TA KƏLA 1:2 - Bibəl ta Sar̄

² Dɔ nang i kə́ ndágə doy karī ō, yá̰a̰ gətóo tū tə́ ō. Loo i man̄ malang ō, til utə̄ dɔ ō, ɓá tā ba ndíĺ Nə́ɓā a nēl̄ dɔ man̄ tə́.

Bible sar

² Dɔ nang i kə́ ndágə doy karī ō, yá̰a̰ gətóo tū tə́ ō. Loo i man̄ malang ō, til utə̄ dɔ ō, ɓá tā ba ndíĺ Nə́ɓā a nēl̄ dɔ man̄ tə́.

TA KƏLA 1:2 Referans Kwoze

JEREMI 4:23

M-á̰a̰ loo kə̄ dɔ nang tə́ anī, m-á̰a̰ kadə̄ dɔ ndágə doy ō, yá̰a̰ gətóo tū tə́ ō. M-á̰a̰ loo kə́ no rā̰ tə́ anī, m-á̰a̰ kadə̄ loo kə́ unjə̄ kow gətóo kɔ̄ɔ́ tū tə́.

PĀ GƏ̄ 104:30

Ḭ̄ ə́la koōí kemdə́ tə́ ɓá anī ndin̄ kə kumdə́ ō, dɔ nang tél kə́ kijə ō.

IJAI 45:18

Kɔ́ɔ̄ɓē rāā dɔ rā̰. Ni i Nə́ɓā ń rāā dɔ nang ní. Ni əɓān ō, rāān adə̄ ngan̄g ō. Ni-rāān i yā kadə̄ to ndágə doy alé, əɓān i yā kadə̄ de gə̄ ndin̄ dɔ tə́. Yá̰á̰ ń ni-əda ní n toó: Kɔ́ɔ̄ɓē i mā, Kɔ́ɔ̄ɓē kə́ rang gətóo.

PĀ GƏ̄ 33:6

Kɔ́ɔ̄ɓē rāā dɔ rā̰ i kə najə̄ kə́ tan tə́ ō, rāā tə́yō̰ gə̄ malang i kə koō kə́ tan tə́ ō.

Makətūbə̄ yā Job 26:7

I ni n teē kem dɔ rā̰ kə́ dām̄ mbɔ́r ɓē kə́ ko̰ó̰ tə́ kə̄ gogə́ dɔ ɓōdə̄ loo tə́ ní ō, rāā adə̄ dɔ nang ra ɓōdə̄ loo tə́ ní ō.

Makətūbə̄ yā Job 26:14

Kəla rāān gə̄ ní ré i núsən kə́ sḛ́ý beē ngóy n noó, i kōōn kə́ sḛ́ý beē ngóy n j-ōōī noó anī, kəla rāān kə́ bo gə̄ ń kōōdə́ ɓār̄ tītə̄ ndán̄g man̄ beé ní, i náā n a ger̄ kum ní?

NAHUM 2:10

Ɔ́yiī gində̄ arjā̰a̰, ɔ́yiī lɔ́r! Yá̰a̰ kənge yā Ninibə ní, ta ngóyn gətóo. Yá̰á̰ kə́ gātə̄də́ i ngá̰ý gə̄ taān̄ loo kem ɓēé.

2 KORḚNTƏ 4:6

Nə́ɓā ń əda na kadə̄ loo kə unjə̄ kow kum til tə́ ní, i nəkɔ́ n unjə̄ kow ngarān̄g kemjí gə̄ tə́, yā kadə̄ jə-gerə̄ń kɔsə gɔn yān ń ndə́lē ta kum Kərist tə́ ní.

NDŪ NAJƏ̄ 32:11

Tītə̄ ń kə̄rō a nēləń dɔ ngánən tə́ ba a mērə̄n̄də́ kḭḭ bɔ̄gə̄, aké a jā̰a̰ń bɔ̄gə̄n gíŕdə́ tə́ yā kɔgə̄ńdə́ kəsō ní, Kɔ́ɔ̄ɓē to i tītə̄ ń noō tām̄ yā deē yān gə̄ tə́ ō.

Makətūbə̄ yā Job 38:9

I mā! M-ə́la kūbə̄ kil̄ man̄ gə̄ rɔ̄n tə́ loo ń noō tə́ ō, m̄-ɓír̄ gidən kə kə́ díḿsir kə́ ngá̰ý ō.

PĀ GƏ̄ 104:6

Ḭ̄ ūtə̄ gidə dɔ nang kə bā boó tītə̄ kə́ i kə kūbūú beē. Man̄ kə́ tū tə́ gə̄ ḭḭn̄ bátə́ ugə̄n̄ dɔ mbal̄ bo gə̄ tə́ dɔɔ́.

PĀ GƏ̄ 136:6

Ni-rāā dɔ nang adə̄ ra ngan̄g dɔ bā bo gə̄ tə́, tɔdɔ̄ kem majə yān to ngándáńg.

PĀ GƏ̄ 148:7

Ə́laī gír tɔ̄ȳ Kɔ́ɔ̄ɓē dɔ nang tə́ laā, sḭḭ̄ bā bo gə̄ ō, dā̰ man̄ gə̄ ō,

Gōsə̄ najə̄ gə̄ 8:24

Dan ń ojəmə̄n̄ ní bā bo gə̄ gətóon̄ ō. ta kəɓa man̄ kə́ lú ngá̰ý gə̄ gətóon̄ ō.

IJAI 31:5

Tītə̄ ń yel̄ a ḭḭń bɔ̄gə̄ dɔ ngánən gə̄ tə́ ní, Kɔ́ɔ̄ɓē kə́ bo kə́ tɔ́gən i ngá̰ý ní, a ngɔ̄m̄ ɓē kə́ Jerusalem. Ni a rɔ̄ɔ̄ dɔn tə́ ō, a gān̄g dɔn ō. Ni a ngɔ̄mən ō, a ajən ō.