TƏ́DA 8:12 - Bibəl ta Sar̄

¹² Ngán Lebi gə̄ a əndān̄ jīdə́ dɔ man̄g kə́ bəra kə́ jōó gə̄ ní tə́. Aaro̰ a tun̄ kə́ kógə̄ḿ tām̄ yā majaĺ tə́ ō, a róō kə́ noō horoó yā kadə̄ Kɔ́ɔ̄ɓē ō, yā rāań yá̰á̰ kə́ yā kutə̄ń dɔ majaĺ yā ngán Lebi gə̄.

Bible sar

¹² *Ngán Lebi gə̄ a əndān̄ jīdə́ dɔ man̄g kə́ bəra kə́ jōó gə̄ ní tə́. Aaro̰ a tun̄ kə́ kógə̄ḿ tām̄ yā majaĺ tə́ ō, a róō kə́ noō horoó yā kadə̄ Kɔ́ɔ̄ɓē ō, yā rāań yá̰á̰ kə́ yā kutə̄ń dɔ majaĺ yā *ngán Lebi gə̄.

TƏ́DA 8:12 Referans Kwoze

Teē Ngán Israel gə̄ 29:10

A reēn̄ kə man̄g kə́ bəra ní ta kújə kənge naā tə́. Aaro̰ nin̄ kə ngánən gēé a əndān̄ jīdə́ dɔn tə́.

HEBƏRO 9:22

Kə gō ndū najá ní, na̰y i sḛ́ý beē kadə̄ i mósə n rāā kadə̄ yá̰a̰ gə̄ malang unjə̄n̄ njáý njáý ní, ba ré mósə a̰ȳ nang tə́ aĺ anī, mā̰ȳ rɔ̄ a gətóo.

LEBI GƏ̄ 8:14

Moijə reē kə man̄g kə́ bəra kə́ yā tun̄ tām̄ yā majaĺ tə́ ní, adə̄ Aaro̰ nin̄ kə ngánən gēé əndān̄ jīdə́ dɔ tə́.

LEBI GƏ̄ 1:4

gō tə́ anī ni a əndā jīn dɔ dā̰ ń Kɔ́ɔ̄ɓē ndigə tə́ ní, yā rāań yá̰á̰ kə́ yā kutəń dɔ majaĺ yān.

TƏ́DA 8:8

Nin̄ a əhɔn̄ man̄g kə́ bəra kógə̄ḿ ō, a unən̄ ndujə̄ kə́ ló̰ȳ kə yibīí ń i yá̰á̰ kə́ yā ndējə̄ dɔ tə́ ní ō. Īkɔ́ ā əhɔ man̄g kə́ bəra kə́ ko̰ jōó ń i man̄g kə́ yā tun̄ tām̄ yā majaĺ tə́ ní ō.

TƏ́DA 6:16

Nge tun̄ yá̰a̰ a aw̄ kə yá̰a̰ ndējə̄ gə̄ ń noō ta kum Kɔ́ɔ̄ɓē tə́. Go tə́ anī a tun̄ dā̰ kə́ tām̄ yā majaĺ tə́ ní ō, dā̰ kə́ yā róō horoó kadə̄ Kɔ́ɔ̄ɓē ní ō.

TƏ́DA 6:14

Ni a reē kə yá̰a̰ ndējə̄ yānneé yā kadə̄ Kɔ́ɔ̄ɓē: Bal batə̄ kə́ ɓāl̄ kógə̄ḿ kə́ loon kógə̄ḿ nujə aĺ kadə̄ i yá̰a̰ tun̄ kə́ yā róō horoó ō, mandə̄ batə̄ kə́ ɓāl̄ kógə̄ḿ kə́ loon kógə̄ḿ nujə aĺ kadə̄ i yá̰a̰ tun̄ kə́ tām̄ yā majaĺ tə́ ō, bal batə̄ kə́ loon kógə̄ḿ nujə aĺ kadə̄ i yá̰a̰ tun̄ kə́ tām̄ yā kem kógə̄ḿ tə́ ō.

LEBI GƏ̄ 16:21

Aaro̰ a əndā jīn jōó mbak dɔ bal bə̄yā̰ kə́ kə kumuú ní tə́ ō, a ɔr̄ gír kə dɔ ngan̄g gə̄ kə yá̰á̰ kə́ rāā gōtə́ aĺ gə̄ yā ngán Israel gə̄ ní malang ō, kadə̄ nayn̄ dɔ bə̄yā̰ ní tə́. Gō tə́ anī ni a adə̄n kə deē ń ndi kə ríí ní kadə̄ aw̄ seneé kem dəla loo tə́.

LEBI GƏ̄ 16:11

Aaro̰ a reē kə man̄g kə́ bəra kə́ tām̄ yā majaĺ tə́ ní. Gō tə́ anī rāā yá̰á̰ kə́ yā kutə̄ń dɔ majaĺ yān ō, yā de gə̄ kə́ kem kújə yān tə́ ō, ba a əja kɔ́ɔ man̄g ní.

