TA KƏLA 10:2 - Bibəl ta Sar̄

² Ngán Japet gə̄ i Gomer ō, Magog ō, Maday ō, Yaban ō, Tubal ō, Mesek ō, Tiras ō.

Bible sar

² Ngán Japet gə̄ i Gomer ō, Magog ō, Maday ō, Yaban ō, Tubal ō, Mesek ō, Tiras ō.

TA KƏLA 10:2 Referans Kwoze

EJEKIEL 38:2

Ḭ̄ ngōn̄ deē, ī-tūr̄ kumií kə̄ rɔ̄ Gog tə́. Ni i ngār kə́ bo yā gír de gə̄ kə́ Tubal ō, Mesek ō, dɔ nang yā Magog tə́. Ɔ̄r̄ najə̄ ń m-ə̄ndā taí tə́ ní ī-rɔ̄ɔń seneé ādə̄m̄.

EJEKIEL 38:6

Ɓūtə̄ ngé rɔ̄ɔ̄ yā Gomer gə̄ malang ō, yā Bet Togarma ń ndin̄ ta ngóy ɓē kə́ ko̰ó̰ tə́ dām̄ mbɔ́ ɓē kə́ ko̰ó̰ tə́ ō ní, a aw̄n̄ seí kə gír ɓūtə̄ ngé rɔ̄ɔ̄ yādə́ gēé. Tá gír de kə́ rang gə̄ ngá̰ý ɓáý to̰ a aw̄n̄ seí ō.

JEJU TEĒ KUM JA̰A̰ 20:8

Nápar de gə̄ malang ń ndin̄ dɔ nang tə́ á i Gog nin̄ kə Magog ní, ni a teē yā kaw̄ rāādə́ kadə̄ ndúmə̄n̄. Ni a ɔsə dɔdə́ naā tə́ tām̄ yā rɔ̄ɔ̄ tə́ ō, kutə de gə̄ ní i ngá̰ý tītə̄ nán̄g ngárə̄ḿnjēý kə́ ta bā bo tə́ ō.

IJAI 66:19

M-ā m-ə̄ndā yá̰á̰ kógə̄ḿ dandə́ tə́ yā kɔjəń yá̰a̰. Ngé gə̄ ń a teēn̄ ta yo tə́ gō sarya gāngə̄ḿ tə́ ní, m-ā m-ə́ládə́ kə̄ rɔ̄ nápar de gə̄ kə́ Tarsis tə́ ō, Pul tə́ ō, Lud tə́ ō, nin̄ gə̄ ń noō ń i de gə̄ kə́ gerə̄n̄ kur gərā ngá̰ý ní. M-ā m-ə́ládə́ kə̄ rɔ̄ de gə̄ kə́ Tubal tə́ ō, Yaban tə́ ō, m-ā m-ə́ládə́ sa̰y kə̄ dɔ dor̄ gə̄ tə́ ō, loo ń deē oō najə̄ yāḿ nja kógə̄ḿ tū tə́ aĺ tə́ ní, loo ń deē a̰a̰ kɔsə gɔn yāḿ nja kógə̄ḿ tū tə́ aĺ tə́ ní. Adə̄ nin̄ a rāān̄ kadə̄ nápar de gə̄ ń noō gerə̄n̄ kɔsə gɔn yāḿ.

EJEKIEL 39:1

Kɔ́ɔ̄ɓē ədam̄ na: Ḭ̄ ngōn̄ deē, ɔ̄r̄ najə̄ kə Gog ādə̄m̄, ī-rɔ̄ɔń seneé ə́dan na: Najə̄ ń Kɔ́ɔ̄ɓē Nə́ɓā əda ní n toó: Ḭ̄ Gog, ḭ̄ ń i ngār kə́ bo yā gír de gə̄ kə́ Mesek ō, Tubal ō ní, m-ā m̄-rāā yá̰á̰ kə́ tōr̄ seí.

