TƏ́DA 9:2 - Bibəl ta Sar̄

² Ni-əda Moijə na: Ādə̄ ngán Israel gə̄ rāān̄ nāā Pákə kə ndɔ̄neé.

Bible sar

² Ni-əda Moijə na: Ādə̄ ngán Israel gə̄ rāān̄ nāā *Pákə kə ndɔ̄neé.

TƏ́DA 9:2 Referans Kwoze

2 YÁ̰A̰ GƏ̄ 35:1

Josias rāā nāā Pákə kem ɓē kə́ Jerusalem tə́ rɔȳn̄ Kɔ́ɔ̄ɓē. Əjan̄ míndə dā̰ Pákə gə̄ ní i kə ndɔ̄ kə́ nge ko̰ kutə gidə i sɔ́ yā nāā kə́ ta kəga dɔ.

LEBI GƏ̄ 23:5

Pákə yā Kɔ́ɔ̄ɓē a əla gír i ta jī loo tíbə tə́, kem ndɔ̄ kə́ nge ko̰ kutə gidə i sɔ́ yā nāā kə́ ta kəga dɔ tə́.

Najə̄ kə́ Majə yā Jeju ń Luk ndang ní 22:7

Ndɔ̄ yā mápá kə́ kanjə̄ kaa mápá ń kadə̄ a ɔlən̄neé míndə ngōn̄ batə̄ Pákə́ ní reē ugə̄.

MARK 14:12

Ndɔ̄ kə́ ta kəga dɔ yā mápa kə́ kanjə̄ kaa mápá ń kadə̄ a ɔlən̄neé míndə ngōn̄ batə̄ Pákə ní, ngé ndóō yá̰a̰ yān gə̄ ədanən̄ na: Ī-gḛy kadə̄ j-aw̄ jə-rāā loo i rá n kadə̄ ə́sań yá̰a̰ yā nāā Pákə ní?

ESDRAS 6:19

Ngán Israel gə̄ ń télən̄ ɓəloó ní rāān̄ nāā Pákə kə ndɔ̄ kə́ nge ko̰ kutə gidə i sɔ́ yā nāā kə́ ta kəga dɔɔ́.

JOJUE 5:10

Ngán Israel gə̄ ndin̄ Gilgal. Nin̄ rāān̄ nāā Pákə ndágə loo gə̄ kə́ Jeriko tə́ kə ndɔ̄ nāā kə́ nge ko̰ kutə gidə i sɔ́, ta loo tíbə́ tə́.

TƏ́DA 28:16

Kə ndɔ̄ kə́ nge ko̰ kutə gidə i sɔ́ yā nāā kə́ ta kəga dɔ ní, ī-rāāī Pákə yā rɔȳń Kɔ́ɔ̄ɓē.

TƏ́DA 9:3

Ā ī-rāāī nāā i ta loo tíbə́ tə́, kə ndɔ̄ kə́ nge ko̰ kutə gidə i sɔ́ yā nāā ń toō. Ā ī-rāāī i kə gō ń ndū najə̄ ō, yá̰a̰ kāgə̄ ɓē ō ɔjəń ní.

2 MBAN̄G 23:21

Mban̄g Josias əda ngán Israel gə̄ malang na kə rāān̄ nāā Pákə kə rɔȳn̄neé Kɔ́ɔ̄ɓē Nə́ɓā yādə́ tītə̄ ń ndangən̄neé kem makətūbə̄ madə̄ naā tə́ ní.