TA KƏLA 1:26 - Bibəl ta Sar̄

²⁶ Ta tɔ̄l̄ ta anī Nə́ɓā əda na: Jə-rāāī de gə̄ kə́ teēn̄jí, kə́ ton̄ tītə̄jí, ādə̄ ndin̄ dɔ kānjə̄ kə́ kum bā bo gə̄ tə́ ō, dɔ yel̄ kə́ dɔɔ́ gə̄ tə́ ō, dɔ dā̰ kə́ ɓēé gə̄ tə́ ō, dɔ dā̰ kə́ bembeé gə̄ tə́ ō, dɔ ngán dā̰ kə́ kagə nang tə́ gə̄ tə́ ō.

Bible sar

²⁶ Ta tɔ̄l̄ ta anī Nə́ɓā əda na: Jə-rāāī de gə̄ kə́ teēn̄jí, kə́ ton̄ tītə̄jí, ādə̄ ndin̄ dɔ kānjə̄ kə́ kum bā bo gə̄ tə́ ō, dɔ yel̄ kə́ dɔɔ́ gə̄ tə́ ō, dɔ dā̰ kə́ ɓēé gə̄ tə́ ō, dɔ dā̰ kə́ bembeé gə̄ tə́ ō, dɔ ngán dā̰ kə́ kagə nang tə́ gə̄ tə́ ō.

TA KƏLA 1:26 Referans Kwoze

KOLOSƏ 3:10

Banī úniī háĺ kə́ kijə ə́laī rɔ̄sí tə́ tītə̄ kūbə̄ beé yā kadə̄ ī-gerīneé yá̰á̰ kə́ kijə kə dɔ ndɔ̄ gə̄, kadə̄ ni-toń tītə̄ nge kəndān beé.

EPEJƏ 4:24

Úniī gō hál de kə́ kijə ń Nə́ɓā əndān kadə̄ teēn ní: I de kə́ gōtə́ ō, kə́ táĺ ō, kə́ kə ta kūl̄ najə̄ kə́ rɔ̄kum.

TA KƏLA 3:22

Gō tə́ anī ni-əda na: De gə̄ tél ton̄ tītə̄ Nə́ɓā tɔdɔ̄ gerə̄n̄ kɔr̄ nin̄ yá̰á̰ kə́ majə ō, yá̰á̰ kə́ majaĺ ō, naā tə́ ní, majə kadə̄ m-ɔ̄gə̄də́ kəla jīdə́ kəjań kan̄ kāgə̄ kə́ deē əsa anī a ndi kə kumuú, na sōgə́ əsan̄ anī ndin̄ kə kumdə́ ngándáńg.

TA KƏLA 5:1

Rī de gə̄ kə́ gír kojə yā Adam tə́ n toó: Ndɔ̄ ń Nə́ɓā əndāń deē tə́ ní, ni-rāān adə̄ to tītə̄ Nə́ɓā.

PĀ GƏ̄ 100:3

Majə kadə̄ ī-gerī na Kɔ́ɔ̄ɓē i Nə́ɓā. I ni n i nge rāājí ní, jḭḭ̄ i yá̰a̰ yān gə̄. Jḭḭ̄ i gír deē yān gə̄, jḭḭ̄ i ɓūtə̄ yá̰a̰ kul̄ gə̄ ń i ni n i nge ngɔ̄m̄də́ ní.

2 KORḚNTƏ 3:18

Ba jḭḭ̄ malang ń unən̄ kūbə̄ kə́ seĺ ta kumjí tə́ kɔ̄ɔ́ ní, j-ɔjiī kɔsə gɔn yā Kɔ́ɔ̄ɓē kə̄ ndágá. I beé n tūrə̄n̄neéjí kadə̄ jə-toī tītə̄ Kɔ́ɔ̄ɓē ō, j-ḭḭ̄neé tū kɔsə gɔn kógə̄ḿ tə́ ba j-awīneé tū kɔsə gɔn kə́ rang kə́ bo tɔȳ nge kə́ kété tə́ ō ní. Tɔdɔ̄ kəla ń Ndíĺ Kɔ́ɔ̄ɓē rāā ní n noó.

IJAI 64:8

Kɔ́ɔ̄ɓē, ī-lōō kadə̄ wōn̄g rāāī ngá̰ý. Yá̰a̰ rāājí kə́ gōtə́ aĺ gə̄ ní, ādə̄ əga kemií dɔ tə́ kə́ njɔ́ḿ gə̄ tə́ alé. Jə-rāāī ɓɔ́ ba á̰a̰ā̰, jḭḭ malang i gír deē yāí gə̄.

KOLOSƏ 1:15

Ngōn̄ ní i kum gotə Nə́ɓā ń j-a̰a̰in̄ kə kumjí aĺ ní. I ni n i hágə́ yá̰a̰ malang ń Nə́ɓā rāā ní.

JAKƏ 3:9

J-ɔriī ta nge ń i Kɔ́ɔ̄ɓē ō, Bɔbə̄jí ō ní seneé ō, jə-ndɔ̄líī de gə̄ ń Nə́ɓā rāādə́ adə̄ teēnən̄ ní i seneé ō.

2 KORḚNTƏ 4:4

Nin̄-taān̄ kem aĺ, i tɔdɔ̄ nə́ɓā kə́ dɔ nang tə́ laā utə̄ kumdə́ kɔ̄ɔ́. Adə̄ nin̄-asən̄ ger̄ kum Najə̄ kə́ Majə alé. I beé n nin̄-asənə̄ń ka̰a̰ kɔsə gɔn yā Kərist ń ɔsə kum gotə Nə́ɓā nəkɔ́ ní alé ní.

