TA KƏLA 10:10 - Bibəl ta Sar̄

¹⁰ Ɓē ko̰o̰ yān gə̄ kə́ ta kəga dɔ i Babel ō, Erek ō, Akad ō, Kalne ō, gō nang kə́ Sinear tə́.

Bible sar

¹⁰ Ɓē ko̰o̰ yān gə̄ kə́ ta kəga dɔ i Babel ō, Erek ō, Akad ō, Kalne ō, gō nang kə́ Sinear tə́.

TA KƏLA 10:10 Referans Kwoze

TA KƏLA 11:9

I tām̄ najə̄ ń noō tə́ n əndānəń rī ɓē ní na i Babel ní. Tɔdɔ̄ Kɔ́ɔ̄ɓē tə́la ta yā de kə́ dɔ nang tə́ gə̄ malang naā tə́ i loo ń noō tə́ ō, ni tə̄ndā tḭ̄ḭ̄də́ kə̄ loo gə̄ tə́ dɔ nang tə́ malang i loo ń noō tə́ ō.

TA KƏLA 11:2

Dan ń nin̄ ḭḭn̄ i gír ɓē tə́ ní, aw̄ əngen̄ ndágə loo kógə̄ḿ nang kə́ Sinear tə́ rāān̄ ɓē tū tə́.

MISE 4:10

Ādə̄ rɔ̄sí tōr̄sí ō, ī-nōōī ō, tītə̄ dəyá̰ kə́ a ojə ngōn̄ beé. Tɔdɔ̄ ngɔlaā ní, ā ī-teēī kem ɓēé yā kaw̄ ndi bembeé ō, ā āwī bátə́ yā kugə̄ Babilon ō. A əya̰n̄sí dɔɔ́ loo ń noō tə́, Kɔ́ɔ̄ɓē a taāsí jī madə̄ ba̰ā̰sí gə̄ tə́ loo ń noō tə́.

TA KƏLA 14:1

Dan ngeé ń noō tə́ ní Amrapel mban̄g kə́ Sinear ō, Ariok mban̄g kə́ Elasar ō, Kedor Laomer mban̄g kə́ Elam ō, Tidal mban̄g kə́ Goim ō,

JAKARI 5:11

Ni-tél ədam̄ na: A aw̄nəń i kə Mesopotami. Nin̄ a rāān̄ kújə tām̄ yān tə́ ba a udənən̄ kemeé kə njan kə́ dɔɔ́ dɔ loo kógə̄ḿ tə́.

MISE 5:6

Israel gə̄ ń na̰yn̄ kə kumdə́ dan gír de gə̄ kə́ ngá̰ý gə̄ tə́ ní, a ton̄ i tītə̄ tal kə́ tə́sō ɗḛy ɗḛy gə̄, kə́ Kɔ́ɔ̄ɓē əlań beē, a ton̄ i tītə̄ man̄ ndī kə́ tə́sō dɔ mu tə́ beē. Nin̄ əndān̄ kemdə́ dɔ deē ndul gə̄ tə́ aĺ ō, ngóōn̄ ta yá̰á̰ kógə̄ḿ jīdə́ tə́ aĺ ō.

AMOS 6:2

I beé ní, āwī Kalne á̰a̰ī! Gō tə́ anī ḭ́ḭī noó āwī bátə́ ūgī Hamat ń i ɓē kə́ bo ní tə́. Ī-raī dɔ tə́ noō ī-risə āwī Gat ɓē Pilistin gēé. Ɓē ko̰o̰ gə̄ ń noō ní, gātə̄sí tɔȳ yādə́ a? Ɓē yāsí bo tɔȳ yādə́ a?

JEREMI 50:21

Āw̄ ə̄nī ɓē kə́ Maratim rɔ̄ɔ̄. Ə̄nīn rɔ̄ɔ̄ ō, ənī Pekod gə̄ rɔ̄ɔ̄ ō. Gotə de gə̄ ń a na̰yn̄ ní, ī-tɔ̄l̄də́ náḿ náḿ ādə̄m̄. Ī-rāā yá̰a̰ malang kə gō ń m-ə́daī ní. Najə̄ ń Kɔ́ɔ̄ɓē əda ní n noó.

IJAI 39:1

Dan ngeé ń noō tə́, mban̄g kə́ Babilon, adə̄ i Merodak Baladan kə́ ngōn̄ Baladan, oō kadə̄ mo̰y na rāā Ejekias ba na rɔ̄n na ngáā kɔ̄ɔ́. Anī ni ndang makətūbə̄ əlań de gə̄ kadə̄n tə́, əladə́ kə kadə̄ karīí kadə̄n tə́ ō.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

IJAI 10:9

Yá̰á̰ ń m̄-rāā kə ɓē kə́ Kalne ní, to tītə̄ yá̰á̰ ń m̄-rāā kə ɓē kə́ Karkemis ní waḿ? Yá̰á̰ m̄-rāā kə ɓē kə́ Hamat ní, to tītə̄ yá̰á̰ ń m̄-rāā kə ɓē kə́ Arpad ní ō, yá̰á̰ ń m̄-rāā kə ɓē kə́ Samari ní, to tītə̄ yá̰á̰ ń m̄-rāā kə ɓē kə́ Damas ní ō.

DANIEL 1:2

Kɔ́ɔ̄ɓē əla Joakim mban̄g kə́ Juda kem jīn tə́ ō, əya̰n adə̄ ɔy núsə́ ngáń gájə́ yá̰a̰ rāā kəla gə̄ kə́ kem kújə yā Nə́ɓā tə́ ō. Ɔy aw̄ń dɔ nang kə́ Sinear tə́, aw̄ tə́ndā kem kújə yā nə́ɓā yān gə̄ tə́.

TA KƏLA 10:9

Nemrod i gáẃ kə́ nge ndo̰ kə̄ ta kum Kɔ́ɔ̄ɓē tə́. I tām̄ najə̄ ń toō tə́ n kāgə̄ najə̄ əda na: Gáẃ kə́ nge ndo̰ kə̄ ta kum Kɔ́ɔ̄ɓē tə́ tītə̄ Nemrod ní.

JEREMI 21:2

Ōō najə̄ ta Kɔ́ɔ̄ɓē tə́ tām̄ yājí tə́, tɔdɔ̄ Nabukodonosor, mban̄g kə́ Babilon ənījí rɔ̄ɔ̄, majanī Kɔ́ɔ̄ɓē a tél yā rāā yá̰á̰ kə́ yáā yān kógə̄ḿ tām̄ yājí tə́, yā tə̄ɓānneé kə gérger yānneé. Tā anī, Kɔ́ɔ̄ɓē ɔr̄ najə̄ kə Jeremi.

JEREMI 50:1

Najə̄ kə́ Kɔ́ɔ̄ɓē ɔr̄ kə ɓē kə́ Babilon, ɓē yā Kalde gə̄, kə ta kūl̄ Jeremi nge koō taā ní n toó.

EJEKIEL 27:23

Ɓē gə̄ kə́ Haran ō, kə́ Kane ō, kə́ Eden ō, ngé rāā gātə̄ gə̄ Saba ō, ɓē gə̄ kə́ Asur ō, kə́ Kilmad ō, a rāān̄ gātə̄ i seí ḭ̄ḭ́.