TƏ́DA 7:89 - Bibəl ta Sar̄

⁸⁹ Dan ń Moijə udə kem kújə kənge naā tə́ yā kɔr̄ najə̄ kə Kɔ́ɔ̄ɓēé anī, ni oō ndū Kɔ́ɔ̄ɓē loo kɔr̄ najə̄ tə́ seneé. Ndūn ní ɓār̄ i mbo̰ō̰ ngé ngɔ̄m̄ loo kə́ dɔ rā̰ tə́ gə̄ ń ran̄ dɔ ta sandúkə madə̄ naā tə́ ní. Loo ń noō tə́ ni-ɔr̄ najə̄ seneé.

Bible sar

⁸⁹ Dan ń Moijə udə kem *kújə kənge naā tə́ yā kɔr̄ najə̄ kə Kɔ́ɔ̄ɓēé anī, ni oō ndū Kɔ́ɔ̄ɓē loo kɔr̄ najə̄ tə́ seneé. Ndūn ní ɓār̄ i mbo̰ō̰ ngé ngɔ̄m̄ loo kə́ dɔ rā̰ tə́ gə̄ ń ran̄ dɔ ta *sandúkə madə̄ naā tə́ ní. Loo ń noō tə́ ni-ɔr̄ najə̄ seneé.

TƏ́DA 7:89 Referans Kwoze

HEBƏRO 4:16

I beé ní, j-ənī kemjí mámák jə-ndɔ́tīiń kə̄ ta kōr̄ kāgə̄ mbang yā Nə́ɓā tə́, loo ń Nə́ɓā a rajə deē tū tə́ ní tə́. J-a j-əngeī mā̰ȳ rɔ̄ ō, a rajən̄jí ō, i loo ń noō tə́, yā kadə̄ rāān̄neé sejí kum mbang kə́ majə tə́.

PĀ GƏ̄ 99:1

Kɔ́ɔ̄ɓē i mban̄g. Ādə̄ gír nápar de gə̄ ndewn̄! Kōr̄ kāgə̄ mbang yān ndi i dɔɔ́ dɔ de kə́ dɔ rā̰ tə́ kə́ ngé ngɔ̄m̄ loo gə̄ tə́. Ādə̄ dɔ nang ndebə ngin ngin!

PĀ GƏ̄ 80:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā kə́ kadə̄ əgań kem deē dɔ yá̰á̰ kə́ rāā yá̰á̰ tə́. I pā yā Asap.

1 PIYER 1:12

Najə̄ ń Nə́ɓā əndā ta ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

1 MBAN̄G GƏ̄ 6:23

Rāān̄ de kə́ dɔ rā̰ tə́ kə́ ngé ngɔ̄m̄ loo gə̄ jōó kə kāgə̄ olibə yā kəndādə́ kem kújə́ kə́ yā ɓōĺ gidə ní tə́. De kə́ dɔ rā̰ tə́ gə̄ ní ngāl̄də́ i métər mí mí kə dɔdə́ gēé. Bɔ̄gə̄ nge kə́ ta kəga dɔ ní kógə̄ḿ ngālən i métər jōó kə núsə. Adə̄ bɔ̄gə̄n gə̄ jōó mbak ta naā tə́ i métər mí. De kə́ dɔ rā̰ tə́ kə́ nge ko̰ jōó ní ngālən i métər mí ō. Ngālən gə̄gē, bon gə̄gē, to tītə̄ yā nge kə́ kété.

1 SAMUEL 4:4

Ngán Israel gə̄ əlan̄ de gə̄ Silo adə̄ aw̄ reēn̄ kə sandúkə madə̄ naā yā Kɔ́ɔ̄ɓē nge tɔgə yá̰a̰ malang ń ndi dɔ de kə́ dɔ rā̰ tə́ gə̄ kə́ ngé ngɔ̄m̄ loo gə̄ tə́ ní. Ngán Eli kə́ jōó gə̄ ń i Hopəni nin̄ kə Pinas ní, nin̄ i kadə sandúkə madə̄ naā yā Nə́ɓā tə́.

TƏ́DA 12:8

M-ɔ̄r̄ najə̄ seneé kadə̄ unjə̄ aĺ alé. Tají sɔɔ̄ ta naā ō, m̄-rāā kadə̄ ni a̰a̰m̄ ō, adə̄ ni-a̰a̰ yá̰á̰ ń i Kɔ́ɔ̄ɓē ní. Ba i tām̄ rí tə́ á sḭḭ̄ ī-ɓōlíī alé ba ī-tāmī kə nge kəla yāḿ Moijə ní?

TƏ́DA 1:1

Kɔ́ɔ̄ɓē ɔr̄ najə̄ kə Moijə kem dəla loo kə́ Sinai tə́, kə ndɔ̄ kə́ ta kəga dɔ yā nāā kə́ nge ko̰ jōó, kem ɓāl̄ ń utə̄ gō nge ń ngán Israel gə̄ teēn̄əń kɔ̄ɔ́ kem ɓē kə́ Ejiptə tə́ ní. Ɔr̄ najə̄ ní seneé i kem kújə kənge naā tə́, ədan na:

LEBI GƏ̄ 1:1

Kɔ́ɔ̄ɓē ndi kem kújə kənge nāā tə́ ɓár̄əń Moijə, ɔr̄ najə̄ seneé ədan na

Teē Ngán Israel gə̄ 40:34

Kil̄ man̄ reē utə̄ dɔ kújə kənge naā malang ō, kɔsə gɔn yā Kɔ́ɔ̄ɓē reē taā kem kújə yān malang ō.

Teē Ngán Israel gə̄ 40:35

Moijə asə kudə kem kújə kənge naā tə́ alé, tɔdɔ̄ kil̄ man̄ utə̄ dɔ ō, kɔsə gɔn yā Kɔ́ɔ̄ɓē taā kem malang ō.

TƏ́DA 8:1

Kɔ́ɔ̄ɓē mēr̄ Moijə kəda Aaro̰ najə̄ ń toō: Ré ā ə̄ndā hor ta bay hor kə́ sīrí gə̄ tə́ anī i loo kə́ kété no ɗəra hor tə́ n a unjə̄ ní.

TƏ́DA 11:17

M-ā m̄-risə yā kɔr̄ najə̄ seí loo ń noō tə́. M-ā m̄-kēgə̄ Ndíĺ ń m-ādī ní sḛ́ý yā kadə̄də́. Loo ń noō tə́ a ngɔ̄mə̄n̄ kósə de gə̄ seí, ba i īkɔ́ n ā ī-rāā kəla kə́ ngan̄g ngá̰ý ń toō kə kérí ní to̰ alé.