TƏ́DA 9:13 - Bibəl ta Sar̄

¹³ Banī deē ń majaĺ tákə̄n aĺ ō, aw̄ mbā tə́ aĺ ō, ba rāā najə̄ yā nāā Pákə i kə njaneé, adə̄ ni ɔdə rāā nāā Pákə kə ndɔ̄ Pákə aĺ ní, deē ń noō a ɔr̄nən̄ kɔ̄ɔ́ dan ngán Israel gə̄ tə́. Ni-ndējə̄ Kɔ́ɔ̄ɓē yá̰a̰ kə ndɔ̄neé aĺ ní, yá̰á̰ kə́ tōr̄ tām̄ yā majaĺ yān tə́ a rāān i nəkɔ́.

Bible sar

¹³ Banī deē ń majaĺ tákə̄n aĺ ō, aw̄ mbā tə́ aĺ ō, ba rāā najə̄ yā nāā *Pákə i kə njaneé, adə̄ ni ɔdə rāā nāā *Pákə kə ndɔ̄ *Pákə aĺ ní, deē ń noō a ɔr̄nən̄ kɔ̄ɔ́ dan ngán *Israel gə̄ tə́. Ni-ndējə̄ Kɔ́ɔ̄ɓē yá̰a̰ kə ndɔ̄neé aĺ ní, yá̰á̰ kə́ tōr̄ tām̄ yā majaĺ yān tə́ a rāān i nəkɔ́.

TƏ́DA 9:13 Referans Kwoze

Teē Ngán Israel gə̄ 12:15

Ā ə́saī i mápá kə́ rāā kanjə̄ kaa mápa ndɔ̄sí sīrí. Kaa kasə a gətóo kem kújə yāsí tə́ i kə ndɔ̄ kə́ ta kəga dɔɔ́. Əla gír dɔ ndɔ̄ ń noō tə́ bátə́ kadə̄ ugə̄ń dɔ ndɔ̄ kə́ nge ko̰ sīrí tə́ ní, ré de kə́rēý əsa mápá kə́ rāā kə kaa mápá anī, a ɔrə̄n̄ kɔ́ɔ̄ kɔ̄ɔ́ dan ngán Israel gə̄ tə́.

TA KƏLA 17:14

De kə́ dəngam ń əjan̄ mɔtən aĺ ní, a ɔr̄nən̄ kɔ̄ɔ́ dan gír de gə̄ yān gə̄ tə́, tām̄ ni-mbātə́ madə̄ naā yāḿ.

TƏ́DA 9:7

J-ɔdə rɔ̄ nīń adə̄ majaĺ tákə̄jí, ba i tām̄ rí tə́ á ɔgə̄n̄jí ndējə̄ Kɔ́ɔ̄ɓē yá̰a̰ tītə̄ yā gotə ngán Israel gə̄ kə ndɔ̄neé ní?

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

HEBƏRO 9:28

i tītə̄ ń noō n Kərist adə̄ rɔ̄n yá̰a̰ tun̄ tə́ nja kógə̄ḿ yā kunəń majaĺ yā de gə̄ ngá̰ý gə̄ kɔ̄ɔ́ ní. Ni a teē nja kə́ nge ko̰ jōó, i yā kun majaĺ kɔ̄ɔ́ to̰ alé, banī i yā kajə ngé gə̄ ń ndi ngóōnən̄ ní.

HEBƏRO 6:6

Ɓá tā ba tél əsōn̄ gogə́ tū háĺ kə́ majaĺ tə́. De gə̄ ń noō ní, loo rāādə́ kadə̄ tél tūrə̄n̄ háĺdə́ ɓáý to̰ ní gətóo. Tɔdɔ̄ nin̄-tél əndan̄ Ngōn̄ Nə́ɓā kə máyá̰ tū kāgə̄ kə́ dēsə́ tə́ gogə́ ɓáý to̰ ō, rāān̄ adə̄ de gə̄ tájə̄nən̄ ō.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

EJEKIEL 23:49

Ohola ō, Oholiba ō, yá̰a̰ rāāsí kə́ majaĺ gə̄ ní, najə̄n i dɔsí sḭḭ̄ kɔ́ gə̄ tə́. Ī-ndíbī horən, i tām̄ sḭḭ̄ ī-rɔyī nə́ɓā kə́ rɔ̄kum aĺ gə̄. Loo ń noō tə́ ā ī-gerī kadə̄ Kɔ́ɔ̄ɓē Nə́ɓā i mā.

