TƏ́DA 6:5 - Bibəl ta Sar̄

⁵ A dəsā dɔn kə nə́ngá kem ndɔ̄ gə̄ ń ɔrə̄ń kam̄ rɔ̄n tām̄ yā Kɔ́ɔ̄ɓē tə́ ní alé. A əya̰ nənga dɔn kadə̄ ngāl̄. Ni i de kə́ táĺ bátə́ kadə̄ ndɔ̄ gə̄ ń ní gān̄g ní təgānəń.

Bible sar

⁵ A dəsā dɔn kə nə́ngá kem ndɔ̄ gə̄ ń ɔrə̄ń kam̄ rɔ̄n tām̄ yā Kɔ́ɔ̄ɓē tə́ ní alé. A əya̰ nənga dɔn kadə̄ ngāl̄. Ni i de kə́ táĺ bátə́ kadə̄ ndɔ̄ gə̄ ń ní gān̄g ní təgānəń.

TƏ́DA 6:5 Referans Kwoze

1 SAMUEL 1:11

Ni-ənī ndūn əda na: Kɔ́ɔ̄ɓē kə́ bo kə́ tɔ́gən i ngá̰ý, ré á̰a̰ kum tō ndoō yāḿ mā nge kəla yāí ō, əga kemií dɔḿ tə́ ō, dɔí ndígə̄naləḿ aĺ ō, adə̄ ādə̄m̄ ngōn̄ kə́ dəngam anī, m-ā m-ɔ̄r̄ kamə̄n tayā tām̄ yāí tə́ kə dɔ ndɔ̄ gə̄ malang ń a ndiń kə kumneé ní ō, deē a əndā nə́nga dɔn tə́ yā dəsāń dɔn aĺ ō.

NGÉ SARYA 16:17

əda na: Jóo toó deē əla nənga dɔḿ tə́ dəsāń dɔḿ aĺ ɓáý. Tɔdɔ̄ ɔrə̄n̄ kamə̄ḿ tām̄ yā Nə́ɓā tə́ i dan ń mā i kem kó̰ḿ tə́ ɓáý ní. Adə̄ ré deē dəsā dɔḿ kɔ̄ɔ́ anī tɔ́gə́ḿ a teē rɔ̄ḿ tə́ kɔ̄ɔ́ ō, m-ā m̄-ngan̄g aĺ tītə̄ yā gotə deē ndul gə̄ ō.

NGÉ SARYA 13:5

tɔdɔ̄ ā ndān̄ ngōn̄, ā ójə ngōn̄ kə́ dəngam. Deē a əndā nə́nga dɔn tə́ alé, tɔdɔ̄ ɔrə̄n̄ kam̄ ngōn̄ ní tām̄ yā Nə́ɓā tə́ i dan ń ni i kem kó̰o̰n tə́ ɓáý ní ō, i ni n a əla gír taā Israel gə̄ jī Pilistin gə̄ tə́ yā kajədə́ ní ō.

NGÉ SARYA 16:19

Dalila rāā Samso̰ adə̄ to i dɔ njan gə̄ tə́ n a ɓīiń ní. Ba ni ɓāŕ dəngam kógə̄ḿ adə̄ dəsā dɔ Samso̰ ń i kə́ tūm̄ gír loo sīrí ní kɔ̄ɔ́. Loo ń noō tə́ Samso̰ əla gír ngan̄g aĺ ō, tɔ́gən teē rɔ̄n tə́ kɔ̄ɔ́ ō.

KƏLA RĀĀ 18:18

Pol ndi Korḛntə dan oy tām̄ ɓáý. Gō tə́ anī ni-əya̰ ngákó̰o̰n gə̄ ba al̄ kem to bo kógə̄ḿ tə́ yā kaw̄ kə̄ Siri naā tə́ kə Pərisil ō Akilas ō. Ni dəsā dɔn kɔ̄ɔ́ kem ɓē kə́ Sankəre tə́, tɔdɔ̄ ni-ənī míndən kété.

TƏ́DA 6:4

Ndɔ̄ malang ń a ɔrə̄ń kam̄ rɔ̄n tām̄ yā Kɔ́ɔ̄ɓē tə́ ní, a əsa yá̰á̰ kə́ rāā kə kan̄ kāgə̄ nduú aĺ ō, kə kuməneé aĺ ō, kə gidəneé aĺ ō.

EJEKIEL 44:20

Ngé tun̄ yá̰a̰ gə̄ a dəsān̄ dɔdə́ alé. Nin̄ a əya̰n̄ nənga dɔdə́ kadə̄ tɔgə kə̄ nuú aĺ ō, banī nin̄ a tə́jān̄ nənga dɔdə́ kə gōó kadə̄ majə.