TA KƏLA 12:3 - Bibəl ta Sar̄

³ M-ā m̄-rāā majə kə de gə̄ ń a tɔ́rə̄n̄ tadə́ dɔí tə́ ní ō, m-ā m̄-ndɔ̄ĺ deē ń a tájī ní ō. M-ā m̄-rāā majə kə gír kojə yā de gə̄ malang kə́ dɔ nang tə́ sɔɔ̄iń ḭ̄.

Bible sar

³ M-ā m̄-rāā majə kə de gə̄ ń a tɔ́rə̄n̄ tadə́ dɔí tə́ ní ō, m-ā m̄-ndɔ̄ĺ deē ń a tájī ní ō. M-ā m̄-rāā majə kə gír kojə yā de gə̄ malang kə́ dɔ nang tə́ sɔɔ̄iń ḭ̄.

TA KƏLA 12:3 Referans Kwoze

GALATƏ 3:8

Tá ndangən̄ kem makətūbə̄ yā Nə́ɓā tə́ kété na, Nə́ɓā a rāā kadə̄ de gə̄ ń i Jipə aĺ gə̄ ní, a télən̄ de kə́ súmūú gə̄ loo ń a taān̄ kem ní. I tām̄ najə̄ ń toō tə́ n ədan̄ Abəraham Najə̄ kə́ Majə ń toō kemeé na: Nápar de gə̄ malang a əngen̄ tɔ́r̄ ta i kə ta kūlīí ní.

TA KƏLA 22:18

M-ā m̄-rāā majə kə nápar de gə̄ kə́ dɔ nang tə́ gə̄ malang sɔɔ̄ń ngán kaaí gə̄, tɔdɔ̄ ḭ̄ ōō taḿ.

TA KƏLA 27:29

Ādə̄ gír de gə̄ rāān̄ kəla yāí! Ādə̄ gír nápar de gə̄ ɔsən̄ nodə́ nang tə́ noí tə́! Ī-tél ngol ngákó̰ó̰í gə̄, ādə̄ ngákó̰ó̰í gə̄ ɔsən̄ nodə́ nang tə́ noí tə́! Ādə̄ ndɔ̄ĺ i dɔ deē ń a ndɔ̄líī tə́ ní, ba ādə̄ tɔ́r̄ ta i dɔ deē ń a tɔ́r̄ tan dɔí tə́ ní!

TƏ́DA 24:9

Nin̄ tɔ́sə̄n̄ yár̄ pá tá ton̄ nang tə́ tītə̄ ɓɔl gə̄. I náā n asə kɔsə sedə́ ta kḭḭ dɔɔ́? Israel, deē ń a tɔ́r̄ tan dɔí tə́ ní, tɔ́r̄ ta i dɔ kɔ́ɔ̄ tə́, ba deē ń a ndɔ̄líī ní, a ndɔ̄lə́n̄ kɔ́ɔ̄.

TA KƏLA 26:4

M-ā m̄-rāā kadə̄ ngání gə̄ ō, ngán kaaí gə̄ ō, a bəlan̄ tītə̄ tə́yō̰ gə̄ kə́ dɔ rā̰ tə́ ō, m-ā m-ādə̄də́ dɔ nang ń toō malang ō. M-ā m̄-rāā majə kə nápar de kə́ dɔ nang tə́ gə̄ malang sɔɔ̄ńdə́ nin̄,

TA KƏLA 28:14

Kutə ngání gə̄ ō, ngán kaaí gə̄ ō, a to tītə̄ bumbə́rú kə́ dɔ nang tə́. Ā ɔ̄rī kem loo yāsí kə̄ gogə́ kum kə̄ no ɓē tə́ ō, dūn̄ ɓē tə́ ō, mbɔ́r ɓē kə́ ko̰ó̰ tə́ ō, kə́ geleé tə́ ō. M-ā m̄-rāā majə kə gír kojə kə́ dɔ nang tə́ gə̄ malang sɔɔ̄iń ḭ̄ ō, ngání gə̄ ō, ngán kaaí gə̄ ō.

GALATƏ 3:16

Banī i Abəraham ō, ngōn̄ kaan ō n Nə́ɓā ənī míndən adə̄də́ ní. I kə́ kəda na i ngán kaan gə̄ tītə̄ kə́ nin̄ i ngá̰ý beē alé, ba na i ngōn̄ kaaí, adə̄ i de kə́ kal kógə̄ḿ beē, deē ní i Kərist.

