TA KƏLA 10:11 - Bibəl ta Sar̄

¹¹ Nemrod əya̰ dɔ nang ngeé ń noō kɔ̄ɔ́, ba aw̄ ndi dɔ nang kə́ Asiri tə́. I ni n rāā ɓē kə́ Ninibə ō, kə́ Rehobot Hir ō, kə́ Kala ō ní.

Bible sar

¹¹ Nemrod əya̰ dɔ nang ngeé ń noō kɔ̄ɔ́, ba aw̄ ndi dɔ nang kə́ Asiri tə́. I ni n rāā ɓē kə́ Ninibə ō, kə́ Rehobot Hir ō, kə́ Kala ō ní.

TA KƏLA 10:11 Referans Kwoze

MISE 5:6

Israel gə̄ ń na̰yn̄ kə kumdə́ dan gír de gə̄ kə́ ngá̰ý gə̄ tə́ ní, a ton̄ i tītə̄ tal kə́ tə́sō ɗḛy ɗḛy gə̄, kə́ Kɔ́ɔ̄ɓē əlań beē, a ton̄ i tītə̄ man̄ ndī kə́ tə́sō dɔ mu tə́ beē. Nin̄ əndān̄ kemdə́ dɔ deē ndul gə̄ tə́ aĺ ō, ngóōn̄ ta yá̰á̰ kógə̄ḿ jīdə́ tə́ aĺ ō.

NAHUM 1:1

Najə̄ kə́ dɔ ɓē kə́ Ninibə tə́ i kem makətūbə̄ ń toō tə́. Nə́ɓā ɔjə Nahum nge koō ta kə́ kem ɓē kə́ Elkos tə́ adə̄ ger̄, i kə ta kūl̄ yá̰á̰ kə́ Nahum a̰ā̰.

JONAS 1:2

Ḭ́ḭ dɔɔ́ āw̄ ɓē bo kə́ Ninibə tə́. Ə́la ɓōĺ kem de kə́ kemeé gə̄ tə́ kə najə̄ ń toō: Yá̰a̰ rāāsí kə́ majaĺ gə̄ ní, Kɔ́ɔ̄ɓē a̰ā̰ asən kɔ̄ɔ́.

PĀ GƏ̄ 83:8

Amon gə̄ ō Amalek gə̄ ō Pilistin gə̄ ō Tir gə̄ ō.

SOPONI 2:13

Kɔ́ɔ̄ɓē a rāā yá̰á̰ kógə̄ḿ kə gō nang kə́ dām̄ mbɔ́r ɓē kə́ ko̰ó̰ tə́, ni a rāā kadə̄ dɔ nang kə́ Asiri a tél kɔkərɔ gə̄ kə́ kánə̄n̄də́ dɔ naā tə́ bing. Ni a nujə ɓē kə́ Ninibə kɔ̄ɔ́, adə̄ ɓē kə́ Ninibə a tél loo kə́ tutə tītə̄ loo kə́ dəla loo tə́ beē.

NAHUM 3:7

Loo ń noō tə́ de gə̄ malang ń a a̰a̰īn̄ ní, a a̰ȳn̄ naā kə kɔrɔ́ tadə́ tə́: Nujən̄ ɓē kə́ Ninibə kɔ̄ɔ́! I náā ń kumən a o̰o̰n tām̄ yān tə́ ní? Ɓē kə́ Ninibə, ngé kəla go̰ kemií tə́ gə̄ ní, deē a əngedə́ i rá tām̄ yāí tə́?

NAHUM 2:8

Madə̄ ba̰ā̰ gə̄ unən̄ yá̰á̰ kə́ tɔ́sə̄ kum gotə nə́ɓā kə́ dəyá̰ kɔ̄ɔ́, ba aw̄n̄ seneé dɔ ɓē kə́ rang tə́ dɔ gúú tə́. Dəyá̰ kə́ ngé ndɔ̄yn gə̄ nōōn̄ tītə̄ dér dum gə̄ beé. Nin̄ əndān̄ wurdə́ par par ɔjənə̄ń kadə̄ rɔ̄də́ nel̄də́ alé.

OJEE 14:3

Ī-tél ī-reēī rɔ̄ Kɔ́ɔ̄ɓē tə́ kə najə̄ gə̄ ń toō: Ī-mā̰ȳ rɔ̄í dɔ yá̰a̰ rāājí kə́ gōtə́ aĺ gə̄ tə́ ō, ī-taā yá̰á̰ kə́ majə ń jə-ndējī ní ō. J-a jə-ndējī najə̄ kə́ tají tə́ kum gotə man̄g kə́ bəra kə́ tun̄ gə̄.

EJEKIEL 32:22

Mban̄g kə́ Asiri i noó kə ngé rɔ̄ɔ̄ yān gēé. Dɔ ɓádə́ ngé rɔ̄ɔ̄ yān gə̄ gīr̄ gidən.

EJEKIEL 27:23

Ɓē gə̄ kə́ Haran ō, kə́ Kane ō, kə́ Eden ō, ngé rāā gātə̄ gə̄ Saba ō, ɓē gə̄ kə́ Asur ō, kə́ Kilmad ō, a rāān̄ gātə̄ i seí ḭ̄ḭ́.

IJAI 37:37

Anī Senakerib mban̄g kə́ Asiri adə̄ de gə̄ tútən̄ kújə tandā gə̄ kɔ̄ɔ́. Ni-tél aw̄ gogə́ Ninibə ō, ndi kem ɓē ngeé ń noō tə́ ō.

ESDRAS 4:2

reē əngen̄ Jorobabel ō, de kə́ dɔ gír kojə gə̄ tə́ ō, ba ədan̄də́ na: Jə-ndigə rāā kəla kújə yā Kɔ́ɔ̄ɓē sesí. Tā m̄ i Nə́ɓā yāsí ń ā ī-rɔȳniī ní n jḭḭ jə-rɔȳn ō ní. Tá j-əla gír ndējə̄n yá̰á̰ kə́ tun̄ gə̄ i dan ń Asaradon mban̄g kə́ Asiri ɔyjí reēń sejí loo ń toō tə́ laā ní.

2 MBAN̄G 19:36

Loo ń noō tə́ Senakerib mban̄g kə́ Asiri ndɔ̄tə́ kə gérger yānneé. Ni-tél dɔ tə́ aw̄ ndi gogə́ Ninibə.

TƏ́DA 24:24

To bo gə̄ ḭḭn̄ kum kā̰ kə́ Kitim tə́ reē ugə̄n̄. Ngé taā ɓē gə̄ rāān̄ kum Asiri gə̄ ndoō tə́ ō, rāān̄ kum Eber gə̄ ndoō tə́ ō, banī ta tɔ̄l̄ tadə́ anī, nin̄ kɔ́ gə̄ a nujən̄ sák sák kɔ̄ɔ́ ō.

TƏ́DA 24:22

Banī ndɔ̄n tə́ anī hor a o̰o̰ kújə yāsí gə̄ ō, Asiri gə̄ a əhɔn̄sí ɓəlo tə́ ō.

TA KƏLA 10:12

Ni-rāā ɓē kə́ Resen dɔ dán ɓē kə́ Ninibə nin̄ kə Kala ń i ɓē kə́ bo ní tə́ ō.