TƏ́DA 19:13

Deē ń ɔdə rɔ̄ nīń de kə́ koy banī tə́go rɔ̄n adə̄ tél de kə́ yḛr aĺ alé ní, kɔ́ɔ̄ a reē i kə yá̰á̰ kə́ majaĺ kə̄ dɔ kújə yā Kɔ́ɔ̄ɓē tə́. A ɔrə̄n̄ deē ní kɔ̄ɔ́ dan ngán Israel gə̄ tə́. Man̄ tə́go rɔ̄ ɔdə rɔ̄n aĺ ní, majaĺ ń tákə̄n ní a na̰y dɔn tə́.

TƏ́DA 5:31

Loo ń noō tə́ najə̄ a gətóo dɔ ngaa dəyá̰ ní tə́. Banī dəyá̰ ń najə̄ i dɔn tə́ ní, yá̰á̰ kə́ tōr̄ tām̄ majaĺ yān tə́ a rāān i nəkɔ́.

LEBI GƏ̄ 20:20

Ré dəngam ɓīī kə nə̄yá̰ ngōkó̰o̰ bɔbə̄n anī, ni-əla rɔ̄sɔl̄ i dɔ ngōkó̰o̰ bɔbə̄n tə́. Najə̄ i dɔ ngé rāȳ gə̄ ní tə́ jōó mbak. A oyn̄ kanjə̄ kojə ngōn̄.

LEBI GƏ̄ 17:10

Ré deē kógə̄ḿ kə́ dan ngán Israel gə̄ tə́, aláa kə́ dan tə̄rā gə̄ ń reē ndin̄ dandə́ tə́ ní əsa mósə dā̰ anī, a nelə̄m̄ mā Kɔ́ɔ̄ɓē seneé aĺ ō, m-ā m-ɔ̄rən kɔ̄ɔ́ dan ngán Israel gə̄ tə́ ō.

LEBI GƏ̄ 17:4

kanjə̄ kaw̄ń ta kújə kənge naā tə́ ndējə̄ Kɔ́ɔ̄ɓē anī, mósə dā̰ ní a nay dɔn tə́. Ni-ənī mósə nang tə́ i kə gōó alé, adə̄ a ɔr̄nən̄ kɔ̄ɔ́ dan ngán Israel gə̄ tə́.

LEBI GƏ̄ 22:9

Ādə̄ ngé tun̄ yá̰a̰ gə̄ rāān yá̰á̰ gə̄ ń m-ɔ́jə́də́ kadə̄ rāān̄ ní ō, ādə̄ ənīn̄ najə̄ dɔdə́ tə́ tām̄ yā yá̰a̰ kəsa tə́ aĺ ō. Tɔdɔ̄ ré rāān̄ yá̰á̰ kə́ táĺ gə̄ ń noō yá̰á̰ kə́ karī tə́ anī, a oyn̄. Mā i Kɔ́ɔ̄ɓē nge kɔr̄ kam̄də́.

Teē Ngán Israel gə̄ 12:19

Kem ndɔ̄ sīrí ní deē a ənge kaa mápa kem kújə yāsí tə́ alé. Tə̄rā kə́ nge nam̄, aláa ngōn̄ Israel ń a əsa mápá kə́ rāā kə kaa mápá ní a ɔrə̄n̄ kɔ́ɔ̄ kɔ̄ɔ́ dan ngán Israel gə̄ tə́.

Teē Ngán Israel gə̄ 12:47

Ngán Israel gə̄ malang a rāān̄ nāā Pákə.

Teē Ngán Israel gə̄ 30:33

Ré de kə́rēý rāā yibə̄ kə́ to tītə̄ nge ń noō rāā rɔ̄ de kə́ karī tə́ anī, a ɔrə̄n̄ kɔ́ɔ̄ dan ngán Israel gə̄ tə́ kɔ̄ɔ́.

Teē Ngán Israel gə̄ 30:38

Ré de kə́rēý rāā ndujə̄ yá̰á̰ kə́ kotə majə kə́ to tītə̄n yā kotə sēēn anī, a ɔrə̄n̄ kɔ́ɔ̄ dan ngán Israel gə̄ tə́ kɔ̄ɔ́.

LEBI GƏ̄ 24:15

Adə̄ ə́dá ngán Israel gə̄ na: Deē ń a tájə̄ Nə́ɓā yān ní, yá̰á̰ kə́ tōr̄ kə́ tām̄ yā majaĺ yān tə́ a rāān i nəkɔ́.

TƏ́DA 19:20

Banī deē ń kə́ yḛr ba tə́go rɔ̄n aĺ ní, a ɔr̄nən̄ kɔ̄ɔ́ dan ngé kán̄ naā tə́, tām̄ ni a reē kə majaĺ yā tákə̄n loo kə́ táĺ yā Kɔ́ɔ̄ɓē. Sə̄kān̄ man̄ tə́go rɔ̄ dɔn tə́ aĺ ní ni i de kə́ yḛr.