TA KƏLA 10:5 - Bibəl ta Sar̄

⁵ De gə̄ ń tə̄ndān̄ naā tḭ̄ḭ̄n̄ kə gō dor̄ loo gə̄ ní, i nin̄ n ojən̄də́ ní. De gə̄ ní ndin̄ i kə gō dɔ nang yādə́ gēé ō, kə gō ta yādə́ gēé ō, gír kaa yādə́ gēé ō, kə gō nápar yādə́ gēé ō.

Bible sar

⁵ De gə̄ ń tə̄ndān̄ naā tḭ̄ḭ̄n̄ kə gō dor̄ loo gə̄ ní, i nin̄ n ojən̄də́ ní. De gə̄ ní ndin̄ i kə gō dɔ nang yādə́ gēé ō, kə gō ta yādə́ gēé ō, gír kaa yādə́ gēé ō, kə gō nápar yādə́ gēé ō.

TA KƏLA 10:5 Referans Kwoze

SOPONI 2:11

Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

JEREMI 2:10

Ī-mān̄ āwī dor̄ gə̄ kə́ Kitim tə́ á̰a̰ī ō. Ə́laī de gə̄ Kedar ō, ī-dəjeī gír najə̄ kə gōó ō. Ə̄ndāī ma̰ȳ á̰a̰ī ké yá̰á̰ kə́ tītə̄ ń noō rāā yá̰a̰ aĺ ɓáý wa.

JEREMI 25:22

mban̄g gə̄ malang kə́ Tir tə́ ō, kə́ Sidon tə́ ō, kə́ gō nang kə́ gidə bā bo tə́ ō,

IJAI 42:4

Tɔ́gən a ur̄ wak alé. Ni a əya̰ alé, mbóńg yā kadə̄ ni-əndā ngəra yá̰á̰ kə́ súmūú dɔ nang tə́ pá tá. Gír de gə̄ ń ndin̄ sa̰y ní gḛyn̄ kənge yá̰á̰ ndóō yān.

TA KƏLA 10:20

Ngán Kam gə̄ n noó kə gō gír kaa yādə́ gēé ō, ta yādə́ gēé ō, kə gō dɔ nang yādə́ gēé ō, kə gō nápar yādə́ gēé ō.

IJAI 60:9

Ɓē kə́ sa̰y gə̄ ndi a ngóōmə̄n̄ ō, əndān̄ kemdə́ dɔḿ tə́ ō. Too kə́ bo gə̄ njə̄rān̄ kété no madə̄də́ gə̄ tə́, yā téləń kə ngání gə̄ yā reē sedə́ gogə́ ɓēé, nin̄ ḭḭn̄ sedə́ i sa̰y ngá̰ý. Nin̄ reēn̄ sedə́ kə gində̄ arjā̰a̰ yādə́ gə̄ ō, kə lɔ́r yādə́ gə̄ ō. Nin̄ reēn̄ i kɔsə ngɔnəḿ mā Nə́ɓā yāí tə́, Nə́ɓā kə́ táĺ yā Israel ń rɔyī beé ní.

IJAI 59:18

Yá̰á̰ ń de gə̄ asən̄ kənge ní, ni a téləń yā kadə̄də́. Wōn̄g yān i tām̄ yā ngé rɔ̄ɔ̄ seneé gə̄ tə́, ndéy i tām̄ yā madə̄ ba̰ā̰n gə̄ tə́, ɓē kə́ sa̰y gə̄ gə̄gē i tām̄ yādə́ tə́.

IJAI 51:5

Kajə ń m̄-reēń ní, dɔ i ngɔr, teē ɓəloó a reē noó. M-ā m̄-gān̄g sarya kə ngangá ngá̰ý dɔ gír de gə̄ tə́. Gír de gə̄ ń ndin̄ sa̰y ní, a əndān̄ kemdə́ dɔḿ tə́. Nin̄ a əndān̄ kemdə́ dɔ kasə kə́ m-ásə rāā yá̰á̰ tə́.

IJAI 49:1

Sḭḭ̄ gír de gə̄ ń ī-ndiī sa̰y ní, ōōī najə̄ yāḿ! Sḭḭ̄ ń ī-ndiī sa̰y ní, ī-nēlī mbīsí! Dan ń Kɔ́ɔ̄ɓē ɓārə́m̄ ní, ojəmə̄n̄ aĺ ɓáý. Mā i kem kó̰ó̰ḿ ɓáý n ni ədań rīḿ ní.

IJAI 42:10

Ə̄nī pā kə́ kijə ādī Kɔ́ɔ̄ɓē. Sḭḭ̄ ngé njə̄rā mbā dɔ bā bo tə́ gə̄ ō, sḭḭ̄ yá̰a̰ gə̄ ń ī-rosiī loo kum bā bo tə́ ní ō, sḭḭ̄ gír de gə̄ ń ī-ndiī sa̰y ní ō, ī-ndiī ta ngóy dɔ nang tə́ ə̄nīīneé pā tɔ̄ȳ Kɔ́ɔ̄ɓē.

