TƏ́DA 6:27 - Bibəl ta Sar̄

²⁷ I beé n a ədanə̄ń rīḿ dɔ ngán Israel gə̄ tə́ kadə̄ m̄-rāań majə sedə́ ní.

Bible sar

²⁷ I beé n a ədanə̄ń rīḿ dɔ ngán *Israel gə̄ tə́ kadə̄ m̄-rāań majə sedə́ ní.

TƏ́DA 6:27 Referans Kwoze

2 YÁ̰A̰ GƏ̄ 7:14

ba ré gír deē yāḿ gə̄ ń m-ə̄ndā rīḿ dɔdə́ tə́ ní télən̄ kə rɔ̄də́ kə̄ nang tə́ ō, ndɔ̄ȳmə̄n̄ ō, sāāmə̄n̄ ō, lōōn̄ gíŕ háĺdə́ kə́ majaĺ gə̄ tə́ ō anī, mā m-ā m̄-nēl̄ mbīḿ dɔ rā̰ tə́ yā koōń ndūdə́. M-ā m̄-mā̰ȳ rɔ̄ḿ dɔ majaĺ yādə́ tə́ ō, m-ā m̄-rāā kadə̄ ɓē yādə́ ndi kə lápə́yaá ō.

NDŪ NAJƏ̄ 28:10

Gír de kə́ rang gə̄ malang kə́ dɔ nang tə́ a a̰a̰n̄ kadə̄ ɓāŕnī i kə rī Kɔ́ɔ̄ɓēé anī a ɓōĺnī.

EPEJƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist. Tɔdɔ̄ ni-adə̄jí yá̰a̰ malang kə́ dɔ rā̰ tə́ yā Ndíl kə ta kūl̄ Jeju Kərist.

JEREMI 14:9

I tām̄ rí tə́ á ī-rāā rɔ̄í tītə̄ de kə́ ángalən gətóo beé ō, tītə̄ go̰ rɔ̄ɔ̄ kə́ asə taā dɔ deē to̰ aĺ ō ní? Banī Kɔ́ɔ̄ɓē, ḭ̄ i dɔ dáńjí tə́, rīí ɓār̄ dɔjí tə́ ō ní, ī-lōō kəya̰jí kɔ̄ɔ́.

IJAI 43:7

De gə̄ malang ń rīḿ i dɔdə́ tə́ ní, de gə̄ malang ń m-ə̄ndādə́, m-ə̄ɓādə́, m̄-rāādə́ kadə̄ ɔsən̄ gɔnəḿ ní, ī-tél ī-reēī sedə́.

PĀ GƏ̄ 5:12

Loo ń noō tə́ de gə̄ malang ń ḭ̄ i loo ɓɔ̄ɔ̄ rɔ̄ yādə́ ní a rāān̄ rɔ̄nel̄. Nin̄ a rāān̄ walya ngándáńg. Ngé gə̄ ń rīí nel̄də́ ní ā ī-rāādə́ kadə̄ əgan̄ kɔŕ rɔ̄nel̄ ō, ā ī-ngɔ̄m̄də́ ō.

1 YÁ̰A̰ GƏ̄ 4:10

Yabes ndɔ̄ȳ Nə́ɓā əda na: Nə́ɓā yā Israel, ī-rāā majə seḿ, ī-teē kem dɔ nang yāḿ kə̄ gogə́ adə̄m̄ ō, ə̄ndā jīí dɔḿ tə́ ī-ngɔ̄m̄ə̄m̄neé ō, ādə̄ yá̰á̰ kə́ to kum kaȳ aĺ teē dɔḿ tə́ aĺ ō, ādə̄ m-á̰á̰ tápə̄ aĺ ō. Anī Nə́ɓā rāā yá̰á̰ ń ni dəjen ní.

TA KƏLA 32:29

Deē ní ədan: Rīí na i Jakob to̰ alé. A ɓāríīn̄ na i Israel, tɔdɔ̄ ḭ̄ ī-rɔ̄ɔ̄ kə Nə́ɓāá ō, kə de gēé ō, ba tɔ́gí tɔȳ yādə́.

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

PĀ GƏ̄ 67:7

Dɔ nang teē kōō: Nə́ɓā ń i Nə́ɓā yājí ní rāā majə sejí.

TƏ́DA 23:20

m̄-ndigə tɔ́r̄ taḿ dɔ kósə de gə̄ ń toō tə́, tɔdɔ̄ Kɔ́ɔ̄ɓē adə̄də́ tɔ́r̄ ta, m-ā m̄-tūr̄ yá̰á̰ kógə̄ḿ tū tə́ alé.

TA KƏLA 32:26

Loo ń deē ní a̰a̰ kadə̄ a asə tetə Jakob rɔ̄ɔ̄ aĺ anī, ənda ta rɔtə ɓúrən adə̄ ḭḭ ta naā tə́,

2 SAMUEL 7:23

I nápar de kə́ rá gə̄ n ton̄ tītə̄ gír deē yāí gə̄ ń i ngán Israel gə̄ ní? Gír de gə̄ kə́ dɔ nang tə́ kə́ ton̄ tītə̄ gír deē yāí gə̄ ń i ngán Israel gə̄ ní gətóo. Ḭ̄ ī-reē ī-gān̄g dɔdə́ jī de gə̄ kə́ Ejiptə tə́ ń i ngé rāādə́ majaĺ gə̄ ní tə́ ō, ī-gān̄g dɔdə́ jī ɓesə̄ gə̄ yā de gə̄ kə́ Ejiptə tə́ ō, ba ī-rāādə́ gír deē yāí gə̄ tə́. Ḭ̄ ī-rāā adə̄ rīdə́ ɓār̄ ngá̰ý, tɔdɔ̄ ī-rāā yá̰á̰ kə́ bo gə̄ aláa kə́ ton̄ ɓōĺ gə̄ tām̄ yādə́ tə́ kem ɓē yāí tə́.

Teē Ngán Israel gə̄ 6:3

Dan ń m̄-ndɔ̄bə̄ Abəraham ō, Isaak ō, Jakob ō ní, nin̄-ger̄mə̄n̄ i kə rīḿ ń na i Nə́ɓā kə́ bo kə́ tɔ́gən i ngá̰ý ní, ba rīḿ ń na i Kɔ́ɔ̄ɓē ní tá nin̄-gerə̄n̄ alé.