TA KƏLA 1:21 - Bibəl ta Sar̄

²¹ Nə́ɓā əndā dā̰ kə́ bo bo gə̄ kə́ kum man̄ tə́ ō, gír dā̰ gə̄ ń nin̄ i ngá̰ý kum man̄ tə́ ní kə gō gíŕdə́ gēé ō, yel̄ gə̄ kə gō gíŕdə́ gēé ō. Nə́ɓā a̰a̰ kadə̄ i yá̰á̰ kə́ majə.

Bible sar

²¹ Nə́ɓā əndā dā̰ kə́ bo bo gə̄ kə́ kum man̄ tə́ ō, gír dā̰ gə̄ ń nin̄ i ngá̰ý kum man̄ tə́ ní kə gō gíŕdə́ gēé ō, yel̄ gə̄ kə gō gíŕdə́ gēé ō. Nə́ɓā a̰a̰ kadə̄ i yá̰á̰ kə́ majə.

TA KƏLA 1:21 Referans Kwoze

TA KƏLA 1:25

Nə́ɓā rāā dā̰ kə́ bembeé gə̄ ō, yá̰a̰ kul̄ gə̄ ō, ngán dā̰ kə́ kagə nang tə́ gə̄ ō, kə gō gíŕdə́ gēé. Nə́ɓā a̰a̰ kadə̄ i yá̰á̰ kə́ majə.

TA KƏLA 8:19

Gō tə́ anī dā̰ gə̄gē yel̄ gə̄gē ngán dā̰ kə́ kagə nang tə́ gə̄gē teēn̄ malang kə gō gíŕdə́ gēé.

TA KƏLA 8:17

Ādə̄ gír dā̰ gə̄ malang ń i seí ní teēn̄: Yel̄ gə̄ ō, dā̰ kə́ bo gə̄ ō, kə́ dūú gə̄ ō. Ādə̄ tə̄ndān̄ naā tḭ̄ḭ̄n̄ kə̄ loo gə̄ tə́ dɔ nang tə́ ba ojən̄ naā kadə̄ bəlan̄.

Teē Ngán Israel gə̄ 8:3

Anī ngé rāā kəga kə́ Ejiptə gə̄ rāān̄ adə̄ ka̰rā̰ gə̄ teēn̄ kem ɓēé kə kəga yādə́ gēé ō.

Teē Ngán Israel gə̄ 1:7

Ngán Israel gə̄ ojən̄ naā ngá̰ý adə̄ kutədə́ ō, tɔ́gə́də́ ō i ngá̰ý. Nin̄-taān̄ kem ɓē malang.

TA KƏLA 9:7

Ba sḭḭ̄, ójiī ngán gə̄ ādī kutəsí i ngá̰ý, ba ī-taāī gō dɔ nang malang.

TA KƏLA 7:14

gír dā̰ kə́ bembeé gə̄ malang ō, kə́ ɓēé gə̄ malang ō, gíŕ ngán dā̰ kə́ dūú gə̄ malang ō, yel̄ gə̄ malang ō, kur̄ gə̄ malang ō.

TA KƏLA 6:20

Yel̄ gə̄ ō, dā̰ kə́ bo gə̄ ō, kə́ dūú gə̄ ō, kə gō gíŕdə́ gēé, a reēn̄ rɔ̄í tə́ jōó jōó, kadə̄ ī-ngɔ̄m̄də́ kadə̄ ndin̄ kə kumdə́.

Makətūbə̄ yā Job 26:5

Loo ń de kə́ koy gə̄ to a ndewn̄ tū tə́ ní, rúu tɔȳ gír bā bo ń yá̰á̰ kə́ kə kumuú gə̄ i tū tə́ ní.

Makətūbə̄ yā Job 7:12

Mā i bā bo, aláa dā̰ man̄, á ə̄ndā deē taḿ tə́ kadə̄ ngɔ̄mə̄m̄ a?

TA KƏLA 1:31

Dan ń Nə́ɓā a̰a̰ yá̰a̰ malang ń ni-rāā ní anī, nelə̄n ngá̰ý. Loo tíbə nja i kógə̄ḿ ō, tīī nja i kógə̄ḿ ō, adə̄ i ndɔ̄ kə́ nge ko̰ mehḛ́.

