TA KƏLA 12:10 - Bibəl ta Sar̄

¹⁰ Ɓō əsō kem ɓēé, adə̄ Abəram ḭḭ a aw̄ kə̄ Ejiptə tə́ yā kaw̄ ndi sḛ́ý, tɔdɔ̄ ɓō ní i ngá̰ý dɔ nang kə́ Kanaan tə́.

Bible sar

¹⁰ Ɓō əsō kem ɓēé, adə̄ Abəram ḭḭ a aw̄ kə̄ Ejiptə tə́ yā kaw̄ ndi sḛ́ý, tɔdɔ̄ ɓō ní i ngá̰ý dɔ nang kə́ Kanaan tə́.

TA KƏLA 12:10 Referans Kwoze

TA KƏLA 43:1

Ɓō rāā de gə̄ ngá̰ý kem ɓēé tɔȳ kə̄ kété ɓáý.

KƏLA RĀĀ 14:22

Nin̄-mbūsə̄n̄ ngé taā kem gə̄ kə najá ō, əlan̄ go̰ kemdə́ tə́ kadə̄ ran̄ ngan̄g dɔ taā kem yādə́ tə́ ō. Nin̄-ədan̄də́ na: I gáŕ kadə̄ wur kɔl əsō dɔjí tə́ pá tá j-a j-udiī kem Ɓē ko̰o̰ yā Nə́ɓā tə́ ɓáý.

KƏLA RĀĀ 7:11

Loo ń noō tə́ ɓō əsō dɔ nang malang kə́ Ejiptə tə́ ō, kə́ Kanaan tə́ ō. Wur kɔl i ngá̰ý ō, kaají gə̄ əngen̄ yá̰á̰ kə́ yā kəsa to̰ aĺ ō.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

JEREMI 14:1

Najə̄ kə́ Kɔ́ɔ̄ɓē ɔr̄ kə Jeremi dɔ loo kə́ əhɔ laa tə́.

PĀ GƏ̄ 107:34

I ni n i nge rāā kadə̄ dɔ nang kə́ teē yá̰a̰ tél dɔ nang kə́ teē yá̰a̰ aĺ, sɔɔ̄ń kem ndul yā de gə̄ kə́ ndin̄ tū tə́ ní.

PĀ GƏ̄ 105:13

Nin̄ aw̄n̄ ō télən̄ ō kə̄ dan nápar de kə́ rang gə̄ tə́. Nin̄ ḭḭn̄ ɓē ko̰o̰ kə́rēý tə́ aw̄n̄ kə́ noō tə́.

PĀ GƏ̄ 34:19

Kɔ́ɔ̄ɓē i ngɔr rɔ̄ de gə̄ ń kemdə́ nujə sák sák kɔ̄ɔ́ tə́ ní ō, ni ajə ngé gə̄ ń ndíĺdə́ sṵý kɔ̄ɔ́ ní ō.

2 MBAN̄G 6:25

Loo ń noō tə́ ɓō kə́ ngá̰ý əsō kem ɓēé. Ngé rɔ̄ɔ̄ gə̄ ń gīrə̄n̄ gidə ɓē ní utə̄n̄ ɓē i kutə̄ kə́ ngan̄g ngá̰ý adə̄ gātə̄ dɔ kərō kógə̄ḿ i njár sə́lē arjā̰a̰ sɔ́sɔ́ ō, gātə̄ yedə̄ déŕ kə́ rosə kem kɔ̄ý kógə̄ḿ i njáŕ sə́lē arjā̰a̰ mí ō.

2 MBAN̄G 4:38

Elije tél aw̄ Gilgal. Dan ń noō tə́ ní ɓō əsō gō nang ngeé ń noō tə́. Ɓūtə̄ ngé koō ta gə̄ ndin̄ rɔ̄ Elije tə́, anī ni-əda nge kəla yān na: Ə̄ndā jóó kə́ bo horoó ī-nēgə́nń tá̰a̰ ādə̄ ngé koō ta gə̄.

2 SAMUEL 21:1

Dan ń Dabid a o̰o̰ń ɓē ní, ɓō kógə̄ḿ əsō kem ɓēé. Ɓō ní rāā de gə̄ ɓāl̄ mətá. Dabid aw̄ koō taá rɔ̄ Kɔ́ɔ̄ɓē tə́ anī, Kɔ́ɔ̄ɓē ədan na: I ɓōkə́ ń Saul nin̄ kə gír kojə yān gēé ɓōkə́n̄ mósə de gə̄ nang tə́ ní n ɓō əsōń kem ɓēé ní. I tɔ̄l̄ ń ni tɔ̄l̄ Gabaon gə̄ ní.

RUTƏ 1:1

Ɓāl̄ yā ngé sarya gə̄ tə́ ní ɓō əsō kem ɓēé. Anī deē kógə̄ḿ kə́ Betlehem kə́ dɔ nang kə́ Juda tə́ ndɔ́tə̄n̄ nin̄ kə nə̄yá̰n ō, ngánən kə́ dəngam kə́ jōó gə̄ ō, ba aw̄ ndin̄ dɔ nang kə́ Moab tə́.

TA KƏLA 47:13

Ɓō i ngá̰ý adə̄ yá̰a̰ kəsa gətóo kem ɓēé malang. Tɔ́gə de kə́ Ejiptə tə́ gə̄ ō, kə́ Kanaan tə́ gə̄ ō, gətóo sɔɔ̄ń ɓō.

TA KƏLA 42:5

Ngán Israel gə̄ aw̄ ugə̄n̄ Ejiptə tə́ naā tə́ kə de kə́ rang kə́ ngé kaw̄ mang kōó gēé, tɔdɔ̄ ɓō i ngá̰ý dɔ nang kə́ Kanaan tə́.

TA KƏLA 41:57

De gə̄ ḭḭn̄ kə̄ dɔ ɓē gə̄ tə́ malang reēn̄ Ejiptə tə́ mang kōó jī Jəjep tə́, tɔdɔ̄ ɓō i ngá̰ý kə̄ kem ɓē gə̄ tə́ malang.

TA KƏLA 41:56

Ɓō rāā de kə́ kem ɓēé gə̄ malang tā a Jəjep teē ta loo gə̄ ń kánə̄n̄ kōō tū tə́ ní malang adə̄ de gə̄ mangən̄. Ba gō tə́ anī ɓō aw̄ i kum kə̄ kété kété dɔ nang kə́ Ejiptə tə́.