EJEKIEL 38:15

Ɓē yāí ń ndi i ta ngóy dɔ nang tə́ dām̄ mbɔ́r ɓē kə́ ko̰ó̰ tə́ ní, ā ḭ́ḭ tū tə́ yā reē, naā tə́ kə áskar gə̄ yā ɓē gə̄ kə́ gíŕdə́ i ngá̰ý. Sḭḭ̄ malang ní ā ī-ndiī i dɔ sə́nda gə̄ tə́ ō, kutəsí i ngá̰ý ō, ā ī-téliī ngé rɔ̄ɔ̄ gə̄ kə́ tɔ́gə́də́ i ngá̰ý ō.

EJEKIEL 27:19

Əla gír i Ujal tə́ nú n de gə̄ kə́ gír ɓē yā Dan tə́ ō, Yaban tə́ ō a adīnəń yá̰a̰ gə̄ ń sɔɔ̄ kadə̄ nin̄ adīn̄ ní. Nin̄ adīn̄ gində̄ kə́ koo ō, kāgə̄ kanel ō, mu tə̄ɓā kə́ kotə majə ō.

EJEKIEL 27:7

Nin̄ rāān̄ kūbə̄ to yāí gə̄ kə́ kadə̄ nél əsō kemeé i kə lḛ́ḛ́ kə́ Ejiptə tə́ ō, ɔsən̄ desḛ̄ḛ gə̄ tū tə́ ō. Ré deē a̰a̰ī kə̄ sa̰y anī, a gerī i kə ta kūl̄də́. Utə̄n̄ gidə yá̰a̰ gātə̄ yāí gə̄ i kə kūbə̄ kə́ ndul gusə gusə gə̄ ō, kə́ kərē bḭḭ gə̄ ō, kə́ ḭḭnə̄ń i dor̄ kə́ Sipər tə́.

TA KƏLA 10:21

Sem ń i nga tɔ́gə Japet ní ojə ngán gə̄ ō. Ni i kaa Eber kə gír kojə yān gə̄ malang.

TA KƏLA 9:27

Ādə̄ Nə́ɓā ɔr̄ gír loo yā Japet kə̄ gogə́! Ādə̄ Japet ndi kem kújə tandā gə̄ yā Sem tə́, ba ādə̄ Kanaan i ɓəlo yān!

TA KƏLA 10:1

Ngán Noe gə̄ ń i Sem ō, Kam ō, Japet ō ní ojən̄ naā gō man̄ kaw̄ tə́. Gír kojə yādə́ n toó:

2 MBAN̄G 17:6

Kem ɓāl̄ ko̰o̰ ɓē yā Ose kə́ nge ko̰ ndōhó tə́ anī, mban̄g kə́ Asiri taā ɓē kə́ Samari ba ɔy Israel gə̄ aw̄ sedə́ gō nang kə́ Asiri tə́. Aw̄ tə́ndādə́ Hala ō, dɔ gɔ́sə Habor ń i bā kə́ gō nang kə́ Gojan tə́ ní ō, tə́ndādə́ kem ɓē gə̄ kə́ Medi tə́ ō.

PĀ GƏ̄ 120:5

Yá̰á̰ kə́ to kum kaȳ aĺ kə́ ba̰ý beē! Tɔdɔ̄ m̄-ndi ɓē dan tə̄rā gə̄ tə́, m̄-ndi dan de kə́ kumdə́ o̰o̰də́ aĺ gə̄ tə́.

EJEKIEL 32:26

Mban̄g kə́ Mesek ō, kə́ Tubal ō nin̄ i noó kə ngé rɔ̄ɔ̄ yādə́ gēé. Dɔ ɓádə́ ngé rɔ̄ɔ̄ yādə́ gə̄ gīr̄ gidədə́. De kə́ dəngam gə̄ malang ń noō ń əjan̄ mɔtədə́ aĺ ní, tɔ̄lə̄n̄də́ i ta rɔ̄ɔ̄ tə́. Kété ní, de gə̄ ń ndin̄ kə kumdə́ ní, ɓōĺ rāādə́ adə̄ ndewn̄ i najə̄ yādə́ nin̄ tə́.