TA KƏLA 1:18

kadə̄ o̰o̰n̄ ɓē dɔ loo kə́ kadaá tə́ ō, kə́ ndɔ̄ɔ́ tə́ ō, kadə̄ ɔrə̄n̄ nin̄ loo kə́ unjə̄ kow naā tə́ kə loo kə́ tilií. Nə́ɓā a̰a̰ kadə̄ i yá̰á̰ kə́ majə.

MATIYE 12:40

Adə̄ tītə̄ ń Jonas toń kem kānjə̄ kə́ bo tə́ kadə mətá ō, ndɔ̄ mətá ō ní, Ngōn̄ Deē a to gíŕ nángāá kadə mətá ō, ndɔ̄ mətá ō tītə̄ ń noō.

EJEKIEL 32:2

Ḭ̄ ngōn̄ deē, ə̄nī pā yo ń toō kə Parao̰, mban̄g kə́ Ejiptə tə́: Ī-to dan nápar de gə̄ tə́ tītə̄ balsáa ɓɔl beé. Banī ī-to tītə̄ mar kə́ to kum bā bo tə́ beé ō, ḭ̄ ī-yéȳ rɔ̄í kum bā yāí kə́ bo tə́, ḭ̄ ə́la njaí kum tə́ ī-rāań adə̄ kum man̄ majə alé. Ḭ̄ ī-rāā kum man̄ adə̄ kusə́rū.

JONAS 2:10

Banī mā m-ā m-ə̄nī pā yā ɓōkíīneé tɔ̄ȳ. M-ā m̄-ndējī yá̰á̰ kə́ tun̄ gə̄. M-ā m̄-rāā yá̰a̰ gə̄ ń m-ə̄nī ndūḿ m-ādī najə̄n tə́ ní. A̰á̰ā̰, Kɔ́ɔ̄ɓē, i ḭ̄ n i nge kajə deē ní!

TA KƏLA 1:20

Nə́ɓā əda ɓáý to̰ na kadə̄ kə dā̰ kə́ kə kumuú gə̄ kə i ngá̰ý kum man̄ tə́ ō, kadə̄ kə yel̄ gə̄ kə ḭḭn̄ bɔ̄gə̄ dɔ nang tə́ kum kə̄ no rā̰ tə́ ō.

TA KƏLA 1:22

Nə́ɓā rāā majə sedə́ ɓáý, əda na kə dā̰ kə́ kum man̄ tə́ gə̄ kə ojən̄ naā ngá̰ý kadə̄ rosən̄ kum bā bo gə̄ ō, kə yel̄ gə̄ kə ojən̄ naā ngá̰ý dɔ nang tə́ ō.

TA KƏLA 9:2

Dā̰ gə̄ malang kə́ dɔ nang tə́ ō, yel̄ gə̄ malang ō, ngán dā̰ gə̄ malang ō, kānjə̄ kə́ kum bā bo gə̄ tə́ ō, a ɓōlə́n̄sí ngá̰ý. Ásiī rāā yá̰á̰ ń kemsí ndigə ní sedə́.

PĀ GƏ̄ 148:7

Ə́laī gír tɔ̄ȳ Kɔ́ɔ̄ɓē dɔ nang tə́ laā, sḭḭ̄ bā bo gə̄ ō, dā̰ man̄ gə̄ ō,

TA KƏLA 2:19

Kɔ́ɔ̄ɓē Nə́ɓā əɓā dā̰ gə̄ kə́ bembeé ō, yel̄ gə̄ malang kə́ dɔɔ́ ō, i kə nángāá, ba reē sedə́ rɔ̄ deē tə́ yā ka̰a̰ ké deē a ɓāŕdə́ i ba̰ý wa.

Makətūbə̄ yā Job 12:7

Ba ré ī-dəje dā̰ gə̄ anī, nin̄ a ɔjə̄nī. Ī-dəje yel̄ gə̄ anī, nin̄ a ndóōnī.