TA KƏLA 1:9 - Bibəl ta Sar̄

⁹ Nə́ɓā əda ɓáý to̰ na kadə̄ kə man̄ gə̄ kə́ gír rā̰ tə́ gə̄ kə kánə̄n̄ naā loo kógə̄ḿ ba kadə̄ loo kə́ ngan̄g kə teē. Anī yá̰á̰ ní reē tītə̄ ń Nə́ɓā ədań ní.

Bible sar

⁹ Nə́ɓā əda ɓáý to̰ na kadə̄ kə man̄ gə̄ kə́ gír rā̰ tə́ gə̄ kə kánə̄n̄ naā loo kógə̄ḿ ba kadə̄ loo kə́ ngan̄g kə teē. Anī yá̰á̰ ní reē tītə̄ ń Nə́ɓā ədań ní.

TA KƏLA 1:9 Referans Kwoze

2 PIYER 3:5

Yá̰á̰ ń dɔdə́ ndígə̄nal ní n toó: Kété jóó ní Nə́ɓā rāā dɔ rā̰ ō dɔ nang ō i kə ta kūl̄ najə̄ kə́ tan tə́. Dɔ nang teē i kum man̄ tə́ ō, rāān̄ dɔ nang i kə maná ō.

JONAS 1:9

Jonas tél ədadə́ na: Mā i hebəro, ba i Kɔ́ɔ̄ɓē n m-ā m̄-rɔȳn ní. Adə̄ i Nə́ɓā kə́ nge ndi dɔ rā̰ tə́, kə́ nge rāā bā bo ō, dɔ nang ō.

JEREMI 5:22

Ā ī-ɓōlíī ndílə́ḿ aĺ a? Mā ń m-ə̄ndā nán̄g ngárə̄ḿnjēý m̄-gāngəń gír ba bo ō, m-əndān m-ādə̄ i dɔ nin̄ kə́ a to ngándáńg kə́ ni asə mān̄ dɔ aĺ ō ní? A ī-ndebiī ta kumḿ tə́ aĺ a? Najə̄ ń Kɔ́ɔ̄ɓē əda ní n noó. Bəngálən gə̄ ḭḭn̄, banī tɔ́gə́də́ gətóo. Kōōdə́ ɓār̄ a mānə̄n̄ dɔn alé.

PĀ GƏ̄ 95:5

Bā bo i yá̰a̰ yān, i ni n rāān ní. Dɔ nang i yān ō, tɔdɔ̄ i ni n i nge rāān kə jīneé ní!

KOHELET 1:7

Man̄ bā gə̄ nūgə́n̄, aw̄ əsōn̄ kum bā bo tə́, banī bā bo rosə alé. Nin̄ na̰yn̄ kə̄ loo nūgə́ tə́ ta kaw̄ kə̄ loo ń nin̄ a aw̄n̄ kə̄ tū tə́ ní tə́.

PĀ GƏ̄ 33:7

Ni kán̄ man̄ bā bo loo kógə̄ḿ gidə babəra kógə̄ḿ tə́. Ni kán̄ man̄ bā bo kem kārə̄n tə́.

Makətūbə̄ yā Job 26:10

Ni-əja nja loo kə́ gōr̄ gong dɔ man̄ tə́, i dɔ nin̄ loo kə́ unjə̄ kow nin̄ kə loo kə́ risə til ndingií tə́.

JEJU TEĒ KUM JA̰A̰ 10:6

ba túbə̄ kə nge ń ndi kə kumneé kə dɔ ɓāl̄ gə̄ ɓāl̄ gə̄ ō, rāā dɔ rā̰ kə yá̰a̰ kə́ tū tə́ gə̄ ō, dɔ nang kə yá̰a̰ kə́ tū tə́ gə̄ ō, bā bo kə yá̰á̰ kə́ tū tə́ gə̄ ō ní, əda na: Kum mbang kə́ rang kə́ yā kəya̰ kadə̄ mān̄ to̰ gətóo.

PĀ GƏ̄ 104:3

Kɔ́ɔ̄ɓē tə́ndā kújə yān gə̄ dɔ naā tə́ dɔ man̄ kə́ dɔɔ́ gə̄ tə́. Rāā kil̄ man̄ gə̄ i púsə́ sə́nda yān gə̄ tə́. Ndi i dɔ bɔ̄gə̄ néĺ tə́ n a njə̄rań ní.

Makətūbə̄ yā Job 26:7

I ni n teē kem dɔ rā̰ kə́ dām̄ mbɔ́r ɓē kə́ ko̰ó̰ tə́ kə̄ gogə́ dɔ ɓōdə̄ loo tə́ ní ō, rāā adə̄ dɔ nang ra ɓōdə̄ loo tə́ ní ō.

TA KƏLA 1:8

Nə́ɓā ɓāŕ loo kə́ to tītə̄ gār̄ kújə́ ní na i rā̰. Loo tíbə nja i kógə̄ḿ ɓáý to̰ ō, tīī nja i kógə̄ḿ ɓáý to̰ ō, adə̄ i ndɔ̄ kə́ nge ko̰ jōó.

NEHEMI 9:6

I īkɔ́ ngóy kal kógə̄ḿ beē n i Kɔ́ɔ̄ɓē ní! I ḭ̄ n ī-rāā dɔ rā̰ adə̄ bo ngá̰ý ní ō, i ḭ̄ n ī-rāā tə́yō̰ gə̄ malang kə́ dɔ rā̰ tə́ ō, i ḭ̄ n ī-rāā dɔ nang kə yá̰a̰ malang kə́ tū tə́ ō, bā bo gə̄ kə yá̰a̰ malang kə́ kum tə́ gə̄ ō ní. I ḭ̄ n ī-rāā ādə̄ yá̰a̰ gə̄ ń noō malang ndin̄ kə kumdə́ ní ō, i ḭ̄ n yá̰a̰ malang kə́ dɔ rā̰ tə́ a əsō kə̄ nang tə́ a rɔyī ō ní.