TƏ́DA 7:10 - Bibəl ta Sar̄

¹⁰ Ndɔ̄ ń urnə̄ń yibə̄ dɔ loo tun̄ yá̰á̰ tə́ yā kɔrə̄ń kamən ní, ngār gə̄ reēn̄ kə kadə̄ karī gə̄ ta loo tun̄ yá̰á̰ tə́ yā rāań pétən.

Bible sar

¹⁰ Ndɔ̄ ń *urnə̄ń yibə̄ dɔ *loo tun̄ yá̰á̰ tə́ yā kɔrə̄ń kamən ní, ngār gə̄ reēn̄ kə kadə̄ karī gə̄ ta *loo tun̄ yá̰á̰ tə́ yā rāań pétən.

TƏ́DA 7:10 Referans Kwoze

2 YÁ̰A̰ GƏ̄ 7:9

Kán̄ naā kə́ bo to kə ndɔ̄ kə́ nge ko̰ sɔ́sɔ́. Rāān̄ yá̰a̰ kūjə́ kə́ tām̄ yā kújə yā Nə́ɓā tə́ i ndɔ̄ sīrí ō, nāā kújə́ kámbə gə̄ i ndɔ̄ sīrí ō.

NEHEMI 12:27

Dan ń əndān̄ ndogə̄ mbal̄ kə́ Jerusalem oy anī, əlan̄ gō ngán Lebi gə̄ tə́ loo malang ń ndin̄ tū tə́ ní tə́ kadə̄ reē ɔrə̄n̄ kamə̄n tayā tām̄ yā Nə́ɓā tə́ ō, rāān̄ nān kə rɔ̄nelēé ō, kə tɔ̄ȳ gə̄ ō, pā gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kənde kə́ kəlān i ngá̰ý kə́ kugə gə̄ ō, kə́ kəlān i ngá̰ý aĺ kə́ kugə gə̄ ō.

2 YÁ̰A̰ GƏ̄ 7:5

Dā̰ gə̄ ń tɔ̄lə̄n̄ ba tun̄ adə̄n̄ Kɔ́ɔ̄ɓē ní man̄g gə̄ i dūbú kutə jōó gidə i jōó ō, batə̄ gə̄ kə bə̄yā̰ gə̄ i dūbú ɓú kə kutə jōó ō. Nin̄ rāān̄ yá̰a̰ kūjə́ kə́ tām̄ yā kújə yā Nə́ɓā tə́ i tītə̄ ń noō.

1 MBAN̄G GƏ̄ 8:63

Salomo̰ tɔ̄l̄ man̄g gə̄ dūbú kutə jōó gidə i jōó ō, batə̄ gə̄ kə bə̄yā̰ gə̄ dūbú ɓú kə kutə̄ jōó ō, ba tun̄ adə̄ Kɔ́ɔ̄ɓē tām̄ yā kem kógə̄ḿ tə́. I beé n mban̄g ō, ngán Israel gə̄ malang ō, ɔr̄ə̄n̄neé kam̄ kújə yā Kɔ́ɔ̄ɓē tayā ní.

NDŪ NAJƏ̄ 20:5

Gō tə́ anī ngé kɔy de gə̄ áskaraá gə̄ a ədan̄ de gə̄ na: De kə́ rāā kújə́ kə́ kijə ba ndi kemeé aĺ ɓáý i dansí tə́ laā a? Ādə̄ kɔ́ɔ̄ tél aw̄ gogə́ ɓēé na sōgə́ oy ta rɔ̄ɔ̄ tə́ anī de kə́ rang aw̄ ndi kemeé.

PĀ GƏ̄ 30:1

Pā rāā nāā kújə yā Kɔ́ɔ̄ɓē. I pā yā Dabid.

NEHEMI 12:43

Ndējə̄n̄ Kɔ́ɔ̄ɓē yá̰á̰ kə́ tun̄ gə̄ ngá̰ý ndɔ̄ ń noō tə́ ō, rɔ̄ de gə̄ nel̄də́ ō, tɔdɔ̄ Nə́ɓā rāā adə̄ rɔ̄də́ nel̄də́ ngá̰ý. Dəyá̰ gə̄ kə ngán gə̄ rāān̄ rɔ̄nel̄ ō, adə̄ de gə̄ ń ran̄ sa̰y gə̄gē ní oōn̄ kōō kɔŕ rɔ̄nel̄ kə́ kem ɓē kə́ Jerusalem tə́.

TƏ́DA 7:1

Ndɔ̄ ń Moijə tɔ̄ləń ta kújə yā Nə́ɓā tə́ ní, ur yibə̄ kə́ táĺ dɔ tə́ ɔrə̄ń kamən ō, ɔrə̄ń kam̄ yá̰a̰ malang kə́ kemeé ō tām̄ yā Nə́ɓā tə́. Ur yibə̄ dɔ loo tun̄ yá̰á̰ tə́ ɔrə̄ń kamən ō, ɔrə̄ń kam̄ yá̰a̰ rāā kəla gə̄ kə́ dɔ tə́ ō tām̄ yā Nə́ɓā tə́.

TƏ́DA 7:11

Kɔ́ɔ̄ɓē əda Moijə na: Ādə̄ ngār gə̄ reēn̄ ndɔ̄ kógə̄ḿ kógə̄ḿ kə dɔdə́ gēé ndējə̄n̄ kadə̄ karī yādə́ gə̄ kə́ yā rāań pétə loo tun̄ yá̰a̰.

TƏ́DA 7:84

Kutə kadə̄ karī gə̄ malang ń ngār gə̄ yā ngán Israel gə̄ adə̄n̄ tām̄ yā loo tun̄ yá̰á̰ tə́ ndɔ̄ ń urnə̄ń yibə̄ dɔ tə́ ní n toó: Səmbē kə́ laa gə̄ kə́ rāān̄ kə gində̄ arjā̰a̰ i kutə gidə i jōó ō, səmbē kə́ rúu gə̄ kə́ rāān̄ kə gində̄ arjā̰a̰ i kutə gidə i jōó ō, kópə lɔ́r gə̄ i kutə gidə i jōó ō.

TƏ́DA 7:88

Dā̰ gə̄ kə́ yā tun̄ tām̄ yā kem kógə̄ḿ tə́ n toó: Man̄g kə́ bəra gə̄ i kutə jōó gidə i sɔ́ ō, bal batə̄ gə̄ i kutə mehḛ́ ō, bal bə̄yā̰ gə̄ i kutə mehḛ́ ō, ngán batə̄ kə́ ɓāl̄ kógə̄ḿ gə̄ i kutə mehḛ́ ō, kadə̄ karī gə̄ ń urən̄ yibə̄ dɔ loo tun̄ yá̰á̰ tə́ oy anī adə̄n̄ tām̄ yā rāań pétən ní n noó.