TA KƏLA 1:11 - Bibəl ta Sar̄

¹¹ Nə́ɓā əda na kadə̄ mu gə̄ kə teēn̄ dɔ nang tə́ ō, kōō gə̄ kə́ kə kumdə́ gēé kə teēn̄ ō, kāgə̄ gə̄ kə́ kə kan̄də́ gēé kə teēn̄ ō, kə gō gíŕdə́ gēé. Anī yá̰á̰ ní reē tītə̄ ń Nə́ɓā ədań ní.

Bible sar

¹¹ Nə́ɓā əda na kadə̄ mu gə̄ kə teēn̄ dɔ nang tə́ ō, kōō gə̄ kə́ kə kumdə́ gēé kə teēn̄ ō, kāgə̄ gə̄ kə́ kə kan̄də́ gēé kə teēn̄ ō, kə gō gíŕdə́ gēé. Anī yá̰á̰ ní reē tītə̄ ń Nə́ɓā ədań ní.

TA KƏLA 1:11 Referans Kwoze

HEBƏRO 6:7

Ré dɔ nang a̰ȳ man̄ kə́ edə dɔn tə́ kə̄ nja naā tə́, ba kōō kə́ majə əɓan̄ tū tə́ tām̄ yā ngé gə̄ ń ndɔrə̄n̄ dɔ nang ní tām̄ yādə́ tə́ ní anī, Nə́ɓā tɔ́r̄ tan dɔ nang ní tə́.

PĀ GƏ̄ 147:8

I ni n rāā adə̄ kil̄ man̄ gə̄ taān̄ loo dɔ rā̰ tə́ ní. Man̄ ń kadə̄ edə dɔ nang tə́ ní ni-əndā dɔ danaá i tītə̄ ń noō. I ni n i nge rāā kadə̄ mu gə̄ əɓan̄ dɔ mbal̄ gə̄ tə́ ní.

TA KƏLA 1:29

Nə́ɓā əda ɓáý to̰ na: M-ādə̄sí kōō malang kə́ dɔ nang tə́ ń kumən i tū tə́ ní ō, kāgə̄ malang ń an̄ ō, kumən i tū tə́ ō ní. I nin̄ n i yá̰a̰ kəsa yāsí ní.

TA KƏLA 2:9

Kɔ́ɔ̄ɓē Nə́ɓā rāā adə̄ kāgə̄ kə́ tayā tayā gə̄, kə́ majə ka̰a̰ ngá̰ý gə̄ ō, kan̄də́ majə kəsa ngá̰ý gə̄ ō, əɓan̄ dɔ nang tə́. Ni-rāā adə̄ kāgə̄ kógə̄ḿ əɓa kem ndɔrɔ́ danaá bang, i kāgə̄ kə́ ré deē əsa kanə̄n anī a ndi kə kumuú. Ni-əndā kāgə̄ kə́ rang, i kāgə̄ kə́ ré deē əsa kanə̄n anī a ger̄ yá̰á̰ kə́ majə ō, yá̰á̰ kə́ majaĺ ō.

MARK 4:28

Dɔ nang teē yá̰a̰ dɔ rɔ̄n. Kété i mbīn gə̄, gō tə́ i dɔn, pá tá kumən teē ngá̰ý tū dɔn ní tə́.

MATIYE 6:30

Sḭḭ̄ ngé taā kem kə́ mámák aĺ gə̄ ń toō, ré Nə́ɓā əla kūbə̄ kə́ majə tītə̄ ń noō rɔ̄ mu ń ra bembeé ɓōólaā ba bírí anī ənīnən̄ kum hor tə́ kɔ̄ɔ́ ní anī, sḭḭ̄ tá Nə́ɓā a adə̄sí kadə̄ tɔȳ loo ń noō aĺ a?

Makətūbə̄ yā Job 28:5

Dɔ nang ń yá̰a̰ kəsa a teē tū tə́ ní, kemən i kə́ nujə sák sák kɔ̄ɔ́ tītə̄ kə́ i hor kógə̄ḿ n o̰o̰ kemən ní beē.

PĀ GƏ̄ 1:3

Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.

TA KƏLA 2:5

Dan ń Kɔ́ɔ̄ɓē Nə́ɓā rāā dɔ rā̰ ō, dɔ nang ō ní, bɔkə́ kámbə́ kógə̄ḿ gətóo dɔ nang tə́ ɓáý ō, mu kógə̄ḿ kə́ əɓa gətóó ɓáý ō, tɔdɔ̄ Kɔ́ɔ̄ɓē Nə́ɓā rāā adə̄ man̄ edə dɔ nang tə́ aĺ ɓáý ō, de kə́ yā ndɔr̄ dɔ nang gətóó ɓáý ō.

JAKƏ 3:12

Ngákó̰ó̰ḿ gə̄ kāgə̄ kótə̄ asə kan̄ olibə a? Kāgə̄ nduú asə kan̄ kótə̄ a? Kəɓa man̄ kə́ katə̄ a teē man̄ kə́ sɔl̄ alé.

MATIYE 3:10

Kə̄ngā i kə́ kəndā ngəra kāgə̄ gə̄ tə́ ɓá kɔ̄ɔ́, adə̄ kāgə̄ gə̄ malang ń a anə̄n̄ majə aĺ ní, a tə́gān̄də́ yā ɓōkə́də́ horoó kɔ̄ɔ́.

JEREMI 17:8

Ni to tītə̄ kāgə̄ ń əhɔn kadə man̄ tə́ ní. Əla ngəran kum kə̄ maná. Ni a ger̄ gō ngā nəngā ń a reē ní alé. Mbīn to mbōl̄ ngándáńg. Ɓāl̄ ń man̄ əhɔń laa tə́ ní, ni sōl̄ yá̰a̰ alé. Ni an̄ kə̄ non tə́.

TA KƏLA 2:16

Ni-əda deē ní na: Ásə kəsa kan̄ kāgə̄ malang kə́ kem ndɔrɔ́,

1 KORḚNTƏ 15:38

Gō tə́ anī Nə́ɓā adə̄ kum kōō ń ī-dubə̄ ní kádən ń kemən ndigə ní. Ni-adə̄ kum kōō kə́ tayā tayā gə̄ kádə́də́ gə̄.

TA KƏLA 1:12

Nang adə̄ mu gə̄ əɓan̄ ō, kōō kə́ kə kumdə́ gēé teēn̄ kə gō gíŕdə́ gēé ō, kāgə̄ gə̄ kə́ kə kan̄də́ gēé əɓan̄ kə gō gíŕdə́ gēé ō. Nə́ɓā a̰a̰ kadə̄ i yá̰á̰ kə́ majə.

IJAI 61:11

Tītə̄ ń dɔ nang rāań adə̄ ngán kāgə̄ yān gə̄ əɓan̄ ní, tītə̄ ń ndɔr̄ rāań adə̄ kum yá̰a̰ yān gə̄ əɓan̄ ní, Kɔ́ɔ̄ɓē Nə́ɓā rāā adə̄ tetə rɔ̄ɔ̄ ō, tɔ̄ȳ ō, əɓan̄ ta kum nápar de gə̄ tə́ malang beé ō.