IJAI 41:5

Yá̰á̰ ń rāā yá̰á̰ ní gír de gə̄ ń ndin̄ sa̰y ní a̰a̰n̄ ō, ɓōĺ rāādə́ ō. De gə̄ ń nin̄ ndin̄ i ta ngóy dɔ nang tə́ ní, nin̄ ndɔ́tə̄n̄ kə̄ kété i kə rɔ̄ ndeweé.

IJAI 40:15

Nápar de gə̄ ton̄ i tītə̄ ngōn̄ man̄ kə́ əsō ɗḛy gír gəmbé tə́ beē, ton̄ i tītə̄ kum nán̄g ngárə̄ḿnjēý kógə̄ḿ kə́ to dɔ yá̰a̰ mbɔ̄jə́ kɔȳ yá̰á̰ tə́ beé. Gír de kə́ sa̰y gə̄ hɔɔ́lɔ̄n̄ tītə̄ bumbə́ru beé.

IJAI 24:15

Ɔ́siī gɔn Kɔ́ɔ̄ɓē, gō nang kə́ gír ɓē tə́, ə̄nīī pā rīn dɔ dor̄ loo gə̄ kə́ kum bā bo tə́ tə́ ō, ə̄nīī pā rī Kɔ́ɔ̄ɓē, Nə́ɓā yā Israel!

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

TA KƏLA 10:25

Eber ojə ngán gə̄ jōó: Rī kə́ kógə̄ḿ na i Peleg, kumən na i kēgə̄ naā, tɔdɔ̄ i ɓāl̄ yān tə́ n de kə́ dɔ nang tə́ gə̄ kēgə̄n̄neé naā ní, ba rī ngōkó̰o̰n na i Yokətan.

TA KƏLA 10:4

Ngán Yaban gə̄ i Elisa ō, Tarsis ō, Kitim ō, Rodanim ō.

TA KƏLA 10:6

Ngán Kam gə̄ i Kus ō, Misəraim ō, Put ō, Kanaan ō.

EJEKIEL 26:15

Yá̰á̰ ń mā Kɔ́ɔ̄ɓē Nə́ɓā m-ə́da ɓē kə́ Tir ní n toó: Kum mbang ń a nujiīń tə́ ní, a tɔ̄lə̄n̄ de gə̄ malang ń ndin̄ kem ndogə̄ mbal̄ yāí tə́ ní ō, de gə̄ ń əngen̄ dɔ ní, a oōn̄ kōōdə́ loo nōō tə́ ō. Kum mbang ngeé ń noō tə́ ní, de gə̄ ń ndin̄ dor̄ kə́ sa̰y gə̄ tə́ ní, ɓōĺ a rāādə́ adə̄ nin̄ a ndewn̄.

EJEKIEL 26:18

Ngɔlaā ní, gír de gə̄ ń ndin̄ kə gō kadə bā boó ní ndewn̄, tɔdɔ̄ ḭ̄ ī-gətóo kɔ̄ɔ́. Ngé gə̄ ń ndin̄ dɔ dor̄ gə̄ tə́ ní, ndíĺdə́ a̰ȳ, tɔdɔ̄ ḭ̄ ī-hində̄ lim kɔ̄ɔ́.

DANIEL 11:18

Gō tə́ anī ni a tūr̄ kumən kə̄ dɔ gō nang gə̄ kə́ kadə bā bo tə́ ō, gō nang gə̄ ní ni a taā kə́rēý gə̄ ngá̰ý kə tɔ́gɔ́ ō. Banī ngār kógə̄ḿ kə́ tə̄rā a rāā gír kɔjərɔ̄ yān a gān̄g ō, a rāā kadə̄ yá̰a̰ gə̄ ń kɔjə rɔ̄ yān ojədə́ ní téĺ tə́sōn̄ dɔn tə́ gogə́ ō.

TA KƏLA 9:19

I ngán Noe kə́ mətá gə̄ ń toō n ojən̄ naā á taān̄ loo dɔ nang tə́ malang ní.

TA KƏLA 10:32

Gír kaa yā ngán Noe gə̄ n noó kə gō gír kojə yādə́ gēé ō, napar yādə́ gēé ō. Nápar de gə̄ malang ń tə̄ndān̄ naā tḭ̄ḭ̄n̄ kə̄ loo gə̄ tə́ dɔ nang tə́ ní, i nin̄ n ojən̄də́ ní.

NDŪ NAJƏ̄ 32:8

Dan ń Nə́ɓā kə́ dɔɔ́ sa̰y ngá̰ý gán̄g dɔ nang adə̄ nápar de gə̄ ō, ɔr̄ kam̄ de gə̄ naā tə́ ō ní, əndā dɔ nin̄ loo yā gír de gə̄ i kə gō kutə ngán Israel gēé.

ESTER 10:1

Mban̄g Jerses gān̄g lambóo dɔ de gə̄ ń ndin̄ dɔ nang kə́ laa ngá̰ý tə́ ní ō, de gə̄ ń ndin̄ dɔ dor̄ loo gə̄ kə́ kum bā bo tə́ ní ō.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.