TƏ́DA 8:17 - Bibəl ta Sar̄

¹⁷ Tām̄ hágə́ yá̰a̰ malang kə́ dan ngán Israel gə̄ tə́, adə̄ i hágə deē gə̄gē hágə dā̰ gə̄gē ní nin̄ i yá̰a̰ yāḿ gə̄. M-ɔ̄r̄ kam̄də́ tām̄ yāḿ tə́ i ndɔ̄ ń m̄-tɔ̄ləń ngáń hágə gə̄ malang kə́ dɔ nang kə́ Ejiptə tə́ ní.

Bible sar

¹⁷ Tām̄ hágə́ yá̰a̰ malang kə́ dan ngán Israel gə̄ tə́, adə̄ i hágə deē gə̄gē hágə dā̰ gə̄gē ní nin̄ i yá̰a̰ yāḿ gə̄. M-ɔ̄r̄ kam̄də́ tām̄ yāḿ tə́ i ndɔ̄ ń m̄-tɔ̄ləń ngáń hágə gə̄ malang kə́ dɔ nang kə́ Ejiptə tə́ ní.

TƏ́DA 8:17 Referans Kwoze

Teē Ngán Israel gə̄ 13:2

kə ɔr̄ kam̄ hágə́ ngán Israel gə̄ malang ō, hágə́ yá̰a̰ kul̄ yādə́ gə̄ ō, kə adə̄n. Tɔdɔ̄ hágə de kə́ dəngam ō, hágə dā̰ kə́ dəngam ō ní, na i yá̰a̰ yān.

Najə̄ kə́ Majə yā Jeju ń Luk ndang ní 2:23

tītə̄ ń ndangən̄neé kem ndū najə̄ yā Kɔ́ɔ̄ɓē tə́ ní na: A ɔrə̄n̄ kam̄ ngáń hágə́ kə́ dəngam gə̄ malang tayā tām̄ yā Kɔ́ɔ̄ɓē tə́ ní.

JAKƏ 1:18

Ni-ojəjí kə gō kem ndigə yānneé, kə ta kūl̄ najə̄ kə́ rɔ̄kum, ba əndājí loo kə́ kété tə́ dɔ yá̰a̰ rāān gə̄ tə́ malang.

HEBƏRO 11:28

I kə ta kūl̄ taā kem n ni-rāā nāā Pákə ō, adə̄ ndūn kadə̄ sə̄kān̄ mósə batə̄ tū ta róbə́ kújə gə̄ tə́ ō, yā kadə̄ nge nujə de gə̄ ɔdəń rɔ̄ ngáń hágə Israel gə̄ aĺ ní.

HEBƏRO 10:29

Deē ń a tə́ɓā Ngōn̄ Nə́ɓā njan tə́ ō, rāā mósə́ ń Nə́ɓā əhɔń madə̄ naā kə de gēé ní yá̰á̰ kə́ karī tə́ ō, mósə́ ń unnəń majaĺ yān gə̄ kɔ̄ɔ́ dɔn tə́ adə̄ ni tél de kə́ kɔr̄ kam̄ tayā ō, tájə̄ Ndíĺ ń kem majə yā Nə́ɓā adə̄jí ní ō anī, ī-gírī kadə̄ yá̰á̰ kə́ tōr̄ ń majə kadə̄ rāān̄ seneé tām̄ majaĺ yān tə́ ní, i yá̰á̰ kə́ tōr̄ kə́ tɔȳ nge ń noō aĺ a?

JA̰A̰ 17:19

M-ādī rɔ̄ḿ kə taá malang tām̄ yādə́ tə́, yā kadə̄ nin̄ i deē yāí gə̄ kə́ rɔ̄kum tə́.

JA̰A̰ 10:36

Ba mā ń Bɔbə́ḿ ɔrə̄m̄ tayā tām̄ yān tə́ ba əlam̄ dɔ nang tə́ ní, i ba̰ý n sḭḭ̄ ə́daī na m̄-tájə̄ Nə́ɓā kə najə̄ kɔrə̄ḿ tām̄ kəda kə́ m-ə́da na mā na i Ngōn̄ Nə́ɓā ní?

EJEKIEL 20:12

M-ādə̄də́ ndɔ̄ sabat ō. Nge ń noō i yá̰á̰ kə́ to dɔ dáńjí tə́ kadə̄ əgań kemdə́ dɔ tə́ kadə̄ mā Kɔ́ɔ̄ɓē m-ə̄ndādə́ kə rī kəla yāḿ.

PĀ GƏ̄ 135:8

I ni n tɔ̄l̄ ngáń hágə gə̄ kə́ Ejiptə tə́ ní, tɔ̄l̄ hágə de gə̄ ō, hágə dā̰ gə̄ ō.

PĀ GƏ̄ 105:36

Nə́ɓā tɔ̄l ngáń hágə gə̄ malang kə́ kem ɓē yādə́ tə́ kɔ̄ɔ́, adə̄ i ngáńdə́ gə̄ ń ḭḭn̄ kə̄ nang tə́ á ojən̄ ní.

PĀ GƏ̄ 78:51

Ni tɔ̄l̄ ngáń hágə́ kə́ dəngam kə́ Ejiptə tə́ gə̄ kɔ̄ɔ́ malang, nin̄ ń i tɔ́gə́də́ kə́ ta kəga dɔ kə́ kem kújə tandā yā Kam tə́ ní.

TƏ́DA 3:13

tɔdɔ̄ ngōn̄ hágə i yá̰a̰ yāḿ. Tām̄ ndɔ̄ ń m̄-tɔ̄ləń hágə de gə̄ kə́ Ejiptə kɔ̄ɔ́ malang ní, m-ɔ̄r̄ kam̄ hágə́ ngán Israel gə̄ ō, hágə́ yá̰a̰ kul̄ yādə́ gē ō, tām̄ yāḿ tə́. Mā i Kɔ́ɔ̄ɓē.

LEBI GƏ̄ 27:26

Deē a ɔr̄ kam̄ hágə́ yá̰a̰ kul̄ tām̄ yā Kɔ́ɔ̄ɓē tə́ to̰ alé, tām̄ hágə́ yá̰a̰ kul̄ malang i yā Kɔ́ɔ̄ɓē kɔ̄ɔ́ ɓá. Ká i ngōn̄ man̄g, aké i ngōn̄ batə̄, aké i ngōn̄ bə̄yā̰ gə̄gē anī, i yā Kɔ́ɔ̄ɓē.

Teē Ngán Israel gə̄ 29:44

Mə̄kɔ́ m-ā m-ɔ̄r̄ kam̄ kújə kənge naā ō, kam̄ loo tun̄ yá̰a̰ ō, tītə̄ ń m-ā m-ɔ̄rəń kam̄ Aaro̰ nin̄ kə ngánən gēé kadə̄ rāān̄ kəla tun̄ yá̰a̰ adə̄mə̄n̄ ní.

Teē Ngán Israel gə̄ 12:29

Dan loo tə́ anī Kɔ́ɔ̄ɓē rāā adə̄ ngáń hágə́ kə́ kem ɓē kə́ Ejiptə tə́ gə̄ oyn̄ malang. Əla gír i dɔ hágə Parao̰ ń kadə̄ ndi mban̄g gotə bɔbə̄n tə́ ní, bátə́ ugə̄ń dɔ hágə de kə́ dəngáyá tə́ ō, hágə́ yá̰a̰ kul̄ gə̄ tə́ ō.

TƏ́DA 8:18

Ba m̄-taā ngán Lebi gə̄ kum gotə hágə́ ngán Israel gə̄ malang