LEBI GƏ̄ 16:6

Aaro̰ a tɔ̄l̄ man̄g kə́ bəra ní yā tun̄ tām̄ yā majaĺ yān nəkɔ́ tə́ ō, a rāā yá̰á̰ kə́ yā kutə̄ń dɔ majaĺ yān ō, yā de gə̄ kə́ kem kújə yān tə́ ō.

LEBI GƏ̄ 9:7

Gō tə́ anī Moijə əda Aaro̰ na kə ndɔ́tə́ ngɔr kə́ rɔ̄ loo tun̄ yá̰á̰ tə́ ba kə tun̄ yá̰á̰ kə́ tām̄ majaĺ yān nəkɔ́ Aaro̰ tə́ ō, yá̰á̰ kə yā róō horoó kadə̄ Kɔ́ɔ̄ɓē tām̄ yān nəkɔ́ Aaro̰ tə́ ō. Kə rāań yá̰á̰ kə́ yā kutə̄ń dɔ majaĺ yān ō, yā ngán Israel gə̄ ō. Gō tə́ anī kə ndējə̄ yá̰a̰ yādə́ kə́ yā kutə̄ń dɔ majaĺ yādə́ ō, tītə̄ ń Kɔ́ɔ̄ɓē ədań ní.

LEBI GƏ̄ 8:34

Kɔ́ɔ̄ɓē nəkɔ́ əda kadə̄ yā rāā tītə̄ ń jə-rāāiń ɓōólaā toó, yā kutə̄ń dɔ majaĺ yāsí gə̄.

LEBI GƏ̄ 8:18

Gō tə́ anī Moijə reē kə bal batə̄ kə́ yā róō horoó kadə̄ Kɔ́ɔ̄ɓē ní, adə̄ Aaro̰ nin̄ kə ngánən gēé əndān jīdə́ dɔ tə́.

LEBI GƏ̄ 5:7

Ré deē kógə̄ḿ asə kənge batə̄ aké bə̄yā̰ yā tun̄ tām̄ majaĺ yān tə́ aĺ anī, ni a reē kə dér gutə gə̄ jōó, aláa dér dum gə̄ jōó yā kadə̄ Kɔ́ɔ̄ɓē. Kógə̄ḿ i yá̰a̰ tun̄ kə́ tām̄ yā majaĺ tə́ ō, kə́rēý i yā róō horoó kadə̄ Kɔ́ɔ̄ɓē ō.

LEBI GƏ̄ 4:35

Ni a ɔr̄ yibə̄n malang tītə̄ ń ɔrə̄ń yibə̄ batə̄ kə́ tun̄ tām̄ yā kem kógə̄ḿ tə́ ní, yā róō horoó dɔ loo tun̄ yá̰á̰ tə́ ta kum Kɔ́ɔ̄ɓē tə́. Ré nge tun̄ yá̰a̰ rāā yá̰á̰ kə́ yā kutə̄ń dɔ majaĺ yā deē ní oy anī, Nə́ɓā a mā̰ȳ rɔ̄n dɔn tə́.

LEBI GƏ̄ 4:20

Yá̰á̰ ń ni-rāā kə man̄g kə́ bəra ń ni tun̄ tām̄ majaĺ yān nəkɔ́ tə́ ní, a rāā kə man̄g ń noō ō. Ré ngé tun̄ yá̰a̰ rāā yá̰á̰ kə́ yā kutə̄ń dɔ majaĺ yādə́ oy anī, Nə́ɓā a mā̰ȳ rɔ̄n dɔdə́ tə́.

LEBI GƏ̄ 4:4

Ni a aw̄ kə man̄g kə́ bəra ní no Kɔ́ɔ̄ɓē tə́ ta kújə kənge naā tə́, a ənda jīn dɔn tə́ ō, a əja kɔ́ɔn loo ń noō tə́ ta kum Kɔ́ɔ̄ɓē tə́ ō.

LEBI GƏ̄ 4:15

Kum kɔɔ̄ gə̄ yā ngán Israel gə̄ a əndān̄ jīdə́ dɔn tə́ ō, a əjan̄ kɔ́ɔn ta kum Kɔ́ɔ̄ɓē tə́ ō.

TƏ́DA 8:13

Ā ādə̄ ngán Lebi gə̄ a ran̄ kə njadə́ kə́ dɔɔ́ no Aaro̰ tə́ nin̄ kə ngánən gēé ō, ā ī-ndējə̄də́ kə Kɔ́ɔ̄ɓē kə gō looneé ō.

LEBI GƏ̄ 8:15

Moijə əja kɔ́ɔn. Ni-taā mósən ba ɔdə kə ta ngōn̄ jīneé rāā ta gajə gə̄ kə́ dɔ loo tun̄ yá̰á̰ tə́ yā kunəń majaĺ kə́ dɔ tə́ kɔ̄ɔ́. Gō tə́ anī, ni-tél kə gotə mósə́ ní ɓōkə́ nja loo tun̄ yá̰á̰ tə́. I tītə̄ ń noō n ni-ɔr̄ə̄ń kam̄ loo tun̄ yá̰a̰ yā tunə̄ń yá̰á̰ kə́ tām̄ yā majaĺ tə́ ní.