TA KƏLA 1:6 - Bibəl ta Sar̄

⁶ Nə́ɓā əda na kadə̄ kə loo kə́ rāā gār̄ tītə̄ yā gār̄ kújə kə to yā kēgəń man̄ gə̄ naā tə́,

Bible sar

⁶ Nə́ɓā əda na kadə̄ kə loo kə́ rāā gār̄ tītə̄ yā gār̄ kújə kə to yā kēgəń man̄ gə̄ naā tə́,

TA KƏLA 1:6 Referans Kwoze

Makətūbə̄ yā Job 37:18

dan ń Nə́ɓā a rāań dɔ rā̰ ń i yá̰á̰ kə́ ngan̄g tītə̄ kútə́ram kə́ rāā kə gindīí beé ní, ḭ̄ ī-rāā seneé a?

JEREMI 51:15

Ni-rāā dɔ nang kə ta kūl̄ tɔ́gəneé ō, əndā yá̰a̰ gə̄ malang kə kum kedə̄ yānneé ō, teē kem dɔ rā̰ kə̄ gogə́ kə gō ger̄ yá̰a̰ yānneé ō.

PĀ GƏ̄ 33:6

Kɔ́ɔ̄ɓē rāā dɔ rā̰ i kə najə̄ kə́ tan tə́ ō, rāā tə́yō̰ gə̄ malang i kə koō kə́ tan tə́ ō.

PĀ GƏ̄ 104:2

Ī-ɓír̄ rɔ̄í kə loo kunjú tītə̄ loo ɓír̄ rɔ̄ kə kūbūú beē. Ḭ̄ ī-teē kem dɔ rā̰ tītə̄ loo teē kem tandā beé.

PĀ GƏ̄ 33:9

Ni-ɔr̄ najə̄ anī yá̰á̰ ń ni-əda ní rāā yá̰a̰, Ni-əda najə̄ anī, yá̰á̰ ń əda najə̄n ní teē ndi.

PĀ GƏ̄ 148:4

Sḭḭ̄ dɔ rā̰ kə́ dɔɔ́ sa̰y gə̄ ō, man̄ gə̄ kə́ dɔɔ́ dɔ dɔ rā̰ tə́ ō ní ī-tɔ̄ȳniī.

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na:

PĀ GƏ̄ 19:1

Pā kə́ kem makətūbə̄ yā ngār yā gōsə̄ gə̄ tə́. I pā yā Dabid.

TA KƏLA 1:20

Nə́ɓā əda ɓáý to̰ na kadə̄ kə dā̰ kə́ kə kumuú gə̄ kə i ngá̰ý kum man̄ tə́ ō, kadə̄ kə yel̄ gə̄ kə ḭḭn̄ bɔ̄gə̄ dɔ nang tə́ kum kə̄ no rā̰ tə́ ō.

Makətūbə̄ yā Job 26:13

Koō kə́ tan tə́ ɔy loo dɔ rā̰ tə́ ō. Ni-ɔsə lī kə́ to ɓōĺ ngá̰ý kə jīneé adə̄ teē dām̄ kə́rēý tə́ ō.

PĀ GƏ̄ 150:1

Aleluya! Ī-tɔ̄yī Nə́ɓā kem kújə kə́ táĺ yān tə́. Sḭḭ̄ ń ī-ndiī loo kə́ ngan̄g ngá̰ý tə́ no rā̰ yān tə́ ní ī-tɔ̄ȳniī!

Makətūbə̄ yā Job 37:11

Gō tə́ anī loo kə́ a̰a̰ rá ráńg ɔy kil̄ man̄ gə̄ aw̄ń kɔ̄ɔ́ ō, kil̄ man̄ gə̄ ń tel̄ man̄ i ngá̰ý tū tə́ ní, ni tə̄ndā tḭ̄ḭ̄də́ kɔ̄ɔ́ ō.

KOHELET 11:3

Dan ń man̄ il nding anī a edə̄. Ré kāgə̄ əsō i kum kə̄ dām̄ mbɔ́r ɓē kə́ geleé tə́, aláa ko̰ó̰ tə́ anī, loo ń n i əsō tū tə́ ní, ni to i kə̄ tū tə́ noō.

TA KƏLA 1:14

Nə́ɓā əda ɓáý to̰ na kadə̄ yá̰á̰ kə́ ndə́lē gə̄ kə ton̄ no rā̰ tə́ yā kɔrə̄ń nin̄ loo kə́ kadaá naā tə́ kə loo kə́ ndɔ̄ɔ́, yā kɔjəń nāā gə̄ ō, ndɔ̄ gə̄ ō, ɓāl̄ gə̄ ō,

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

2 PIYER 3:5

Yá̰á̰ ń dɔdə́ ndígə̄nal ní n toó: Kété jóó ní Nə́ɓā rāā dɔ rā̰ ō dɔ nang ō i kə ta kūl̄ najə̄ kə́ tan tə́. Dɔ nang teē i kum man̄ tə́ ō, rāān̄ dɔ nang i kə maná ō.

IJAI 40:22

Ni ndi i dɔ kōr̄ kāgə̄ mbang yān kə́ gīr̄ gidə dɔ nang tə́, tām̄ yān tə́ ɓáa deē ndul gə̄ ton̄ i tītə̄ gaẃ gə̄ beé ō. Ni ndɔ́r̄ gō dɔ rā̰ tītə̄ loo teē kem kūbə̄ beé. Ni tútə dɔ rā̰ gidə naā tə́ tītə̄ tandā kə́ yā rāā kújə́ tə́ beē yā ndi kemeé.

PĀ GƏ̄ 19:2

Dɔ rā̰ ɔjə i kɔsə gɔn yā Nə́ɓā kə̄ ndágá, no rā̰ ɔjə i yá̰á̰ ń Nə́ɓā rāā ní kə̄ ndágá.