TƏ́DA 9:15 - Bibəl ta Sar̄

¹⁵ Ndɔ̄ ń udənə̄ń kújə yā Nə́ɓā tə́ ní, kil̄ man̄ reē utə̄ dɔ. Kújə́ ní i kújə tandā ń sandúkə ndū najə̄ i kemeé ní. Ndɔ̄ɔ́ anī kil̄ man̄ ní unjə̄ tītə̄ hor bátə́ kadə̄ loo tīiń.

Bible sar

¹⁵ Ndɔ̄ ń udənə̄ń kújə yā Nə́ɓā tə́ ní, kil̄ man̄ reē utə̄ dɔ. Kújə́ ní i kújə tandā ń sandúkə *ndū najə̄ i kemeé ní. Ndɔ̄ɔ́ anī kil̄ man̄ ní unjə̄ tītə̄ hor bátə́ kadə̄ loo tīiń.

TƏ́DA 9:15 Referans Kwoze

Teē Ngán Israel gə̄ 13:21

Kɔ́ɔ̄ɓē nəkɔ́ i kété nodə́ tə́: Kadaá anī ni i dan kil̄ man̄ kə́ ra kə ngālāá ɓururu kə́ a ɔjədə́ ta róbə́ tə́ ō, ndɔ̄ɔ́ anī ni i tū hor kə́ ra kə ngālāá ɓururu kə́ kadə̄ a̰a̰n̄neé loo tə́ ō, adə̄ nin̄-asən̄ njə̄rā kadaá ō, ndɔ̄ɔ́ ō.

Teē Ngán Israel gə̄ 40:34

Kil̄ man̄ reē utə̄ dɔ kújə kənge naā malang ō, kɔsə gɔn yā Kɔ́ɔ̄ɓē reē taā kem kújə yān malang ō.

PĀ GƏ̄ 78:14

Kadaá anī ni ɔrdə́ ta róbə kə kil̄ maná ō, ndɔ̄ɔ́ anī ɔrdə́ ta róbə kə hor kógə̄ḿ kə́ unjə̄ kow ō.

NEHEMI 9:19

Banī kumií o̰o̰ī ngá̰ý adə̄ ə́yá̰də́ kɔ̄ɔ́ kem dəla loo tə́ alé. Kil̄ man̄ kə́ ra kə ngālāá ɓururu ń a ɔjədə́ róbə kadaá ní ɔr̄ rɔ̄n kɔ̄ɔ́ rɔ̄də́ tə́ aĺ ō, hor kə́ ra kə ngālāá ɓururu ń a a̰a̰n̄neé loo dɔ róbə́ njə̄rādə́ tə́ ní ɔr̄ rɔ̄n kɔ̄ɔ́ rɔ̄də́ tə́ aĺ ō.

1 KORḚNTƏ 10:1

Ngákó̰ó̰ḿ gə̄, m̄-gḛy kadə̄ ī-ndiī kanjə̄ ger̄ yá̰á̰ ń rāā kaají gə̄ kété ní alé. Nin̄ malang ní ndin̄ gír kil̄ man̄ tə́ ō, gāngə̄n̄ bā bo ō.

IJAI 4:5

anī, ni a rāā kadə̄ kil̄ man̄ kógə̄ḿ teē kadaá dɔ mbal̄ Siyo̰ tə́ kə taá malang ō, dɔ de gə̄ malang ń a kánə̄n̄ naā dɔ tə́ ní tə́ ō, ba ndɔ̄ɔ́ anī ni a rāā kadə̄ sa ō, ta ndo̰ hor kə́ ndə́lē gə̄ ō, teēn̄ dɔ mbal̄ Siyo̰ tə́ kə taá malang ō, dɔ de gə̄ malang ń kánə̄n̄ naā dɔ tə́ ní tə́ ō. Kɔsə gɔn yā Kɔ́ɔ̄ɓē a utə̄ dɔ yá̰a̰ malang tītə̄ kújə tandā kə́ bo ngá̰ý beē,

PĀ GƏ̄ 105:39

Ni utə̄ dɔdə́ kə kil̄ maná ō, adə̄də́ hor kógə̄ḿ adə̄ a̰a̰n̄neé loo ndɔ̄ɔ́ ō.

