TA KƏLA 1:3 - Bibəl ta Sar̄

³ Nə́ɓā əda na kadə̄ loo kə unjə̄ kow, anī loo unjə̄ kow.

Bible sar

³ Nə́ɓā əda na kadə̄ loo kə unjə̄ kow, anī loo unjə̄ kow.

TA KƏLA 1:3 Referans Kwoze

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

JA̰A̰ 1:5

Loo kə́ unjə̄ kow ní unjə̄ kum til tə́, ba til asə ger̄ loon alé.

IJAI 45:7

Mā m̄-rāā loo kə́ unjə̄ kow ō, m̄-rāā loo kə́ ndɔ̄ɔ́ ō, m̄-rāā ndi majə ō, m̄-rāā yá̰á̰ kə́ to kum kaȳ aĺ ō. A̰á̰ā̰, i mā Kɔ́ɔ̄ɓē n m̄-rāā yá̰a̰ gə̄ ń noō malang ní.

IJAI 60:19

Ā ī-sāā i mbang yā ka̰a̰ń loo kadaá to̰ aĺ ō, i nāā yā ka̰a̰ń loo ndɔ̄ɔ́ to̰ aĺ ō. Mā Kɔ́ɔ̄ɓē Nə́ɓā yāí, m-ā m̄-tél loo kə́ unjə̄ kow kə́ ta tɔ̄l̄ tan gətóo tām̄ yāí tə́ ō, m-ā m̄-rāā kadə̄ á̰a̰ loo kə́ unjə̄ kow ń m-ūnjə̄ ní ō.

1 JA̰A̰ 1:5

Ba najə̄ ń j-oō tan tə́ ō, j-ədasí kadə̄ sḭḭ̄ ī-gerī ō ní n toó: Nə́ɓā i loo kə́ unjə̄ kow, ba loo kə́ risə til gətóo kemən tə́.

EPEJƏ 5:8

Jóó ní sḭḭ̄ i kum til tə́, ba ngɔlaā sḭḭ̄ i kum loo kə́ unjə̄ kow tə́, sɔɔ̄ń ɓoo kə́ ī-ɓooī naā kə Kɔ́ɔ̄ɓēé. I beé ní, ī-rāāī yá̰a̰ tītə̄ ngáń kə́ kum loo kə́ unjə̄ kow tə́ gə̄.

JA̰A̰ 1:9

Najə̄ ní i loo kə́ unjə̄ kow kə́ rɔ̄kum. Ni-reē dɔ nang tə́ adə̄ unjə̄ dɔ de gə̄ tə́ malang.

JA̰A̰ 3:19

Sarya ní n toó: Loo kə́ unjə̄ kow reē dɔ nang tə́, ba de gə̄ ndigən̄ til tɔȳ loo kə́ unjə̄ kow, tɔdɔ̄ yá̰a̰ rāādə́ i kə́ majaĺ.

PĀ GƏ̄ 33:6

Kɔ́ɔ̄ɓē rāā dɔ rā̰ i kə najə̄ kə́ tan tə́ ō, rāā tə́yō̰ gə̄ malang i kə koō kə́ tan tə́ ō.

PĀ GƏ̄ 148:5

Ādə̄ nin̄ malang tɔ̄ȳn̄ rī Kɔ́ɔ̄ɓē, tɔdɔ̄ ni-əda najə̄ tan kógə̄ḿ anī nin̄ teē ndin̄.

PĀ GƏ̄ 97:11

Loo kə́ unjə̄ kow teē tām̄ yā de kə́ sew tə́, tá de gə̄ ń kemdə́ i súmūú ní rɔ̄də́ nel̄də́ ō.

PĀ GƏ̄ 33:9

Ni-ɔr̄ najə̄ anī yá̰á̰ ń ni-əda ní rāā yá̰a̰, Ni-əda najə̄ anī, yá̰á̰ ń əda najə̄n ní teē ndi.

1 JA̰A̰ 2:8

Ɓá tā ba i gō míndə́ kə́ kijə n m̄-ndang m-ādə̄sí ní, tām̄ loo kə́ risə til nding a mān̄ i mbée, ba loo kə́ unjə̄ kow kə́ rɔ̄kum to kɔ̄ɔ́ ɓá. Rɔ̄kum yān ɔjə rɔ̄n kə̄ ndágá i kem Kərist tə́ ō, kemsí sḭḭ̄ tə́ ō.

EPEJƏ 5:14

tɔdɔ̄ yá̰a̰ malang ń deē teē kə gírneé ndágá ní a tél i loo kə́ unjə̄ kow. I tām̄ ń toō tə́ n ədan̄ na: Ḭ̄ ń ī-ɓīī ní, ī-ndól̄, ḭ́ḭ dɔɔ́ dan de kə́ koy gə̄ tə́, anī Kərist a unjə̄ kow dɔí tə́.

PĀ GƏ̄ 104:2

Ī-ɓír̄ rɔ̄í kə loo kunjú tītə̄ loo ɓír̄ rɔ̄ kə kūbūú beē. Ḭ̄ ī-teē kem dɔ rā̰ tītə̄ loo teē kem tandā beé.

Makətūbə̄ yā Job 38:19

Ɓē yā loo kə́ unjə̄ kow i dām̄ kə́ rá tə́? Loo ń loo kə́ risə til a to tū tə́ ní i rá?

1 TIMOTE 6:16

I ni ngóy n i de kə́ a oy alé ní. Ni-ndi i dan loo kə́ unjə̄ kow tə́, kə́ de kə́ asə kaw̄ rɔ̄ tə́ gətóo. Kɔsə gɔn i yān ō, tɔ́gə́ kə́ to ngándáńg i yān ō. Adə̄ i tītə̄ ń noō.

PĀ GƏ̄ 118:27

Kɔ́ɔ̄ɓē i Nə́ɓā ō, ni-adə̄jí loo kə́ unjə̄ kow ō. Əhɔī ta jī kāgə̄ gə̄ jīsí tə́ ba ī-raī kə gō naá bátə́ kíl loo tun̄ yá̰á̰ tə́.

Makətūbə̄ yā Job 36:30

Ḭ̄ á̰a̰ā̰ majə ngá̰ý kadə̄ i Nə́ɓā n rāā adə̄ man̄ tel̄ dɔɔ́ dɔn nəkɔ́ tə́ ō, i ni n utə̄ dɔ ɓūl̄ bā bo gə̄ ō ní.

JA̰A̰ 11:43

Loo ń ni-əda beé oy anī, əga kɔŕ ngá̰ý əda na: Lajar, ī-teē ndágá!

MATIYE 8:3

Jeju əla jīn ɔdənneé ba ədan na: m̄-ndigə, ādə̄ rɔ̄í i kə́ unjə̄ njáý njáý! Kə̄ ta jī tə́ beē bānjə̄ ur̄ rɔ̄n tə́ kɔ̄ɔ́.

TA KƏLA 2:4

Adə̄ Nə́ɓā rāā dɔ rā̰ ō, dɔ nang ō i tītə̄ ń noō.