TA KƏLA 18:18

Ni a tél kaa gíŕ nápar de kə́ ngá̰ý gə̄ kə́ tɔ́gə́də́ i ngá̰ý. M-ā m̄-rāā majə kə nápar de gə̄ malang kə́ dɔ nang tə́ gə̄ sɔɔ̄nəń ni.

Makətūbə̄ ń Pol ndang adə̄ Rom gə̄ ní 4:11

Tɔdɔ̄ dan ń Nə́ɓā adə̄ Abəraham əja mɔtən ní, Nə́ɓā əndā tə́re dɔ Abəraham tə́ yā kɔjəń kadə̄ ká ré Abəraham əja mɔtən aĺ ɓáý gə̄gē anī, na n-rāān kadə̄ tél de kə́ gōtə́ najə̄ taā kem yān tə́. Adə̄ i tām̄ noō tə́ n Abəraham i bɔbə̄ ngé gə̄ malang ń əjan̄ mɔtədə́ alé ba taān̄ kem, adə̄ Nə́ɓā tə́dádə́ dan de kə́ gōtə́ gə̄ tə́ ō ní.

Teē Ngán Israel gə̄ 23:22

Ré ōōī tan adə̄ ī-rāāī yá̰a̰ gə̄ ń m-ə́dásí ní anī, m-ā m̄-tél nge ba̰ā̰ madə̄ ba̰ā̰sí gə̄ ō, nge rɔ̄ɔ̄ ngé rɔ̄ɔ̄sí gə̄ ō.

GALATƏ 3:28

Adə̄ dansí tə́ ní, kəda na de kə́ beé na i Jipə, ba de kə́ beé na i Gərek, de kə́ beé na i ɓəlo, ba de kə́ beé na i kɔ́ɔ̄ rɔ̄n, aláa kəda na ni ń toō na i de kə́ dəyá̰, ba ni ń toō na i kə́ dəngam ní, i yá̰á̰ kə́ kumən gətóo.

PĀ GƏ̄ 72:17

ādə̄ ni-rāā adə̄ rīn to ngándáńg, ādə̄ rāā adə̄ rīn ní ɓār̄ ta kaw̄ kə̄ jóo, dɔ nang ń mbang a ɔsə tū tə́ ní tə́. Kadə̄ de gə̄ ədan̄ najə̄ yān tɔ́rə̄n̄neé tadə́ dɔ naā tə́ ō, kadə̄ nápar de gə̄ malang ədan̄ na mban̄g ndi kə rɔ̄nelēé ō.

JEJU TEĒ KUM JA̰A̰ 7:9

Gō yá̰á̰ ń noō tə́ anī, m-á̰á̰ kósə de kə́ ngá̰ý gə̄, kə́ deē asə tə́dádə́ alé. Nin̄-ḭḭn̄ i kə̄ dan nápar de gə̄ tə́ malang ō, dan gír ɓē gə̄ tə́ malang ō, dan gír de gə̄ tə́ malang ō. Nin̄-ndan̄ kə njadə́ dɔɔ́ ta kōr̄ kāgə̄ mbang tə́ ō, kə̄ no Ngōn̄ batə̄ tə́ ō. O̰ō̰n̄ kūbə̄ ngāl̄ kə́ ndaa gə̄ ō, əhɔn̄ ta jī kāgə̄ túmbur gə̄ jīdə́ tə́ ō.

EPEJƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

TA KƏLA 30:27

Laban tél ədan na: m̄-rāāī ɓɔ́, ōō najə̄ ń m-ā m-ə́daī toó: Tēē yāḿ gə̄ ɔjəmə̄n̄ kadə̄ Kɔ́ɔ̄ɓē rāā majə seḿ sɔɔ̄iń ḭ̄.

KOLOSƏ 3:11

Loo ń noō tə́ ní, loo kəda na: Nge ń toō na i Gərek aláa na i Jipə, nge ń toō na i de kə́ əja mɔtən aláa na i de kə́ əja mɔtən alé, nge ń toō na i tə̄rā, aláa na i tə̄rā kɔ̄r̄, nge ń toō na i ɓəlo, aláa na i kɔ́ɔ̄ rɔ̄n ní, gətóo. Ba yá̰á̰ ń i yá̰á̰ kə́ ngá̰ý ní i Kərist ń ndi kem de gə̄ tə́ malang ō, i nge rāā yá̰a̰ malang ō ní.

