TA KƏLA 10:9 - Bibəl ta Sar̄

⁹ Nemrod i gáẃ kə́ nge ndo̰ kə̄ ta kum Kɔ́ɔ̄ɓē tə́. I tām̄ najə̄ ń toō tə́ n kāgə̄ najə̄ əda na: Gáẃ kə́ nge ndo̰ kə̄ ta kum Kɔ́ɔ̄ɓē tə́ tītə̄ Nemrod ní.

Bible sar

⁹ Nemrod i gáẃ kə́ nge ndo̰ kə̄ ta kum Kɔ́ɔ̄ɓē tə́. I tām̄ najə̄ ń toō tə́ n kāgə̄ najə̄ əda na: Gáẃ kə́ nge ndo̰ kə̄ ta kum Kɔ́ɔ̄ɓē tə́ tītə̄ Nemrod ní.

TA KƏLA 10:9 Referans Kwoze

PĀ GƏ̄ 52:7

Adə̄ Nə́ɓā a nujiī kɔ̄ɔ́ i kə́ njɔ́ḿ gə̄ tə́. Ni a ndɔ́rī yā teē seí kɔ̄ɔ́ kem kújə tandā yāí tə́. A ɔrī kɔ̄ɔ́ kə ngəraí gēé dɔ nang ń de kə́ kə kumuú gə̄ ndin̄ tū tə́ ní tə́.

2 YÁ̰A̰ GƏ̄ 28:22

Dan ń yá̰a̰ tɔȳń dɔ Akaj ngá̰ý gə̄gē ní, ni to dan rāā yá̰á̰ kə́ gōtə́ aĺ tə́ kə Kɔ́ɔ̄ɓē

TA KƏLA 27:30

Dan ń Isaak tɔ́r̄ tan dɔ Jakob tə́ oy anī, Jakob teē. Ni-teē gō bɔbə̄n tə́ sḛ́ý beē ō, ngōkó̰o̰n Esau tél ndo̰ó̰ ō.

TA KƏLA 25:27

Ngán gə̄ ní tɔgən̄. Esau téĺ gáw nge ndo̰. Ni i deē bembə, ba Jakob i de kə́ sɔl̄ lɔm, ni-ndi i kem kújú ɓēé.

TA KƏLA 13:13

De kə́ Sodom gə̄ i de kə́ kemdə́ ndul ngá̰ý gə̄. Nin̄-rāān̄ yá̰á̰ kə́ majaĺ ngá̰ý gə̄ ta kum Kɔ́ɔ̄ɓē tə́.

TA KƏLA 6:11

De kə́ dɔ nang tə́ gə̄ nujən̄ kɔ̄ɔ́ ta kum Nə́ɓā tə́. De gə̄ malang rāān̄ yá̰a̰ i kə dɔ́nɔ́.

TA KƏLA 6:4

Dan ń noó tə́ ní de kə́ ngāl̄ ngá̰ý gə̄ ndin̄ dɔ nang tə́. I nin̄ n i go̰ rɔ̄ɔ̄ kə́ jóo gə̄ ń rīdə́ ɓār̄ ngá̰ý ní. I ngáń Nə́ɓā gə̄ ń táān̄ ngáń kə́ dəyá̰ yā de gə̄ ní n ojən̄də́ ní.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

EJEKIEL 13:18

Ə́dádə́ na najə̄ ń Kɔ́ɔ̄ɓē Nə́ɓā əda ní n toó: Yá̰á̰ kə́ to kum kaȳ aĺ a teē dɔsí tə́. Tɔdɔ̄ sḭḭ̄ ūrī ta kūbə̄ kə́ dɔ kur jī de gə̄ tə́ malang ō, ī-rāāī mandíl gə̄ kə́ ɓāl̄də́ gə̄ i tayā tayā tə́ ō, yā kadə̄ sḭḭ̄ ə́ngeīneé tɔ́gə dɔ ndi kə kumuú yādə́ tə́. Sḭḭ̄ ī-sāāī taā ndi kə kumuú yā de gə̄ kə́ dan gír deē yāḿ gə̄ tə́, banī ī-ngɔ̄mī ndi kə kumuú yāsí sḭḭ̄ kɔ́ gə̄.

JEREMI 16:16

M-ā m-ə́lá kósə de kə́ ngé ndo̰ kānjə̄ gə̄ kadə̄ a ndo̰ō̰n̄də́ tītə̄ loo ndo̰ kānjə̄. Gō tə́ anī, m-ā m-ə́la kósə de kə́ ngé ndo̰ dā̰ gə̄ kadə̄ a ndo̰ō̰n̄də́ tītə̄ loo ndo̰ dā̰ dɔ mbal̄ kə́ bo gə̄ tə́ malang ō, dɔ ngán mbal̄ gə̄ tə́ malang ō, kem bəlo mbal̄ gə̄ tə́ ō. Najə̄ ń Kɔ́ɔ̄ɓē əda ní n noó.

TA KƏLA 10:8

Kus i bɔbə̄ Nemrod ō. Nemrod i de kə́ ta kəga dɔ ń tɔ́gən i ngá̰ý dɔ nang tə́ ní.

TA KƏLA 10:10

Ɓē ko̰o̰ yān gə̄ kə́ ta kəga dɔ i Babel ō, Erek ō, Akad ō, Kalne ō, gō nang kə́ Sinear tə́.

IJAI 18:2

Ni-əla ngé njə̄rā mbā dɔ bā Nil tə́ kə too tə̄ɓāá gə̄! Sḭḭ̄ ngé kaw̄ kəla láẃ gə̄, ī-tél āwī gogə́ ɓēé loosí. Nápar de gə̄ yāsí gə̄ ń i de kə́ ngāl̄ gə̄ ō, ndāŕdə́ ndə́lē ō, əlan̄ ɓōĺ kem de gə̄ tə́ laā ō, kə̄ loo gə̄ tə́ malang ō ní, madə̄ ba̰ā̰də́ gə̄ ní, ī-tél āwī gogə́ kemeé.