TA KƏLA 12:1 - Bibəl ta Sar̄

¹ Kɔ́ɔ̄ɓē əda Abəram na: Ə́ya̰ nang yāí ō, ngééí gə̄ ō, ɓē yā bɔbí ō, ba āw̄ dɔ nang ń m-ā m-ɔ́jiī tə́ ní.

Bible sar

¹ Kɔ́ɔ̄ɓē əda Abəram na: Ə́ya̰ nang yāí ō, ngééí gə̄ ō, ɓē yā bɔbí ō, ba āw̄ dɔ nang ń m-ā m-ɔ́jiī tə́ ní.

TA KƏLA 12:1 Referans Kwoze

HEBƏRO 11:8

I kə ta kūl̄ taā kem n Abəraham oō ta Nə́ɓā dan ń ɓārə́n ní. Adə̄ ni-aw̄ dɔ nang ń Nə́ɓā a rāā yā kadə̄n kə́ yān tə́ ní tə́. Ni-ḭḭ aw̄ kanjə̄ ger̄ loo ń a aw̄ kə̄ tū tə́ ní tə́.

NEHEMI 9:7

I ḭ̄ Kɔ́ɔ̄ɓē Nə́ɓā n ī-gə̄rā Abəram ní. I ḭ̄ n ī-rāā ādə̄ ni teē kɔ̄ɔ́ kem ɓē kə́ Ur tə́, dɔ nang kə́ Kalde tə́, ba ə̄ndā rīn na i Abəraham dɔn tə́ ní.

IJAI 51:2

Á̰a̰ī bɔbə̄sí Abəraham ō, kó̰ó̰sí Sara ń ojəsí ní ō. Dan ń m̄-ɓāŕ Abəraham ní, Abəraham ojə ngōn̄ alé. Banī m̄-tɔ́r̄ taḿ dɔn tə́ ō, m̄-rāā adə̄ ni-tél bɔbə̄ gír de gə̄ kə́ nin̄ i ngá̰ý ō.

TA KƏLA 15:7

Kɔ́ɔ̄ɓē ədan na: Mā i Kɔ́ɔ̄ɓē, nge teē seí kɔ̄ɔ́ Ur, dɔ nang kə́ Kalde tə́ yā kadī dɔ nang ń toō.

EJEKIEL 33:24

Ḭ̄ ngōn̄ deē, ōō! Gotə de gə̄ ń na̰yn̄ á ndin̄ Israel tə́ kə̄ kem ɓē bo gə̄ kə́ nujə kɔ̄ɔ́ gə̄ tə́ ní, ə́dan na: Kété ní Abəraham i kə kérneé banī ɓē malang i yān. Ba jḭḭ̄ ń i ngá̰ý ní, majə kadə̄ i jḭḭ̄ n ɓē i yājí ngɔlaā ní.

2 KORḚNTƏ 6:17

Adə̄ Kɔ́ɔ̄ɓē əda na: Ī-teēī kɔ̄ɔ́ dan de gə̄ ń noō tə́, ɔ̄rī rɔ̄sí kɔ̄ɔ́ rɔ̄də́ tə́, ɔ́diī rɔ̄ yá̰á̰ kógə̄ḿ kə́ yḛr alé, anī mā m-ā m-ə́wásí kə̄ rɔ̄ḿ tə́.

IJAI 41:9

M-āw̄ sāāí tə́ bátə́ m-ūgə̄ ta ngóy dɔ nang tə́, ī-ndi i gō nang kə́ sa̰y tɔȳ gotə gō nang kə́ rang gə̄ tə́ n m̄-ɓāríī tū tə́ ní. M-ə́daī na nge kəla yāḿ i ḭ̄, m̄-gə̄rāī, ba m̄-tə́taī kə̄ gogə́ alé.

JEJU TEĒ KUM JA̰A̰ 18:4

Anī m-ōō ndū de kə́ rang dɔ rā̰ tə́ əda na: Sḭḭ̄ gír deē yāḿ gə̄, ī-teēī kɔ̄ɔ́ kem ɓē ń toō tə́ na sōgə́ ī-rāāī majaĺ ń ni-rāā ní ō, yá̰á̰ kə́ tōr̄ ń əndān̄ dɔ danaá tām̄ yān tə́ ní rāāsí ō.

TA KƏLA 20:13

Dan ń Nə́ɓā ɓārə́m̄ adə̄ m̄-teē kɔ̄ɔ́ ɓē yā bɔbə́ḿ tə́ ní, m-ə́da nə̄yá̰ḿ na ré tárəm̄ anī, loo malang ń j-a j-aw̄ tū tə́ ní, kə əda na mā na i ngōkó̰o̰n kə́ dəngam.

TA KƏLA 24:4

ba kadə̄ ā āw̄ i dɔ nang yāḿ tə́, ɓē ngééḿ gēé, yā taā dəyá̰ tām̄ yā ngōnə̄ḿ Isaak tə́.

TA KƏLA 26:2

Anī Kɔ́ɔ̄ɓē ndɔ̄bə̄n ədan na: Ī-lōō kaw̄ Ejiptə tə́, ba ī-ndi dɔ nang ń m-ā m-ɔ́jiī tə́ ní.

IJAI 37:12

Dan ń mban̄g kə́ rang kə́ kété noḿ mā tə́ gə̄ nujən̄ ɓē gə̄ kə́ Gojan ō, Haran ō, Resep ō, Telasar ō, ɓē bo yā Edenitə gə̄ ō ní, nə́ɓā gə̄ yā nápar de gə̄ ń noō gə̄ gāngə̄n̄ dɔdə́ alé.

TA KƏLA 24:7

Kɔ́ɔ̄ɓē Nə́ɓā kə́ dɔ rā̰ tə́ ń teē seḿ kɔ̄ɔ́ ɓē bɔbə́ḿ ō, ɓē ngééḿ gēé ō ní, ɔr̄ najə̄ seḿ ō, ənī míndən adə̄m̄ ō, əda na dɔ nang ń toō n-a n-adə̄ ngán kaaḿ gə̄. Ní, nəkɔ́ a əla deē yān kə́ dɔ rā̰ tə́ kété noí tə́, adə̄ ā ī-taā dəyá̰ i nú tām̄ yā ngōnə̄ḿ tə́.

TA KƏLA 24:38

banī kə m-āw̄ dan de gə̄ kə́ gír kojə yā bɔbə̄n tə́, ɓē ngéén gēé, kə m̄-taā dəyá̰ kə m̄-reēń m-ādə̄ ngōnə̄n.

TƏ́DA 10:30

Hobab tél əda na: M-ɔ́də alé, m̄-ndigə i tél kaw̄ ɓē yāḿ tə́, dan ngééḿ gə̄ tə́.