TA KƏLA 11:7 - Bibəl ta Sar̄

⁷ Jə-risə j-aw̄ jə-tə́laī ta yādə́ naā tə́, ādə̄ oōn̄ ta yā naā to̰ alé.

Bible sar

⁷ Jə-risə j-aw̄ jə-tə́laī ta yādə́ naā tə́, ādə̄ oōn̄ ta yā naā to̰ alé.

TA KƏLA 11:7 Referans Kwoze

PĀ GƏ̄ 33:10

Kɔ́ɔ̄ɓē bā ta róbə yá̰á̰ ń nápar de gə̄ sāān̄ rāā ní. Ni nujə yá̰á̰ ń gír de gə̄ nómə̄n̄ rāā ní.

PĀ GƏ̄ 55:9

M-ā m-āw̄ láẃ yā kaw̄ ndi loo ɓɔ̄ɔ̄ rɔ̄ kógə̄ḿ tə́, loo kə́ nél man̄ a asə rāā yá̰a̰ seḿ tū tə́ aĺ tə́.

TA KƏLA 1:26

Ta tɔ̄l̄ ta anī Nə́ɓā əda na: Jə-rāāī de gə̄ kə́ teēn̄jí, kə́ ton̄ tītə̄jí, ādə̄ ndin̄ dɔ kānjə̄ kə́ kum bā bo gə̄ tə́ ō, dɔ yel̄ kə́ dɔɔ́ gə̄ tə́ ō, dɔ dā̰ kə́ ɓēé gə̄ tə́ ō, dɔ dā̰ kə́ bembeé gə̄ tə́ ō, dɔ ngán dā̰ kə́ kagə nang tə́ gə̄ tə́ ō.

1 KORḚNTƏ 14:23

Adə̄ tītə̄ ń toō ngé taā kem gə̄ malang kánə̄n̄ naā, ba nin̄ malang udən̄ kə̄ rɔ̄ kɔr̄ najə̄ tə́ kə ta kə́ tayā gə̄. Anī de kə́ ger̄ yá̰a̰ aĺ gə̄, aláa i kə́ ngé taā kem aĺ gə̄ ń udən̄ kújú gōsí tə́ ní, a rāān̄sí ngé kɔ̄r̄ gə̄ tə́ aĺ a?

JEREMI 5:15

Sḭḭ̄ de kə́ Israel tə́ gə̄ m-ā m-ɔ́ý gíŕ nápar deē kógə̄ḿ kə́ sa̰y ngá̰ý gə̄ yā reē ɓōkə́ dɔsí tə́ i gír de kə́ ngangə̄n̄ ngá̰ý gə̄ kə́ ndin̄ i jóó ngá̰ý ō, i gír de kə́ ḭ̄ ī-ger̄ ta kɔr̄də́ aĺ ō. Najə̄ ń Kɔ́ɔ̄ɓē əda ní n noó.

PĀ GƏ̄ 2:4

Banī Kɔ́ɔ̄ɓē əgō mḛy, nge ń ndi dɔ rā̰ tə́ ní mbóo sedə́.

Makətūbə̄ yā Job 12:20

Ni i nge rāā kadə̄ najə̄ gətóo kɔ̄ɔ́ ta ngé ger̄ kɔjə najə̄ ngá̰ý gə̄ tə́ ō, nge rāā kadə̄ kəndā ma̰ȳ yá̰a̰ teē kɔ̄ɔ́ jī ɓə́ga gə̄ tə́ ō.

NDŪ NAJƏ̄ 28:49

Ni a ɔy nápar de gə̄ kógə̄ḿ kə́ ḭ̄ ī-ger̄ kum najə̄ kɔr̄də́ aĺ gə̄, ta ngóy dɔ nang tə́ sa̰y yā reē ɓōkə́də́ dɔí tə́ tītə̄ kə̄rō kə́ a jə̄ngā kə̄ dɔ dā̰ tə́ yā kəhɔn beé.

IJAI 6:8

Loo ń noō tə́ m-ōō ndū Kɔ́ɔ̄ɓē loo dəje najə̄ tə́, əda na: M-ā m-ə́la i náā? Ngōmbang kəla yājí i náā? Anī m̄-dal najə̄ ní m-ə́da na: Mā n toó, ə́lam̄!

TA KƏLA 42:23

Nin̄ gerə̄n̄ kadə̄ Jəjep ger̄ kum najə̄ kɔr̄də́ alé, tɔdɔ̄ ni-ɔr̄ najə̄ sedə́ i kə deē kógə̄ḿ kə́ nge tūr̄ najá.

TA KƏLA 11:5

Kɔ́ɔ̄ɓē risə dɔ nang tə́ yā ka̰a̰ ɓē bo ō, kújə́ kə́ ngāl̄ ɓururu ń de gə̄ a rāān̄ ní ō.

TA KƏLA 10:20

Ngán Kam gə̄ n noó kə gō gír kaa yādə́ gēé ō, ta yādə́ gēé ō, kə gō dɔ nang yādə́ gēé ō, kə gō nápar yādə́ gēé ō.

TA KƏLA 3:22

Gō tə́ anī ni-əda na: De gə̄ tél ton̄ tītə̄ Nə́ɓā tɔdɔ̄ gerə̄n̄ kɔr̄ nin̄ yá̰á̰ kə́ majə ō, yá̰á̰ kə́ majaĺ ō, naā tə́ ní, majə kadə̄ m-ɔ̄gə̄də́ kəla jīdə́ kəjań kan̄ kāgə̄ kə́ deē əsa anī a ndi kə kumuú, na sōgə́ əsan̄ anī ndin̄ kə kumdə́ ngándáńg.

TA KƏLA 10:32

Gír kaa yā ngán Noe gə̄ n noó kə gō gír kojə yādə́ gēé ō, napar yādə́ gēé ō. Nápar de gə̄ malang ń tə̄ndān̄ naā tḭ̄ḭ̄n̄ kə̄ loo gə̄ tə́ dɔ nang tə́ ní, i nin̄ n ojən̄də́ ní.

TA KƏLA 10:5

De gə̄ ń tə̄ndān̄ naā tḭ̄ḭ̄n̄ kə gō dor̄ loo gə̄ ní, i nin̄ n ojən̄də́ ní. De gə̄ ní ndin̄ i kə gō dɔ nang yādə́ gēé ō, kə gō ta yādə́ gēé ō, gír kaa yādə́ gēé ō, kə gō nápar yādə́ gēé ō.

Teē Ngán Israel gə̄ 4:11

Kɔ́ɔ̄ɓē tél əda Moijə na ké i náā n i nge kəɓā ta deē ní wa. Ké i náā n i nge rāā kadə̄ gír kəlā ndo̰ deē do̰ō̰ naā aláa kadə̄ deē téĺ mbíkī ní wa, kadə̄ kum deē a̰a̰ loo aláa kadə̄ deē tél mundō ní wa. Ké i ni Kɔ́ɔ̄ɓē aĺ wa.

IJAI 33:19

Gír de kə́ ngé kɔjə rɔ̄də́ gə̄ ń toō ā á̰á̰də́ to̰ alé, de gə̄ ń noō ń i ngé kɔr̄ ta kə́ loo ger̄ kum ngan̄g ngá̰ý ní, ta tə̄rā kə́ de kə́ ger̄ kum gətóo.