NEHEMI 9:12

Ɔ́r no gír deē yāí gə̄ kadaá i kə kil̄ man̄ kə́ ra kə ngālāá ɓururu ō, ndɔ̄ɔ́ anī i kə hor kə́ ra kə ngālāá ɓururu kadə̄ a̰a̰n̄neé loo dɔ róbə́ n njə̄rādə́ tū tə́ ní tə́ ō.

TƏ́DA 14:14

ədan̄ de kə́ gō nang ń toō tə́ gə̄ gotə adə̄ oōn̄ ō. Nin̄ ń toō gerə̄n̄ kadə̄ ḭ̄ Kɔ́ɔ̄ɓē ḭ̄ i naā tə́ kə de gə̄ yāí gēé ō, ā ɔ́jə́də́ rɔ̄í ō, ā á̰a̰ī ta kum naā ō. Nin̄ gerə̄n̄ kadə̄ i ḭ̄ n i nge ngɔ̄m̄ deē yāí gə̄ ní, tām̄ ī-njə̄rā nodə́ tə́ kadaá dan kil̄ man̄ kə́ ra kə ngālāá ɓururu tə́ ō, ī-njə̄rā nodə́ tə́ ndɔ̄ɔ́ dan hor kə́ ra kə ngālāá ɓururu tə́ ō.

Teē Ngán Israel gə̄ 40:38

Tɔdɔ̄ kadaá anī kil̄ man̄ yā Kɔ́ɔ̄ɓē i dɔ kújə ndin tə́, ba ndɔ̄ɔ́ anī hor i tū kil̄ man̄ ní tə́, adə̄ ngán Israel gə̄ malang a̰a̰n̄. Yá̰á̰ ní to i tītə̄ ń noō bátə́ kadə̄ gír njə̄rā mbā yādə́ gāngəń.

Teē Ngán Israel gə̄ 40:2

Kem nāā kə́ ta kəga dɔ tə́, kə ndɔ̄ nāā kə́ ta kəga dɔɔ́ anī, ā údə́ kújə ndi yāḿ ń i kújə kənge naā ní.

Teē Ngán Israel gə̄ 14:24

Ta gír loo tə́ anī Kɔ́ɔ̄ɓē ń ra kum hor kə́ ra kə ngālāá ɓururu tə́ ō, dan kil̄ man̄ tə́ ō, a a̰a̰ń de kə́ Ejiptə gə̄ ní, tə̄ndā tḭ̄ḭ̄də́ kɔ̄ɔ́.

Teē Ngán Israel gə̄ 13:22

Kadaá anī kil̄ man̄ kə́ ngāl̄ ɓururu ń i no ngán Israel gə̄ tə́ ní əya̰də́ loo aĺ ō, ndɔ̄ɔ́ anī hor kə́ ngāl̄ ɓururu ń i nodə́ tə́ ní əya̰də́ loo aĺ ō.

TƏ́DA 10:34

Ré ndɔ́tə̄n̄ ɓē kadaá anī kil̄ man̄ yā Kɔ́ɔ̄ɓē i dɔdə́ tə́ dɔɔ́.

TƏ́DA 17:7

Ngán Israel gə̄ a kán̄ naā kə̄ dɔ Moijə nin̄ kə Aaro̰ tə́, ba nin̄ tūrə̄n̄ kumdə́ sɔɔ̄ kújə kənge naā. Ɓá anī kil̄ man̄ utə̄ dɔ kújə́ ní. Kɔsə gɔn yā Kɔ́ɔ̄ɓē teē danaá.

NDŪ NAJƏ̄ 1:33

Tá i ni n i nge njə̄rā kété nosí tə́ yā sāań loo kə́ yā kadə̄ ī-ndiī tū tə́ ní. Ndɔ̄ɔ́ anī ni i sesí kum hor kə́ ra kə ngālāá ɓururu ń kadə̄ á̰a̰īń loo dɔ róbə́ ń ī-njə̄rāī tū tə́ ní tə́ ō, kadaá anī ni i sesí tū kil̄ man̄ kə́ ra kə ngālāá ɓururu tə́ ō.

Teē Ngán Israel gə̄ 40:35

Moijə asə kudə kem kújə kənge naā tə́ alé, tɔdɔ̄ kil̄ man̄ utə̄ dɔ ō, kɔsə gɔn yā Kɔ́ɔ̄ɓē taā kem malang ō.