TA KƏLA 10:4 - Bibəl ta Sar̄

⁴ Ngán Yaban gə̄ i Elisa ō, Tarsis ō, Kitim ō, Rodanim ō.

Bible sar

⁴ Ngán Yaban gə̄ i Elisa ō, Tarsis ō, Kitim ō, Rodanim ō.

TA KƏLA 10:4 Referans Kwoze

DANIEL 11:30

De kə́ no ɓē tə́ gə̄ a reēn̄ kə to bo yādə́ gēé yā tā̰a̰ń rɔ̄ɔ̄, adə̄ tɔ́gən a ur̄ wak kɔ̄ɔ́. Ni a rāā wōn̄g ɓáý to̰ kə gír de gə̄ ń əhɔn̄ madə̄ naā kə́ táĺ kə Nə́ɓāá ní ō, ni a rāādə́ yá̰á̰ kə́ majaĺ ō, a oōn̄ naā kə ngé gə̄ ń əya̰n̄ madə̄ naā kə́ táĺ kɔ̄ɔ́ ní ɓáý to̰ ō.

IJAI 23:12

Ni-əda na: Sḭḭ̄ de kə́ Sidon gə̄, ā ásiī rāā nāā to̰ alé, ī-toī tītə̄ ngōmandə kə́ deē sāān dɔ gúu tə́ beē. Ká ré sḭḭ̄ āwī ō, ī-gāngī bā bo āwī bátə́ ūgī dor̄ kə́ Sipər tə́ ō gə̄gē anī, nú gə̄gē ní, ā ásiī kɔr̄ koō alé.

IJAI 23:1

Najə̄ yā ɓē kə́ Tir. Sḭḭ̄ to bo gə̄ kə́ dan ɓūl̄ bā bo gə̄ tə́, úniī pā yo. Nujən̄ ta kā̰ kə́ Tir kɔ̄ɔ́, kújə gə̄ gətóon̄ kɔ̄ɔ́. I dan ń nin̄ reē ugə̄n̄ dor̄ kə́ Sipər tə́ ní n ōōn̄ gotə najə̄ ní.

TƏ́DA 24:24

To bo gə̄ ḭḭn̄ kum kā̰ kə́ Kitim tə́ reē ugə̄n̄. Ngé taā ɓē gə̄ rāān̄ kum Asiri gə̄ ndoō tə́ ō, rāān̄ kum Eber gə̄ ndoō tə́ ō, banī ta tɔ̄l̄ tadə́ anī, nin̄ kɔ́ gə̄ a nujən̄ sák sák kɔ̄ɔ́ ō.

EJEKIEL 27:25

To kə́ bo gə̄ ətōn̄ yá̰a̰ yāí gə̄. Tir, yá̰a̰ i ngá̰ý kem ɓē yāí tə́, yá̰a̰ kətō yāí i ngá̰ý adə̄ ɔyī tītə̄ to bo kə́ ndi dan bā boó beē.

EJEKIEL 27:12

De kə́ Tarsis gə̄ adīn̄ yá̰a̰ kənge kə́ tayā tayā gə̄ ngá̰ý mbél̄nəń gíŕ yá̰a̰ seí. Nin̄ mangən̄ yá̰a̰ gātə̄ yāí gə̄ i kə gində̄ arjā̰a̰á̰ ō, gində̄ kə́ karīí ō, kə gində̄ etḛ̄ḛḛ́ ō, kə gində̄ pəlɔm ō.

TA KƏLA 10:5

De gə̄ ń tə̄ndān̄ naā tḭ̄ḭ̄n̄ kə gō dor̄ loo gə̄ ní, i nin̄ n ojən̄də́ ní. De gə̄ ní ndin̄ i kə gō dɔ nang yādə́ gēé ō, kə gō ta yādə́ gēé ō, gír kaa yādə́ gēé ō, kə gō nápar yādə́ gēé ō.

1 YÁ̰A̰ GƏ̄ 1:7

Ngán Yaban gə̄ i Elisa ō, Tarsis ō, Kitim ō, Rodanim ō.

EJEKIEL 27:6

Nin̄ tə́gān̄ i kāgə̄ sén gə̄ kə́ Basan n rāān̄nəń háy yāí gə̄ ní. Rāān̄ loo ra ngé nēl̄ to gə̄ i kə kāgə̄ sédər gə̄ kə́ dor̄ loo yā Gərek gə̄ tə́ kə́ rāān̄ ro̰n gə̄ i kə ngān̄g dā̰á̰.

EJEKIEL 27:7

Nin̄ rāān̄ kūbə̄ to yāí gə̄ kə́ kadə̄ nél əsō kemeé i kə lḛ́ḛ́ kə́ Ejiptə tə́ ō, ɔsən̄ desḛ̄ḛ gə̄ tū tə́ ō. Ré deē a̰a̰ī kə̄ sa̰y anī, a gerī i kə ta kūl̄də́. Utə̄n̄ gidə yá̰a̰ gātə̄ yāí gə̄ i kə kūbə̄ kə́ ndul gusə gusə gə̄ ō, kə́ kərē bḭḭ gə̄ ō, kə́ ḭḭnə̄ń i dor̄ kə́ Sipər tə́.