TA KƏLA 39:5

Dan ń Potipar əndā Jəjep dɔ kəla kə́ kem ndogó looneé tə́ ō, dɔ yá̰a̰ kənge yān gə̄ tə́ malang ō anī, Kɔ́ɔ̄ɓē rāā adə̄ kəla yā Potipar teēn yá̰á̰ tə́ majə. Yá̰a̰ kənge yān kə́ ɓēé gə̄gē kə́ bembeé gə̄gē teēnən̄ yá̰a̰ majə. Kɔ́ɔ̄ɓē rāā nge ń noō i tām̄ yā Jəjep tə́.

TA KƏLA 30:30

Tɔdɔ̄ yá̰a̰ kul̄ yāí ń kété i ngá̰ý aĺ ní, m̄-reē m-ūgə̄ looí anī ojən̄ naā ngá̰ý. Kumən na Kɔ́ɔ̄ɓē əla gír rāā majə seí i ndɔ̄ ń m̄-reē m-údəń ndogó looí tə́ ní bátə́ ɓōólaā. Ní, kum mbang kə́ yā kadə̄ m̄-rāań kəla kə́ tām̄ yā deē yāḿ gə̄ tə́ asə aĺ ɓáý a?

1 KORḚNTƏ 1:30

Banī Nə́ɓā ɓoosí naā tə́ kə Jeju Kərist ō, ni-rāā Kərist ní i kum kedə̄ yājí kə́ ḭḭ rɔ̄ Nə́ɓā tə́ ō, yá̰á̰ kə́ gōtə́ yājí tə́ ō, kə́ kɔr̄ kam̄ tām̄ yā Nə́ɓā yājí tə́ ō, gān̄g dɔ yājí tə́ ō.

MATIYE 25:45

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ aĺ ní, ī-mbātíī i rāā seḿ mā nəkɔ́.

Najə̄ kə́ Majə yā Jeju ń Luk ndang ní 24:27

Loo ń noō tə́ anī, ni-əla gír dɔ najə̄ yā Moijə tə́ bátə́ gāngəń dɔ najə̄ yā ngé koō ta gə̄ malang tə́, a ɔrə̄ńdə́ kum yá̰a̰ malang kə́ ɔjə dɔn ń ndangən̄ kem makətūbə̄ tə́ ní.

TA KƏLA 18:19

m̄-gə̄rān i tām̄ kadə̄ əndā dɔ ngánən gə̄ tə́ ō, dɔ ngán kaan gə̄ tə́ ō, kadə̄ unən̄ róbə yāḿ, kadə̄ háĺdə́ i gōtə́ ō, súmūú ō, yā kadə̄ m̄-rāań yá̰á̰ ń m-ə̄nī míndə́ḿ yā rāā kadə̄n ní.

TA KƏLA 24:35

Kɔ́ɔ̄ɓē rāā majə kə kɔ́ɔ̄ḿ adə̄ ni-ənge yá̰á̰ ngá̰ý. Ənge batə̄ gə̄ kə bə̄yā̰ gə̄ kə man̄g gə̄. Ni-ənge gində̄ arjā̰a̰ ō, lɔ́r ō, ngé kəla kə́ dəngam gə̄ ō, kə́ dəyá̰ gə̄ ō, jámbal gə̄ ō, kərō gə̄ ō.

TA KƏLA 25:11

Gō yo Abəraham tə́, Nə́ɓā rāā majə kə ngōnə̄n Isaak. Ni-ndi i kadə bəlo man̄ kə́ Lahai Roi tə́.

TA KƏLA 26:29

Ə̄nī míndí kadə̄ ā ī-rāā yá̰á̰ kə́ majaĺ kógə̄ḿ sejí alé tītə̄ ń jə-rāań yá̰á̰ kə́ majaĺ seí alé ba jə-rāā i yá̰á̰ kə́ majə tá seí, adə̄ j-əya̰ī ādə̄ āw̄ kə lɔmɔɔ́ ní. Ḭ̄ i de kə́ Kɔ́ɔ̄ɓē rāā majə seí rɔ̄kum.