏLA 28:10

Jakob ḭḭ Beer Seba aw̄ kə̄ Haran.

TA KƏLA 13:5

Lot ń i seneé ní aw̄ kə batə̄ gə̄ ō, bə̄yā̰ gə̄ ō, man̄g gə̄ ō, kújə tandā gə̄ ō.