1 KORḚNTƏ 11:7

Ba yā dəngam ní, majə kadə̄ ni-seĺ kūbə̄ dɔn tə́ alé. Tām̄ ni-teē Nə́ɓā ō, ni i yá̰á̰ kə́ ɔsə gɔn Nə́ɓā ō. Ba dəyá̰ i yá̰á̰ kə́ ɔsə gɔn dəngam.

TA KƏLA 9:6

Deē ń ɓōkə́ mósə deē nang tə́ ní, gáŕ kadə̄ i deē n a ɓōkə́ mósə deē ń noō nang tə́ ō ní, tɔdɔ̄ Nə́ɓā əndā deē adə̄ teēn.

KOHELET 7:29

Banī yá̰á̰ ń m-ə́ngé ní á̰a̰ā̰ a? Nə́ɓā rāā de gə̄ adə̄ ran̄ súmūú, banī nin̄ tə́lan̄ yá̰a̰ naā tə́ adə̄ al̄ naā ngá̰ý.

KƏLA RĀĀ 17:26

Ni-əndā gíŕ nápar de gə̄ malang i kə de kə́ kal kógə̄ḿ beē ō, əndādə́ dɔ nang tə́ malang ō. Ni-rāā ɓar ō ɓāl̄ ō tām̄ yādə́ tə́ ō, ɔjə dɔ nin̄ loo gə̄ ń kadə̄ ndin̄ tū tə́ ní ō.

JA̰A̰ 14:23

Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

1 JA̰A̰ 5:7

Tɔdɔ̄ ngé kəda najə̄ kə́ kum tə́ gə̄ i mətá:

JAKƏ 3:7

Gír dā̰ kə́ bembeé gə̄ malang ō, yel̄ gə̄ ō, kur̄ kə́ kagə nang tə́ gə̄ ō, dā̰ kə́ maná gə̄ ō ní, deē asə ndóōdə́ rāā yá̰á̰ ń kemən ndigə ní.

IJAI 6:8

Loo ń noō tə́ m-ōō ndū Kɔ́ɔ̄ɓē loo dəje najə̄ tə́, əda na: M-ā m-ə́la i náā? Ngōmbang kəla yājí i náā? Anī m̄-dal najə̄ ní m-ə́da na: Mā n toó, ə́lam̄!

PĀ GƏ̄ 149:2

Ādə̄ Israel rāā rɔ̄nel̄ nge kəndān. Ādə̄ ngáń kə́ Siyo̰ tə́ gə̄ rāān̄ rɔ̄nel̄ ngá̰ý tām̄ yā mban̄g yādə́ tə́.

TA KƏLA 11:7

Jə-risə j-aw̄ jə-tə́laī ta yādə́ naā tə́, ādə̄ oōn̄ ta yā naā to̰ alé.

JEREMI 27:6

Ngɔlaā ní, i mā n m-ə́la ɓē gə̄ ń toō malang gír tɔ́gə yā nge kəla yāḿ Nabukodonosor, mban̄g kə́ Babilon tə́ ní. Dā̰ kə́ bembeé gə̄gē a i mā n m-ə́ládə́ gíŕ tɔ́gə yān tə́ ní, kadə̄ rāān̄ kəla adə̄nən̄.

Makətūbə̄ yā Job 35:10

Ba de kə́ yā kəda na Nə́ɓā ń rāām̄ ní, ni i rá wa ní gətóo. Ni ń i nge kəndā pā ta deē tə́ kadə̄ ənī dan ndɔ̄ɔ́ ō,

JA̰A̰ 5:17

Banī Jeju tél ədadə́ na: Bátə́ ngɔlaā ní Bɔbə́ḿ ndi i kə kəlaá jīn tə́, adə̄ mā m̄-ndi i kə kəlaá jīḿ tə́ ō.

KƏLA RĀĀ 17:20

Tām̄ najə̄ kɔrīí gə̄ ń j-oō ní, i najə̄ kə́ to kɔr kum ngá̰ý gə̄, adə̄ jə-sāā ger̄ kum.

Makətūbə̄ yā Job 5:23

Ngán kɔkərɔ gə̄ ń a tə́nīn̄ kə̄ kem ndɔ̄r̄ yāí tə́ ō, dā̰ ngān̄g gə̄ ń a mānə̄n̄ ō ní, a nujən̄ ndɔr̄ yāí alé.

TA KƏLA 2:19

Kɔ́ɔ̄ɓē Nə́ɓā əɓā dā̰ gə̄ kə́ bembeé ō, yel̄ gə̄ malang kə́ dɔɔ́ ō, i kə nángāá, ba reē sedə́ rɔ̄ deē tə́ yā ka̰a̰ ké deē a ɓāŕdə́ i ba̰ý wa.

IJAI 45:18

Kɔ́ɔ̄ɓē rāā dɔ rā̰. Ni i Nə́ɓā ń rāā dɔ nang ní. Ni əɓān ō, rāān adə̄ ngan̄g ō. Ni-rāān i yā kadə̄ to ndágə doy alé, əɓān i yā kadə̄ de gə̄ ndin̄ dɔ tə́. Yá̰á̰ ń ni-əda ní n toó: Kɔ́ɔ̄ɓē i mā, Kɔ́ɔ̄ɓē kə́ rang gətóo.

Makətūbə̄ yā Job 39:11

Ā ə̄nī kemií mámák yā kadə̄n ō, ā ə́ya̰ kəla yāí jīn tə́ ō, tām̄ tɔ́gən kə́ ngá̰ý tə́ a?

PĀ KƏ́ MAJƏ 1:11

J-a jə-rāā yá̰a̰ ta mbī gə̄ kə lɔ́ŕ kə́ tə́la gində̄ arjā̰a̰ danaá yā kadī.